شقة رقم ٧

الفصل السابع

[ المنحوس منحوس و لو حطوا على رأسه فانوس ]

______________

تاي بيحرك ظهره بألم و هو واقف جنب العربيه إلى اتدشدشت في الشارع : ااااعع ظهرراايي.. هنعمل ايه دلوقتي؟! هنقول ل جين هيونغ ازاي ده فيها قطع رقاب دي!

كوك واقف مصدوم و عينه على العربيه إلى دخلت في عمود كهرباء و لسه بنقول يا صبح مش عارف يتحرك من مكانه عينه هتخرج من مكانها من الصدمه ده غير الكام واحد الي واقفين خايفين يقربوا من المصدوم ده ل ينفجر في وشهم و في وش الي كان السبب إلى واقف اكنه معملش حاجة

تاي لما لقاه واقف مش بيتحرك راح ناحيته و هو ماسك ظهره الي اتصاب من قوه الخبطه ظهره اترد في الباب من الجنب، وقف جنبه و حط ايده على كتفه : جت سليمه خلاص بقى الحمد لله ان كلنا كويسين و مفيش حد - اتأوه من حرك ظهره - اتصاب

رمش كزه رمشه علشان يفوق من الصدمه و بعذها بصله ببؤ بفتوح : ه ه ه نعمل ايه دلوقتي؟؟ - وجه صباعه بسخط ناحيه ولد صغير واقف و سرخ فجأه سرع الكل - و كله بسبب الحيوان ده!!!

..

فلاش باك صغير

متحركين بالعربيه بعد ما خدوها من جين بالعافيه و اقنعوا يونغي و نامجون يروحوا مواصلات هو مش إقناع اوي هو كان أشبه بالإجبار

ماشيين في طريق السلامه مفيش حاجة خالص كله في نفسه، جونغكوك مركز في السواقه و مالوش دعوه بحد، تاي جنبه حاطط السماعات في ودانه و قاعد على الموبايل، جيمين في الكنبه إلى ورا مريح عليها حاطط الكاب على وشه مغطيه و ممدد على بقيت الكنبه نايم ف كان الجو صامت و عادي

تاي فجأه اتكلم و هو على موبايله : امبارح انا حطيت الشاحن بتاعي قبل ما انام تحت المخده صحيت ملقتوش

جيمين من نومه : ايوه انا أخذته الفجر علشان موبايلي كان هيفصل و ملقتش شاحني ف رجعتهولك في الدولاب ناحيتك

تاي بلامبالاه : اوك

بعد دقايق رفع رأسه شال السماعات و بص للطريق بعذها بص للي بيسوق جنبه بصمت : ممكن تسرع ماشيه السلحفه دي شويه عاوزين نوصل النهارده مش بعد بكره!

طلع صوت ساخر و اردف بشويه غضب : عاوزني امشي على كام مثلا في الطريق ده 120!! ما انا متزفت ماشي على 60 اهو اروح فين تاني انا!!!!

تاي اتفاجيء من عصبيته إلى مالهاش سبب في نظره : أهدى أهدى انا مش قصدي حاجة أخذت الكلام كده ليه - تمتم بصوت واطي - مزجاتلي

كوك كمل شخط بعصبيه : مهو علشان مش انت الي سايق ف حاسس انى بستهبل! تعالى سوق مكاني احسن ولا اقولك بلاش لنلبس في الحيطه

تاي اتنهد بعدك فهم ليه : قولت خلاص ايه ده مكنش قصدي مش قصه هي

كوك : ما انت علشان بتقول كلام مالوش معنى
تاي : جونغكوك!! خلاص قولت!

جيمين قام قعد من أصواتهم : فى ايه يا جماعه الواحد ميعرفش ينام بهدوء ولا ايه و بعدين مالكوا على الصبح ما احنا كنا كويسين؟؟

كوك اتنهد و مردش ف تاي رد بداله : مفيش حاجة كمل نومك احسن

أومأله و رجع ظهره على الكنبه سند عليها بيبص من الشباك بصمت و تاي حرك نفسه سند ظهره على الباب و ربع رجله و رجع السماعات في ودانه تاني

كوك : نزل رجلك من على الكرسي!
تاي : مش عربيتك ف اعمل إلى انا عاوزه

كوك فصل يتمتم بعصبيه : ابو كده على إلى يعرفكوا

و فجأه من اللامكان عجله عربيه بيعدي الشارع و هم قريبين منها و لو العجله دخلت تحت العربيه هتقلبها ف طبعا حاول يوقف العربيه بس ملحقتش تقف و هوبا علشان يتفادي العجله راح دخل في العمود

و صاحب العجله دي واد صغير بيستهبل و يلعب بيها و الاهبل بيضحك و هم دخلوا في العمود ظهر تاي اترد و جيمين لحق نفسه قبل ما يتخبط و كوك اترد لقدام شويه بس اكترهم أصابه و نحس هو تاي دايما

كوك فضل مصدوم و الواد الصغير بيضحك ابن ال عبيطه في الجنب قطع صدمته صوت تاي المتألم ف لف ناحيته بصدمه بصله و بص على جيمين إلى بيحاول يقوم من على الكرسي بيعدل نفسه

تاي بتألم : ظهرراايي حاسس انه اتكسر نصين

كوك قعد يتأسف : اسف اسف اسف و الله ما اقصد هو العبيط ابن ال عبيطه إلى طلع في وشي فجأه بالعجله بتاعته دي خلا مسار العربيه يتغير

تاي و جيمين بصوله بتشويش ف اردف جيمين : الحمد لله انها جت سليمه و محصلش لحد فينا حاجة ماعادا - بص ل تاي - انت ايه الي حصلك ده انت منحوس يا ابني دايما كده!!!

تاي بتالم : بس بس اسكت مش ناقصك انا
كوك فتح باب العربيه : انزلوا انزلوا

تاي مد ايده يتفتح العربيه بصعوبه و الناس بدأت تتجمع حواليهم شويه شويه اصل لسه الساعه الصبح بدري مفيش حد صاحي يعني

جيمين رفع التيشيرت بتاع تاي من ورا يبص في ايه و تاي مستسلم من الألم : لا بسيطه متخافش كدمه كده شويه مراهم و خلاص

نزله التيشيرت تاني ف مسك تاي ظهره على طول، كوك إلى راح عند مقدمه العربيه الي بلعت عمود النور و خدته خلته يتني حتى عن مساره و بص للولد الصغير مسكه من هدومه و رفعه ل مستواه : فين اهلك يلا الي معرفوش يربوك دول ها؟؟

جيمين طلع موبايله من جيبه لقاه فاصل شحن و كان هيلف يقول ل تاي يجيب موبايله لقى صغيره واقفه عند رجله ف قص ل تحت لقاها بتبصله بتنونو و بتتمسح فيه

نزل على لمستواها : عاوزه ايه ؟؟

القطه نونوت اكنها مثلا فاهمه هو بيقول ايه و ذه الرد عليه ف هو سألها تاني : انتي تايهه من صاحبك؟

القطه نونوت تاني و اتمسحت فيه بعدها بعدت عنده تحركت شويه بعدها وقف بصت ورا لقته لسه مكانه ف نونوتله و كملت مشي اكنها مثلا بتقوله تعالى ورايا و هو زي الاهبل مشي وراها لحد ما اختفى

اند فلاش باك
..

راجل من الي واقفين بيهدي فيه : خلاص بقى يا استاذ حصل خير الحمد لله انها جت على قد كده و جت سليمه و كلكوا بخير - بص ل تاي المتألم و رجع بصله - قصدي بعضكم بخير

اتنهد بقله حيله و بص ل تاي الي لسه ماسك ظهره بيظهر تعابير متألمه : انت كويس؟؟

تاي : انت شايف ايه؟!!
شوحله بعدها بص حواليه : جيمين راح فين؟؟

تاي بصله بتعجب : يعني ايه؟؟
بص حواليه تاني ف تاي بص معاه : مش موجود!!

تاي شهق : ضيعناه!!!
كوك خبط ايده على راسه : كملت، مهو ده الي فاضل

.

عند جيمين بعد ما فضل ماشي ورا القطه إلى اخدته للامكان و هو كان عنده فضول هي راحه فين و في الاخر سابته في ممر صغير فيه صناديق زباله و هي نطت في واحده منهم قابلت صحابها القطط و هو فضل مكانه مش مستوعب للأن

خرج من الممر بص حواليه اتصدم لما لقى أن الشارع ده فاضي شبه مهجور و لوحده مفيش كلب معدي حتى ف بدأ الرعب يدب في قلبه خصوصا انه ميعرفش حاجة يادوبك حافظ مكان شقتهم بالعافيه

خرج على الشارع على أمل انه يلاقي تاكسي أو أي حاجة يقوله عنوان بيتهم ملقاش حاجة ف بدأ يتفزع اكتر و كمان هو متعقد من هو صغير لأن كان بيتوه من اهله كتير ف عنده سوابق أفعال

بخطوات متردده اتحرك من مكانه كش على نفسه فضل يمشي فس الشوارع بيحاول يفتكر المكان الي مشي منه بس هو مش فاكر حاجة لأن كله كان تركيزه مع القطه إلى فضل يلعنها و يلعن فضوله إلى كانوا السبب في إلى هو فيه ده دلوقتي

حس انه بدأ يتوه اكتر كل ما يمشي اكتر ف وقف مكانه و الدموع بتتملي في عينه لأنه عمل شريط في دماغه دلوقتي عن بقيت حياته الي هيقضيها تشرد في الشارع و الشحاته يعني مفيش أهل مفيش صحاب مفيش حاجة غيره و غير القطط إلى هتوديه في داهيه و كل ما يفكر اكتر كل ما خلاص هيعيط

فجأه استنجد بأمه إلى فى دوله تانيه اصلا و سرخ في نص الشارع قال يعني هي كده هتسمعه من القاره الأخرى و تيجي : اوووومممااااااااا ( ماما )

.

نرجع عند تاي و كوك تاني إلى بدأ يحس ب فزع لأنه ضرب عصفورين بحجر ضيع بني آدم و دمر عربيه و تاي بقى مش عارف يعمل ايه ياخد باله من ظهره إلى هيموته من الوجع ولا من كوك إلى بدأ يدخل في حاله انهيار عصبي ساند على العربيه ولا من الناس الي حواليهم بيتكلموا هو الي بدأ يفقد أعصابه

تاي بيهدي كوك بيخليه يحاول ياخد نفسه إلى كاتمه من الصدمه : أهدى براحه حد نفسك عادي هنتصل بيه و نشوفه فين يمكن يكون رجع البيت يطلب المساعده منهم صح!

بصله من صدمته و اومأ : ايوه ايوه صح - طلع موبايله من جيبه و ضرب النمره على طول - رد رد

خبط ايده على راسه و قفل المربايل شد عليه من العصبيه : مقفول

تاي اتنهد لأنه مبقاش عنده أفكار و سند جنبه على العربيه براحه : يبقى هو راح البيت زي ما قولت

جونغكوك بصله : هو عارف العنوان اصلا!
تاي بصله و نفي  : معرفش، بس مظنش

اتنهد بصوت عالي  و بعد عن العربيه خبط عليها : هنعمل ايه دلوقتي؟!

.

جيمين إلى كان قرب يجيله حاله انهيار من كتر تفكيره إلى عمال يقوله ل نفسه، فجأه لقى على بعد 100 متر منه تقرييا يافطه مكتوب عليها اسم متعلقه على كافيه في الشارع

مخه اشتغل فجأه و افتكر أمه هو نفسه اسم الكافيه إلى بيشتغل فيه ' هوسوك ' ف عينه لمعت و جرى على هناك من غير تفكير لدرجه ان كان فيه عربيه هتشيله لأنه كان بيعدي الشارع جرى من غير ما يبص على إشارات و لا حاجة

وصل هناك لما عدي الشارع وقف قدامه من غير ما يدخل من الأزاز لقى المكان فاضي ف فقد الأمل لأنه افتكر المكان مقفول و انه لسه موصلش بس قطع فقدان أمله لما روبن إلى ظهر و سحب كرسي قعد عليه و جيهوب إلى خارج من مكتب المدير بيتذمر

فتح الباب على طول و وقف عينه دمعت لما شافه تلقائي و هو بصله بصدمه و قلق ف نطق : ه هيونغ

.
.

في المدرسه..

جين قاعد في أوضه المدرسين على مكتبه سرحان : انا قلبي بيقولي أن فيه مصيبه حصلت من ورايا

لوكاس رجع بكرسيه لورا على جمله جين و لف كرسيه علشان يواجهه : ليه كده بس فال الله ولا فالك قول حاجة حلوه

جين بصله من شروده : حاجة حلوه

دور عينه بملل عليه ف جين كمل بتتهد : معرفش في ايه بس حاسس ان فيه حاجة حصلت أو مصيبه وقعت مع العيال

لوكاس : ليه بس التشاؤم ده متبقاش ديبريمندو
جين : ايه؟؟ د ايه؟!

دور عينه بملل : ديبريمندو ديبريمندو، عمرك ما سمعت اسبانيول قبل كده!

جين حط ايده على خده : لا تصدق معرفش
اتنهد ورد عليه : يعني كئيب كده و عيش حياتك

جين خبط ايده على راسه بقله حيله منه و تمتم : انا بس دلوقتي عرفت هم الطلاب مش فاهمينك ليه علشان عامل عليهم فهيم - طلع الموبايل من جيبه - اما اكلم حد فيهم اتطمن علشان اعرف اشوف شغلي

لوكاس شاورله : اديلانديه - go ahead -
جين دور عينه و مستني حد يرد عليه بترقب...

.
.

جونغكوك وقّف العربيه قصاد الجامعه من بره و عم الصمت ما بينهم للحظات لحد ما اردف تاي الي فتح الباب علشان ينزل : انا نازل ابقى كلمني لو فيه حاجة حصلت جديده

كوك لما تاي نزل : طب و ظهرك ده!

تاي ابتسم بلطف : متقلقش مبقاش يوجعني * يلا يا كداب يا ابن الكدابه هنتشوي في جهنم بكدبك ده *

كوك * انا عارف انه بيكدب و اكيد واجعه الخبطه مش هينه، اقترح عليه اروحه ولا بلاش *

تاي قطع تفكيره : روح انت اعمل العربيه زي ما قولت و انا هدخل اشوف المحاضرات علشان ميبقاش ضيعنا اليوم احنا كده كده بره و لو جيمين اتصل أو عرفت توصله ابقى بلغني تمام

اومأله بحذر ف تاي قفل الباب بتاع العربيه و شد على شنطته : سلام بقى

اتحرك بالعربيه سابه و هو كان حاطط ابتسامه على وشه علشان يطمنه و اول ما العربيه اختفت ابتسامه راحت و استبدالها ب علامات ألم و ماسك ظهره عمال يتأوه و هو بيدخل من باب الجامعه الرئيسي

.

في الكافيه

جيمين شفط من العصير شفطه كبيره خلص نصه تحت أنظار روبن و هوسوك من سرعته بعدها حط الكوبايه على الطربيزه بشبه عنف و هو بيتنفس بسرعه : و بس هو ده الي حصل و لقيت نفسي هنا

روبن باصص الكوبايه إلى خلص ثلاث اربعها بشفطه واحده : وااه انت جبت قوه الشفط دي منين؟!!

هوسوك دور عينه عليه و سأل جيمين بحذر : يعني انا مفهمتش بردو انت توهت منهم ازاي؟؟

مهو مرضيش يقوله على الحته بتاعه خبطه العربيه و انه مشي ورا قطه ف لقى نفسه تايهه لا هو حور حبتين ثلاثه على الحوار الأصلي بس

اتوتر و بلع ريقه بيدور علي كدبه حلوه يقولها ف فضل ساكت شويه بعدها اردف بابتسامه : هيونغ..

رفعله حاجبه مستني بقيت الجمله ف جيمين قاله بابتسامه واسعه : ممكن تليفونك لحظه!

بصله بتعجب اكبر لأن مفيش داعي الابتسامه اصلا بس طلعله موبايله و اداهوله ف خده منه على عجله فتح الرسايل عند جونغكوك و كتب..

' انا جيمين ببعتلك من موبايل هوسوك هيونغ علشان اقولكوا اني معاه و متقلقوش عليا و انا همسح الرساله من هنا علشان انا مقولتوش على حاجة بخصوص الحادثه و كده ف خلي بالكوا '

بعت الرساله و عملها مربي بيست عن تاي و بعد ما اتأكد انهم وصلوا مسح الرسالتين : انت بتبعت لمين؟

جيمين اتخض و الموبايل كان هيطير من ايده بس مسكه بسرعه : لا لا ولا حاجة ده كان جين هيونغ بشوفه عمل ايه في موضوع حفلته و كده انت عارف

بصله بشك و هو بياخد موبايله و جيمين بيضحك بتوتر خايف الحيله متنطليش عليه ف نفخ براحه لما قام و حط موبايله في جيبه : طيب تمام.. عاوز تشرب أو تاكل حاجة ولا تحب تروح؟

نفى وأردف بإبتسامه كبيره : هقعد معاك هنا و نروح سوا بعد الظهر

اومأله بالإيجاب : طيب.. انا هروح اشوف المدير لو عاوز حاجة و ارجعلك ماشي

اومأ بابتسامه : تمام!
اتنهد و اتحرك من مكانه للمكتب..

و روبن كل ده مزهريه في وسطيهم، جيمين بصله و ابتسم بتوتر رفع ايده : ه هاي!

.

ورشه الصيانه

عند جونغكوك إلى راح أقرب ورشه تصليح ف كان واقف على دماغ الولد الي كان بيعاين مدى ضرر العربيه و تكلفتها ايه

كوك بتوتر و ترقب : هاا.. ايه الاخبار ؟؟
الولد رفع رأسه و بصله اتنهد : المدام حامل

كوك : ايه؟؟؟؟
الولد : ا ا ا ا ق قصدي العربيه محتاجه عمره

كوك خبط ايده على راسه و اتنهد بتوتر : طب تكلفلها كام دي؟!

الواد بتفكير : مممم وش سلندير على كبوت جديد مع شويه تصليحات داخليه و شغل ايدي طبعا كل كده بال صلى على البنى.. 2500 جنيه

كوك بصدمه كبيره : ايه!!!!!
الولد : ده إذا مكلفتش في الاخر 3800 جنيه

كوك بصدمه أكبر : ايه!!!!!
الولد :' بالضبط كده

كوك بصدمه : يعني ايه؟؟

الولد مد ايده : يعني هات 2500 جنيه علشان ابدأ شغل فيها من دلوقتي لو عاوز

كوك بينهار داخليا * يا نهار اسود و مهبب، نهار اسود منقط في اسود اعمل إيه في الواقعه السوداء إلى حطت عليا دي أنا دلوقتي! ده جين هيونغ هيولع فيا ده مش بعيد يرميني في الشارع للكلاب و القطط.. طب انا اجيب المبلغ ده منين دلوقتى! *

الولد قطع تفكيره : ها يا استاذ؟؟
كوك بصله و اتنهد : طيب طيب.. هتخلصها امتى

الولد بتفكير : على بكره كده
كوك : لا لا مينفعش النهارده

الولد : يبقى 3 بواكي مبرشمين لازمه الشغل
كوك بشك : انت مبرشم يلا؟؟

الولد ضحك بغباء : لا صاحي يا باشا انتي تلاقي بس خبطه العربيه أثرت على أعصابك مشتغلش بالك

كوك : ااه مهو واضح انها ماثره عليا انا فعلا.. المهم دلوقتي هجيبلك الفلوس الي انا عاوزها بس تخلصهالي على الساعه 5 بالكتير اوي

الولد : ليه يا باشا هو انا سوبر مان؟!
كوك بسخريه : لا سبايدر مان يا خفه.. هتشتغل ولا لا

الولد : هتشتغل هتشتغل و أمري لله

كوك : مهي علشان مش فلوسك.. ابدا اشتغل فيها عبال ما اروح مكتب الصرافه إلى هنا علشان اجيبلك زفت فلوسك دي

الولد : تمام يا باشا
كوك اتحرك من مكانه بتمتم : الله يخربيتك

بعد عن العربيه علشان يعدي الشارع قطعه صوت وصول رساله من موبايله ف طلعه شاف رساله جيمين اتنهد و حط الموبايل في جيبه تاني عاوز يعدي الشارع انا بشوف نهايه اليوم ده ايه

.

في الجامعه

تاي ملحقش اول محاضره طبعا حاول يدخل المحاضر رفض لأنه جاي بعد المعاد بعد نص ساعه ف بقى مشرد في الجامعه عبال ما المحاضره دي تخلص و كمان لوحده لأن مينجي مجاش لأن راح عليه نومه ف تاي بعتله رساله على الفون

' واطياااااه يا بسنت '

راح مينجي رد عليه بعد دقائق..

' مش اوطي منك يا دياسطي '

قفل موبايله و اتنهد، حط ايده على ظهره بيفركه بخفه من تحت و نفخ : اعمل ايه انا دلوقتي لوحدي و كمان مفيس محاضره انه ايه الي جابني ما كنت روحت بيتنا زي ما جونغكوك قالي و خلاص لارم اتفزلك و اعلم فيها الراجل العاثل و القدوه قصاده! ما تولع القدوه.. ظهري هيمووتتننااااييي

الطلاب بتبص عليه و هي معديه من جنبه باستغراب لأنه بيكلم نفسه زي المجنون ف لما لاحظ ده اتنهد للمره الألف النهارده و اردف ل نفسه : اروح فين طيب في الحوسه دي بقااااااااه.. انا نحس انا عارف شكل امي و هي حامل فيا قعدت مع ان نامجون هيونغ كتير اخدت انا النحس و هو خد التدمير التام

بعد ما قرر انه يسكت لأنه بقى شكله غريب الاطوار في الجامعه و هو بيكلم نفسه زي الاهبل كده، قطعه وصول رساله جيمين إلى شافها و رجع الفون تاني

مشي خطوات بلا هدف رجله واخداه مكان ما تأخذه لحد ما وقف عند لوحه كبيره فيها ورق كتير متعلق عن نشاطات و كده يعني ف طاع صوت إعجاب و مرر عينه على الورق كله بيقرأ إلى فى الإعلانات

كان فيه اعلانات كتير اوي عن مجالات مختلفه و في كل الأقسام لفت انتباهه إعلان معين..

{ تتشرف اداره الجامعه ببدأ الدورة التمثيليه للطلاب والطالبات و الذي يود المشاركه يتجه إلى مسرح الجامعه حيث يتم فيه أداء اختبار تجريبي ليتم فيه قبول الطلاب الذين سيشاركون في العمل المسرحي القادم التي ستقدمه الجامعه بعد شهرين من الآن

تعتبر الفنون المسرحية والدرامية وسيلة للتعبير تسمح للممثلين التعبير عن انفسهم بطريقة فنية فإذا كنت من من يهتمون بإيجاد موهبته المدفونه فلا تتردد في تجربه ذلك بنفسك

هل يمكن أن يكون هذا التخصص هو الأنسب لك؟؟

لشروط التسجيل و مواعيد التقديم، التواجد الي مسرح الجامعه الساعه 10 صباحا و شكرا }

خلص قرايه الإعلان و راح سحب الورقه من على اللوحه و اتحرك لأقرب طالب وقفه و شاورله على الورقه : هو مسرح الجامعه فين ؟؟

الطالب لف و شاورله : ورا مبنى تجاره هتلاقيه هناك
اوما بسعاده : اه شكرا جدا

الصائب نشب ف هو فضل واقف و الابتسامه بتشق وشه ف باس و حضن الورقه : ااه اخيرا هلاقي نفسي الضايعه و ابهرهم بموهبتي المدفونه من زمان ده انا متن نفسي جدا أقدم في حاجة زي دي و اخيرا اتحققت ... اخيرا هبقي ممثل ياااااايييي

نسيب إلى أحلامه وسعت منه بزياده ده..

. 

و نرجع ل جونغكوك المحتاس قصاد ماكينه الصرف عمال يتحايل على امه بقاله نص ساعه : اوووممماااا.. بليز بليز بليز ده انا اول مره اطلب منك حاجة زي كده

- مهو علشان دي اول مره تطلب مني حاجة زي كده ف انا مش مواقفه وبعدين تخبط العربيه و انا ادفع الثمن ليه ها ولا علشان انت ابني!! تعالي شوف ابنك يا جيييوووننن - ابوه -

- ( ابوه دخل في المكالمه من اللامكان) عمل ايه الابن العاق ده تاني؟!

كوك : لا سيحي.. سيحي و علي صوتك كمان خلي البلد كلها تسمع ولا اقولك روحي قولي ل جين هيونغ في ودنه أسهل ولا كلميه فديو كول

- ( بشخط) ولد!!.. و بعدين انا مش بنك علشان افتح اجيب منه و اقفل تاني قاكر الفلوس قاعده على حجري ولا ايه

كوك دور عينه : ماما ارحوكي بقى متبقيش كده ده انا ابنك حبيبك الكبير إلى بتحبيه إلى اخد دلع مخدوش اخويا الصغير هاااا

- ( دخل في المكالمه) مين الي بيجيب في سيرتي
- ( ام كوك) يسبك منه * اتنهد * عاوز كام يعني؟؟

الابتسامه أشرقت في وشه : بجد بجد شكرا جدا جدا مش عارف اقولك ايه هرودهالك في أقرب فرصه صدقيني

- تردهالي ازاي هو انت بتشتغل ولا حيلتك حاجة اساسا ده انت عايش عاله على جين بيالكلك و يشربك و ينيمك خلاص بقى أمك التانيه مش كده

دور عينه على امه : يااا مااامااا بطلي ذل فيا بقى!
- اخلص قول عاوز كام قبل ما ارجع في كلامي

قال بسرعه : 3500 جنيه
- (بصدمه) ايه؟؟؟؟

.
.

في المدرسه

جين مع المدرسين في القاعه إلى عملوا فيها الاحتفال الصغير القائم دلوقتي بالفعل و كله منتشر في المكان ده غير المدرسين إلى بيشكروا في جين بسبب الكابكيك إلى عامله و هو بيبص بفخر

واحد من مدرسين بإعجاب : لابجد حلو اوي انا هخلي مراتي تيجي تاخد كورس عندك دي طلعت مش بتعرف تعمل حاجة جنب اكلك

جين بفخر : طبعا حاحة متوقعه من وسيم زيي
مدرس بتمتمه : ابو الغرور

واحد تاني من المدرسين : قولي ايه سرك بقى؟؟
جين ضحك : سرك!! انت تاني! انت ايه حكايتك!

لوكاس من جنبهب سخريه : معلش أص كنز علاء الدين ضايع منه بقاله فتره و ناسي كلمه السر إلى هتفتحله الباب السري للكنز

جين باستنكار : ايه كل ده!
واحد من المدرسين : على فكره المدير كان عاوزك
جين شاور على نفسه : عاوزني انا؟؟

المدرس شاور : اهو جاي اهو

المدير وقف و كان في ايده كابكيك من بتاع جين بياكل فيه و الايد التانيه ماسك واحده كمان : بجد بجد جامد اوي انا اول مره اشوف حد من مدرسين المدرسه بيفهم في حاجات تانيه غير مهنته الاساسيه بجد شابو ليك

جين : شكرا لحضرتك يا فندم و الله ده شرف ليا أنه نال إعجاب حضرتك بجد متشكر اوي

المدير : لالا متشركنيش دي حقيقه و بالمناسبه دي هديك علاوه
جين عينه لمعت : بجد!!!

المدرسين عينهم وسعت من الصدمه لأن مديرهم ده بخيل و جلده ف استغربوا من فعلته

* و على رأى المثل الطريق لقلب الراجل معدته * مع اني ضد المثل ده بس هو ينطبق على الكائن ده

المدير : اه اه طبعا امال ايه انا تستحق.. مم حلوه اوي دي.. انت عملتها ازاي؟؟

جين بسعاده سقف : بجد بجد انا مش عارف اقول ايه ل حضرتك بجد انا هكوم عند حسن ظنك دايما و انا ممكن اعمل لحضرتك مخصوص و اجيبه كل يوم المكتب عندك

المدير عينه لمعت : بجد؟؟
جين اوما : اه طبعا و صندوق كمان

المدير : هيدك علاوه تانيه
المدرسين عينهم فتحت اكتر و بؤهم بقي في الأرض

جين سقف بحماس و بدأ يفكر في الرخاء إلى جاي و مفيش أزمات ماليه تانيه لفتره و كده بس ميعرفش المصيبه إلى مستنياه في البيت

.
.

جونغكوك : ها ياسطي خلصت ولا لسه؟؟
الولد رافع راسه من الكبوت و رجعه : لسه بدري جدا

نفخ : الله يسد نفسك - خبط ايده على السقف و بعد لورا - أنجز طيب

الولد : انا مش سوبر مان حضرتك و بعدين ممكن حضرتك تروح و تيجي تستلمها على الساعه 5 أو 6 اكون خلصت

كوك بقله حيله : مهو ده إلى هعمله فعلا.. شوف شغلك

ماشي ناحيه الشارع و بيطلع التليفون من جيبه علشان يكلم تاي ف وقف عند الرصيف يشوف تاكسي يتخذه و مستني تاي يرد عليه

- يس كوكي
بيبص على أول الشارع : انت فين؟؟

-( ضحك بحفه) في الجامعه اكيد هروح فين يعني

مد ايده شاور للتاكسي إلى جاي من بعيد : اصل ده معاد محاضره انت مش جوه يعني!

- اه مهو الدكتور الرخم مرضيش يدخلني علشان قال ايه جيب متأخر.. تشه مهو شخصيا بيجيي متأخر

همهم و وقف سأل بتعجب : ايه الأصوات للي عندك دي؟!
-( بحماس ) اه اه اه شوفت إلى حصل ا..

قاطعه عن كلامه : معلش خليك معايا ثانيه
- طيب

السواق مد راسه من الشباك سأله : على فين؟؟
فتح باب العربيه و ركب : جامعه القاهره

السواق : الباب الرئيسي ولا الخلفي ولا الداخلي
كوك : الرئيسي

السواق : بوابه واحد ولا اثنين و لا ثلاثه
كوك اتنهد : بوابه واحد

السواق : طيب.. راجل أمن واحد ولا اثنين ولا ثلا..
قاطعه : في ايه حضرتك مكنش طريق هو ايه ده!!

السواق بتذمر : بستفسر الله!
كوك بنفاذ صبر : متستفسرش لو سمحت

السواق شغل العربيه : طيب براحه يا عم
كوك بتمتمه : ابو شكلك

- ممم انت جايلي ولا ايه؟؟ طب و العربيه؟؟!

اتنهد و رفع السماعه لأنه نسي انه معاه اصلا و اردف : العربيه مش هتخلص قبل المغرب و كده كده اليوم صاغ ف انا بقول نروح عند جيمين و ساعتها نبقى نشوف هنعمل ايه في الحكايه ذي

- اوك انا مستنيك عند البوابه من بره.. سلام
كوك : ماشي نص ساعه و ابقي عندك

- باي

قفل الموبايل و بص قصاده بيتنهد على اليوم إلى مش فايت ده و اصلا السواق شكله ضارب برشام على الصبح و ليله طين باينها

كام السواق كل شويه و ببصله و يبص الطريق و كوك عامل نفسه من بنها لأنه عارف انه عاوز يتكلم معاه و كده بس هو مش فايق للهطل ده دلوقتي

فضل الصمت للحظات لحد ما قطعه السواق : الا مقولتليش يا باشا هو انت مش من هنا صح؟!

خبط ايده على راسه بقله حيله و اتنهد للمره المليون على ابو اليوم إلى مش فايت ده..

.
.

في الشركه

نامجون واقف بملل عن آله الطباعه في الاوضه المخصوصه ليها مستني الورق الي بيطبعه يخرج و كله بأوامر المدير إلى عاوز الورق ده حالا ف كان ساند على الحيطه مستني الورق يخرج و كل شويه يتاوب من الملل

كان فاصل آخر ورقه خلاص هتطلع و فجأه متفهمش إلى حصل نص الورقه بس الي خرج و النص التاني محشور جوه ف الطابعه فضلت تعمل صوت أن فيه ورقه محشوره ف نامجون مبقاش عارف يعمل ايه ماسك الورقه عمال يشدها علشان تخرج مش راضيه خالص

و فجأه الطابعه سحبت الورقه ل جوه و طرف جاكيته دخل جوه ورا الورقه و اتحولت ل آله سحب بدل طباعه و بقى محشور و الطابعه عمال تعمل صوت أنذار اصلا و الحاله بقت زقت جدا

بعد صراع راح مد ايده بصعوبه ناحيه الفيشه علشان تفصل ف فصلت تعمل صوت أعلى لحد ما فجأه فصلت تمام ف اتنهد براحه شئ الجاكيت بصعوبه لقى أن طرفه إلى انسحب اتلف ف اتنهد بعدم رضا بصوت

خرج الورق إلى خرج و حطه بعيد قرب من الطابعه إلى خليت بيه دي و بقى يبص فيها من قرب و يطلع أصوات تفكير : مممم بتتفتح ازاي دي!

مد ايده على سقف الطباعه و بيشذ فيها براحه : مش بتتفتح ليه دي ا..

مكملش جملته الا و لقى سقف الطابعه اتخلع في ايده ف اتصدم و بصتلها بصدمه جه يمسكها بالأيد التانيه انقسمت نصين ف اتصدم اكتر : واه !!!!

حط السقف إلى خرج ده على جنب و رجع تاني حاول يخرج الورقه المحشوره خرجت في ايده الحباره كلها و بابها مكسور ف انصدم تاني و بقي مش عارف يعمل ايه

بص على ال حاجتين إلى اتكسروا دول و قلل هيروح ل طابعه تانيه يكمل طباعه و يرجع كل حلحك مكانها أكن مفيش حاجة حصلت

راح الطابعه التانيه و اول ما حط الفيشه فيها راح السلك مقرفع مطلع نار و مقسوم نصين بردو ف انصدم و رمي الفيشه على الارض

لا بقي مهو كده مش طبيعي العين تفلق الحجر اه بس مش كده يعني كده أوفر

بص حواليه بقى مش عارف يعمل ايه. اخد الورق و قال هيطلع بره و لسه هطلع سمع صوت المدير و هو بينادي بغضب : كيم ناامممججووووننن!!!

مهو ميعرفش أن المدير عنده كاميرات بترصد كل حاجة ف كان شايفه و اول ما لبقى الحاله اتنيلت كده قرر انه يلحق الوضع قبل ما يسوء و يخرج عن حده

.
.

شقة السباعي / الساعه 3:30 العصر

بعد ما الكل رجع البيت و عرفوا إلى حصل في تاي بس طبعا دونا عن حادثه العربيه ف تاي اخترع انه وقع من فوق سلم الجامعه نزل على ظهره

كان قاعد على السرير و جين وراه بيذهنله ظهره إلى بقى كدمه زرقاء في النص كبيره كده و بيطلع أصوات تألم : اه اه براحه بتوجع

جين و هو بيدهنله ظهره : ايه يا ابني انت نحس كده على طول ليه؟؟.. هي امك مدبحتلكش لما اتولدت ولا ايه؟!

بيحاول يتحمل الألم : مم معرفش بس تقرييا لا
جين : يبقى احنا لازم ندبحلك القطه بقى

تاي لفله بحذر مع علامات تألم : مينفعش كلب طيب
ضربه بخفه على كتفه خلاه يلف تاني : انت هتتأمر

يونغي إلى دخل و سند على الباب : لا هندبحله قرد مسلسل شبه كده يمكن نقضي على السلاله الفاسده دي

جين و تاي بصوله من غير ملامح ف طلع صوت ساخر و طلع بره الاوضه و نامجون إلى كان معدي وقفه جين : استنى بقولك ايه..

وقف و بصله ف جين كمل : من شويه ازازه المياه اتدلقت على الأرض و نسيت امسحها بسبب تاي و كده ف ممكن تمسحها لحين حد يتزح..

ولسه مكملش الجمله صوت واقعه جامده و حد بيتأوه من الألم ف الثلاثه بصوا ل بعض بصدمه : جيمين!!

.

جيمين ماسك ظهره بأعجوبة إلى اترحلق عليه لما كان عاوز يدخل المطبخ يجيب حاجة و هوبا خذله حته شفلباظ على ظهره محترم لدرجه ان ظهره طق و الحمد لله انه متكسرش لأن مالوش تجبيس

بيخرج من المطبخ بمساعدة جيمين و يونغي إلى ساندينه و عمال يطلع أصوات تألم مع كل حركه و نامجون دخل يمسح الأرض قبل ما تبقى ضحيتها واحد تاني منهم

جين : هو فيه ايه النهارده بس
كوك من وراهم بتمتمه : يوم نحس

هوسوك في اللحظه دي فتح الباب : السلام على..
وقف لما شاف المنظر العجيب ده : هو ايه الي بيحصل

كوك ساند على خيطه الطوره : خش مش يمكن تاخدلك زحليقه انت كمان ظهرك ينكسر

جون من جوه : ليه هو النهارده يوم ايه؟؟
جين : الخميس

يونغي : هي هتفرق .. حاسب حاسب
جيمين بتألم و هيعيط : مش عارف اتحرك

هوسوك راح ناحيته بقلق و تفحصه بعينه : مالك ايه ااي حصل بس؟؟

جيمين بعبوس : وقعت على ظهري
هوسوك : انت كمان!

تاي الي خرج من الاوضه بيسند على الحيطه و ايده التانيه على ظهره بص للي ماسك ظهره و مسندينه عينه دمعت لوحدها من غير سبب : جيمين

جيمين رفع عينه و كلهم رفعوا عينهم معاه إلى عينه دمعت بردو و بدأت شفافية تتهز : تاي

الاثنين إلى ظهورهم متكسره قعدوا على الكنبه بأعجوبة و اتنهدوا بقوه لكنهم كانوا شايلين حمل ثقيل و الباقيين قدامهم

أصوات تالمهم بس هي الي خارجه و شكلهم عجيب ف هلا جين يقول : مالكوا عاملين زي الحوامل كده ليه؟!

الاثنين بصوله بعبوس و مردوش عليه ف جون كمل النكته : لا بجد منظروكوا مسخره رغم اني متعاطف معاكوا الا ان منظركوا مش مساعد ابدا - ضحك عليهم -

تاي عبس و اتحرك شويه بألم مد ايده ل كوك إلى كان في الكرسي إلى جنب الكنبه إلى هم فيها و هو اصلا كاتم ضحكته بالغافيه : هات ايدك كده

مسك ايده و هو ماسك ضحكته انه ينفجر بجد في وشه ضحك ف تاي شد نفسه ل فوق شويه علشان يعرف يقعد عدل بس كوك مقدرش يمسك نفسه و اتكلم : براحه على إلى فى بطنك يا حلوه ل يقع منك

و هنا كله وقع ضحك علي نفسك ف تاي ضرب كوك بعزم ما فيه على كتفه وقعه على الكرسي كمل ضحك على الكرسي مش قادر ياخد نفسه و بيدمع من كتر الضحك

جيمين الي عابس مع تاي العابس لأنه حاسس بوجعه اكيد ف قاله : متزعلش يا تاي هم علشان مش حاسين بوحعنا لكن لو جربوا إلى احنا فيه هيندموا

نامجون ميت ضحك على نفسه : اااخ مش قادر حاسس اني بشوف دراما

تاي بعبوس و غيط : مفيش دم اصلا.. طب يا رب حد فيكوا يتدلق علشان يعرف ان الله حق.. ااخخ ظهري

جيمين شاور ل يونغي إلى بيحاول يوقف ضحك بالعافيه و بيسحب نفسه ل فوق ببطء : الله يكرمك ناولني المخده دي احطها ورا ظهري علشان مش مرتاح

يونغي مقدرش يمسك نفسه و رجع لوصله الضحك تاني ف جيمين عبس و عينه لمعت هيعيط من الذل ف يونغي قام من مكانه و هو بيضحك جاب المخده علشان يحطهاله

جين ميت على الأرض ضحك جنب نامجون للميت ضحك بردو و هوسوك إلى فى عداد الموت من كتر الضحك مش قادر يشاركهم آراءهم غير أنه يضحك و بس : ااخخ مش قادر بطني وجعتني من الضحك منكوا لله ااه مش قادره يقطعكوا

كوك ل تاي العابس علي حالهم : انسه تاي تحبي اجيبلك مخده اني كمان و لا انسه ايه بقى بقيت مدام خلاص

قال جملته و كله وقع ضحك تاني اكتر من الاول و مبقاش فيه مجال يوقفوهم خلاص ف تاي بص ل جيمين و اردف بغضب مع ألم مع عبوس : عجبك إلى بيعملوه ده

اتنهد بقله حيله و نفي : لا طبعا مش عاجبني بس نعمل إيه عيني - شاور على التلفزيون - افتح التلفزيون افتح نشوف حاجة عدله يمكن يسكتوا

تاي مد ايده بصعوبه علشان يوصل للريموت : على رأيك

وقف عن أنه يجيبه و فجأه بص ل جيمين الإ بصله بتعجب : ايه؟؟

تاي : انا عندي فكره تخليهم يوقفوا ضحك
جيمين بتعجب : ازاي؟!

تاي حمحم و اردف : مش هم عاملين علينا نكته احنا بقى هنخلي النكته دي بحق و حقيقي و هنخليهم يندموا

جيمين : ازاي بردو
تاي ابتسم بخبث : جاريني

حمحم و حط ايده على بطنه و بص ل جيمين : قوليلي بقى يا ام لطفي ناويه تسمى ابنك ايه؟؟

جيمين بصدمه : لطفي مين يا تاي؟؟؟

تاي هاين عليه يضحك اصلا على شكله المصدوم بس مسك نفسه و حمحم : قصدي يعني بما انك حامل و قربت تولد و كده مش بتفكر تمسي اسم للبنت أو للولد إلى جاي في السكه؟!

جيمين احد لحظات علشان يفهم ااي بيحصل و اردف : اااااه اه طبعا ناوي - ابتسم بخفه - مممم بفكر اسمي لو جه ولد اسميه تميم و لو بنت اسميها كرمه

تاي أيده : حلو اسم كرمه و انا كمان بفكر اسمي الاسم ده
جيمين : جبت هدوم الأطفال ولا لسه؟؟

تاي اتنهد : لسه و الله لما ابوهم يديني فلوس الأول عاصله بعيد عنك لسه عامل حادثه بالعربيه النهارذه و خل كل فلوسه عليها يا حراام

جيمين : اااه يا حرام

الصمت من الخامسي إلى فاضل بدأ يتسرب ليهم لما لقوا أن الحوار اتقلب بيتهم بجد لقوا نفسهم مبلمين مش عارفين السبب ف تاي حس ان خطته نجحت و جيمين حس بانتصار انهم اخيرا وقفوا ضحك عليهم

تاي بحماس : امبارح شوفت حته دريس صغير لبنوته لسه مولوده تتححففه بفكر اجيبه

جيمين بحماس معاه : بجااادد؟؟؟ اوووه خدني معاك يمكن يعجبني اجيبه انا كمان

نامجون قاطعهم  : احم احم لو سمحتوا يعني بدون قطع كلامكوا - بصولوله الاثنين ف كمل رفع حاجبه - هو فيه إيه!؟ انتوا بتتكلموا عن ايه؟!

تاي بتكبر مصطنع : كلام حوامل مالكش فيه

بص ل كوك المصدوم و اردف : روح هاتي اكل من بره علشان انا جعان اه و هات ل جيمين كمان و بلمره عدي هاتلنا كيلوا موز على كيلوا فراوله و متبخلش علينا بقى بشويه مسليات و كده.. معلش بقى اصلنا حوامل

يونغي بتهم : انتوا صدقتوا انكوا حوامل بجد ولا ايه ؟!
جيمين بتكبر : وماله لما نصدق تشه

جين قام و شاورلهم : قوم يا ولا فز منك ليه قال حامل قال.. قوموا فيه مواعين لارم تتعمل

تاي رفع ايده بثقه : سوري جين هيونغ بس اصل انت عارف الحوامل الحركه الكتير عليهم غلط روح شوف حد تاني يعمل المهمه دي ولا اقولك اعملها بنفسك احسن

جيمين شاور معاه : اه و هات عصير من الثلاجة إلى ملحقتش لتنهي بيه و اترحلقت علشانه ده علشان انا عاوز اشرب منه حالا

جين بصدمه : انتوا اتجننتوا رسمي والله
هوسوك بصدمه : مين دول؟؟!

يونغي بدأ يفقد أعصابه : مش انا إلى يتعمل عليا الشويتين دول ها

تاي بص ل كوك إلى لسه مصدوم : يلا يا حبيبي انت لسه مكانك ليه ولا عاوز ابنك يطلع صغير يا حرام و تبقى انت السبب انك مخلتنيش أكد كويس يا بخيل يا جلده

جونغكوك بصدمه : نعم!!!!!
تاي بلامبالاه بص قصاده : زي ما سمعت كده

كوك ل يونغي : دول ناويين يلبسونا قضيه نسب

يونغي شوح ب سخريه : يا شيخ اتنيل انت صدقت - اتهجم و قلب وشه - بطلوا العبط ده دلوقتي حالا و قوموا فزوا شوفوا مصلحتكوا بلاش كلام فارغ

و تاي لسه هيرد و يكمل بس قطع عليهم خبط على الباب قوي خلاهم كلهم يبصوا ناحيه الباب من قوه الخبط ..