Natalie:
Tatlong araw ng umuuwi ng hating gabi si David. Tatlong araw nading walang matinong paguusap ang nagaganap saming dalawa. Pano ba naman sa sobrang late na niyang umuwi at hindi na niya ako naabutan ng gising at sa umaga'y hindi ko naman siya naabutan pang tulog. Kapag gigising ako'y wala na siya saking tabi ngunit alam kong hinigaan niya mismo ang kama dahil naroon pa ang kakaunting paglubog at gusot mismo ang parte nito.
Ipinasara narin niya ang kanyang kwarto at sa ibang silid narin kami natutulog. Madami mang katanungan ang bumabagabag sakin at gustong gusto ko ng magtanong ngunit wala akong karapatan. Trabaho lamang ang aking tungkulin dito at hindi na dapat ako manghimasok pa sa personal na buhay niya. Narito ako ngayon at nakaupo sa gilid ng kama. Kakagising lang at tulala pa. Nilingon ko muli ang parte na kanyang hinigaan. Napangiti ako ng mapakla ng walang David akong naabutan.
Nagpakawala ako ng malakas na hangin. Yun bang ang bigat bigat na ng nararamdaman ko. Yun bang wala kang magawa dahil wala ka naman sa posisyon para magtanong, para makialam. Ilang minuto pa akong nanalagi sa ganong eksena ng may kumatok na sa pinto. Napabalikwas agad ako ng tayo at pinagbuksan kung sino ito. Si Madam Hilga ang sumalubong saakin.
"Hija nakahanda na ang tanghalian. Bakit tinanghali kana ng gising? Hindi ka tuloy nakapag almusal." Pag alala sakin nito. Ganito naman talaga si Madam. Masungit ngunit maalalahanin sa kapwa.
Duon ko lamang napansin ang pagbabago ng routine ng aking katawan. Maaga man akong matulog ay tila hinahatak naman ako ng kama kung kaya't hindi ako nagigising kaagad ng umaga. Pakiramdam ko din ay nilalagnat ako dahil sa init ng pakiramdam ko ngayon.
"Natalie namumutla kana. Tara't kumain kana sa baba alam kong gutom kana." Sabi nito. Napasandal ako sa gilid ng pinto ng makaramdam ako ng pagkahilo.
"Ay Diyos ko anong nangyayare sayo Hija? Masama ba ang pakiramdam mo?" Pag aalala niya sakin.
"Nahihilo lang po ako Madam. Wala lang po ito." Pilit kong ngiti.
"Magpahinga ka nalang dito at ipapahatid ko nalang ang pagkain mo. Mahirap na baka mawalan kapa ng malay niyan." Sabi niya sakin at inalalayan ako sa kama. Duon lamang ako naglakas loob na magtanong na.
"Madam." Sabi ko ng akmang aalis na ito kaya't napalingon siya.
"Ano yon?" Agaran niyang responde.
"Madam sino po ba ang babaeng nakakulong sa ilalim ng silid ni David?" Wala ng hiya hiya pa. Hindi ko na kaya pa at alam kong kailangan ko ng magtanong at malaman kung ano nga bang mundo ang ginagalawan ko. Kitang kita naman ang agarang pamumutla sa mukha ni Madam Hilga. Kaagad niyang isinara ang pinto ng may pagiingat at naupo saking tabi.
"N-Nakita mo ang Señorita Veronica?" Namumutlang sabi niya. Maging ako'y nagulat sa kanyang sinabi. Kung. Veronica nga ang pangalan ng babaeng yun ay tumango tango nalang ako. Kailangan ko ng kasagutan sa lahat ng tanong ko.
"Opo Madam."
"Nako Natalie hindi mo alam ang pinapasok mo mas maigi pang wala kang malaman dahil alam kong di kapa handa." Sabi niya.
"Handa saan? Nakikiusap ako Madam, ang dami ng gumugu-" Napahinto ako ng makaramdam ako ng pagbaliktad ng aking sikmura. Kaagad akong bumalikwas ng takbo papunta sa banyo mismo dito sa silid.
"Natalie anong nangyayare sayo?" Nag aalalang sumunod si Madam. Namimilipit na ako sa sakit. Hawak hawak ko ang aking tiyan habang sumusuka sa inidoro. Hirap na hirap ako sa ganong kalagayan.
Pagkatapos ay finlush ko na at nag mumog agad ako. Napahilamos pa ako at napatingin saking itsura. Sobrang namumutla ako. Inalalayan naman ako ni Madam na magtungo sa kama at inihiga.
"Natalie magtapat ka. Buntis kaba?" Tanong nito sakin. Napanganga ako. Hindi ko alam ang sasabihin pero sandali mag iisang linggo na pala akong delayed.
"Hintayin mo ako at ikukuha kita ng pt." Sabi nito at lumabas. Napahawak ako saking noo. Hindi maaari, hindi ako maaaring mag buntis dahil alam kong walang pananagutan si David. Sana'y mali ako. Sana'y mali lang ang hinala ko.
Bumalik si Madam at ibinigay sakin ang isang pt. Kinuha ko naman ito. "Hihintayin kita dito sige na." Sabi nito at tumango naman ako para pumasok sa banyo.
_____
Nakatulala lamang ako sa dalawang guhit. Walang mababakas na kahit anong emosiyon ngayon sakin. Madaming katanungan ang gumagambala saking isipan. Isa pa si David. Hindi ko alam kung matatanggap niya gayung wala namang kami.
"Natalie hindi ka paba tapos? Magkakalahating oras kana diyan." Kumatok na si Madam. Duon ko lamang napansing kanina pa pala ako nakaupo sa inidoro. Tumayo na ako at inayos ang sarili ko.
Kinuha ko ang pt at finlush ko na mismo sa bowl. Napahilamos muli ako at nagsipilyo. Naghugas ng kamay tsaka nagsalamin. Kitang kita ko ang pait saking mga mata. Hindi ko alam kung papaano haharapin si David.
Lumabas na ako.
"Anong balita? Buntis kaba?" May halong excitement na tanong ni Madam.
"Negative po." Agarang responde ko.
Itutuloy....