Dean's POV
Badtrip akong umuwi sa bahay
Nakita kong nandito din sila Tots at Bei
Anong ginagawa nila dito??
"Oh, anak, anong nangyare sayo? Bakit ang aga mo?" tanong ni tatay Dante sakin
"Oo nga, parang badtrip ka Deans" sabi ni Bei
Inis akong umupo sa tabi ni Tatay Dante
"Nakakainis kasi yung amo ko eh!"
"Oh? Bakit??!" tanong ni tatay Dante
"Mukhang kailangan mo ng tagay Deans, hahah! Itagay mo muna yan bago ka magkwento" sabi ni Bei
Ngayon ko lang napansin na nag-iinuman pala sila!
Kinuha ko yung binibigay na alak ni Bei
"Talagang iinom ako!" sabi ko pagkatapos nilagok ko iyon
"Oh? Ano bang nangyare??" tanong sakin ni Tots
Ikinuwento ko sakanila yung nangyare
"Gago ka talaga Deans! Baka nabastusan?!" sabi ni Tots
Naikwento ko kasi sa kanila yung totoong trabaho ko, yung pagpapanggap, yung kasunduan namin ni Jema
"Kaya nga, may mali ka don Deans!" sabi naman ni Bei
"Anak, hindi kita pinalaki ng ganyan, malamang magagalit yon!" sermon sakin ni Tatay Dante
Napayuko ako
"Pero Deans, anong feeling? Hahahah! Malambot ba yung lips?" tanong ni Tots, may halong pang-aasar din yung boses nya
Tiningnan ko sya ng masama
"Gago! Hindi ko naman ginusto yon! Ayaw ko lang na mabuko kami, parang ayaw kasing maniwala nung Ex nya eh!" sagot ko
"Hahahah! First time mo yung kiss na yon diba?" tanong sakin ni Bei
Hindi ako makasagot dahil bigla kong naalala yung kanina
Bakit ko nga ba kasi ginawa yon? Basta ang nararamdaman ko lang kanina ay yung ayaw kong mabuko kami ni Jema!
"Uy! Hahah! Iniisip! Hahah!" asar ni Tots
"Tigilan mo nga ako!" saway ko sakanya pagkatapos tumingin ako kay Tatay Dante
"Tay, babalik nalang po uli ako sa pagpapasada ng taxi, pasensya na po" sabi ko
Tinapik nya ako sa balikat
"Marami pang trabaho na darating sayo Deans, basta lagi mong tatandaan, matuto kang rumespeto ng babae! Hindi kita tinuruan maging bastos!"
"O-Opo" sagot ko
"Deans naman kasi, bakit mo sinunggaban? Hahah!" tanong ni Kuya Jessie
"Kuya Jessie, sinabi ko na sainyo diba? ayaw ko lang na mabuko kami" sagot ko
"Baka naman nafall kana sa amo mo Deans?" tanong ni Tots sakin
Kumunot yung noo ko pagkatapos uminom uli ako ng alak
"Kahit kailan hindi ako magkakagusto don Tots! Sa secretary nya pwede pa!" sabi ko
Huminga ako ng malalim nang maalala ko si Carly
"Hay! Hindi ko na tuloy sya makikita" malungkot na sabi ko
"Sino si Jema?" tanong ni Bei, umirap ako
"Si Carly! Yung secretary nya!" sagot ko
"Hahah! aahh, akala ko si Jema eh! Hahah!" asar nya sakin
"Ewan ko sainyo!"
Nag-inuman lang kami, gabi na nang matapos kaming mag-inuman, hindi naman ako nalasing dahil nakailang shot lang ako
Pumasok na ako sa kwarto ko at pabagsak akong nahiga sa kama
Habang nakahiga ako bigla kong naalala yung ginawa kong paghalik kay Jema kanina
Hinawakan ko yung labi ko
First kiss ko yon...
Pumikit ako at pinilit kong makatulog pero hindi ako nagtagumpay, pabaling-baling din ako sa higaan ko
Iniisip ko parin kasi yung nangyare kanina
Alam kong may mali ako, pero may mali din naman si Jema eh...
Umupo ako
"Kasi naman eh!" inis na bulong ko
Ilang oras na yung lumipas..
Tumingin ako sa relo ko
4 AM na...
Lumabas na ako ng kwarto ko para mag almusal, napagpasyahan ko kasing bumyahe ngayon
Pagkatapos kong mag-almusal umalis na ako
Itinuon ko yung atensyon ko sa pagdadrive maghapon, kinalimutan ko yung nangyare kahapon para nakapag focus ako
Kahit papaano medyo sinuswerte ako ngayon dahil marami akong pasahero na nakuha
.
.
.
.
.
.
.
.
.
.
.
.
Tatlong araw na yung lumipas...
"Deans, kamusta? Marami ka bang pasahero na nakuha ngayong umaga?" tanong sakin ni Tots
Nandito kasi kami ngayon sa karinderya at nagla-lunch
"Nakakalima na din" sagot ko
"Hays! Buti ka pa!" sabi nya
"Eh ikaw??" tanong ko
"Tatlo palang, heheh!" sagot nya
"Okay lang yan, bawi ka nalang mamaya Tots" sabi sakanya ni Bei
"Bakit nakailan kana ba?" tanong ni Tots sakanya
"Heheh! Apat" sagot ni Bei
Napangiti ako
Nagkwentuhan lang kami habang kumakaen
"Deans, Bei, outing naman tayong tatlo" sabi ni Tots
"Bakit?" tanong ni Bei sakanya
"Summer na kaya! Ang init-init na!" sabi nya
"Nakakahiya naman kila Tatay Dante kung magrerelax ako ng hindi sila kasama" sabi ko
"Edi isama natin sila" sabi naman ni Bei
"Eh yung budget?? Alam mo naman na nagpapacheck-up pa si Kuya Jessie"
"Ay, oo nga pala no?" sabi ni Tots
"Hayaan nyo, pag-iipunan ko yan" sabi ko
Tumango naman yung dalawa
Pagkatapos naming kumaen nagtrabaho na ulit ako
Kinagabihan, habang naghihintay ako ng pasahero nagulat ako nang nakita kong tumatawag si Ced
Ano nanamang kailangan nito??
"H-Hello?" sagot ko sa tawag nya
"Dean!"
"Bakit?" tanong ko sakanya
"Bumyahe ka ba ngayon?"
"Oo, bakit?"
"Kasi ano, pwede bang ikaw nalang yung kunin kong taxi? Hindi na kasi ako makapag-drive, nakakatakot din kasing kumuha ng iba eh" sabi nya
"Ganon ba? Saan ba yung location mo?"
"Dito sa bar kung saan mo nakita si Jema" sagot nya
"Sige, pupunta na ako" sabi ko
"Thank you!"
Pagkatapos naming mag-usap ni Ced huminga ako ng malalim
Si Ced lang naman diba? Siguro naman hindi nila kasama yung salbahe na yon!
Nagdrive na ako
Ilang minuto lang at nakarating na ako sa lugar, nakita ko si Ced na nakatayo sa tabi ng kalsada
Huminto ako sa tapat nya
"Dean! Buti nalang at dumating kana" sabi nya
"Sakay kana"
Napakamot sya sa ulo nya
"A-Ano kasi, pwedeng magpatulong?" tanong nya
"Saan?"
"K-kasi kasama ko sila Jema, nandon sila sa loob, lasing na lasing"
Napapikit ako
Shit naman oh!
"Sorry Dean..." sabi nya
Tumingin ako sakanya
Ano pa nga ba??
"O-Okay lang"
Lumabas ako ng taxi
"Nasaan sila?" tanong ko
"Nasa loob, tara!"
Sumunod ako sakanya
Kainis naman eh, iinom-inom tapos hindi naman pala kayang umuwi! Ggrrrrr!!
Pagpasok namin sa bar agad kong nakita si Jema kaya mas lalong kumunot yung noo ko
Nakayuko sya sa lamesa at halatang tulog, katabi nya si Kyla at Jho
Hays!! Kababaeng tao!
"Ayan sila, unahin natin si Jho" sabi ni Ced
Wala naman akong nagawa kundi ang sumunod
Pinagtulungan naming dalawa ni Ced si Jho papunta sa taxi ko, pagkatapos naming maihatid si Jho sa taxi ko sinunod namin si Kyla
Ang bibigat po nila!!
Pagkatapos naming madala si Kyla at Jho sa taxi binalikan naman namin si Jema
"Jema, dadalhin kana namin sa taxi ha" sabi ni Ced pagkatapos pinagtulungan namin sya
"Hmmmm!!! Ano ba?!" daing ni Jema habang nakapikit
Kainis! Ang bigat!
"A-Ano bang gagawin nyo shakin?!" inis na tanong nya pagkatapos dumilat sya at tumingin sakin, "O-Oh! Dean! Hahahaha! Ikaw pala yan! Long time no sheeee!!" sabi nya sakin kaya napangiwi ako
Lasing!! 😣
"Akalain mo yan! Makikita ko pa pala yung pagmumukha nitong lalaking to!" dagdag nya pa, ramdam kong nakatingin parin sya sakin
Ibalibag ko kaya to??!
"Huy! Galit ka pa ba shaken?? Bati na tayo oy!" sabi nya
Bahala ka dyan!
"Shalubong nanaman yang kilay mo!" pagpapatuloy nya
Ang ingay ha!
Nang makarating kami sa taxi ipinasok na namin si Jema, nang maiayos na namin sya sa loob nag-unat ako ng likod
"Hayss! Salamat at tapos na!" bulong ko
"Thank you Dean ha, naku! Mabuti nalang at may number ako sayo!" sabi ni Ced
Tumingin ako sakanya
"Saan ko kayo ihahatid?" tanong ko sakanya
"Sa condo nalang ni Jema" sagot nya
"Okay!" sabi ko
"Pasensya na talaga ha!"
Hindi ko na sinagot si Ced, naglakad na ako papaunta sa passenger seat at pumasok, nang makapasok na din si Ced sa taxi nagsimula na akong mag drive
Habang nagda-drive ako salita ng salita si Jema
"Dean! Panshinin mo ako! bati na tayo, balik kana..." sabi nya pero hindi ko sya pinapansin, patingin-tingin lang din si Ced sakin dahil nasa tabi ko sya
"Huy! Dean!!" tawag sakin ni Jema pero hindi ko parin sya pinapansin
"Ahh Dean, tawag ka ni Jema" sabi sakin ni Ced
"Hayaan mo sya, hindi ako nakikipag-usap sa mga lasing" sagot ko
"Lashing??! Hindi ako lashing!" sabat ni Jema
Mas lalong kumunot yung noo ko
Ewan ko sayo!
Nang makarating kami sa tapat ng condo ni Jema tumingin ako kay Ced
"Siguro naman kaya ng maglakad ng mga kaibigan mo?" tanong ko sakanya
"A-Aahh, O-Oo! Wait, gigisingin ko sila" sabi nya
Tumingin sya sa likuran at niyugyog nya yung paa ni Jho at Kyla
"Hoy! Gising na kayo! walang magbubuhat sainyo dito!" panggigising nya sa dalawa
Napatingin ako kay Jema at nakita kong gising sya at nakatingin sakin, umiwas ako ng tingin sa kanya sabay iling
Titingin-tingin pa! Tss!
--------------
Inis na inis sa isa't-isa 🥹🤣