[ بـدايـة الـشُـغـل ]
__________
تاي فعلا مكنش طلع معاهم هو نزل مع إلى نزلوا مش هبل منه ولا حاجة بس لا هو كان قاصد شقه رقم 5 و هي تكون شقه العواجيز الصينيين
وقف قصاد الباب خبط كام خبطه عليه و رجع لورا سنه و بعد لحظات فتحتله سيده فاضله في جسم شباب بس هيئه كبار السن هم بياخدوا بالهم من نفسهم قولت انا دي قبل كده
تاي ابتسم بخفه و بأدب غير معهود منه : مساء الخير مدام يانغ، اسف لو ازعجتك حضرتك بس انا كنت عاوز اخد رأيك في حاجة كده
ابتسمت بترحاب و فتحتله الباب : طبعا طبعا اتفضل يا ابني زي بيتك بالضبط انت مش غريب
انحني ليها بخفه باحترام و دخل ف هي قفلت وراه الباب شاورتله يدخل : ادخل ادخل انت واقف كده ليه؟؟
سألها و هو رايح ناحيه الكنبه : هو حضرتك مسمعتش صوت الانفجار إلى جاي من الدور إلى فوق حضرتك؟؟
قعد ف هي قعدت و اردفت بتنهد : سمعت أه بس مدتش اهتمام لاني عارفه انها تجارب من تجاربه الفاشله كالعاده إلى بتسرعنا على الفاضي
اومأ بخفه و دور عينه في كل مكان ساكت ف هي ابتسمت بخفه و ربتت علي رجله : قول يا ابني متتكسفش من حاجة
همهم : هو انا الصراحه كنت عاوزك تقرأيلي الطالع زي ما حضرتك كنتي بتحكيلي كنتي بتعملي كده زمان في بلدكوا و انا الفضول جايبني اعرف مستقبلي هيبقى عامل ازاي
*طبعا احنا المسلمين لا نؤمن بهذه الأشياء ابدا بس هنا للتسلية مش اكتر غير كده هم غير مسلمين *
ابتسمت بوسع و قامت وقفت بحماس اكنه رجعلها شبابها بالطلب ده : اكيد طلبك مش غالي - شاورتله ييجي وراها ف راح - و الله رجعتني لأيام زمان
وقفوا قصاد رف فيه إدراج في الصاله : المكان ده بقى إلى حطه في كل حاجة.. مستعد تعرف!
اومأ بحماس : ايوه ايوه مستعد
..
في شقه السباعي..
يونغي بيفتح باب الشقه و جيمين بيدخل وراه و في ايده آيس كريم بياكل و مركز فيه قفل الباب و جاي يدخل لقى كوك بيبص تحت الكنبه و يبص تحت الطربيزه حتى شال ايد جيهوب بيبص تحتها ف عقد حواجبه بتعجب : انت بتعمل ايه؟؟!
كوك و هو بيرفع راسه جين كان بيبص تحتها : بدور على تاي!
يونغي رفعله حاجبه : بتدور عليه تحت رأس جين!!
جيمين و هو بياكل : هو فيه ايه؟؟
جون بعدم اكتراث و هو مركز في التلفزيون : بيدور علي تاي علشان مش لاقيينه في الشقه، سيبوه سيبوه هيرجع لوحده تلاقيه راح عند حد من الجيران و خلاص!
جيمين رفع راسه من الاكل و تنح :مش لاقيينه؟؟!
كوك اتنهد و راح ناحيته الواقفين لسه : كان معانا بره َ بعد كده اختفى مدخلش معانا الشقه
يونغي بملل راح قعد على الكنبه عند رأس جيهوب النايم : احسن بردو كان عامل زياده في المكان اصلا
جيمين دور عينه عليه و بص ل كوك : سيبك منه و قولي تفتكر ممكن يكون راح فين؟؟
..
بعد ساعة..
تاي بيخرج من باب شقه السيده الفاضله و هو ابتسامته للآخر و هي وراه بتوصله للباب : و زي ما قولتلك تبقى على طبيعتك بس
وقف قصادها بعد ما خرج من الشقه بابتسامه كبيره ممتنه : بجد مش عارف اقول لحضرتك ايه انة ادتيني من وقتك ليا
بابتسامه ردتها : متقولش كده انت زي حفيدي بالضبط و كمان رجعتلي ايام شبابي دي كفايه اصلا
بمجامله : حضرتك شباب على طول يا طنط
الأستاذ لي خرج من اللامكان من وراها : بطل كدب يلا و قولها الحقيقه انها كده خلاص عدت السن ولازم تحترم سنها بقى
يانغ بصتله بسخط : و بتقولي الكلام ده ليه، ما تقول لنفسك ده انت خلاص طربت من كتر الشيب!
السيد لي : انتي ست كبيره و انا مش عاوز اهزقك
يانغ حطتله ايدها في وسطها : لا هزقني يا اخويا وريني كده عرض كتافك!
السب لي بفخر : هم عراض لوحدهم مش محتاجه تشوفي حاجة ولا اوريهوملك حتى
فضلوا الاثنين يشدوا في بعض و نسيوا تاي المسكين إلى واقف ده ف من غير كلام راح مد ايده و شد الباب قفله على الي بيتخاتقوا لسه وراه!
..
باب شقه السباعي بيتخبط عليه بغباء ورا بعض واضح ان إلى بيخبط ده معندوش صبر ابدا زي العيل الصغير و الي المفروض هيفتحله مش طايق نفسه حاليا
كوك من جوه رايح ناحيه الباب بانزعاج من التخبيط الغبي : طيب طيب براحه على الباب جاي! هو الي بيخبط ده فاكر اننا قاعدين ورا الباب مثلا!!
فتح الباب ف ظهرله تاي المتحمس : انا جيييتتت
و بدل ما يدخله أو يعاتبه على اختفاؤه لقى نفسه بيقفل في وش الولد و دخل جوه غير مكترش بالي بره إلى بدأ يخبط تاني ورا بعض : كوك كووكييي افتحلي الباب، يالي جوه افتحولي انا تاي!
جين جاي من الحمام : يعني محدش سامع الباب إلى هيتكسر من كتر التخبيط ده! - فتحه ظهرله إلى كان هيخبط على وشه - كنت فين؟؟
تاي اتنهد و دخل الشقه بعد ما وسعله جين علشان يدخل : كنت في الدور الثاني عند السيد لي و مراته
جين قفل و راح وراه : ليه كنت عندهم؟؟
تاي اتنهد و قعد على الكنبه : مفيش عادي
جين بصله بشك بعدها اتنهد بقله حيله و قعد هو كمان : طيب براحتك
تاي بص ل كوك إلى كان جنبه بسخط : شكرا على قفلك في وشي الباب
ابتسمله بسخريه : أي خدمه
طلع صوت ساخر و بعدها بص حواليه كان جون و يونغي بيشوفوا التلفزيون لسه و جيمين بيقلب في الموبايل كوك إلى بدأ يتابع التلفزيون بملل و جين إلى بيتهد ف سأله : فين هوسوك ؟؟!
جين بتنهد : بيستحمي - قام وقف رايح ناحيه المطبخ - انا رايح احضرلكوا الاكل حد فيكوا ييجي يساعدني و يحصلني على المطبخ!
كلهم بصوا لبعض من غير ما ينطقوا أبدا لحد ما سرخ جين ف اتنفضوا كلهم واقفين ماعدا البارد طبعا : بسرعه!!!
.
.
بعد الغداء..
جين شايل صينيه صغيره و داخل بيها على إلى قاعدين مترصصين قصاد التلفزيون إلى قاعد على الأرض مربع و الي على الكرسي و الي مريح على الكنبه و الي على موبايله بيلعب مش معاهم اصلا
حط الصينيه على الطربيزه الصغيره قصادهم سحب فنجان القهوه بتاعته و قعد على الكرسي : من غير عزومه اتفضلوا - بتريقه طبعا -
تاي إلى قام بعد ما كان مربع على الكنبه جنب جيمين المربع بردو سحب كوبايه الكاكاو السخن ليه و ل جيمين طبعا أطفال معلش شايلهم ببطء ر بدأت ايديه تتهز : ا ا اسحب كوبايتك بسرعه هتتدلق!
جيمين مسكها منه بحذر و استناه لما قعد جنبه تاني علشان يبدوا يشربوا سوا، جون إلى أدى ل يونغي المريح على الكنبه و جيهوب إلى على الأرض فناجينهم في ايدهم و سحب فنجانه في ايده خد منه شويه و اتنفس براحه شديده : هي دي الحياه
جين بسخريه : في القهوه!
جون قرر ميردش عليه علشان ميبوظش العلاقه اكتر ما هي بايظه و كمل استجمامه ولا اكنه سمع حاجة ف جين طلع صوت ساخر و خد شويه من فنجانه بص على كوك المربع جنبه على الأرض بيلعب بالموبايل بتركيز و بعتاب : ما تسيب إلى فى ايدك ده و تقعد معانا كلنا ملمومين سوا فرصه!
من تركيزه في اللعبه : ما احنا سوا اصلا اهو! ولا المشكله في الموبايل و بعدين انا كده كده مش مش هتكلم ف خليني في اللعبه احسن و كمان ما احنا في خلقه بعض على طول هو ايه الي فرصه نقعد سوا ايه ده!
جين بصله بطرف عينه : انا غلطان اني عاوز اجمعنا
رفعله راسه لما خسر في الدور في اللعبه علشان يقوله : ما انت على طول بتقول انا غلطان انا غلطان الا ما شوفتك مره بتعتذر عن أي مصيبه بتعملها!
جين بانفعال طفيف : انا نفسي اعرف انت هتحترمني امتى!!
كوك بسخريه : لما جيمين يطول - يعني حاجة مستحيله الحدوث اصلا -
جيمين بعبوس : هو انتوا بتدخلوني في كل مشاكلكوا ليه؟؟
يونغي و عينه مصوبه على إلى معروض في التلفزيون :علشان انت الأهبل للي فيهم اشرب اشرب
زاد عبوسه اكتر ف تاي شال بؤه من الكوبايه حطها على الطربيزه و اردف بهمس للي اتقنص جنبه : جيميني.. - بصله بعبوس ف كمل - فاكر اللعبه إلى كنت عاوز تلعبها على البلاي ستاشين بتاع كوكي و مكنش راضي يديهالك؟؟
أومأله ف كمل : انا اقنعته يديهالك تلعب بيها بس ا -تاي كتم بؤ جيمين على طول بأيده لأنه كان هيسرخ من الفرحه - ششش متصوتش هتفضحنا، هبقي ايدهالك لما هو ينام!
جين بتعجب بيبص للي بيهمسوا لبعض على الكنبه بحماس سوا : انتوا بتقولوا ايه بصوت واطي كده ؟؟
جيمين ببلاهه شديده : تاي كان بيقولي أن ا..
ايد تاي اتحطت على بؤه منعته من الكلام ف هو ضحك بتوتر ب جين إلى رفع حاجبه من تصرفه : هه ه ه لا لا مفيش حاجة كنا بنتكلم هنعمل ايه اول يوم دراسه و زي ما انت عارف الدراسه هتبدا بعد بكره ف لازم تبقى عامين حسابنا ف بنتكلم المناهج هتبقى عامله ازاي و كده بس مش اكتر
بصلهم بشك : ممم طيب
هوسوك مركز في التلفزيون : هو المسلسل ده جاي الساعه كام؟؟
يونغي قبل ما يشرب من الفنجان و عينه لسه على التلفزيون : نامجون انا عاوزك بعد ما تشرب قهوتك في البلكونه في موضوع كده على انفراد
جون أومأله بالإيجاب من غير ما يلف ببصله عادي ف فضول تاي اخده انه يسأل : هتتكلموا عن إيه ها.. عاوز اسمع و اعرف ها ها ها؟؟
كوك بسخريه : بيقولك على انفراد بتفهم منين انت!
يونغي ببرود رد على تاي : و انت مالك!
عبس و اتكتف : لا انا عاوز اعرف ماليش فيه!
جون بانفعال طفيف : و انت مال اهلك انت و بعدين هو وجهلي الكلام مش ليك
يونغي بتملل : بعد كده مش هنقول حاجة قصاد الأطفال دول دي حاجة ممله
تاي عبس بشده : بس انا عاوز اعرف بردو!
يونغي اتنهد و بصله : عاوز تعرف؟!
اوما بحماس كبير : اه اه اه قولي قولي
طلع صوت ساخر بعدها ابتسم بشر : كنت هتفق معاه على خطه نقتلك بيها علشان نرتاح من فضولك و قرفك المستمر و الي هيضايقني هضمه معاك فس الجريمه
تاي ارتعش و جسمه كله قشعر ضم نفسه حوالين نفسه : يااا مااامميي.. انت مخيف كده ليه انصرف انصرف - بتفاخر - و بعدين انا مش هخليكوا تلمسوني اصلا و اساسا مش هتعرفوا لأن كوكي هيحميني - بص للي قاعد على الأرض - صح يا كوكي؟؟
بسخريه اردف : ده انا هسلمك ليهم اصلا بأيدي دي
عبس فيونغي قال لكوك : برافو عليك، ليك نصيب في الغنيمه من وراهم إلى هنكسبها من بيع أعضائهم
جين بانزعاج : ممكن تسكتوا بقى شويه و بطلوا كلام مالوش لأزمه دماغي وجعاني منكوا اصلا
يونغي ببرود : حد قالك تقعد معانا!
دور عينه، هوسوك بحماس : بس بس الحلقه بدأت
.
.
الساعه عدت تسعه و خلاص بقى المفروض البيت هادي كله بينام على نفسه و الي رايح سريره و كله صمت صمت صمت بس طبعا الصمت ده مدمش بسبب السريخه إلى فجأه جت من الصاله من جين و تاي إلى بيسرخوا زي النسوان إلى دخل عليهم رجاله فجأه من غير ما يكونوا لبسوا حجابهم و مستورين
جين و تاي بصراخ حضنين بعض واقفين على الكنبه بتاعه الصاله : صررصاااارر عااااااااااااااااا
يونغي من الاوضه و هو على سريره حط المخده على وشه بيخبي وشه بيها من صوت السريخ : ابو كده بقى الواحد ميعرفش ينام ابدا امتى هييجي الهدوء امتى بس !
هوسوك على السرير إلى جنبه نايم فاتح بؤه و رجله و ايده و كله اكنه بيعمل رجل ثلج على الجليد نايم بعمق جدا بطريقه غبيه اكنه منمش من سنه
و طبعا مين الي يخرج بعد السريخه المدويه دي مفزوع المرشيملو و الأرنب خارجين من الاوضه بيخبطوا في بعض افتكروا حرامي ولا حاجة وقفوا قصادهم بشعر واقف متبعتر و فزع في عيونهم
جونغكوك بفزع : بتسرخوا ليه؟؟!!
جين و تاي بسريخ : صررصااااررر
كوك عمل نفسه اكنه مسمع كويس : ص ايه؟؟؟
تاي بسريخ : صرصار هنا على الأرض كبير عاااااا
ملامحه ظلمت فجأه : خايفين من صرصار!!!
جيمين اكنه اتكهرب اول ما سمع الجمله : صرصار!
في لحظه كان حاضن جين و تاي بيسرخ معاهم ف ملامح جونغكوك ظلمت اكتر بكتير : صرصار أه.. تشه تصبحوا على خير
رجع الاوضه تاني و ساب المعلقين الثلاثه فوق زي البتوع كده على الكنبه مش عارفين ينزلوا بسبب صرصار صغير اصلا مش باين من الأرض
لما كوك دخل الاوضه خرج جون من الأصوات بانزعاج مستغرب ايه الأصوات دي ف راح عندهم بره : في ايه؟؟
جين برعب بيشاور ناحيه الصرصار إلى على الأرض : ص صرصار شي شيله بسرعااااااه - سرخ تاني لما لقاه بيتحرك من مكانه و الباقي سرخ و مسكوا في بعض زي العيال السحوطه كده -
بصلهم باستغراب و بدل ما يتكلم راح اتحرك من مكانه راح المطبخ جاب المقشه و الجروف و راح ناحيه إلى عاملهم فرغ إلى بيسرخوا تاني لما شاله في الجروف و بكل بملل راح رماه في الزباله
رجعلهم و بصلهم بنعاس بعدها لف علشان يدخل : تصبحوا على خير
فضلوا الثلاثه عينهم ماشيه معاه لحد ما دخل بعدها بصوا لبعض جين حمحم و راح نازل من علي الكنبه بكل وقار رفع شعره لفوق و راح الاوضه ورا جون
جيمين و تاي بصوا لبعض و هم ليه حاضنين بعض بعدها نزلوا بحذر و هم بيتلفتوا حواليهم بعدها جريوا ناحيه الاوضه اخيرا
و بكده ينتهي يوم اجازتهم اخيرا من غير اي ازعاج و كله نايم في سريره في امان الله
مفيش صوت في العماره لحد دلوقتي المفروض كلهم نايمين و صمت صمت بردو بره العماره حتى في الشارع إلى منور لمبه واحده فيه في آخره بس لحد ما فجأه صوت انفجار جاي من العماره دي و أصوات تذمر من كل شقه بسبب الصوت المزعج ده
.
.
.
# اليوم التاني
الديك بيدن مع طلوع الشمس بس الحقيقه هو الديك اتأخر شويه لأن الساعه 7 الصبح بالفعل و فيه هروله في شقه رقم 7 بردو من جين أكبر واحد في الشقه متأخر عن معاده في المدرسه و يتمنى انه يوصل بدري ف كان صاحي معاه يونغي إلى تقرييا نايم على الكنبه مش مركز في حاجة
جين و هو رايح جاي بيجيب موبايله و حاجته بيكلم يونغي إلى شبه نايم بيقوله على حاجات يعملها لأنه مش هيبقى هنا و يعرف يعملها قبل الظهر : صحي هوسوك قبل ما تنزل و خلي نامجون ميقربش من أي حاجة خالص نهائي و صحي كوك وصيه على تاي و جيمين علشان مجيش الاقي المطبخ محروق ولا البيت منفجر.. هتلاقي الفطار في الميكرويف للثلاثه خليهم يسخونه بس، انت بس وصى ارنوبك ده على كل حاجة و انا هرجع على 1 و نص كده تقريبا انا اخذت العربيه ابقى خد التانيه و شوف جيهوب هيروح لوحده ولا توصله ولا ايه، يلا بقى انا اتأخرت اوي سلام
خلص كلامه فتح الباب و خرج منه بسرعه على بره بيهرول لتحت ف يونغي طلع صوت ساخر بنعاس و اردف : مفيش صباح الخير حتى كله أوامر تشه
قام من على الكنبه بتقل كبير : اما اقوم بقى اصحى البيه و البيه التاني علشان اشوفه هينزل امتى و البيه الثالث علشان يبقى جليسه أطفال بعد الظهر
دخل الاوضه اترمي على السرير رجع نام تاني و شهر ولا أكن فيه حاجة اتقالت..
..
جين بينزل آخر دور خلاص مستعجل قاطعه فتحه باب شقه رقم 1 من سلوى الهبله : رايح فين كده على الصبح بدري؟؟
جين باستعجال : عندي مقابله شغل و تأخر
سلوي : ربنا معاك يا اخويا و يفتحها في وشك
جين : اه ادعيلي الله يباركلك
سلوى : ربنا يكفيك شر الزحمه و زنقتها و الستات إلى كارهه عشتها تروح و ترجع في ايدك رز و كبده!
جين بتعجب : رز و كبده!! انتي جعانه ؟؟
ضحكت بخفه : روح روح طريق السلامه
جين باستعجال : طيب سلام
نزل بقيت الدور جرى و خرج من العماره و كل تفكيره مصبوب على العربيه إلى رايح يركبها بس طلعه صوت من اللامكان سرعه جدا : استاذ جين
جين من السرعه سرخ و كان هيقع ف بص للي ندهه فجأه و سرخ فيه : براحه يا محمد فيه ايه كنت هموت منك الله سرعتني!
عم محمد البواب : هيهيهي معلش يا استاذ أصلك نازل كده من غير ما تقول صباح الخير ولا حاجة ف قولت اقول انا
جين دور عينه : أنجز عاوز ايه علي الصبح
حمحم و ببلاهه : الصراحه كده كنت عاوزاه اطلب منك طلب صغير كده بما ان حضرتك يعني هتشتغل في المدرسه الانترانشونا دي ف كنت طالب منك خدمه يعني كده صغيره
جين بسخط : انترناشونا!! اولا هي خاص مش إنترناشونال ثانيا من فقرك ده مش هلحق اوصل في المعاد حتى و لا هشتغل ولا هتنيل و هنزل أرن الجرز معاك تحت
ابتسم بغباء : تنورنا يا استاذ
جين : ايه؟؟؟
صلح جملته بسرعه : ا انا قصدي يعني متشغلش بالك هتلحق أن شاء الله و هتبقى الشغلانه من نصيبك يا سي جين يا جامد انت
جين بفخر : اه ما انا عارف المهم عاوز ايه عاوز امشي انا من وشك ده !
اتردد شويه و نطق : ااا اننييي اني كنت عاوز اجول لحضرتك يعني لو مافيهاش حاجة تتوسطلي علشان ادخل الولا ابني المفعوص دي المدرسه حجاتكم حكم يعني عاوز اتفشخر بيه قصاد بياعين الخضار و اقولهم أن ابني بجي في مدرسه انترناشونا هيهيهي جولتلي ايه رأيك يا سي جين في الحكايه ديهيا ؟؟
جين : ....
.
.
في الشقه فوق..
جونغكوك خارج من ممر الأوض بيحرك ايده على شعره بانزعاج بسبب انه صحي بدي في يوم إجازته و كل ده علشان يونغي يقول إلى عنده قبل ما ينزل
كان نامجون رايح جاي في الشقه كلها متوتر لدرجه انه يفتح الثلاجه يجيب جزمته! ف يونغي كان على الكنبه بيدور عينه على المتوتر الكبير ده و راح قايم من عليها : انا نازل اسخن العربيه و هستناك تحت - عدي على كوك إلى بينام و هو واقف - و انت متنساش إلى قولتك عليه انا تحت سلام
و راح قافل الباب وراه بعد ما اخد المفاتيح كلها ف كوك اتذمر و حرك ايده على شعره بانزعاج : هو انا كنت جليسه أطفال ايه الزفت إلى علي الصبح ده!
جون و هو بيلبس فرده الشراب و بيتنطط زي الارنب جارج للصاله : اعتبر نفسك الكب ااا اا
لقي نفسه بيتكفي علي وشه جنب كوك الي مداش اهتمام : انا كويس
دور عينه و راحل داخل الاوضه سايب الي بيقوم ده لوحده بعد ما كمل الشارب عل الارض و وقف : ااخييرراا اوف
..
تحت و يونغي بيخرج من العماره ايديه في جيوبه بيصفّر و ده بيدل علي ان باله رايق وقف بعد ما خرج من باب العماره بيتأمل في الهدوء الي علي الصبح خد نفس كبير بيدل علي الراحه : ااه اخيرا هدوء و سكون و ا..
و لسه يا عين امه ملحقش يستمتع بالحياه اذ فجاه من فوق ينرل عليه شلال مياه من جردل الغسيل من السطوح الي كانت بتدلقه الست سلوي الله يحرقها قصدي يسترها معاها و غرقت الراجل و ه قال ايه بترمي بصفو نيه مين يعني الي هيحصي الصبح و لسه الدراسه بعد يومين و هوبا ترميه من فوق السطح قال يعني محدش هياد باله و هوبا تاني نزل علي يونغي حماه و هو لسه بيقول يا صبح
بصت من السطح بتشوف نزلت المياه فين ,لقت فيه حد مستحمي بيها تحت و يا ريته اي حد ده السفاح ف راحت شهقت و استخبت بسرعه في اللحظه الي يونغي رفع فيها راسه بنظره السفاح القاتل يشوف المياه دي جت منين و المياه بتخر منه في كل حته بيتمتم بقمه الغضب هيقتل حد دلوقي : انا . هقتل . الي . هعمل . كده
بص علي نفسه لقي ان كل حاجة باظت لازم يستحمي و يلبس من جديد ف راح لافف و هو بيتذمر بشده : ابو الي يقول راحه علي الي شافها علي اليوم الي جينا فيه العماره دي علي اليوم الي امي خلفتني فيه يا رتني ما جيت ولا شوفت يوم واحد في ابو العماره بنت الكلب و سكنها ولاد ال.. خليني ساكت احسن اوف
خلص تذمره كان قصاد باب الشقه بالفعل و لسه بيطلع المفاتيح من جيبوه الي طلعت معاها كوم مياه و بقت مبلوبه علي الاخر لقي الباب بيتفتح من جون الي وقف متصنم و يونغي بصله بصمت ف قطعه جون الي كان هيسأل ايه الي حصل و فتح بؤه هينطق وقفه يونغي الي بيدخل الشقه : متسألني ايه الي حصل ماشي !
ابصله بتعجب و قفل الباب تاني : عجيب
.
.
في المدرسة عند جين ..
كانوا المدرسات الستات في المكتب المدرسين الي بيلمهم عمالين يمدحوا و يتكلموا عليه بالحسني و هو في النص بنظره فخوره عمال يسمع مدحهم و رغيهم المتواصل واضح ان مفيش راجل في المكتب الكبير ده غيره
واحده من المدرسات باعجاب : بجد بجد انا اول مره اشوف راجل قمر كده ييجي عندنا المدرسه ! جه انت وش الخير علينا بقي هتفتح نفسنا للدراسه للعيال المزاغيد هنا
جين بفخر : اه طبعا انا عارف
مدسه تانيه من جنبه : لا بجد حرتك وسيم جدا عديت كل مراحل الوسامه
جين بفخر رفع شعره لفوق و رجعه تاني : انا عارف اني وسيم جدا , ده انا الوسيم العالمي
المدرسات عملوا أصوات زي المعجبات بايدول قال لوحده فيهم انها حلوه عيال هبله اقول إيه
واحده من المدرسات : انت عارف انك اول مدرس يقعد في الاوضه الشؤم دي كلنا كنا بنات في بعض كسرنا النحس اخيرا ياااسسس
و كان لسه جين هيدر طلع صوت رجولي من وراهم : امال انا ابقى ايه؟؟
واحده من المدرسات : كيس جوافه
ضحك بسخريه و دخل جوه : هه هه ظريفه اوي الأخت
طلعت صوت ساخر وَ دورت عينه ف الشخص ده قرب من جين وقف جنبه مدله ايده : انا لوكاس، مدرس الإسباني للمرحله الاعداديه هنا
جين ابتسم بخفه و رد السلام : انا جين، مدرس بديل للرياضيات المرحله الابتدائية اتشرفت بمعرفتك
لوكاس بابتسامه : انا اكتر
واحده من المدرسات بسخط : يلا هش من هنا بقى
لوكاس بصلها باستنكار : مالكيش فيه يا بتاعه انتي
طلعت صوت ساخر : و انا مالي يعني هه
جين بيبصلهم من وسطهم و تمتم لنفسه : واضح ان فيه حاجة بتحصل بين الاثنين دول غير مفهومه!
.
.
عند هوسوك إلى صحي لوحده مفزوع الساعه ٨ الا ربع بالصدفه اكتشف ان محدش صحاه و يونغي طبعا من عصبيته و تغيير هدومه و تأخيره خلوه ينسى ف لحسن الحظ علشان هو مرزق صحي جرى حظ نفسه في اللبس و نزل بسرعه جدا حتى ماخدش حاجة يركبها هو جرى بسرعه جدا للمكان
و لحسن حظه بردو انه وصل قبل المعاد بدقيقتين وقف على الحيطه في الجنب بياخد نفسه بصعوبه لأنه جرى بسرعه جدا تخطي شارعين بحالهم جرى حقه طبعا
بعد ما اخد نفسه وقف عدل اتنهد و خرج نفس جامد هندم نفسه و هدومه عدل شعره إلى طار من الجري رفع دراعه شم الريحه الحمد لله ملقاش حاجة ف اتنهد براحه َو ابتسم بسعاده لف علشان يدخل من باب الكافيه الازاز راح داخل بدماغه في الازاز لأنه افتكره مفتوح ف طبعا فيه الناس الي جوه مسكت نفسها انها تسخسخ من الضحك بالعافيه لأن كان منظره رهيب حضن الباب الازاز تقريبا
بدايه مبشره ليوم مشرق الحمد لله الثلاثه لحد دلوقتي مصايب بتلف حواليهم بس
بعد سنه لورا مسح على جبهته إلى اتصابت و فضل يتمتم راح فاتح الباب إلى مكتوب عليه push لجوه وَ دخل اتنهد بخفه و ابتسم تاني بص لأجواء الكافيه المريحه و خطي خطوه علشان يدخل جوه يروح يبدأ مناوبة شغله هوبا لقى نفسي بيتزحلق بس موقعش فضل يلحق نفسه بالعافيه لحد ما بقى كرسي مسكه من ظهره و رجليه بقت تفتح بالجنب ببطء اكنه بيفتح حوض و بيسرخ اكيد
كان منظره كفيل أن إلى جوه يضحكون ميلحقوهوش اصلا الواد ده حظه زفت دائما يا حرام
ثبت نفسه بالعافيه بس رجله كانت فاضلها سنه و تفتح حوض ثبت علي الوضع ده لف راسه ببطء لقى أن فيه علامه أن فيه هنا أرض اتمسحت الصفراء الكبيره دي بس طبعا هو من حماسه مشافش
جنب العلامه الصفراء كان واقف واحد بالممسحه ماسكها في ايده و على وسطه قماشه الشغل البيضاء بتاعه الجرسونات و كان ولد كده غريب صغير في حجم جسمه رفيع يعني و شعره كيرلي بني قالب على احمر، بيبي فيس، شكله مش طايق نفسه عمال ينفخ كل شويه عيل اهبل اصلا و بيحرك في رجله بانزعاج : كده بوظتلي الأرض إلى لسه ماسحها!!
بصله بصمت للحظه و اردف : هوسوك ، ٢٣ سنه
الطفل طلع صوت ساخر : روبن، ١٨ سنه
هوسوك بصعوبه بيحاول يرفع نفسه : ممكن بس ت..
الولد طلع صوت ساخر و لف بعيد : ساعد نفسك هه
يا عيني بقى يحاول يرفع نفسه و مش عارف و وقته بيتأخر على معاد ورديته و الدنيا باظت خالص
.
.
عند يونغي و نامجون إلى بيخرجوا من مكتب المدير بعد ما وافق المدير على تعيين نامجون معاهم في الشركه إلى كان بيشكره على موافقته و جون مش فاهم اي حاجة في أي حاجة
يونغي و هو بيخرج من باب المدير : شكرا لوقت حضرتك و اسفين على الازعاج تاني
قفل الباب و بقوا الإثنين بره ف يونغي بص ل جون الس مش فاهم حاجة ببرود : ابو إلى يفكر يشغلك يا أخي! كنت هتتسبب في حريقه في مكتب الراجل بسبب لعبك ده ما تلم ايدك بقى الله! مش كفايه اليوم باديء غلط اصلا!
جون و هو بيمشي ورا يونغي إلى بيوديه ل مكان مكاتب الموظفين إلى فيه مكاتبهم : و انا ذنبي ايه إذا كان هو عامل شكل الولاعه على شكل نسر انا مالي كان شكله تمثال قيم قولت اعاينه
وقف قصاده و بصله بسخط : هو حد قالك انك عالم آثار!! ما تسيب كل حاجة لصاحبها!
دخلوا من البوابه الكبيره المفتوحه إلى فيها جوه مكاتب الموظفين ف سأل جون و هو بيبص على الموظفين الرايحين و الجايين : الا هو احنا في شركه ايه؟؟
يونغي خبط ايده على راسه من بلاهه إلى قصاده : اسكت اسكت - وقف عند مكتب معين و شاور - ده مكتبك و الي قصاده ده مكتبي خلي بالك متلمسش حاجة كده و كده ولا كده لحسن ا..
و لسه مكملش الجمله و كان الدرج خارج في ايده جون إلى بصله بصمت : هو ده بردو من ضمن الحاجات الي ملمسهاش؟!!
يونغي خبط ايده على راسه بفقدان امل فيه ..
.
.
# الساعه 12:30 الظهر
في شقه السباعي..
تاي و جيمين قاعدين على السفره بياكلوا الفطار باستمتاع بيتكلموا في مواضيع مختلفه و كوك على الكنبه مريح ماسك الموبايل بيشوف مواقع التواصل و بيتاوب من قله النوم إلى شايفها من ساعه ما دخل البيت ده
تاي من على السفره قبل ما يحشر الاكل في بؤه : كوكي مش هتاكل؟؟
كوك بنعاس و عدم اهتمام : لا مش هاكل
لف برأسه بص للي نايم : ليه؟؟؟
رفع عينه من على الموبايل و رجعها تاني : انا حره
تاي اتنهد و كان لسه هيتكلم وقفه جيمين إلى حط ايده على دراعه : سيبيه بدل ما يتعصب علينا
اوماله و رجع اكل تاني بس وقف فجأه و بتعجب : هو مش احنا الكبار بردو ولا انا غلطان؟؟
جيمين و هو بيحشر الاكل في بؤه : كبار على نفسنا بس اسكت بدل ما نتضرب ايده ثقيله اوي
تاي مسح على كتفه و أظهر علامات الألم في وشه : الصراحه اه، ثقيله اوي
..
بعد ما خلصوا الاكل جيمين دخل الاوضه يجيب موبايله و تاي راح قعد جنب كوك إلى بقى قاعد و بيتفرج بملل على التلفزيون : كوكي
همهم بملل ف تاي اردف : ممم ممكن ا..
قاطعه بهدوء : لا
تاي حاول تاني : طب ممكن ا..
كوك : لا
تاي : استنى بس انا كنت عاوز اقول ان ا..
كوك : لا
تاي : ط..
كوك : لا
نفخ بانزعاج و قام وقف : انا هروح ارمي نفسي من الشباك ايه الملل ده!
بصله بطرف عينه لفوق مسك دراعه قعده تاني و رجع بص للتلفزيون : بظل هبل و اقعد مكانك
تاي بعبوس و اتكتف : ما انت مش عاوز تسمعني
كوك بملل : ما اكيد حاجة تافهه زيك!
اتهجم بعبوس و تمتم : ابن يونغي البارد صحيح تشه
كوك بصله بطرف عينه : بتقول حاجة؟!
نفى بتنهد و بص قصاده بصمت و الصمت هو الموقف و كان لسه هيتكلم لقى جيمين جاي من جوه بيجري و بيقول بحماس وقف قصاد تاي : نزل الإصدار من لعبه حرب النجوم!
تاي بحماس عينه لمعت وقف قصاده : بجد؟؟؟
اوماله بحماس و رفعله الموبيل بتاعه : بص اهو
تاي عينه بتلمع و بيبص في الموبايل : وواااوو.. انا بحب اللاعب ده اوي قوي جدا محدش في قوته
جيمين مؤيد : ايوه فعلا انا بحب العب بيه علشان كده لأنه بيهزم كل الأعداء و اعدي المراحل كلها
كوك من اللامكان : انا اقوي منه على فكره!
الاثنين لفوا بصوله و رجعوا بصوا لبعض تاني..
..
بعد فتره..
جيمين قاعد على الكنبه مربع في نصها و في ايده تايمر : 285، 286، 287
كوك كان بيعمل ضعط في الأرض و دي الأرقام إلى وصلها بس مكنش بيعمل ضغط لوحده ده كان تاي متشعلق علي ظهره زي القرد لافف رجله حوالين وسطه و ايده على رقبته و الي تحتيه مات خلاص
كوك بصعوبه : تاي انت ثقيل اوي انزل مش قادر
تاي : مش قولت انك أقوى منه يبقى استحمل و بعدين لسه جيمين هيبدل معايا.. يلا يلا كمل 290، 291.. جيمين..
جيمين بيعدي على الكنبه : 299.. تاي مش كده حرام كفايه بجد شكله هيموت مننا
كوك بصعوبه بيرفع نفسه : قوله يا عم دي كانت شوره مهببه يتقطع لساني قبل ما كنت اتكلمت اصلا
تاي بتصميم : لا مش هقوم و هيكمل بدل ما اجيبلك كيفين ابن توماس يقعد على ظهرك
كوك نفى بسرعه : لا لا خلاص
جيمين : 302، 303، 304..
باب الشقه في اللحظه دي فتح و دخل منه جين إلى اردف بتعب و في ايده أكياس : انا جيت
جيمين بصله : 310، 311.. جبتلي حاجة معاك؟؟
جين بتعب : مش بدل ما تقولي عملت ايه في مقابله الشغل؟؟
جيمين راحله وقف قصاده : عملت ايه في مقابله الشغل؟؟
اوماله و راح المطبخ و جيمين وراه ناسيين إلى بيموت على الأرض ده و تاي فوقيه : كانت كويسه و المدرسه لطيفه الطلاب كويسين حتى ستف المدرسين إلى معايا في الاوضه كويسين اوي.. جبتلك عصير فراوله الس كنت عاوزه من يومين
جيمين بسعاده خد منه الازازه : شكرا شكرا شكرا
ابتسم بخفه و تعب بعذها اردف بتعجب : امال فين كوك و تاي؟!
جيمين و هو بيفتح الازازه : تاي بيعذبه بره!
.
.
وقت العصر..
جين حتى يفتح نور الصاله ملقاهوش بيفتح ف بص على النجفه لقى أن اللمبه إلى فيها محروقه ف راح نادى بصوت عالي : كيم ناامممججووووننن
جون كالعاده بيتسرع من صوته ييجي جرى ف طلع من الاوضه بهروله كان هيقع بس لحق نفسه : فيه ايه؟؟ حد حصله حاجة؟؟ حد مات طيب؟؟؟
جين شاور ناحيه النجفه فوق : غير لمبه النجفه دي علشان اتحرقت!
جون بصله بعدم تصديق : انت بتتكلم جد!!
جين : اللمبه يا جون!
..
جون واقف على السلم واصل للنجفه و جين بيمدله اللمبه الجديده و بياخد منه القديمه علشان يركبها ف قبل ما يركبها سأله : فاصل وصله الكهرباء عن النجفه دي؟؟
جين بتفكير : مش فاكر!
جون : هو ايه الي مش فاكر.. فاصل ولا لا؟؟؟
جين بلامبلاه : فاصل فاصل ركبها بس يلا
بصله بشك و اتنهد مد ايده باللمبه : اما نشوف
حط اللمبه و بدأ يلفها وهو بيتكلم : هو اصلا ايه الي حرقها مهي كانت شغاله! و بعدين انا شاكك أن الكهرباء مش فاصله لأن ااا..
لقى نفسه اتكهرب بالفعل ف بعد بسرعه فالبعد ده اتسببت أن السلم بدأ يهوي و يتحرك ف هو بقى عاوز يضبط زوايا و مش عارف بيحاول يمسك فس اي حاجة تسنده مش لاقي ق في لحظه كان السلم على الأرض و هو على الأرض بردو و حسن ولا اتهزله ساكن كان بيراقب المشهد في صمت
جون من تحت رفع ايده : انا كويس!
جين : ولا مش كويس حد قالك متتاكدش من وصله الكهرباء إلى مقفوله! انا رايح اكمل طبيخ احسن - قبل ما يحش المطبخ اردف بصوت عالي - يا جماعه جد ييجي يساعده أنه يقوم - تمتم بصوت واطي - مش ناقصين مصاريف علاج احنا تشه