[ إحـتـلال أسـري ]
- أهل جين -
__________
في العربية..
تاي حاطط ايده على خده بيحاول مينامش تاني و النظاره الشمس مغطيه عينه بيبص بفراغ تام و كوك بيسوق بهدوء و بيتاوب كل شويه بخفه بس مش كسلان و مركز و الصمت هو سيد الموقف بينهم
و هم ماشيين في صمت جونغكوك أدى إشارة شمال علشان يدخل الملف ، واحد رخم ابن رخمه وراه و عاوز يحشر نفسه بين عربيتهم و بين الرصيف مع انه مديله إشارة المقروض يبعد لكن ده ابدا
كوك في الأول طنش بس بعدها لما لقى السواق ده عمال يكلكس بغباء و يشتم و يعمل بدأ بتعصب لأنه مش غلطان اصلا و الراجل ده هو الي غلط
جونغكوك بيتمتم : ايه الراجل ابن الرخم ده!
تايهيونغ بص وراه و نزل النظاره لتحت شويه و بص ل كوك : هو ماله ده؟!
كوك : معرفش بس شكلي هعمله الأدب من جديد
حود الدركسيون شمال علشان ميديلوش فرصه ف الراجل راح جاله من الناحيه اليمين و هو متعصب ف كوك اتعصب عليه : انت يا راجل انت انا مديك إشارة!!
الراجل بوقاحهو قله ادب : و انا مال امي و مال الإشاره بتاعتك دي! انا امشي في المكان الي يعجبني و الي انا عاوزه و محدش يقدر يعملي حاجة و هطلع تربتيت امك
تاي شهق و حط ايده على بؤه من قله ادب الراجل و كوك شهق : انت هتطلع تربتيت امي!!! طب و رحمه امي الغاليه لالبسك و لبس امك في الحيطه و وريني بقى مين الي هيطلع تربتيت مين يا دلوووعع امممك
راح هوبا زود السرعه و كاسر عليه جامد و تاي مسك في الكرسي من تهور كوك و عصبيته من وقاحه الراجل و قله أدبه و الراجل بيرمي على كوك و عاوز يخبطه
تاي خايف رجله طلعت على قاعده الكرسي و ماسك ايده في ظهر الكرسي : خفف السرعه شويه هنللببااااسسس
سخط فيه من عصبيته : اسكت انت
تاي بيسرخ برعب : اووووممممممااااااا
كوك حاليا فاكر نفسه في سباق مع الراجل و حال الراجل ا يقل حالا عن حاله و جونغكوك أمه علمته ينتقم من غير ما يأذي نفسه و فعلا استغل أن الراجل ماشي وراه زي المتعقب و خدعه انه داخل يمين راح فجأه بعدو دخل شمال ف الراجل لبس بعربيته في عربيه تانيه
جونغكوك ضحك بانتصار بص وراه بسرعه و رجع بص قصاده ، الراجل ورا بيشتم و بيزعق و تاي لسه ماسك في الكرسي من هول الموقف
.
في المطار
وقف العربيه قصاد بوابه الوصول و اول ما العربيه وقفت تاي فتح الباب و نزل علي الارض يحضنها : اخيييرراااا
كوك إلى قفل العربيه و راح ناحيته بص عليه بسخرية وأردف : بلاش هبل يلا اتأخرنا كفايه اوي
تاي بصله بطرف عينه لفوق بسخط و كوك يدخل من البوابه و تاي راح وراه بعد ما قام من علي الأرض
واقفين مع الناس المنتظرة وصول الركاب و ساندين على العمود قصادهم بيبصوا على كل واحد خارج من البوابه و بيجر شنط و الماس بتتوافد و مش بيطلع إلى تبعهم ف بدأوا يشكوا و يستغربوا
تاي بيشب على رجله بيحاول يشوفهم بين الناس الي بتطلع : هم اتاخروا كده ليه ده الطياره نازله من ربع ساعه؟
جونغكوك بيتمتم جواه : يا رب تكون الطياره غيرت اتجاهها و نزلت بيهم في المحيط الهندي
تاي بسعادة : اهم ظهروا أهم
اتنهد بيأس و حرك راسه بقله حيله
ام جين خدت تاي في حضنها بقوه : وحشتني اوي اوي اكتر من ابني جين العاق ده.. مالك خسيت كده ليه؟! هو مش بياكلك و لا ايه؟ انا هعرفه ازاي يعمل فيك كده!
تاي ضحك بخفه و شد على حضنها : اوومااا.. جين هيونغ بياخد باله مننا كويس مش محتاجه توصيه علينا
ام جين : بردو هيتهزق و ياخد الموشح ها
جوني بيمد ايده بيسلم على كوك و الاثنين متملليين من الموقف : و انت عامل ايه؟
كوك بتملل : كويس
ييرين بتتكلم في الموبايل : وصلنا.. اه وصلنا.. بس الجو حر نار كده ليه انا حاسه اننا في الفرن ايه ده - بتهوي بأيدها علي وشها -
جونغكوك بتمتمه : انتي لسه شوفتي فرن.. ده انتي هتشوفي جهنم كلها بس اصبري شويه كده
جوني بيبصله بشك بعذها اتنهد و بص لأمه إلى عماله تحرك في خدود تاي و تلعب فيها و هو يضحك زي الأطفال : ما خلاص بقى.. ممكن نخلص المهزله دي و نتحرك قبل ما نتشوي في الحر ده و ابقوا اعملوا إلى انتوا عاوزينه في العربيه بس الوقفه دي كده كتير
كوك أيده : اه بالضبط كده
ام جين بصتلهم بطرف عينها و سابت تاي راحت ناحيتهم عدت من وسطهم و رمت الشنطه ايدها في حضن كوك إلى مسكها بسرعه : شليها - لفت ل جوني و شاورت - و انت افتكر نفسك كويس كنت ايه بدل ما افكرك بنفسي
لفت و لبست نظاره الشمس و رمت شعرها لورا بدراميه و شاورتلهم زي البيج بوس : هه وراايااا على العربيه
ييرين و كوك و جوني واقفين فاتحين بؤهم و تاي بيسقف و على وشه ابتسامه سعيده ف ام جين ندهت : تااايي
تاي جرى ناحيتها : ديه اوماا
جونغكوك و لشنطه في حضنه مصدوم : شكلها هتبقى ايام سوداء اسود من لون شعري
جوني : ده انا هيطلع عين امي
ييرين فاقت من صدمتها و جريت ورا امها : ماما استنيني
.
.
# شقه السباعي / بعد ساعه و نص
جرز الباب بيخبط بطريقه غبيه و ورا بعض ده غي الخيط على الباب ذات نفسه ف يونغي اتعصب من جوه : مين الي الحيوان الي بيخبط بالطريقه الغبيه دي!!!!
جيمين راح فتح الباب جرى و فجأه لقى نفسه مسحوب من حيث لا يدري في حضن حد : جييممييينننيييي
لما استوعب هي مين الي طلعت ام جين اصلا بادلها الحضن القاسي بتاعها : اووومااااااا
ييرين زفتهم و دخلت بتنفخ من الحر رمت شنطتها على الأرض : اوعوا كده.. اوف ايه الحر ده انا هموت - بتهوي بأيدها لقت جين في وشها ف سألته - بالله عليك ملاقيش عندكوا تكيف أو حتى مروحه سقف لحد هموت
جين اتكتف و رد عليها اكنها كانت معاه امبارح : و تيجي تموتي عندنا ليه ارجعي بلدك موتى هناك مش ناقصين مصايب! ده اولا و ثانيا لا مفيش مروحه سيف ولا تكيف ربع حصان حتى اولعي اكتر و ياريت ترجعي من حيث اتيتي و ثالثا بقى - انفعل فيها - ده استقبال تستقبليه لاخوكي الكبير بعد غياب ست شهور و كمان مستقبلك و مستحملك أتى و امك في بيتي يا شويه عرر !!!
و فجأه لقى ضربه من أمه بشنطتها على راسه طيرت دماغه ف عدل الكلام و ابتسم بسعاده مصطنعه : اختي حببتي وحشتيني عامله ايه - بيضحك من بين سنانه -
يونغي إلى خرج من الاوضه على أصوات بره قابل نامجون في وشه ف سأله : هو في ايه؟؟
اتنهد بحمل تقيل و قال : اصل الزوبعه حضرت
رفع حاجبه للي قاله بعدها اردف : امال جيمين فين؟!
نامجون : بيبلعه مثلث برمودا عند الباب
شوح بعدم اهتمام و دخل جوه ف يونغي أتعجب : مثلث برمودا ايه و زوبعه ايه؟! هو ماله ده؟!؟
خرج بره لقى جيمين بيحاول يفلت من حضنها القاتل ف راح وقف ورا جيمين و اتكتف لام جين : يا صباح الخنقه و الكبته، ممكن تسيبيه قبل ما يبقى عصير مانجا
دورت عينها و بعدت جيمين عنها وقفت قصاده بتحدي : يا صباح القرود، بكره نشوفك متشعلق على السور، زي الخابور، في وقت السحور
جيمين باندهاش من الوزن و القافيه بتاعتهم : وواااااووو
رفعلها حاجبها لأن دي السيم إلى ما بينهم دايما بيعايروا بعض بيها و هي مش مستكبره سنها ولا حاجة دي عامله عقلها بعقله و يمكن أصغر كمان
رمت شعرها لورا بدراميه و زقته دخلت جوه لقت هوسوك قاعد على الكنبه بيتفرج على التلفزيون : هوووسووكيي
نامجون بيتكلم مع جوني جنب الباب في الشغاله و محتاجاته و جين بيتخانق مع ييرين و فجأه سكت : في حاجة ناقصه..
ييرين بتعجب : ايه هي؟؟
بصلها بتفكير بعدها نطق : تاي و كوك فين؟!
.
جونغكوك بيحارب مع شنطه السفر الكبيره علشان تخرج مش راضيه تخرج و تاي قاعد ورا على عربيه تانيه مربع و لابس نظاره الشمس بيتفرج على إلى بيعاني بصمت
كوك أمر ما زق و فقد الأمل نفخ بانزعاج و لف للرايق : ممكن سعاده البيه يساعدني شويه ولا بياخد تان دلوقتي مش فاضي ولا ايه مش فاهم انا!!!!
دور عينه و نفخ : طيب طيب بلاش زعيق - شد شنطه خفيفه نسبيا - شيلت معاك اهو
قلده بتريقه : شيلت معاك اهو.. تشه
بصله بطرف عينه ف جونغكوك قعد يشتمه في سره قد كده و حاول يخرج الشنطه الكبيره دي تاني : ايه الشنطه دي كبها حاطها فيها ايه طووب!! ابو كده ما تيجي تشيل هي مش شنطتها دي ولا علشان هي مبتقنيش هتشيلني شناطها عقاب ايه الذل ده!
من فوق في البلكونه ام جين بتزعق فيه : شيل الشنطه براحه دي أهم منك يا كلب انت!!! - رفع نظره ليها بصتلها بسخط كبير و قرف ف سرخت فيه تاني - متبصليش كده و شيل الشنط لوحدك و سيب تاي في حاله فاهم!!!
شوحلها بانزعاج و سحب الشنطه حامد ف نزلت على الأرض ف شهقت و سرخت : الشنطه دي أغلى منك شيلها من على الأرض بسررعااااه!!!!
اتعصب ف راح شاخط : ما تنزلي تشليها انتي طيب !!!
فجأه لقى حاجة بتتحدف عليه من فوق طيرت راسه لورا : بتزعق لوحده قد امك يا كلب، صحيح متربتش شيل يا ولا و طلعهالي على فوق دلوقتي !!!
.
بيرق الشنطه بأيده الاثنين بيحاول يدخلها من باب الشقه بصعوبه من كتر ثقلها و اول ما دخلها رماها على الأرض على طول و نفخ كتير ف لقى ضربه على راسه من ورا من ام جين آلمته : مش قولتله مترميهاش دي أغلى منك!
دبدب في الأرض و مسك نفسه انه يغلط فيها لأنها قد أمه قالي يعني فارق معاه و بص ل جين بغصب : جين هيونغ!
بلع ريقه من غضبه و ضحك بتوتر : زي امك معلش
جونغكوك بسخريه : على الاقل امي مش بتعمل عقلها بعقل واحد قد ابنها
و تم قصف الجبهه بنجاح ف بث لام جين بتكبر و هي اتجننت بقى و شهقت في وشه : قصدك ايه يعني أن انا مجنونه؟؟!!!
ببراءه : خالص هو انا قولت كده!
ام جين متحكمه في غضبها : لينا حساب بعدين هه
لفت و شيت من وشه دخلت جوه و هو حس بنصر، دخل تاي من باب الشقه و قفله وراه : مالكوا يا جماعه
ييرين فجأه عدت من قصاده بتجري من المطبخ راحه الصاله و هو كان هيقع من الحدفه بس لحق نفسه و مسكت الريموت بتاع التلفزيون من هوسوك بسرعه إلى اتذمر : هاااي
ييرين بتقلب في القنوات بسرعه : shut up
جين : الله يرحم ابوكي كام فاكر الجلده علاقه مفاتيح
ييرين مش مهتمه بيه اصلا : هي فين هي فين هي فين
ام جين سحبت كوك من ودنه فجأه لما طلعت من اللامكان و سحلته على جوه و هو بيتألم : دخّل الشنط في الاوضه و كمل مهمتك متبقاش لكاعه بقى
ييرين نطت و سرخت سرعت المكان كله : اهي اهدي لقيتها ييييه بادئ المسلسل من عشر دقايق اوف - رجعت ورا زقت هوسوك و قعدت مكانه - اتداخرلي كده
هوسوك على الأرض بيمسح على ظهره و أردف بانفعال : وسعلي ايه هو انتي اديتني فرصه انطق حتى!!
رمتله أكبر طناش و تابعت المسلسل عادي ، جيمين خارج بره بيدور علي موبايله : هو لين موبايلي حد شافه؟!
و عدي من قصاد التلفزيون بالغلط ف ييرين انفعلت : يا يا يااا ابعد من قدام الشاشه عاوزه اشوف البطل هيعمل ايه
جيمين لف و بص للي مركزه حياتها على المسلسل و تمتم جوه * فاكره نفسها في بيت ابوها ولا ايه؟!! *
جونغكوك خرج من الطورقه بيدلك ظهره بألم بعد ما رمي الشنط في الاوضه : حطين فيها ايه دي طووببب!!
جوني كل ده هادي تماماً بيراقب في صمت ف سأله نامجون بتعجب : يعني انت فرق عنهم بمراحل هم مجانين وانت صامت إزاي حبيتها؟؟
بصله و رفع كتافه بعدم معرفه ف اردف يونغي بسخريه : الحب و ما يفعل ها
تاي بحلاميه : يااا سلام لو لقيت حد يحبني و احبه
لقي ضربه على راسه من ورا من يونغي : اتنيل بقى
عبس و مسح على مكان الضربه بأيده و اردف جوني : فاكرين لما استعنت بيكوا علشان اعترفلها بحبي
ييرين و هي بتابع المسلسل : اااه ده كان ايام اسود
..
- اولا طريقه جين انه يوديها مكان كله بمبي في بمبي و ورد بمبي و كرسي بمبي و هدوم بمبي و كله بمبي بمبي بمبي و حاسه اني هقول إعلان غسيل هدوم بعد شويه
ييرين مالهاش في الجو ده و اصلا كانت بتبص بتعجب إلى مبتسم على الاخر بزياده و حست بحاجة عجيبه : ايه
ركع على ركبته تحت تعجبها و هو نطق بكل حب فاكر نفسه في دراما مدبلجه عربي : عزيزتي الجميل.. اليوم أتممت حبي لكلي بعد عامين من الشقاء و أرجو أن تتقبلي مني خالص التقدير..
رفعت حاجبها : هي دي الاذاعه المدرسيه؟!
حمحم و لعن جين في باله و كمل تاني : كنت اقول انكي كـ الورده المتفتحه في ربيع قلبي و اريد ان اسقيها بحبي و عشقي لكي تنمو تحت شمسي ليقطفها عقلي..
رفعت حاجبها بتعجب اكتر ف هو لقاها مش متجاوبه خالص و مش فاهمه اصلا هو في ايه ف لعن جين تاني في باله و اختصر كل الكلام بنفس نبرته : ا أعني.. هل تقبلين أن تكونين حبيبتي و عشقي للأبد؟؟
سكتت شويه بصمت ف بصلها بمعنى قولتي ايه ف هي حطت ايدها في وسطها و أردفت : مهو بعد قصدي المتنبي إلى انت الفتها دي مظنش.. خد بعضك و روح قول شعر في ميدان الجيزه احسن - و هو مع كل كلمه ملامحه تتبدل من كلامها و هي كملت - اشوفك بعافيه بقى يلا تيك كير
مشيت و سابته مصدوم على الأرض ف هو رمي الورد على الأرض و بدراميه : لاااااااااااااا
..
جين بتكبر مصطنع : و الله انا طريقتي كانت روماسنيه على الاخر بس اختي هي الي مش بتيجي إلى بضرب الجزمه و مش بيحوق فيها حاجة هه
ييرين بسخريه : ده على اساس انك بتفهم اصلا يعني ايه روماسنيه هو في حد يعترف احد في مكان كله بمبي بمبي! ده انا شكيت فيه اساسا بسببك
جين دور عينه ف اردف نامجون بفخر : طبعا طريقتي هي الي كانت جايبه نتيجه صح!
ييرن انفعالت : ولا انت كمان ده كان هيكسرلي دراعي يومها و كله بسببك
..
- طريقه نامجون
جوني مستخبي ورا الحيطه في الشارع و هي بتدور عليه : هو راح فين ده؟ ضحك عليا جبني و مشى هو!
طلع فجأه بحماس غير طبيعي : انا هنا!!!
هي اتسرعت ف اتزحلقت كانت هتنزل في البلاعه بس لحقت نفسها و فجأه في عربيه جايه بسرعه كانت هتاخدها معاها بس شدت نفسها لورا نزلت جوه صندوق الزباله الكبير و هي بتسرخ بس من الي بيحصلها
شهق لما نزلت جوه صندوق الزباله و مد راسه جوه الزباله بسرعه : انت كويسه؟؟
رفعت رأسها ف نزلت بيضاء مكسوره على وشها و فس على كتفها قشره موزه و بصتله بسخط و حقد كبير ف هو إبتسم بتوتر و وسع : موافقه تتجوزيني؟؟!
زودت النظره الحقيره و أردفت بنهر : لا!!!!
..
يونغي : نحس من يومك ياباي عمال تنشر وبائك على البشر إلى حواليك.. أعوذ بالله
جين بسخريه : مين فهمك أن حس البنى آدم يعتبر مفاجأه ليه!
جون : يعني كل حاجة بمبي بمبي هي الي صح
يونغي دخل فجأه نفي نص الكلام : ولا انت ولا هو لأنها اصلا دبش و مش بينفع معاها المحايله دي محتاجة إلى يحطها قدام الأمر الواقع على طول
..
- طريقه يونغي
جوني بيرفع عليها المسدس و واخد وش المجرم السفاح : هتتجوزيني و تحبيني زي ما بحبك ولا أفرغ المسدس ده في دماغك و دماغ إلى هتحبيه مكاني
ييرين : ايه ده!! ايه الاعتراف ده!!!
..
ييرين : ده انا كنت هعملها على روحي من كتر الخوف بجد كان شكله زي سفاح المراهقين!
جونغكوك : و انتي مراهقه اصلا! ده انتي عجوزه!
ييرن يحدفت المخده عليه بغيظ : حد يسكت الواد ده
هوسوك و هو بيمسح على ظهره بألم من الواقعه : مكنيش في اصلا احلا من طريقتي الطبيعيه مش زيكو
..
بيطلعلها قلوب من كل حته بالبلونات و الورق و ختي بأيده و ابتسامه كبيره على وشه : انا أمّلِك انا حياتك انا سعادتك و علشان انا أمّلِك ف انا هسعدك و أسعد اهلك ف تقبلي تتجوزيني و نجيب كتاكيت صغيرين ينشروا الأمل و السعاده ابقى أملهم و أملك في الحياه
ييرين : طب ايه رأيك بقى اني برفضك و برفض امك فاكر نفسك في قناه فتحي يا ورده ولا ايه! ايه دي! ما تنشف كده و تطلب زي الرجاله!!
..
هوسوك بتنهد : مهو مش ذنبي انها مطلعتش كيوت دي طلعت كيوت العنكبوت دي قصتها هي مش قصتي انا
جوني بعتاب : معي افتكرتني بسبب طريقتك دي اني من العيال التوتو موتو إلى لسه بياخدو مصروف من ابهاتهم و هم اصلا معيدين السن
تاي شاور على نفسه : طب ما انا لسه كان ابويا بيديني مصروف لحد ما شهرين فاتو ، يبقى انا كده من التوتو موتو دول ولا ايه!
حصل على التجاهل من الكل ولا اكنه قال حاجة ف جوني اتنهد و كلم جونغكوك إلى كان متأخر بنفسه من شويه : و انت فأكر أن طريقتك دي نفعت مثلا! ده انا كنت هدخل السجن فيها بسببك اصلا انا غلطان اني سمعت كلام الصغير الغلط عندي
كوك : حد قالك تاخد رأيي هه
..
مشيته فيها غضب راح دخل من باب البيت بعنف ف الباب اترزع في الحيطه عمل صوت قوي ف ييرين إلى كانت واقفع في المطبخ اتسرعت و رمت الحاجة من ايدها صوتت افتكرت فيه حرامي دخل البيت
دور عينه في المكان لقاها خارجه المطبخ : انتي يالي هناك!!!!
اتسرعت من مكانها و سرخت : في ايه يا جو ؟؟؟
راح ناحيتها بخطوات قويه و وقف قصادها و شاور عليها تاني بحده : هتقبلي تتجوزيني و تحبيني ولا اعملك سجاده لاوضه نومي!!
ييرين : هو ده اعتراف ولا تهديد!
..
جين ضحك : كنت هتتحبس بتهمه العنف الأسري
جوني حرك راسه بيأس : مهو ده اخر إلى يسمعلكوا
ييرين بصدمه بتفتكر يومها : و الله كنت هرمي الطاسه على راسه اكسرهاله افتكرته سكران خفت على نفسي
ضحكوا عليهم لما جوني قعد يتذمر زي الأطفال ف دخلت عليهم ام جين قطعه اللحظه بقوه : يلا يلا كل واحد في موقعه انتشروا كفايه كلام على الماضي إلى انتهى و انت - شاورت على جين - تعالى قولي عندكوا ايه بيتاكل في البيت ده حصلني على المطبخ
زقته و عدت من جنبه و هو فضل واقف مكانه بيبص في الفراغ بيتحسر على الايام الي راحت و الي جايه مع أمه و لما راحت و ملقتوش جه جت تاني سحبته من ودانه وراها على المطبخ : هو مش انا قولت حصلني!
و متفهمش هي الست دي ايه علاقتها بالودان ولا عندها عقده ولا ايه محدش عارف ، جيمين : انا جعان
تاي : و انا عاوز استحمي
كوك جرى على الحمام : انا هدخل الأول
قفل الباب قبل ما تاي يدخل ف خبط على الباب بغضب و بيتوعدله : يااااااااااا
.
نامجون بيسأل يونغي إلى بيتفرج على التلفزيون بملل : هو الماتش ده كام كام؟!
بصله بطرف عينه : ما مكتوب عندك اهو!
جوني على موبايله مالوش دعوه بيهم اصلا
بيرن جوه في الاوضه بتوضب هدومها و تطلع الحاجة في الاوضه بتاعها في و مامتها و بتغني اغنيه في فيلم رابنزل ساعه ما كانت بتنظف اهو اي حاجة و خلاص : ارسم تاني على الحيطه بعدها اقرا كتاب و ننن ننن اسرح شعري يبقى زي الحرير نن نن و قول بقى امتى هعيييشش
جين إلى فى المطبخ مع أمه عماله تعاتب فيه و كل ما يقوم علشان يحاول يهرب منها تقعده تاني : اقعد هنا انا فاكر نفسك رايح فين لارم اخلص إلى عندي الأول!
و هي فصلت ترغي على راسه و هو راسه هتنفجر ف ضرب راسه في الطربيزه كام مره بيحاول يمكن يجيله ارتجاج ينسيه اليوم الأسود إلى فكر انه يستقبلهم عنده
هوسوك بيكلم روبن في التليفون بيستفذه لأنه عزوز يكلم المدير ياخد اجازه بكره بس هو مش عاوز يديهوله
هوسوك بابتسامه مستفزه رغم أنه عارف انه مش شايفه اصلا : رأس البطاطا
سرخ فيه بانفعال : انا مش رأس بطاطا يا راس الحصان
هوسوك بخبث : على الاقل الحصان بنستفيد بيه و بندخل بيه سباقات لكن البطاطا بنحدف بيها الناس في الشارع.. يعنى كل واحد عارف مقامه كويس هه
سرخ بأعلى قوته في التليفون من استفزاز هوسوك ليه إلى بقى بيستمتع بغيظه ليه كتير ، جيمين على السرير بيقلب في مواقع التواصل و حاطط السماعات بيحرك رجله على الإيقاع على خفيف رفع عينه بص على جيهوب إلى واقع ضحك حرك راسه بيأس و كمل إلى بيعمله
جونغكوك الي غدر بـ تاي و واقف في البانيو بيستحمي و بيصفي ذهنه من اليوم إلى شكله مش هيخلص ده و بيغسل شعره بالشامبو فجأه صوت باب الحمام إلى بيخبط قطع عليه لحظه هدوءه مع نفسه : ميياااننن!!
تاي : مين الي جووااه؟؟
اتهجم : و حيات امك!!
تاي : اه صح.. طب اخرج علشان عاوز استحمي
كوك : بس يا روح امك
تاي كرر تاني و خبط : اطلع ها يلا اخلص بقى
ملقاش رد ف خبط تاني بطريقه موسيقيه و بيغنيهاله عمله فرح على الباب : اطلع اطلع اطلع اطلع اطلع اطلع
الصابون دخل في عينه : اسككواااتت مش شايف حاجة!
تاي : يعني انت بتسمع بعينك! - خبط - اطلع يلا
شال الصابون من على عينه : بس يلا سمعني سكاتك مش فاتح ها
تاي خبط تاني و خبط برأسه كمان : طب افتح هاخد حاجة من عندك و هطلع تاني
بدأ بتعصب : حاجة ايه يا ابن العبيطه.. خليني اغلط في امك بقى.. عاوز ايه يا ابني سبني في حالي! مش فاتحلك يلا هش من هنا بقى ايه الصداع ده
خبط عليه تاني : طب بص اتفتحلي و انا مش هبص
خبط راسه في الحيطه بسببه : يا ابني انت عبيط يا ابني
تاي خبط عليه تاني بشكل أسرع : طب اطلع بقى ها خلص.. يا عم افتح
كوك : طب و رحمه امي لو خبطت تاني لاطلع ملط اقتلك
تاي طبعا ولا اي بتنجان راح مخبط تاني ولا اكنه اتهدد دلوقتي عادي جدا
كوك بقى اتعصب ف استحلفله خرج من البانيو سحب الفوطه لفها على وسطه : و ربنا لاقطعك
تاي الي ساند برأسه و كل جنبه على الباب لما سمع صوت المياه وقف رمي ودانه شويه : كوكاااايي جنوغكوكاااايي انت موت ولا ايه؟؟ جونغو...
و لسه مكملش الجمله لقى الباب بتفتح كان هيقع على ظهره و بيسحب من قفاه على جوه : يانهار احوس! اسف اسف و الله اسف خلاص حرمت حرمت و الله حركت الحقوونناااييي لاااااااااااااا
كوك : اخرس يا كلب
.
بعد نص ساعه..
جيمين في المطبخ بياكل كورن فليكس باللبن و جين مد تاي بـ سندوتش ف اخده منه تاي بحماس : ياااييي مربي تعالى لبطني يا حببتي
جيمين و خدوده محشوره فيها اكل كتير : شكلك نظيف بزياده استحميت بضمير ولا ايه؟!
تاي الي اخد قطمه كبيره من السندوتش و وراها بؤ من المشروب علشان يعرف يبلعه و اردف : ده انا فضلت ادعك في نفسي لحد ما جسمي باش تحت المياه بص
رفعله ايده علشان يبص عليها و رجع اكل تاني ف جيمين اردف : و انا عاوز استحمي بردو بدل الحر ده
تاي اوما بتأييد و بياكل : اه الحق الفرصه المياه حلوه
جونغكوك دخل المطبخ عندهم وقف عند الباب : تايهيونغ..
رفع رأسه و السندوتش متعلق في بؤه و جيمين بيحشر في بؤه الاكل و ماليه على الاخر ف اردف مكمل جملته : انت مش منشف شعرك عدل ليه؟! كده هتاخد برد!
تاي السندوتش وقع من بؤه على الطبق بصدمه و جيمين شرق فـ تف الأكل من بؤه جه في وش جين إلى كان معدي علشان يخرج من المطبخ : يااااااااااا!!!!
جيمين بصدمه بص ل جونغكوك : انت طلع عندك ضمير و عندك قلب! - حط ايده على قلبه بدراميه - لا انا مش مصدق وداني ولا عنيا
جونغكوك ببرود قصفه : و انت مالك!
جيمين عبس و مسك المعلقه و جين بيمسح من على وشه بمنديل و تعابير مشمئذه على وشه : تتك القرف - سرخ في كوك - متقولش الجمل فجأه كده تاني !!!
تجاهل الرد عليه و خرج من المطبخ و كل ده و تاي متنح و مبلم مكانه ، رجع و معاه فوطه و تاي لسه مبلم ، الثلاثي فكهم وقع في الأرض من الصدمه لما كوك مسك رأس تاي و قعد ينشفها و يعاتبه : لو عييت بقى دلوقتي مين ياخد باله منك!!
جيمين بصدمه عمره : ا انا مش مصدق.. جيون جونغكوك بينشف شعر كيم تايهيونغ و خايف عليه لـ يعيا!! واااو دي نهايه العالم دي ولا ايه!
جين حط ايده على جبهه كوك : انا سخن ولا حاجة؟! شكلك انت الي اخدت برد!
جونغكوك نفخ بانزعاج : ايه مالكوا عاملين كده ليه أكني مثلا عملت حاجة عجيبه ولا خارقه الطبيعه
جين : لا مهي من حيث أنها خارقه الطبيعه فـ هي خارقه بالفعل مفيش مناقشه اساسا
جيمين لسه مصدوم : ا انا مش مصدم انا مصدوم
كوك اتافاف على حالهم و تاي الي ماسك راسك بينشف فيها مصدوم أكن النور فصل عليه مش بينطق ولا بيهش ولا بينش خالص
تاي فاق من صدمته و رفع رأسه لفوق ناحيه كوك و رجع عينه ل جيمين إلى بيحاول يفسر الموقف : مهو إلى بيحصل ده اكيد ليه تفسير عويص
كوك : ولا محتاج تفكير ولا حاجة عادي يعني - ضحك بتزييف - هه ههه قولت اعطف عليه و احبه ايه المشكله - شد على شعره و ضحك بتزييف تاني - حبيبي حبيبي
جيمين بيبصله بشك و تاي مصدوم هو و جين في مكانهم
* قسماً بالله لولا تهديدها ليا (ام جين) انها هتقول لأمي على الفلوس إلى استلفتهم من جين من سنتين كنت كسرت عضمه على التخبيط الكتير بتاعه ده لكن لولا انها مسكتني من قفايا و خارج كنت قطعته اوف يعني انا مش فاهم هو مين ألي ابنها ايه الوليه دي!!! *
قطع عليه الضربه إلى جاتله من ورا رأيه من فوطه المطبخ من ام جين إلى ذهبت من لحظات : اشتغل بضمير.. نشف كويس ها.. نشف.. الفلووسههممممم
تاي بتعجب : الفلـ ايه؟؟
كوك ضحك بتكلف : ه هه لا لا ولا حاجة متركرش طنط كده بتحب تهدر هه هه
أن جين بسخريه : دلوقتي بقيت طنط بردو تشه
كوك دور عينه * الوليه إلى مش عاجبها حاجة دي اوف *
.
.
العصر / في الصاله..
جيمين : دي حتتي!
هوسوك : لا دي الحته بتاعتي
جيمين : انا الي عيني وقعت عليها الأول يبقى بتاعتي
هوسوك : انا لمستها الأول يبقى بتاعتي انا مش انا
جين : ايه شغل الأطفال ده!!! - حط قصادهم طبق في تفتح مقطع تاني - في تاني اهو خدوا
حصل هجوم على الطبق و بقوا يتخانقوا زي ترم و جيري على كل تفاحه هتتاكل ، يونغي اتعصب : ما تبطلوا شغل الأطفال ده بقى!!!
جيمين بغضب لفله : انا حر براحتي محدش له كلمه عليا!
يونغي بتفاجيء : لسانك بقى طويل اوي على فكره
جيمين : لو كان لساني طويل كان زماني طولت من زمان لكن ما انت لسانك طويل من يوم ما اتولدت و لسه زي ما انت قصير و انا أطول منك بـ سم واحد ها
كلهم بصوا لـ جيمين إلى اتحول بتفاجيء و هو مهموش و رجع يتهاوش مع جيهوب : تفاحتي سيببهاااا
يونغي انتبه لنه اتهزق ف زعق فيه : يا يااااا احترمني انا اكبر منك!!!
هوسوك بيتخانق مع جيمين : لا دي تفاحتي انا خد غيرها
ام جين : مربيبن احصنه يا ناس ايه كل التفاح ده!
تاي و كوك بيلعبوا بلاي ستيشن و مندمجين اوي ف بيعملوا أصوات كتير حواليهم : حاسب حاسب هيموتك
كوك بيضغط على الزرار كتير : موت موت موت
ييرين بتتذمر : ايه الدوشه دي معندكوش تلفزيون جوه؟
جين بسخريه : لا حببتي معندناش عيشي عيشه أهل البيت الي انتي قاعده فيه احنا هنا في مش بزغ زي ما انتي فاكره يعني
ييرين : حد قالكوا تسيبو عيشه اهلكوا و تسافروا تعيشوا في الشقاء! ارجعوا من حيث اتيتوا احسن
يونغي : محدش طلب رايك اساسا
جيمين بتعجب : هو من امتى بيسمح لحد يلعب بحاجته؟
قصده على كوك إلى بيلعب مع تاي على البلاي ستيشن ، أن جين لفت لابنها إلى بيبص على شاشه التلفزيون إلى عارفه اللعبه إلى بيلعبوا بيها : الا انت ما ضيفنا يعني من ساعه ما جينا
جين يصلها و اردف بسخريه : هو انتوا مدنيين لحد فرصه دا انتوا اساوليتوا على البيت من اول لحظه اخدتوا وضعيه صحاب بيت اوي - بص لجوني - معاد انت طبعا
جوني : الله يخليك يا حبيبي
يونغي : صحاب بيت ايه دول محسسنا انهم كانوا عايشين هنا من زمان اوي
ييرين فجأه شهقت و سرخت : المسلسل!!!!!
جريت ناحيه التلفزيون وقفت قصادهم ف هم زاحوا رأسهم من الجناب عاوزين يشوفوا الشاشه : وسعى وسعى هكسب عليه ابعدي
تاي : محدش يقدر يفوز عليا اببدااا!!!
ييرين اكتفت : عاوزه اتفرج على المسلسل
هوسوك : هو انتي بتابعي كام مسلسل بالضبظ؟!
همهم بتفكير : خمسه و ده السادس
يونغي : انا دلوقتي عرفت انتي ليه تفكيرك محدود.. مهو من كتر المسلسلات إلى لحست مخك و مخ إلى زيك
ييرين متكتفه لـ تاي و كوك إلى مش مديين لوقفتها اهميه اصلا و بيلعبوا في الحدود إلى شايفنها من الشاشه : عاوزه اتفرج على المسلسل!!!
كوك شوحلها : العبي بعيد العبي
تاي بيتذمر : نووننااا ابعدي عن الشاشه شويه مش شايف
اتوعدتلهم : طيب انا هتصرف
وظلت و شالت الاسلاك من الكوبس و فصلت اللعبه نهائي و رجع التلفزيون عادي مش على لعبه ف الاثنين تنحوا و تاي الدراع بتاعه واقع من ايده من الصدمه لأنهم كانوا في مستوى عالي و كان فاضلهم اربع مستويات بس و يبقوا في النهائي و بعد إلى ييرين عملته ده هيعيدوا تاني من الاول لأنه اتقفل من غير ما يتحفظ
كوك مصدوم صدمه عمره : ايه. الي. حصل. ده!
ييرين سرخت بفرح لما لقت المسلسل لسه بيبتدي ف مسكت الريموت علته و ربعت قصاد الشاشه بتسقف بحماس مع المسلسل
جين اتنهد بقله حيله على أخته الهبله و بص علي تاي و كوك المصدومين و قربوا يعيطوا ف راح باثص لأمه : عجبك تصرفات بنتك الهبله دي و كله علشان مسلسل تافه
ام جين ضربته على دماغه : متغلطش في بنتي!!!
جين اتعصب : اغلط فيها براحتي محدش له عندي حاجة
ام جين : ولد قليل الادب متربتش
جين : ما تربيتي زي تربيه بنتك!!!
أم جين : انا هخلي ابوك يحرمك من الميراث
جين : طبعا علشان تلهفيه كله انتي و بنتك لوحدكوا!
و فضلوا يتخانقوا و يعملوا أصوات عاليه و ييرين بتتفاعل مع أحداث المسلسل بصوت و بقى في دوشه كبيره في الصاله من كل الأطراف و كل ده و جوني و نامجون قاعدين جنب بعض كل واحد على كرسي بصمت بيبص على الضوضاء دي
جوني مال عليه : هو انتوا كده على طول!
جون بتنهد : انت لسه مشوفتش حاجة صدقني
تاي : انا عاوز اغني!
يونغي : تغني ايه! مش كفايه اني مستحمل صوتك و انت بتتكلم كمان هستحمله و انت بتغني!!!
تاي عبس بعدم رضى فـ ام جين راضته : ولا يهمك تعالى معايا اعملك العصير إلى انت بتحبه
تاي قام نط من مكانه حصل ام جين علي المطبخ : ياااااي
يونغي مال على جين المصدوم : انت واثق انها امك انت!
جيمين : يونغي هيونغ ممكن لحظه
بصله لفوق بعدها أومأله و قام معاه لجوه فـ الهدوء في الصاله كتر ، كوك راح قعد جنب هوسوك خل من ايده التفاحه إلى كان هيحطها في بؤه : هات دي
قطمها بغل و على وشها علامات سخط كبيره للي ييرين عملته فيهم دلوقتي و بيتوعدلها بالقتل جواه لأنها خسرته و هو بيكره الخساره جدا يمكن اكتر حاجة في حياته كلها
جين إلى نده لـ نامجون الشارد في اللاشيء بصوت واطي : بست بسسسستت جووننن
بصله بمعنى ' عاوز ايه' قام وقف و شاورله ييجي وراه ف اتنهد و قام حصله وقفوا عند باب الشقه بعيد عن كل أفراد الشقه علشان يتكلموا براحتهم
نامجون : نعم عاوز ايه ؟!
جين : عاوزك شخلل جيبك كده علشان لازم نعزمهم على العشاء النهارذه بره علشان ميبقاش ليهم حجه للكلام
جون باستنكار : اشخلل جيبي ازاي يعني .. اركبله صاجات مثلا !
جين دور عينه و مردش عليه ف كمل جون : طب و متشخللوش انت لسه ولا مكتوب عليا انا بس الصرف و الشخلله في البيت ده!
جين : لا معلش أصل الرقاصه واحده اجازه مش هينفع تشخلل
جون : انت بتهزر!!!
جين همس بحده : انت الي بتهزر! بقولك لازم نعشيهم بره علشان يحلو عننا افهم انا عندي خطه تمشيهم بسرعه
اتنهد بقله حيله و اردف : خدامك عاوز تأكلهم فين؟
جين بتفكير : مكان ولا رخيص ولا غالي بس شيك
نامجون : دور انت بقى سلام
.
.
# الساعه 7:30 بليل
صوت ضحكهم خارج من المطعم إلى قاعدين فيه كان مطعم عائلي فـ كان اصلا فيه دوشه مسبقاً فـ بعد ما خلصوا اكل طلبوا التحليه و الي عاوز يشرب حاجة و نامجون بيتحسر على فلوسه و أيقن أن وجودهم هيكسر ظهره بلا محاله
ييرين بتشرب من العصير : انا بجد مش مصدقه انك دخلت فريق التمثيل ميبنش عليك يعني!
تاي بفخر : علشان بس متستهينوش بقدراتي
يونغي : قدراتك في الفشل الذريع مش كده
ضحكوا عليه بخفه ف هو عبس فـ اردف جوني : متسمعش ليهم دول ناس عاوز تحبطك مش اكتر
ام جين : يلا نروح بقى الوقت اتأخر اوي
نامجون بيتمتم بانزعاج : يعني مش كفايه بياكلو على قفايا كمان عاوزه تمشينا على مزاجها
جيمين إلى كان هيشرق في العصير لأنه افتكر حاجة فجأه : صحيح الفرح يوم ايه؟
ييرين : الخميس الجاي
هوسوك : بعد اسبوع يعني؟!
اومأت ف هو اردف : وعلى كده بقى مجهزه الحاجة
جوني : انا اتفقت مع واحد يبقى صاحب اخويا من بعيد بيشتغل في اوتيل هناك خليته يحجزلنا الفيلا من يوم الثلاثاء و يمدها لمده اسبوعين بعدها نبقى نرجع يعني ضربنا عصفورين بحجر واحد
جين : طب و التجهيزات مين هيقوم بيها؟
ييرين بتلعب في الشفاطه بتاعه الكوبايه : كاست الفندق جوني متفق معاهم على كل حاجة متقلقش
جين : و مين قالك اني قلقان اصلا انا عاوز اعرف هتغوري من وشي امتى بقى
أمه شدته من ودانه لأنها جنبه : هتحترم نفسك امتى بقي
جين : يا ماما احنا في مكان عام كمان كبرت على ده
أمه : تكبر على أي حد غيري الا انا فاهم!!
سابت ودنه إلى احمرت و فضل يمسح عليها بغل و سخط
جونغكوك : و مفكرتوش هتسافروا بأيه أو ازاي؟ ده احنا جايبنكوا بعربيتنا!
ييرين : اه ما انا عارفه ما احنا يومها هتوصلونا و تفضلوا معانا ليوم الفرح تساعدونا في التوضيبات كمان و بعدها ابقى روحوا
جين بانفعال : ابقى تفي على وشي لو عملت كده اصلا
يونغي : و مالك بتتكلمي بثقه كده ليه اكنك متأكده أننا هنعمل كده اصلا و بعدين مين صاحب الفكره الهباب دي!!!
أم جين : انا
يونغي بصلها : مساء الخير عاوزه شوفير
* قصده يعني قومي روحي اطلبك سواق يروحك *
ام جين : مساء الـ لوڨلوڨه نورك قطع الكهرباء
* قصدها انه بقاطع اللحظات بقوه * - love -
تاي بتعجب : انا مش فاهم حاجة!
نامجون : ده سيم ما بينهم متركزش انت بس - رفع ايده ستور للنادل - الحساب لو سمحت
جوني بتنهد : و الله يا جماعه انا مش عارف اقولكوا ايه واخدنا عندكوا في البيت و كمان بنتأمر عليكوا!
هوسوك ربت على رجله بخفه : متقولش كده انت مش من ضمنهم اصلا يعني لو لقيت شتيمه طايره كده ولا كده ف اعرف انها مش ليك اساسا
ييرين دورت عينها و انفعلت : ايه التفرقه العنصريه دي!
انفعل لما افتكر انه هترمي على الأرض الصبح منها : انتي تسكوتي خالص اصلا!! - بص ل جوني و اتأسف - سوري يا جوني بس هي عصبتني
جوني : لا لا و لا يهمك خد راحتك على الاخر
هوسوك : رائع
سيون بصت لـ جوني بنص عين فـ يونغي اردف : مهو معاه حق فعلا
النادل : الحساب يا فندم
جون خد منه الدفتر الصغير و فتحه عينه وسعت من الرقم الي مكتوب فـ لص للنادل بصدمه : ده بجد!
اوما : ايوه يا فندم فيه غلط ولا حاجة حضرتك ممكن تدفع بالڨيـ..
قام و سد بؤه بأيده و ضحك بتوتر للي قاعد معاهم ف شال ايده من عليه و اردف : اطلعوا انتوا أسبقوني و انا هدفع و احصلكوا
ام جين سحبت شنطتها و قامت : راجل اوي تشه
كلهم قامو من أماكنهم علشان يخرجوا و نو سحب النادل على جنب في الكورنر تحت نظراته المستغربه للي بيعمله فيه : في ايه يا فندم حضرتك متعصب ، حضرتك محتاج حاجة معينه؟
اتنهد و بصله بيأس : اصل.. اااخخ اشرحلك ايه بس
فتح الدفتر على الرقم و قال بانفعال : يعني عاوزني اشوف الرقم ده و منهرشي!!!
[ 756.50 جنيه + ضريبه 10 جنيه + 20 خدمه خمس نجوم + 15 جنيه إضافات على الطلبات
المجموع الكلي = 850 جنيه ]
.
هم بره لما خرجوا ييرن سحبت امها و جوني للمحل إلى فيه اكسسوارات علشان تشتري و جونغكوك بيتكلم في التليفون إلى جاله و سرح بالمشي : ايوه يا شيون..
يونغي لـ هوسوك : في محل بيبع نوع الكوتشي إلى كنت بتدور عليه من شهر بعد خطوتين من هنت كنت شوفته و احنا جايين و نسيت اقولك تحب تيجي تبص عليه؟
اوما بابتسامه سعيده : اه طبعا يلا
جيمين حصلهم : استنوا انا عاوز اجي معاكوا انا كمان
و دول سحبوا بعض هم كمان و جين إلى كان واقف مستني جون بتوتر رايح جاي أمنه واقف قدام أوضه ولاده مستني الخبر يجيله و اول ما خرج سحبه من ايده ناحيه عربيتهم إلى فى اخر الشارع نسبياً يتكلموا
تاي فجأه لقى نفسه لوحده في الشارع مع عمود النور و صوت صرصور الحقل : هااايي هااااايي هاااااااايييي!!!
.
.
في الشقه
رجعوا من بره هلكانين عاوزين ينامو و بس ، جين و نامجون و جوني في أوضه ؛ ييرين و ام جين في أوضه و الباقي كله في أوضه العيال متفهمش ازاي بس اهو كله بيشيل كله في وقت الزنقه
- الساعه 1:30 بليل
جين نايم براحه و مبتسم بيحلم بنفسه خد اللقب الوسيم العالمي باين و جون جنبه مش عارف ينام من جوني إلى كل شويه صوت شخيره يعلا اكتر يخرمله ودنه سنفونيات هي فـ نامجون بياخد احلا شلاليت في ظهره حاليا
حواجبه معقوده و آخر ما زهق راح سحب مخدته و طلع من الاوضه خالص ف ينعم جوني بالسرير لوحده و صوت الشخير طالع و جين حاطط سدادات ف يمكن علشان كده بتستغربوا هو ليه مش سامع حاجة
رمي المخده على الكنبه علشان ينام عليها بقيت الليل : و الله انا ما عارف هتستحمل تنام جنبه يوم ازاي ده هيجيلها ثقب في الأوزون منه ايه ده يا ربي بلاعه!! مين كان يتخيل أنه بيشخر بالشكل المرعب !
نفخ بانزعاج و حط راسه على المخده غمض عينه بيحاول ينام : اهو ده الي باخده منكوا صرف و اخرتها انام على الكنبه بره تشه
جوه بقى في أوضه العيال ، هوسوك مستولي على السرير لوحده محدش اصلا يجرأ ينام جنبه لأنه انيل من تاي حتى بينام بشكل عجيب متشقلب حاجات كده مش طبيعيه ف كانت راسه بره السرير و رجله و راعاته جوه و متفهمش هو ازاي موقعش على الأرض اتكسرت رقبته لحد دلوقتى
جيمين نايم جنب يونغي و كل واحد مدى ظهره للتاني مفيش حاجة نيجي بقى للسرير إلى جنبهم و فيه حاله فرك مش طبيعيه في المكان
تاي بيتقلب كتير و يافاف اكنه في سرير ابوه و يكلم نفسه و هو نايم بالحلم إلى هو شايفه و شكله بيحلم بكلاب سعرانه بتجري وراه و كوك مش عارف يغمضها اصلا بسبب حركته الكتير إلى مش طبيعيه
حاول يلف علشان يصحيه من حلمه يخليه ينام زي الخلق لقى نفسه كان هيقع من فوق السرير من كتر الفرك إلى ناس بيعمله و عدم ثباته
اول ما لف خدله ركبه في بطنه على كام بوكس في وشه على كام شلوت في رجله اكنه دخل معركه من طرف واحد و عارف انه خسران فيها بالثلث
مسك ايديه إلى بتتحرك بعشوائيه عاوزه تضربه : تاااييي تاي اصحى في زلزال قوم يخربيت حركتك ايه ذه ماكلينك ايه دول!! تااي تاي قوم بدل ما ارميك من الشباك للكلاب السعرانه إلى بجد تحت في الشارع ها
و اكنه سمعه سبحان الله بذا يفوق بصعوبه من نومه القتيل قصدي الثقيل : ايه عاوز ايه مني سيبيني عاوز اهرب من الكلاب قبل ما تمـ.. * شخير *
راح في النوم و شخر لأنه اصلا كان بينام و نو بيقول الجمله ف كوك سرخ فيه : تاااييي!!!
تاي فاق بانزعاج : ايه ايه ايه نعم!
كوك : بطل فرك!
تاي : طيب
كوك : وعد؟؟
تاي افاف : وعد بقى خلصني اكمل للحـ.. * شخير *
اتنهد بقله حيله و لف على جنبه اداله ظهره علشان ينام و غمض عينه اتنهد براحه لما ملقاش حركه من تاي و لسه هيروح في النوم
تاي في الحلم : لا لا أجرى بسرعه هيمسكوك لاا لااااااااا
و مع ' لااااا ' دي أدى ل كوك بالرجل في ظهره لقى نفسه بايس الأرض ب وشه و حاضنها بجسمه بلا منازع و تاي خد السرير لنفسه بيتعارك مع الحلم و كوك على الأرض بيتوعدله لأنه مش عارف ينام فين تاني
سحب مخدته على الأرض و كمل نوم على الأرض القاسيه و بيلعن تاي على اليوم إلى عرفه فيه و اليوم إلى أم جين جت فيه لانه مش طايقها اصلا
.
.
اليوم التالي / الساعة 8:55 صباحاً
لسه مفيش حد صحي كله نايم بهدوء الا تاي الي بيتقلب لسه بس على خفيف بتخبط في كوك إلى طلع بعد الفجر جنبه لأنه لقى ظهره هيتكسر و استحمل شلاليته بالعافيه
و تاي بيتقلب اداله بالهيد - الروصيه - او بالدماغ يعني ف راح صحي على قلقاسه بتخبط في جبهته بقوه ف عقد حواجبه و حاس يفتح لقى نفسه بيحضن الأرض تاني بقسوه و تاي ولا هنا اصلا
رفع رأسه من على الأرض و بص للي على السرير نايم مش باين غير ايده لمستوي نظره بس بسخط و راح قام من على الأرض اتمطع و بيدلك ظهره
عدي على سرير يونغي و جيمين إلى نايمين بسلام وقف عندهم و هو عارف ان جيمين نومه هادي ف قعد يحقد علي يونغي : يا بختك و الله يا بختك كان زماني دلوقتي نايم مكانك و مستكنيص و تاي مش هيستجرا يتحرك حتى لو نام جنبك حسبي الله ونعم الوكيل منكوا لله و ا..
يونغي فتح عينه فجأه و اردف بانزعاج واضح ان صوته كان عالي : انت ايه الي جابك اوضتي؟؟
طلع صوت ساخر : أوضه مين اصحى و فوق شوف احنا بقينا فيين منكوا.. اشوف فيكوا يوم.. وسع كده الحق ادخل الحمام قبل ما القبيله تصحى و معرفش ادخلها حتى دي حاجة تقرف
خرج من الاوضه تحت نظرات يونغي المتعجبه من الولد : ماله ده على الصبح اتجنن ده ولا ايه!
اتنهد و رجع رأسه على المخده بص للي نايم جنبه بسلام اتنهد : شكلي مش هعرف انام.. امام اقوم اشوف حاجة أسد بيها جوعي قبل ما يتم القضاء على الاخر و اليابس
قام خرج من الاوضه راح المطبخ مخدش باله من نامجون إلى ممدد على الكنبه اساسا و راح فتح الثلاجه محدد هدفه بالضبط فصل يبث فيها بفراغ ملحقاش حاجة تنفعه ف قفلها تاني
بعد لحظات فتحها تاني بس فيه أكن مثلا إلى جواها هيتغير مهو هو هو صدقني ، فصل واقف متأمل فيها و تقريبا نام و هو واقف و في واحد بيتسحب من وراه مش حاسس بيه اصلا
جيمين وقف وراه بالضبط و سرخ : بوووو
يونغي سرخ من الخضه ف راحت راسه اتخبطت في الثلاجه بقوه اترد لورا و اتزحلق كان هيقع ف جيمين ميت على نفسه ضحك من منظره المضحك و يونغي لما وقف عدل بصله بحقد
جيمين حاول يوقف ضحك معرفش : سوري بس منظرك يضحك اوي
رجع لنوبه الصحة بتاعته ف يونغي دور عينه على الاهطل ده و اردف بانزعاج : على فكره مش للدرجادي دماغي وجعتي من الخبطه اصلا
وقف ضحك بصعوبه و كح بعدها راح ناحيته حضنه بخفه : اسف.. بجد بجد بجد بجد بجد اسف.. اكمل بجد تاني ولا وصلت!
ضحك بخفه و ربت على ظهره : وصلت وصلت
بعد عنه و بصله حاول يمنع ضحكته بصعوبه لما شاف وشه افتكر إلى حصله ف هربت منه ضحكات من غير ما يقصد ف يونغي فهم و دور عياته زقه بعيد عنه و هو وقع ضحك على نفسك : معلش بس منظرك - بيضحك بقوه -
طلع صوت ساخر و تمتم : تشه غبي
جيمين وقف ضحك و ابتسم بنصر : لو كنت غبي مكنش هيبقى ليكوا وجود اصلا هه
بسخريه : هه واثق اوي
رجع شعره لورا و اردف بتكبر : طبعا طبعا
يونغي بيزقه بره المطبخ : طب يلا بقى هوينا عاوزين نرش مياه.. يلا بلاش صداع على الصبح
جيمين : استنى بس هقولك ا..
قاطعهم سريخ ييرين إلى جاي مصدره من حمام الشقه ..