Ω Kabanata IX Ω
Mga Nababagabag na
Damdamin
Ω
Di mapaniwalaan ni Ybarro na ang magandang encantada sa kanyang panaginip ay nasa kanya ng harapan ngayon kasama ang kawal na nagbanta sa kanila ni Alena......ngunit iisa lang ang ibig sabihin nito ang encantada sa kanyang panaginip at ang kapatid na reyna ni Alena ay iisa lamang.
Maging si Amihan ay nabigla sa kanyang nakita..... Isang mandirigma lamang ba ang sa kanya ay itinadhana ni Emre para maging ama ng kanyang anak?
"Ikaw si....... Ybarro" mahinang sabi niya.
"Hindi ka nagkakamali siya nga si Ybarro, Mahal na Reyna Amihan..... Ngayon niyo ipakita ang galit niyo sa kanya..... Ipamukha niyo na di siya karapat-dapat para sa inyong kapatid." Galit na sabi ni Hitano at tinutukan si Ybarro ng espada
"Ssheda Hitano!" Pigil ni Amihan kay Hitano
"Wala na akong sasabihin sa kanya....... Sapat na nakita ko siya" sabi niya saka siya lumingon kay Apitong.
"Pinunong Apitong, salamat sa mainit na pagtanggap niyo sa amin.....avisala eshma....tayo na Hitano." Sabi ni Amihan saka siya naglakad pabalik sa kanyang mga kawal.
"Avisala eshma mahal na reyna." Pagbibigay galang naman ni Apitong at ng mga mandirigma. Labag man sa kalooban ni Hitano ay sumunod na din ito kay Amihan.
Bago tuluyang maglaho sila Amihan ang di niya maiwasan na di tingnan si Ybarro..... Ang encantadong inilaan ni Emre sa kanya.
.
.
.
.
.
.
.
.
.
.
.
.
.
.
.
.
.
.
.
.
.
.
Maghahating gabi na ngunit di maalis sa isip ni Ybarro ang reyna ng mga diwata. At kung tama nga ang kanyang sapantaha at naaalala sa panaginip na yaon any may nangyari sa kanila.
At nasisigurado na niya na nagdadalang diwata na si Amihan. Ngayon ay di niya alam kung sasabihin niya ba kay Alena ang kanyang natuklasan..... Na malaki ang posibilidad na siya ang ama ng anak ng kapatid niyang reyna.
"Ybarro ano't mag-isa ka at mukang malalim ang iyong iniisip." Sabi ni Wantuk sa kanya na kasunod si Paco na sa wari niya ay may iniisip din.
"May malalim lamang akong pinag-iisipan." Maikling sagot ni Ybarro sa kaibigan.
"Sino ang reyna ng mga diwata?" Nakangising biro ni Wantuk ang di niya alam ay tumama siya ng biro kaya naman siya ay binatukan ni Ybarro.
"At bakit ko naman iisipin ang reyna?" May inis na sabi ni Ybarro.
"Biro lang ito kasing si Paco mula ng nakita ang reyna ng mga diwata ay di ko na rin nakausap ng maayos.....Kaya tuloy naisip ko na baka ang Reyna ng mga Diwata ang iniisip niyo." Reklamo ni Wantuk sa mga kaibigan.
Nagkatinganan tuloy sila Ybarro at Paco sapagkat tama si Wantuk kanila ngang iniisip ang reyna ng mga diwata sa magkaibang paraan nga lamang.
.
.
.
.
.
.
.
.
.
.
.
.
.
.
.
.
.
Pagdating nila Amihan sa Lireo ay di napigilan ni Hitano ang magtanong sa reyna sanaging aksyon nito ukol sa mandirigmang si Ybarro.
"Mahal na reyna, bakit di kayo nagsalita laban sa mandirigmang yaon?" Tanong ni Hitano sa Reyna.
"Kinukwestiyon mo ba ang aking naging kapasyahan ukol dito?" Tanong ni Amihan sa kawal na alam niyang may pagtingin sa kanyang apwe na si Alena.
"Agape avi sa aking sinabi Mahal na Reyna nagtaka lamang ako sa naging gawi niyo sa harapan ng mandirigma." Sabi ni Hitano. Di na lamang pinansin ni Amihan tanong ni Hitano at siya ay nagtuloy na sa kanyang silid.
Pagpasok ni Amihan sa kanyang silid ay di maalis sa kanyang isipan ang nangyari sa kuta ng mandirigma na ang Ybarro yaon ay ang encantado sa kanyang panaginip.
Di ngayon alam ni Amihan kung marapat ba niya itong sabihin kay Alena, ngunit nababatid niya na maaaring masaktan ang kanyang kapatid o di kaya any magtanim ito ng sama ng loob sa kanya at ito ang huling bagay na nanaisin niyang mangyari sa pagitan nila ni Alena.
Sumagi sa isipan niya ang kanyang ina..... Kung may dapat na makaalam ng naganap ito ay walang iba kundi ang kanyang ina.....nasisiguro niya na may solusyon para sa suliranin na ito ang kanyang ina.
.
.
.
.
.
.
.
.
.
.
.
.
.
.
Itiniklop ni Mine-a ang liham na ginawa nya para sa kanyang panganay na anak na si Pirena. Mula ng umanib ito sa mga hathor ay ninanais na niyang maka-usap ito ngunit mailap ang kanyang anak at ayaw nitong maka-usap siya, sadyang matigas siya tulad ng pinanggalingan ng kanyang kalahating dugo.
"Ades....." Tawag ni Mine-a sa punong dama ng kaharian. Agad naman na lumapit ito sa kanya.
"Mahal na Reyna." sabi ni Ades ng nakalapit na ito sa kanya. Iniabot niya ang tatlong liham dito.
"Nais kong itago mo sa pag-iingat mo ang mga liham na iyan na para sa aking tatlong anak..... At ang isang ito ay kay Pirena." Sambit niya at ibinigay ang huling liham kay Ades.
"Ang liham para kay Pirena ay nais kong maibigay mo na sa kanya dahil umaasa ako na sa liham na yan ay mapagtatanto niya na mali ang kanyang iginawi..... At mahal na mahal ko siya." Sabi Inang Reyna sa Punong dama
"Masusunod Mahal na Inang Reyna"'sabi ni Ades at saka nito kinuha ang mga sulat at marahang naglakad palabas ng silid ni Mine-a.
Patayo na sana si Mine-a ng pumasok si Amihan sa silid ng kanyang ina.
"Ina maaari ba tayong mag-usap?" Tanong niya sa kanyang ina.
"Maaari naman Amihan.... Ano ang nais mong pag-usapan natin." Sabi ni Mine-a na minuwestrahan si Amihan na maupo.
"Ang mandirigmang katipan ni Alena.....si Ybarro." Sambit ng anak niya na ikinakunot ng noo ni Mine-a.
"Ano ang ukol sa mandirigmang yaon?" Tanong ni Mine-a.
"Ang mandirigmang yaon ang ang ama ng aking anak..... Ina si Ybarro ang encantado sa aking panaginip." Pagsisiwalat ni Amihan ng kanyang nalaman sa kanyang ina na nagulat sa kanyang sinabi.
"Nasisiguro mo ba ang iyong sinasabi?" Tanong ni Mine-a. Tumango naman si Amihan. Naguguluhan naman si Mine-a bakit ang isang mandirigma lamang ang ibibigay ni Emre para maging ama ng anak ng isang reyna?
"May napagsabihan ka na ba nito Amihan?" Tanong niya sa anak.
"Wala pa ina." Pagtatapat ng reyna.
"Kung ganoon ay pansamantala mo munang ilihim ito.walang dapat maka-alam." Sambit ni Mine-a sa anak.
"Masusunod Ina." Sambit ni Amihan. Samantalang si Mine-a ay may naisip na paraan para makilala ang Ybarro na ito.
.
.
.
.
.
.
.
.
.
.
.
.
.
.
.
.
.
.
.
Marahang lumabas ng tarangkahan ng Lireo si Ades ng salubungin siya ni Gurna.
"Punong Dama sa wari ko ay nagmamadali kayo." Bati nito kay Ades.
"Siyang tunay Gurna pagkat nais ko nang ibigay kay Sang'gre Pirena ang liham mula sa kanyang Ina." Sagot ni Ades sa dama.
"Kung gayo'y magtutungo ka sa Hathoria? Kung nasaan si Sang'gre Pirena?" Tanong muli ni Gurna.
"Ganun na nga Gurna." Sagot niya.
"Punong Dama masyadong mapanganib ang Hathoria para sa isang katulad mo.... Ako ay may naisip bakit di na lang ako ang magtungo roon..... Mas madali kong maibibigay kay Sang'gre Pirena ang liham ng Inang Reyna Mine-a." Nakangiting sabi ni Gurna kay Ades. Napaisip si Ades, tunay naman ang mga tinurab ni Gurna at isa pa si Gurna ang pinakamalapit kay Pirena. Tumango-tango si Ades.
"Kung gayo'y ipinagkakatiwala ko na sa iyo ang liham. Siguraduhin mo na makakarating ito kay Sang'gre Pirena." Paghahabilin ni Ades kay Gurna
"Makakaasa ka Punong dama na makakarating ito kay Sang'gre Pirena." Nakangiting sabi ni Gurna kay Ades.
"Avisala Eshma" sabi ni Ades at muli ng pumasok sa Lireo.
Tiningnan naman ni Gurna at siya ay ngumisi.
"Kailanman ay di mababasa ng Sang'gre Pirena ang walang katuturan na liham ng kanyang ina." Mahinang sabi ni Gurna sa kanyang sarili.
.
.
.
.
.
.
.
.
.
.
.
.
.
.
.
.
Nakangising pinagmamasdan ni Asval ang mga palasong may pinakamakamandag na lason sa buong Encantadia na nakuha niya pa sa mga Adjantao.
"Asval saan mo naman gagamitin ang mga palasong may lason na iyan?" Tanong ni Dagtum sa kanya.
"Sa isang diwata na kailangan ng mawala." Nakangising sabi ni Asval sa mga alagad niya.
"Isang diwata.... Asval di kayo ba natatakot sa mga diwata sila ang may hawak ng mga brilyante." Nag-aalalang sabi ni Axilom.
"Axilom kung naduduwag ka wag ka ng sumama." Sambit ni Asval saka niya maingat na nilagay sa sisidlan ang mga palasong may lason.
"Oras na para magsimula muli ng panibagong digmaan." Nakangising sabi ni Asval habang nakatingin sa Lireo.
.
.
.
.
.
.
.
.
.
.
.
.
.
.
.
.
.
.
Di mapakali si Mine-a pagbalik niya ng Lireo na agad naman na napansin ni Ades.
"Mahal na Inang Reyna... Ano't balisa kayo?" Tanong ni Ades ng nakapasok na siya ng silid ni Mine-a.
"Ako ay nanggaling sa kuta ng mga mandirigma.....pagkat may nais akong malaman Ades.... At ang tungkod ni Imaw ang siyang makakatulong sa akin." Sabi ni Mine-a na nagpunta agad sa kuta ng mga mandirigma ng malaman ang sinabi ni Amihan. Gumamit siya ng kanyang kapangyarihang magbalat-kayo.kaya walang nakakilala sa kanya at malaya niyang naipagtanong si Ybarro at nakita niya nga ito kaya naman gamit ang tungkod ni Imaw ay nais niyang malaman ang nakaraan ng mandirigmang yaon at saka nya kinuha ang tungkod ni Imaw na kanyang hiniram sa adamyan.
"Kung gayo'y bakit di niyo pa alamin?" Tanong ni Ades sa Ina ng Reyna. Huminga ng malalim si Mine-a at kanyang itinaas ang tunkod ni Imaw.
"Mahiwagang tungkod ng balintataw.....sinasamo ko ang kapangyarihan mo.... Ipakita mo sa amin ang nakaraan ng mandirigmang si Ybarro." Utos ni Mine-a sa tungkod ng balintataw.
Nagulat at nagimbal sila Mine-a at Ades sa nakita pagkat ang ipinakita ng tungkod ng balintataw na nakaraan ni Ybarro ay ang nakaraan ni Ybrahim ang prinsipe ng Sapiro.
"Mahabaging Emre!" Gulat na sambit ni Mine-a.
"Reyna Mine-a.....sa pangyayaring ito parang may nais na. Ipahiwatig ang Bathalang Emre." Sabi ni Ades sa kanya.
"Ano ang sabihin ko na kay Amihan ang aking ginawang paglalayo sa kanila ni Prinsipe Ybrahim?" Tanong ni Mine-a sa Punong Dama.
"Bakit hindi Reyna Mine-a..... Reyna na si Amihan.... Ang kung ano mang propesiya ng 'Mata' sa kanya ay di na mangyayari sapagkat si Sang'gre Alena na ang mahal ni Prinsipe Ybrahim..... Malabong umibig pa si Amihan sa katipan ng kanyang kapatid" pagpapaliwanag ni Ades sa kanya na marahan niyang sinang-ayunan.
.
.
.
.
.
.
.
.
.
.
.
.
.
.
.
.
.
.
.
Napailing si Cassiopei-a sa nakita niya sa kanyang mahiwagang kawa.
"Huwag Mine-a.... Huwag mong sabihin kay Amihan.... Pagkat hanggang ngayon ay ganoon pa rin ang nakikita ko sa kanyang kapalaran." Sambit ni Cassiopei-a.
.
.
.
.
.
.
.
.
.
.
.
.
.
.
.
Dahil sa kagustuhan ni Alena na makalabas ng Lireo siya ay humingi ng tulong kay Danaya.
"Alena alam mong pinagbawalan ka ng Ina na lumabas at makita pa ang mandirigmang yaon" sabi ni Danaya sa kanyang apwe.
"Ngunit Danaya ikamamatay ko kung di pa kami magkikita ni Ybarro." Naluluhang sabi ni Alena sa nakababatang kapatid.
Napailing naman si Danaya sapagkat alam niyang di niya matatanggihan ang kanyang kapatid.
"Sige na nga payag na ako ngunit walang makaka-alam nito Alena." Sambit ni Danaya sa kapatid.
"Pangako Danaya.... Avisala Eshma." Nakangiting sabi ni Alena sa kapatid.
.
.
.
.
.
.
.
.
.
.
.
.
.
.
.
.
Marahil sa dami ng iniisip ni Amihan kayak siya ay di dalawin ng antok kaya naman napagpasyahan niya na magpahangin sa azotea ng Lireo.
Papunta naman sana si Mine-a sa silid ni Amihan ng makita na niya into sa azotea kaya naman pinuntahan na niya ito.
"Amihan maari ba kitang makausap?" Tanong ni Mine-a sa anak na humarap kaagad sa kanya.
"Maaari Ina.... Ano ito?" Tanong ni Amihan sa ina. Huminga naman ng malalim si Mine-a. Saka ito naglakad ng marahan.
"May lihim akong itinago sa'iyo.... Isang lihim na maaaring sumira sa ating dalawa anak.... Kaya sana mapatawad mo ako Amihan." Naiiyak na sabi ni Mine-a. Di man alam ni Amihan ang sasabihin ng Ina ay nararamdaman niya ang bigat ng dinadala nito
"Ano iyon ina?" Tanong ni Amihan.
"Ng dumating ka dito sa Lireo.... Di ka nag-iisa noon...... May kasama ka.... Siya ang naging karamay mo sa mga mabigat na nangyari sayo noong bata ka....." Sabi ni Mine-a at kanyang hinaplos ang pisngi ni Amihan. Naguguluhan man ay iniintindi niya ang binabanggit ng kanyang ina
Magsasalita na sana muli si Mine-a ng isang palaso ang tumama sa dibdib nito mula sa labas ng palasyo!
"Ina!" Sigaw ni Amihan
.
.
.
.
.
.
.
.
.
.
.
.
.
.
.
.
.
.
.
.
Comments and Votes.....
Paalam Mine-a na ba?.