[ فـسـتـان يـيـريـن ]
__________
صوت سريخه ييرين إلى شبه إلى شاف جثه رقعت في الحمام فـ جوني فتح عينه بفزع قام على طول و جين إلى صحي بانزعاج متوقع انها حاجة هبله زي اخته الهبله بس قام و نامجون إلى اتسرع و جرى ، فيه تاي الي فرك عينه بنعاس لسه صاحي من النوم بيفتح عين و يقفلها : هو فيه ايه؟!
كوك إلى عقد حواجبه لأنه كان بيدور علي حاجة في مكتبه الصاله قام لمصدر الصوت و ام جين إلى هي مامتها نايمه في سابع نومه مسمعتش اصلا و حاطه البتاع إلى بيحجب الضوء عن العينين ده و في الأحلام خالص و نفس الوضع عند هوسوك ، يونغي و جيمين إلى كانوا في المطبخ بصوا لبعض و راحوا بهروله ناحيه الصوت و كلهم اتجمعوا في نقطه واحده و الي هي قصاد باب الحمام
صوت سريختها سمّع في منور العمارة للشقق كلها إلى من ضمنهم إبراهيم إلى كان قاعد بيشرب الشاب بتاع الصبح و سلوى جنبه الاثنين رفعوا رأسهم بسبب الصوت : الله.. هو فيه ايه على الصبح مهو دي مش سريخه حد طبيعي!
سلوى بتفتي : ليكون حد واخد حد رهينه و بيعذبوها
بصلها بسخط : ما تبطلي بقى شغل المسلسلات و الأفلام إلى هياكل مخك ده و بعدين مين هيتجرأ و يعمل كده في عماره فيها سكان ثلاث اربعهم اجانب هيخاف يضرب السياحه ما بلاش فتي مالوش لازمه بقى
ساري بانبهار : صح يا حج معاك حق
همهم و أردفت بتفكير : انا أظن أن التصويت ده جاي من الشقه رقم سبعه العيال دول لأن امبارح جه عندهم ست كبيره كده و معاها شابه شكلها بنتها باين و واحد كده شكله اخوهم معرفش بس شكل الصوت جاي من عندهم
سلوي : طب و هنعمل ايه؟؟
إبراهيم : لازم نعلمهم الأدب بس على طريقتي
.
جوني بيخبط الباب على ييرين إلى الصوت انقطع من عندها فجأه : ييرين انتي كويسه يا حببتي؟؟ طب ردي عليا طيب ها.. ييرين!!
جين بيتاوب ورا : تلاقيها شافت صرصار ولاحاجة ولا يمكن اغمى عليها من الخضه عادي عادي متركزوش
جوني قلق ليكون فعلا اغمى عليها ف عاد التخبيط تاني : ييرين! ردي عليا!
تاي واقف نايم على الحيطه و كل شويه يقع على كوك إلى يبعده عنه و يونغي و جيمين بيبصوا لبعض مش فاهمين حاجة و نامجون إلى قام اخيرا من الكنبه في الصاله و راح للأصوات الكتير : انتوا متجمعين كده ليه؟!
جين بيتاوب تاني و بيخلينا نتاوب معاه : والله شكلها حاجة تافهه اساسا.. اصل ييرين ا..
قاطعه فتح الباب من ييرين إلى ابتسامتها على وشها من الودن دي للودن دي و مدت الموبايل ناحيه وش جوني و أردفت بابتسامه كبيره : الطرد إلى كنت طالباه من جرالي شهرين للفستان إلى بعد الفرح قبلوا انهم يغيروا العنوان على هنا و لقيتهم كاتبين أن العامل بتاع التوصيل هييجي بعد ساعتين يااااااييي انا فرحانه اوي مش قادره استنى الساعتين دول ياااااهههوووو
زقتهم و طلت بره الصاله بتتنطط في كل حته و جوني مصدوم من غباء الموقف و جين بتملل ناعس أردف : مش قولتلكو اكيد حاجة تافهه زيها.. انا داخل اكمل نوم تصبحوا على خير بقى
نامجون : انا قولت من الاول ان الغباء ده وراثه.. استنى يا جين خدني معاك
يونغي إلى راح وزا ييرين الهبله و سألها : هو في حد ياخد موبايله الحمام معاه؟؟
ييرين وقفت نط و بصتله : و فيها ايه يعني!
يونغي : فيها ايه.. فيها انك خضتينا على الفاضي و كنتي هتتلبسي بسريختك دي و ياريته حصل علشان نرتاح منك
جيمين نفخ براحه ر اترمي على الكنبه : وقعتي قلبنا
قطعه إلى سرخ تحتيه : ااااععع حااسببب
طلع رمي نفسه على هوسوك إلى مش عارف هو جه امتى و فين ف اتخض و بعد : ا ا نت جيت امتى؟؟
نفخ بانزعاج و قعد عدل : من ساعه ما الست هانم سرخت عملت نفسي نايم في الأول بعدها لقيت نفسي مش عارف انام روحت قومت منها لله
رمتلهم أكبر طناش و كملت بحماس : المهم دلوقتي أن الفستان جاي اخيرا ياااااااييي
جين طلع من الاوضه بعد ما دخلها : هو موبايلي فين؟؟
جوني بعدم تصديق : انا هتجوز واحده مجنونه!
يونغي ربت على كتفه بيواسيه : تعيش و تاخد غيرها
بعد عنه و نفخ راح خد مكان على الكنبه : و الله شكلنا هنترفد من الشغل بسببكوا
جين ضرب ايده على راسه : ااخخ و انا نسيت اكلم المدير اعتذر عن النهارده تاني ففف يا الله شكلي هعمله صندوقين بقى علشان يعفو عني
يونغي شاور عليه : انت مش قولت هتنام؟!
جين : هو الي يعرفهم ينام!! انا هروح اشوف هعمل ايه في الفطار افيد.. جيمين تعالى معايا ساعدني لو سمحت
جيمين راح وراه : ديه هيونغ
جونغكوك خارج من الطورقه بيتذمر بصوت عالي : ايه البيت الي مبقاش ينفع يتعايش فيه ده هو الواحد ميعرفش ينام براحته في بيته ولا ايه
فجأه لقى ضربه قويه جايه من ورا على راسه مسك راسه بألم و لسه هيشتم افتكره تاي طلعت ام جين إلى لسه صاحيه من النوم و على وشها علامات ازعاج : بس بس كلام كتير على الصبح مش كفايه صاحيه علي اصواتكوا الكتير هو انتوا كده كل يوم ولا ايه؟!
رمت نفسها على الكنبه و ندهت بصوت عالي : جييينننن.. اعملي كوبايه الشاي المعتبره بتاعتي بسرعه علشان عندي صداع قاتل منكوا
مسمعش اي رد منها ف راحت مسرخه : جين!!!!.
طلعلها من المطبخ و الطاسه في ايده ماسك أعصابه بالعافيه : خافي على احبالك الصوتيه للتتقطع في مره من كتر سريخك على الناس انا سمعت من اول مره فعلا!
بلا مبالاه شاورت : روح اعمله اعمله
نفخ بغضب و دخل المطبخ تاني رزع الطاسه على البتوجاز سرع جيمين إلى كان جوه الثلاجه بيشرب عصير من الازازه كان هيشرق و يغرق نفسه : انا هلاقيها من مين ولا من مين يا ربي اوف
.
بعد ساعه..
جين خارج من المطبخ في ايده كوبايه فيها عصير مدلها لـ تاي الي على الكنبه بيلعب في موبايله : خد ذوق كده
ساب موبايله و مسك الموبايل منه : ها.. كويس ولا ازود سكر ولا اخففه بـ مياه؟!
بصله بعني ' انا لسه محطتوش في بؤي اصلا!!' باع ريقه و كان متردد يدوقه ولا لا ف راح مطلع لسانه و عمل زي القطط إلى بتجرب شرب اللبن من الطبق لأول مره
جين نفخ و علامات اشمئزاز علي وشه : تتك القرف
همهم بتلذذ ف شرب من الكوبايه عادي : همم حلو اوي
اتنهد جين بقله حيله و رجع المطبخ تاني ، كوك إلى بص لتاي إلى كان قاعد جنبه بقرف : ايه الأسلوب المنحدر للتقدم ده - تاي رفع حاجبه بتعجب - انت فاكر نفسك قطه!!
فهم أن كوم قصده على طريقه شربه في الأول ف تاي دور عينه و اردف بسخريه : إذا كنت أنا قط يبقى انت اكيد أرنب.. يا اررنناااابببب
اتعرفت و هيتحول فجأه : ولاااا انا مش أرنب اسحب كلامك!!
تاي سرخ هو كمان : ولا انا قط اسحبها انت كمان
كوك : مش ساحب
تاي طلعله لسانه بيغيظه : يا اررنناااابببب
كوك بسخط : قط بشنبات
تاي بفخر : علي الاقل القط بياكل اي حاجة مش بياكل جزر بس يا أرنب
كوك بسخريه : لو الأرانب بتاكل جزر بس ف القطط بتاكل من الزباله يا شورعيه
تاي : جونغكوك!!!
كوك : تايهيونغ!!!!
تاي بسخريه : أرنب
كوك ردهاله : قط
يونغي من جنبهم : و الله مش فارقه كلهم حيوانات اصلا
قصفهم ف قعدوا جنب القصفه و هو كمل قرايه الجرنان
مفيش ثواني معدوده و..
جرز الباب بيرن..
ييرين من اللامكان : انا الي هففتتاااااحح حاااضضاااررر جاااايياااااااه
يونغي بيحرك راسه بيأس : بياعه خضار يا ربي
ييرين فتحت الباب قابلها العامل و شايل صندوق : طرد بأسم - بص على الورقه الملزوقه على الصندوق الكرتون من فوق - كيم ييرن.. حضرتك هي ؟
أردت : ايوه انا
كمل : سبق و حضرتك دفعني عموله الطرد ده بالفيزا صح كده ؟؟
اومات بابتسامه و خدت منه الصندوق حطته جوه عند الباب و أردفت : أوقع فين؟؟
مدلها القلم و الورقه : واقعي عند اسمك يا فندم
وقعت بسرعه و على وشها علامات سعاده و تحمس الفستان المنتظر و لما وقعت ادته القلم ر الورقه ف اردف بأدب : تأمري بأي حاجة تانيه يا فندم؟؟
نفت و رفعت الصندوق ليها تاني : لا لا شكرا.. عن اذنك
قفلت الباب و راحت مسرخه بحماس سرعت الكل و خدت الصندوق و طلعت تجري على جوه قفلت باب الاوضه وراها تحت نظراتهم المتعجبه من تصرفاتها
بعد دقايق صغيره جدا خرجت و هي لابسه الفستان إلى طلبته من الموقع الإلكتروني من شهر وقفت قصادهم و كل واحد مشغوله بحاجة و في عالمه الخاص تماما
ييرين : احم احم احم
*صوت صرصور الحقل *
اتنفست و عادت تاني : احمم احممم احمممم
تاي بيوري جيمين إلى قاعد جنبه صوره الفيلم الجديد في السينما إلى عاوزين يحضروه : حلو مش كده؟
جيمين اوما بالإيجاب و كل واحد رجع للي بيعمله و ييرن بقى في صوت صرصور حقل فوق رأسها حست قد ايه هي سراب بالفعل لما جين سأل نامجون و بعد موبايله عن وشه : طلعتلي اللمبه من المحزن علشان نركبها في المطبخ زي ما قولت ؟؟
نامجون شال وشه من على الموبايله و رد : ايوه حطتيها على الرف في المطبخ
و كله رجع للي بيعمله و هي حست انها شفافه ، جوني لـ جونغكوك : ناولني كوبايه العصير من عندك معلش
كوك مد ايده و ادهاله رجع للعبه على موبايله و جوني رجع لكتابه و يونغي إلى بيقرأ في صفحه الحوادث في الجرنان جنبهم و جيهوب نايم على ايد الكنبه و ام جين بتشرب القهوه و بتتصفح الآيباد بتاعها على آخر صيحات الموضه و كده في حاله في صمت
ييرين إلى روحها خرجت من جسمها و عملت طيف فوقيا من كتر ما هي حاسه انها بالفعل شفافه ، اتنفست و حاولت تقنع نفسها : عادي جدا ممكن يكونوا مركزين للدرجه دي عادي انا هناديهم تاني فيها ايه.. احم احم احم.. يا جماعه انا بصولي انا موجوده يا جماعه!!!
* صرصور الحقل *
اتنفست تاني : انا هنا يا جماعه بصولي احممممممم
* صرصور الحقل *
نفخت بقوه : احم احم ككح كح كح ااخ زوري وجعني
جين اخيرا انتبه و راح رافع نظره : عاوز ايه يا بـ..
عينه وسعت شهق بقوه و مسك قلبه و راح مسرخ : ايه الي انتي لابساه ده؟!!!
ييرين لفت حوالين نفسها و مسكت طرف الفستان : ايه حلو مش كده؟!!
طبعا سريخته لفتت الانتباه ف كله رفع عينه و اول ما عينهم وقعت عليها في إلى سرخ زي تاي و الي شهق زي جيمين و الي خبا عينه بالمخده زي كوك و الي قعد يكح زي نامجون و جوني إلى شرق في العصير و ام جين إلى شهقت و القهوه كانت هتقع على هدومها و يونغي غطى وشه بالجرمان و جيهوب لسه نايم مش واخد باله
ييرين بتعجب : ايه ي جماعه مالكوا في ايه؟!
كان فستانها قصير جدا فوق الركبه بثلاث أو خمس اشبار يا دوبك يعني و مفتوح من الظهر للآخر خالص و بحاله واحده على الشمال عريضه و ضيق على قد جسمها بالضبط و الانيل لونه احمر ناري
ليهم حق يعملوا كل ده واكتر كمان ولا لا؟!
ييرين بتعجب من صدمتهم لأنهم بلموا خالص : ايه؟؟
جين : ايه؟؟ و ليكي عين تقولي ايه!! تتك اوا يا شيخه
عبست : ليه هو وحش ولا ايه - درات حوالين نفسها - ده حتى غالي و مش موجود في كل حته حته بصوا ده نوع من الحرير و قماشه تانيه - و بتتني لفوق علشان توريهم بعفويه - اهو
جين بيسرخ و بيغمي عينه : بس بس بس خليكي مكانك بتعملي ايه عندنا أطفال هنا عينهم هتتلوث
دورت عينها بتملل ، نامجون إلى خبط جبهته بأيده و راح قام من مكانه مخبي عين كوك و تاي بسرعه : امشي امشي بسرعه مش ناقصه مصايب هي
ام جين بصدمه : بنتي. اتجننت. رسمي. اكيد !!
جيمين إلى مش عارف يخبي عينه فين راح قام عند يونغي و دخل في الجرنان معاه و هي الهبله مستغربه السبب ف راحت دورت عينها في المكان و سألت جوني بحماس لما لقته عينه مفتوحه و مبينطقش : سيبك منهم و قولي انت.. ده الي هلبسه بليل لما نقعد مع المعازيم ايه رأيك حلو صح ها ها هااا؟؟؟
جوني نزل عليه ملك الموت تقرييا و عمل shut down زي الكمبيوتر روحه طلعت في السماء و مبينطقش ف نطق جين بعدم تصديق : انتي بتهزري صح ؟!! فستان ايه ده الي هتحضري بيه مع المعازيم يا ماما؟! ده لو لبستيه في الحمام يبقى كتر خيرك اوي؟؟ ايه يا أمي مالك ايه الي انتي مشترياه ده!! و جاي من أميركا و بتاع و ماركه و خامه و زفت ! ده عامل زي فساتين بنات آخر الليل فاكره نفسك خارجه من كباريه ليالي العزوبية !! ده تروحي بيه كده و تلبسيه في أي نايت كلاب ولا اقولك روحي بيعيه في السوق السوداء احسن.. ده إيه يا ربي ده!!
عبست و نفخت معجبهاش كلامه ف راحت لـ نامجون إلى قاعد في نص تاي و كوك مغمض عينهم بأيده قال يعني هو حلال و هم حرام عليهم و انتحبت بشده : ناممجووننااااه قول لصاحبك ده حاجة بص بيتكلم ازاي!
حمحم وبلغ ريقه حاول يضبط كلامه بشكل راقي : ييرين يا حببتي انتي شكلك مش واخده بالك من حاجة مهمه جدا.. يعني انتي مش لازم تبيني كل ده يعني باين كتير اوي و - شرق في كلامه و قعد يكح كتير ف شاء ايده من على العيال - مياه مياه بسرعه هموت
فضل يخبط ايده على صدره من كتر الشهقه ف جين تدارك الوضع ف شهق و طلع يجري على المطبخ جابله مياه بسرعه ادهاله ف نامجون خذها منه بعجله و قربعها على مره واحده و فضل يتنفس بقوه جراء ذلك
ييرين : هو ايه الي بيحصل؟؟
جين بصلها بنظرات غاصبه و شاورلها : يا ريت تقفلي بؤك
ييرين نفخت بعدم رضي متوقعتش رده الفعل دي و دبدبت في الأرض و اتكتفت ف امها زعقتلها : بس بس انتي بتعملي ايه مش ناقصه
يونغي من ورا الجرنان طلع ايده و شاورلها : امشي امشي لوثتي عينينا روحي البسي حاجة تانيه امشي
ييرين : البس ايه يعني ده انا تعبت عبال ما جبته! انا مش شايفه ان فيه داعي لكل الي عملتوه ده يعني مهو حلو اهو و مش شايفه اي حاجة من الي انتوا بتقولوها خالص دي.. اوبس البنسه وقعت من شعري
وطت علشان تجيبها و هي بتتذمر ف جين سرخ و راح مخبي عين كوك و تاي الي عينهم وسعت بسرعه و سرخ فيها : يخربييتتك دول لسه صغيرين على المشاهد دي!!
وقفت عدل و طلعت صوت ساخر حطت البنسه في شعرها تاني و أردفت : اعمل ايه دلوقتي انا طيب اوف؟!!
جيهوب إلى بدأ يفوق على اصوات السريخ بتاعت جين : ايه يا جماعه ليه كل السريخ ده اـ. - وشه بلم -
ييرين نفخت و بصت ل جيهوب : كويس أن إنت صحيت .. ايه رأيك؟؟
مفيس لحظات صمت و سريخته سمعت الشقه كلها : ايييههه داااااعععع!!!
دورت عينها بتملل : حتى انت كمان!
جين إلى ماسك عين تاي و كوك لسه : علشان تعرفي بس ان فستانك ده ضد طلبات الجماهير
نفخت بعدم رضي و أردفت بانزعاج : على فكره يعني مش للدرجادي انتو مأڨورين اوي!
جين : احنا بردو إلى مأڨورين اوي!! والله انتي الي شكلك محتاحه تتربي من جديد
عبست و بصت لأمها إلى صامته من الصبح : ماما..
أمها فضلت ساكته شويه بعذها حمحمت و قامت من على الكرسي ناحيتها ربتت على كتفها اتخذت بقله حيله : ييرين يا بنتي اناا ..
بترقب و حماس : ايوه؟؟؟
بصت بصمت بعذها اتنهدت و أردفت : و حسبي الله ونعم الوكيل
عبست بعد ما الحماس كان مسيطر عليها ، تاي راح ايد جين من على عين واحده و أردف : ممكن نخلي حد يفصلها عليه و خلاص!
.
.
# في المدرسه
لوكاس قاعد و مادد رجله على الطربيزه قصاده بيتنهد و بيدعي على جين في سره انه سايبه اليومين إلى فاتو دول لوحده للمدرسين الرخمين بس رحمه على امه و اخته إلى كابسين عليهم و قاله انه المفروض جاي بكره عادي في رساله
اتنهد تاني بصوت عالي قطعه صوت الموبايل إلى بيدل على وجود رساله ف شد الموبايل من علي الطربيزه و مسكه تفحص الرساله كانت من ( اخويا ماركو الواطي )
اتنهد ثالث قبل ما يفتح الرساله يرد على إلى كان باعتله " لوكاس؟؟"
< اخيرا افتكرت أن ليك اخ! الف مبروك و يا ترى المناسبه الجايه امتى في الجنازة ولا ايه ، ده اخر مكالمه ما بينا كانت من الحرب العالمية الثانية باين ، تشه * فيس عابس بيبصله بطرف عينه * >
" * فيس بيدور عينه * المفروض خلاص اتعودت على ده جاي تسأل ليه و تعاتب ولا هو ايه حاجة و خلاص !"
< ففففففف اخلص يعني عاوز ايه قول على طول مش فاضيلك انا >
" ليه انت بتعمل ايه؟!"
< قاعد في الفصل و بمضغ لبانه و رافع رجلي على المكتب و ببص في السقف بفراغ مستني بفارغ الصبر الوقت يخلص بتاع الحصه ففففف ممله جدا >
" ده انا لو مكان المدرس كنت طردتك من زمان"
< مظنش أن ده الي هيحصل >
" ليه يعني؟ "
< لأن انا المدرس >
ضرب ايده على مكتبه لما أصوات الدوشه عليت : أهدوا شويه مش عارف اكتب الرسايل كويس!!
الطلاب كانوا بيحدفوا هليد بعض ورق و بيرزعوا و يعملوا من ورق الكشاكيل قراطيس تطير في الهوا و كانت مسخره على الاخر و طبعا هم ولا عمالوله اي اعتبار زي ما هم ف هو اتنهد بيأس من حالهم و رجع للموبايل تاني
< عرفت بقى دلوقتي انا بشتغل ايه >
" ده انا لو مكان المدير كنت رفدتك من زمان بردو "
< معتقدش ده هيحصل بردو >
" و ليه المرادي.. يا تري ماسك على المدير ذله ولا صاحبك ليه نفوذ!"
< لا >
"؟؟؟"
< اصل المدير لسه خارج من أحكام قضائية ضد تنظيم الدولة من شهر واحد بس و النقابه بتراقبه من ساعتها >
"..."
< وات!! >
.
.
# في شقه العواجيز الصينيين
مربعين على الأرض قصاد الطربيزه الصغيره إلى بيحطوا عليها الاكل و المفروض هم خلصوا اكل بس هويان عماله تتخانق مع جوزها و هو بيبصلها بملل
هويان شهقت و رمت عيدان الاكل على الطربيزه : انت مش مصدقني صح!! لا مش مصدقني بس بصتك عامله ازاي! اه دلوقتي بتقول عليا مجنونه مش كده!
نفخ بتملل و أردف بانزعاج : هو انتي ميداني فرصه حتى اقول فيها أي حاجة انتي الي ورا بعض ورا بعض و لو عاوزه الاجابه اه مش مصدقك بقى ها
حطت ايدها في وسطها : و ليه أن شاء الله!!
بسخرية : يعني انتي عاوزه تفهميني أن الناس الي جم فوق دول من يومين بيتاجروا في الأعضاء البشريه! بطلي هبل ابوس ايدك و سيبك من شغل الشعوذه إلى فى مخك ده لأنه مش حقيقي اصلا و كله خرافات
وقفت على ركبها من الانفعال : انا كلامي خرافات!!!
حط ايده على خده : ااخخ رجعنا الاتهامات تاني فف
فضلت تتخانق معاه و الباب جرزه رن و هي مستمره ف كان عاوز يقطعها يقولها أن الباب بيرن بس هي مش مدياله فرصه يتنفس حتى ف راح شاخط : الباب !!!!
سكتت مع شخصته و مفيش صوت لسه هتتكلم علشان تزعقله لقت الباب بيرن فعلا ف بصتله بسخط : ما تقوم تفتح انت ولا انا لوحدي في البيت ده!
ببلاهه : صدقيني انا وديتك تفتحيه علشان صوتك ده يقف شويه صدعتيني على الصبح
رمتله بصه حقيره و قامت تفتح : ياباي عليك اوف اوف
فتحت الباب و رسمت على وشها ابتسامه : صباح الخير
تاي بابتسامه خفيفه : صباح النور لحضرتك.. انا اسف لو كنا بنزعجك في وقت مش مناسب بس اصل انا عارف ان محدش يقدر يعمل كده ولا يفهمنا غير حضرتك
ييرين دورت عينها إلى كانت واقفه ورا تاي و في ايدها كيس ورق جواه حاجة ، أردفت هويان و هي بتفتح الباب على وسع : طبعا طبعا يا حبيبي اتفضلوا اتفضلوا
تاي دخل و وراه ييرين إلى وقفت : فرصه سعيده يا طنط - مدت ايدها سلمت - انا ييرين اخت جين
اومات بابتسامه و دخلتها : اه اه يا حبيتي اخوكي كان بيكلمني عنك كتير
ضحكت بخفه : اتمنى يكون بالخير
تاي بيتمتم بصوت مسموع : و هييجي الخير ازاي بالي بتعمليه فينا ده
ييرين و هويان بصوله بصمت ف أردفت هويان قاطعه الصمت ده : اتفضلوا جوه انتوا واقفين ليه
قطعهم السيد لي و هو بيفتح باب الشقه تاني : انا نازل عند اميتاب شويه و راجع
مستناش ردها و قفل الباب ف هويان تمتمت بغيظ : قال كده فاكر نفسه هرب مني تشه
بصتلهم و شاورتلهم على جوه : ادخلوا ادخلوا ده كان جوزي متأخديش في بالك كتير
ييرين و هي بتقعد : لا لا يا طنط مفيش حاجة
تاي قعد جنب ييرين من بعيد و أردف بأدب : ممكن اطلب من حضرتك الطلب؟
هويان إلى قعدت على الكرسي جنبهم : اه اه طبعا يا حبيبي قول مستني ايه
تاي بص ل ييرين و شاورلها ف فهمت و طلعت الفستان من الكيس ف تاي اتنهد بثقل لما افتكر المنظر إلى سرعهم كلهم و اردف و هو بياخد منها الفستان يديه ل هويان الي بدأت تتفحصه : حضرتك قولتيلي قبل كده انك لما كنتي في الصين زمان كنتي بتفصلي هدوم لمده اربع سنين و كان عندك اتيليه - اتنهد تاني - و الفستان ده اشتريناه من على النت و طلع - اتنهد ثالث - غير متوقع محتاج فوق القماش قماش هو محتاج فستان اصلا ف لو حضرتك تقدري تـ..
هويان قاطعته : اعيد خياطته من الاول و أضيف عليه قماش علشان يبقى فستان كامل من كل النواحي صح؟
اوما : بالضبط يا ريت يعني لو حضرتك تقدري
اومات بسعاده : اه طبعا اقدر و الله ما في حد بيعيد عليا يامي الحلوه الي فاتت الا انت و هفرح لما ارجع اخيط تاني بس قوليلي عاورينه امتى؟
ييرين بأدب : ياريت قبل يوم الثلاثاء الجاي يا طنط
هويان رفعت الفستان ليها و همهمت بتفكير : لا لا مش كل المده دي ممكن تدوني يومين بس بالكتير اوي
ييرين ابتسمت بسعاده و مدت ايدها مسكت ايد هويان كـ شكر : بجد شكرا شكرا شكرا اتا كنت محبطه اوي
تاي دور عينه و هويان ربتت عليي ايدها بخفه : متقوليش كده انا خطلعهولك احلى من قبل كده كمان
ييرين اتنفست براحه : يااا رييتت
هو يان مدت ليها الفستان : بس الاول ادخلي البسيه علشان اخد المقاسات من عليكي و نظبط الحاجات بعدها ابقى سيبيهولي براحتك.. الحمام آخر الطورقه عندك
اومات خدته منها بسرعه و جريت على الحمام فـ تاي اتنهد رابع و بص لـ هويان إلى سألته : في ايه؟ حاجة حصلت جديده ولا ايه؟!
نفى بخفه و أردف : معرفش بس عندي احساس بحاجة وحشه هتحصل امتى معرفش بس مش مرتاح الحقيقه
همهمت بتفهم : طيب ابقى تعالالي في أي وقت و نشوف الكوره هتقول ايه
اومألها و لسه هيتكلم طلعت ييرين من الحمام و هي بتعدل في نفسها : انا خلصت
هويان إلى لعابها وقف في زورها متوقعتش انه يبقى كده و تاي لف و نسي انها اصلا راحت تلبسه تاني ف راح مسرخ و هي بتبصلهم بعدم فهم : ايه؟؟
تاي سرخ اكتر و طلع يجري بره الشقه و هويان متصنمه مش عارفه تقفل في الفستان ايه ولا ايه ده محتاج فستان فوقيه فعلا في حين أن ييرين بتبص على الفستان بتاعها و بتتلفتت
.
.
# في الكافيه
ام جين إلى قررت انها تسيب العماره و تنزل تتمشي شويه في الشارع عامله نفسها قويه و مش هتوه هتحفظ الطريق ف و هو ماشيه في آخر الشارع لقت كافيه شكله شدها و فاضي فـ قررت تدخله
فتحت الباب فعمل صوت زي الجرز بيعلن عن وصول زبون تاني ، قعلت نظاره الشمس و لفت عينها في المكان و جايه ترجع عينها قصادها لقت واحد بشعر أحمر على وشه علامات غير مفهومه و عاقد حواجبه فهي اتخضت : ايه يا ابني مش كده أدى إنذار و بعدين ايه ده ابليس!
عمل نفسه اكنه مسمعهاش و ابتسم بتكلف كبير : نورتي المكان يا فندم هه هه
طلعت صوت ساخر و زقته عدت قصاده ف هو مسك نفسه انه يضربها بالصينيه القاضيه إلى فى ايده و راح وراها و هي شدت كرسي و قعدت : واحد قهوه مظبوط و كوبايه مياه سقعه مشبره.. يلا بسرعه
بسخط اردف : حضرتك فاكره نفسك قاعده على قهوه الباشا ولا ايه! احنا في كافيه محترم
شاورتله بسخريه : أجرى أحرى قال كفايه محترم قال ، تلاقيك انت الي مبوظ سمعه المكان اصلا يلا روح
غضب ف رزع الصينيه على الطربيزه : انا مسمحش لحضرتك تغلطي فيا ابدا و في مكان عملى حضرتك لازم تعتذريلي و دلوقتي حالا كمان
قامتله و رفعتله حاجبها : بقى كده!
اوما بتردد شويه : ا ا ه كده و نص كمان ها
شمرت كمامها : استحمل بقى إلى هيجرالك انا اما خليتك تقدم استقالتك حالا مبقاش انا
هوسوك داخل على ناصيه الكافيه ايده في جيبه و بيصفّر بخفه ، زق باب الدخول بتاع الكافيه و قفله وراه و لسه هيلف سمع أصوات وراه متشابهه
بص لقى ام جين إلى ماسكه ودن روبن بأيد و الايد التانيه شده بيها شعره لورا و هو عمال يسرخ تحتها مش عارف يفلت منها و كمان بقت تحاول تعضه في ذراعه ف سرخ اكتر ، بهروله راح ناحيتهم حاول يفض مابينهم
شد روبن من تحت ايدك ام جين بصعوبه و خلاه وراه علشان ميعتادوش على بعض تاني ف اردف بانفعال اكنه كان بيتخانق معاهم : فيه ايه!!!!
لقى ضربه على دماغه من ام جين خلته يتكلم عدل : قصدي ليه بتتخانقوا؟
رمت شعرها لورا إلى اتنعكش شويه و أردفت و هي بتشاور على روبن إلى بيمسح على ودنه و شعره بنظرات سخط و اشمئزاز : الكلب اللولوه ده بيكلمني بقله أدب اضطريت اتعامل معاه.. فف معرفش هم ازاي بيشغلوا الأشكال دي هنا ، حاجة عجيبه و الله
روبن بيتمتم بتذمر : هو كل واحد ييجي هنا يقول الكلمتين دول ايه ده
هوسوك اتنهد و لف للي عمال يمسح على ودنه إلى احمرت زي الدم وراه : و انت ليه كلمتها بقله ادب!!
انفعل : ان مجتش جنبها هي الي اول ما شافت وشي بصتلي بقرف و راحت داخله فيا شمال ف دخلت فيها انا مالي الله!!!
لف تاني لام جين : طب و انتي ليه دخلتي فيه شمال؟
بلامبالاه : انا مالي إذا وشه عكر و قفلي اليوم
روبن اندفع كان هيروحلها بس هوسوك كد ذراعه منعه : اهو شوفت اهو هي الي بدأت و انا مجتش جنبها ظلم!
طلعت صوت غير مكترث لأي شيء هو قاله و راخت شئت شنطتها في ايدها : انا اصلا ماشيه من هنا.. و انت ليك حساب تاني في البيت علشان قطعتني عن الخناقه
و مشيت من غير ما تدي اي مببرات لأي حد و هوسوك قضا يتنهد و يشتم في اليوم إلى بدايته غلط بدايه من بنتها لحد ما اتأخر على الشغل بسببهم
لف وراه كان روبن بيبرطم و بيمسح على ودنه ف مد ايده ربت على كتفه : معلش عندي انا دي اعتبر أسفي بالنيابه عنها
بصله بشك : بتدافع عني ليه المفروض تبقى فرحان
بص للسقف : ممم مش اوي يعني
و خد رفصه في رجله بعد ثواني من روبن ف قعد يضحك و هو بيتألم ف روبن مسك ضحكته بالعافيه على منظره بعدها وقف عدل و مد ايده لخدوده و فضل يعمل أصوات زي الأطفال و يشد في خدوده : ياغتي بطه حلوه بخدود ياغتي كميله يا اغتي
عبس بعدم رضي على طريقه كلامه ليه و سرخ باعتراض : انا مش صغير انا عندي 18 سنه
جيهوب سرخ بلطافه و شد خدوده اكتر : ياتي توتو حلوه
ملامحه ظلمت عبس اكتر و جيهوب مستمر بردو
.
.
# شقة السباعي / الساعه 1:30 الظهر
تاي راح رزع نفسه جنب يونغي على الكنبه إلى باستغراب و كمل فرجه على التلفزيون عادي : هيونغ..
بصله بطرف عينه : عاوز ايه؟؟ مفيش فلوس
نفى بسرعه : انيا انيا.. مش فلوس
رجع للتلفزيون بعدم اهتمام للي جنبه ف تاي سكت شويه بعدها اردف فجأه : هيونغ.. هو انت شايفني جميل؟
بصله بتعجب كبير : ايه؟؟ ايه السؤال ده؟!
تاي : جاوبني بس
بص بشك للي مترقب للاجابه و اردف : هو كان السؤال تاني كده ؟
تاي : بقووول.. هو انا جميل!
بلامبالاه رجع بص للتلفزيون : اسأل حبيبتك
تاي بتعجب من الاجابه : أنهى حبيبه! انا معنديش!
يونغي : بالضبط هو ده الي انا كنت عاوز أوضحهولك
تاي فضل مبلم مش فاهم عليه بيحاول يفهم الجمله و طبعا مش واصلاله ، جين دخل قعد في وسطهم سحب من يونغي الريموت و قلب على قناه تانيه
ساب موبايله و أردف بتساؤل : هو و انتوا مش ناويين تتجوزوا بقى؟؟
يونغي : حد يسكت الراجل ده بدل ما اسكته بمعرفتي
نامجون : و انا الي بقول انك أعقل واحد فيهم يا عم بقى
جونغكوك : فين ييرين نونا و جيهوب هيونغ؟
تاي : هيونغ في الشغل و نونا تحت استحلت القاعده
جين : و امي فين؟
محدش عرف الاجابه ف أردف : احسن بردو ريحت
جوني : لا بجد يا جماعه يعني انتوا كبار و قريبين من السن على الاقل انتوا الكبار إلى مش في الجامعه مستنيين ايه لو في أقرب فرصه يلا متستنوش
جيمين : الجواز مش لعبه أظن
جوني : و انا مقولتش انه لعبه بس على الاقل جين و َ بصوا عنده 27 سنه و لسه اعزب
جين بانفعال : و مالها العزوبية!!! كمان انا لييه صغير محسسني اني عنست ايه ده!
جوني : يعني انت عاجبك قاعدتك دي و قربت تكسر الثلاثين خلاص!
جين بانفعال هيقوم عليه بس يونغي مسكه : حد يمسكني بدل ما اقوم على الواد ده
يونغي بسخريه : ما انا مسكك بالفعل
جين قعد عدل و اتنفس : خلاص هديت
جونغكوك بيريح على الكرسي : انا عن نفسي مش هتجوز و لو بعد ميت سنه انا مجنون اشيل مسؤوله حد مش لما اعرف تشيل مسؤوليه نفسي الأول
نامجون : الاعتراف بالحق فضيله و دي اول سلمه في سلالم النجاح
جين كمل عليه بصوت جادي إلى حد ما لفت انتباههم : و لكي تنجح يجب أن تسعى..
كله بصوله بأهتمام لحد ما فصلهم بجملته : تسعه و عشر و حداشر
كلهم بلموا صوت صرصور الحقل نزل في المكان و جين بقى وقع ضحك على نفسه عجبته نكتته اوي و هم وشهم مضلم من الي قاله مش بيضحك اصلا
جوني اتنهد : سيبوكوا منه المهم مين تاني إلى هيتكلم
جين ميت ضحك : تسعه و عشر و حداشر
جيمين : انا نفسي يوم ما اتجوز عاوز يبقى عندي بنت واحده بس كفايه عليا اربيها
جونغكوك : يا عيني عليها و الله
جيمين بصله بتعجب : ليه؟
جونغكوك : هتبقى مكسوفه تقول انك ابوها من كتر قصرك و حجمك الصغير
جيمين بصله بتهجم و مردش عليه فـ سأله جوني : تتجوز اول ما تتخرج يعني؟
جيمين اتنهد و بص لجوني : الصراحه انا ناوي بعد الثلاثين علشان ابقى براحتي
جوني اومأ و أردف ل تاي : و انت يا تاي؟
يونغي بسخط ليه : هو انت هشتغل خاطبه ولا ايه!
تاي بحلاميه : انا الصراحه نفسي اجيب أطفال كتير اوي
جونغكوك بسخريه : ده لو عندك وقت و صحه بقى
جين زقه من كتفه : ما تحترم نفسك بقى عيب
تاي كمل : اربعه أو خمسه لو فيه وقت
نامجون بتفكير : حلوه لو فيه وقت دي تفكير منطقي
جوني : نامجون؟
نامجون بعدم اكتراث : انا عادي في اي فرصه بس اقدر مادياً الأول و عاوز اجيب ولاد و لو جت بنت مش مشكله بس الولد أهم طبعا لازم حد يشيل اسمي بعدي لاني ناوي انا و يونغي نشتري الشركه إلى بتشتغل فيها معرفش امتى ولا ازاي بس بنفكر يعني
جيمين باندهاش : رااائعع و هتبقوا اغنيه
يونغي : تصحيح.. هنبقي اغنيه هو احنا هنروح في حته
تاي بحلاميه : هنعيش في بيت كبير؟؟
جونغكوك بحماس : و هيبقى عندنا أوضه كلها بلا ستيشن و العاب الكترونيه؟!
جيمين بحماس : و اقدر اجيب الحيوانات للي بحبها كلها
نامجون ضحك بخفه : ووو براحه شويه تفكيركوا ده ولا عشر سنين علشان نوصل إلى بيقولوله ده
يونغي بهدوء : و الله نقدر نوصل في أقل من كده بس لو كثفنا جهودنا و نعمل على الترقيه الجايه
نامجون أيّده : انا معاك في أي حاجة هو جد يرفض التحسن بردو
جين إلى خلص ضحك انضم لموضوع جوني اخيرا : انا بقى عاوز ثلاث أطفال كفايه اوي و ياريت لو ولدين و بنت
جوني إلى نسي اصلا الموضوع : انت بتتشرط كمان!
جين بلامبالاه : و الله العزوبية احسن ميت مره
جيمين بتساول : تفتكروا مين الي مككن يرتبط فينا الأول ده لو حصل يعني؟
نامجون : معرفش بس انا حاسس انه مش جين هيونغ.. ممكن يبقى جونغكوك
جونغكوك شاور على نفسه : انا؟؟ ازاي ده انا لسه قايل مش هتجوز اصلا
تايهيونغ بغيظ : هنبقي نشوف الحوار ده - بص ل يونغي و اردف - يونغي هيونغ ؟؟
همهم و بصله ف اردف تاي : بتفكر في الجواز؟
يونغي : انا النوم عندي اهم من صداع العيال و امهم
جين ضحك بخفه : أظن أنه اصلا معندوش وقت انه يصحى و يدور على واحده يتجوزها اقولك روح اعمل صفقه مع المخده احسن
يونغي أيده : اهو أوفر من المهر و الشبكه اخوي اغيرها القطن بتاعها و خلاص
تاي بتساؤل : ازاي صفقه مع المخده انا مش فاهم حاجة!
جين : اركن انت على جنب و خلينا في المهم.. قررتوا هتاكلوا ايه في الغدا؟
.
.
- الساعه 3 الصبح
تاي جنب جونغكوك على السرير و صاحيين : جونغكوك.. تعرف انا كنت بفكر في حاجة دلوقتي
رد بنعاس : ايه؟
تاي : هو الواحد لو رجله اتقطعت هيتوجع مش كده؟
بصله بمعنى ايه الغريب في كده : اكيد يعني
قعدله عدل و ضحك بسخرية : هو ايه الي ازاي ؟!
تاي بيبرر : يعني لو رجلي اتقطعت هتوجع ؟
كوك : طبعا مهي اتقطعت
تاي بصله : و هحس بالألم فين؟!
كوك : في رجـ...
°-°
تاي : بالضبط.. هو ده الي انا بحاول اوضحهولك .. ازاي هتحس بالألم في رجلك و هي راحت اصلا! - الاثنين قالوا آخر جمله سوا بدهشه من كوك اكيد -
تاي كمل : انا قضيت اليوم كله بفكر في كده
كوك بتساؤل : يبقى كده َ.. الألم هنحسه فين؟
تاي : بالضبط يبقى اكيد مفيش ألم طالما رجلك راحت يبقى الألم اكيد راح معاها
كوك بتفكير عميق : بس لازم هتتوجع و هتحس بالألم بس فين لو مفيش الم بس لازم يكون في ألم!
تاي تنح مع جملته مش فاهم : ها؟؟
كوك : نسأل نامجون هيونغ
- و هكذا يكون اختصار لعندما يجتمع الغبي و الاغبي في ساعه واحده -
طلعوا بره الاوضه على الصاله و كالمتوقع نامجون نايم على الكنبه بسبب شخير جوني الذي لا يطاق
كوك و تاي نزلوا على الأرض قصاده و هو نايم بعمق و فاتح بؤه و خارج شخير خفيف ، الاثنين بصوا لبعض بعدها كوك كل ايده حرك نامجون بخفه : هيونغ.. هيونغ
همهم النايم و شرق في شخيره البسيطه بس كمل نوم ف حركه كوك تاني : نامجون هيونغ.. اصحى.. هيونغ
فتح عينه ببطء على الأصوات و الي بيحركه بس جنبه اتخض لما لقاهم الاثنين قريبين منه كده و سألهم و عينه فاتحها بصعوبه و صوت ثقيل : انتوا ايه الي جابكوا هنا مالوا متجمعين كده ليه هو حصل حاجة؟
تاي اردف : هيونغ.. هو الواحد لما رجله تتقطع هيحس بالألم فيها ازاي و هي اصلا اتقطعت يعني الألم راح معاها
بصله بصمت بيحاول يستوعب إلى بيتقال : ايه؟؟ انا بتقول ايه يا ابني.. هي الساعه كام؟ - مد ايده الموبايل بص فيه و رجعه تاني - الساعه 3 الفجر و جاي تسألني السؤال ده انت في كامل قواك العقليه؟!!
كوك : هيونغ تايهيونغ معاه حق.. ازاي هتحس بالألم و هي راحت.. سؤال محير جدا عاوزين نعرف إجابته
بصله من غير ملامح بعدها اردف : انت امك فطمتك بدري يلا ولا اتوحمت على جموسه هبله .. رجل ايه و قطع ايه... انتوا متخلفين؟؟ لا و العاقل بيتكلم ولا قعاد ييرين معاكوا كتير عداكوا.. خشوا ناموا خشوا ناموا مش قادرين تستنوا للصبح يعني!
تاي عبس : الفضول وحش
نامجون : و لما اقوم اعبطك انت و هو دلوقتى وحش بردو مش كده - زقهم بعيد عنه و شد الغطاء عليه لف اداهم ظهره - أمشوا من وشي احسنلكوا - غطاء وشه - ايه دي مجانين دول ولا ايه يا ربي ايه ده مش كفايه مستحمل غباء فرد هستحمل ابو كده بقى - شخير -
الاثنين بصوا لبعض و بعذها تاي اتنهد و قام وقف : بكره نبقى نسأله تاني أو نسأل يونغي هيونغ
كوك راح وراه : اه صح نبقى نسأله
تاي لف وقف عند الباب بصله بشك : انت مصدقني صح؟
اومأله : اكيد امال قومت معاك ليه
ربت على كتفه : صح.. يلا ننام في جامعه بكره
اومأله تاني. و بيلف علشان يدخل الاوضه الإثنين اتسرعوا لما لقوا يونغي في وشهم : انتوا بتعملوا ايه ؟!