-
قـامت الصـبح وهي ماتدري كـيف نـامت بالغرفه ،انتـبهت على البنـات نـايمين بالارض بإهمـال وكـل وحده نايـمه فوق الثانيه ،فّركـت عيـونها بنـعس شـافت شـعرها المبهذل لمـّته وهي تـحاول تـطرد النوم مـنها ،قـامت بخطوات متثـآقله وحـذره عشان ماتتوطى فِي بـطن وحده من البنات ،فرشـت اسنانها وغسلـت وجـهها طـلعت من الغرفه وهي للحين ببجامتـها ،طـالعت بالمجلس شـافت نوره ودلال وام دلال قاعديـن طـالعت بدلال بشمائزاز ودخـلت المطبخ وشافت فتـون وانهـار وآيـار وحصه ومنيـره يـسوون الفطـور ابتسمت وهي تشّم الريحـه الي تعودت عليها من الطفوله "ريـحِه فطـور الديـره"
ابتـسمت براحه وهي تتبـسم:اساعدكم!
لـفت عليها فتـون:بالله روحي بس وارقدي مع البنات
ضـحكت اشواق:شدعـوه زعلانه لهدرجه؟
طـالعت فيهم حصه:ايي البنات مبطحـات من السهـر الي خربكـم
ضـحكت اشـواق وابتسـمت وهي تشـوف آيار تسـوي الخبز:عطـيني بسوي الخبز
شـهقت حصه وفتـون بنفس الوقت:بالله الا انتي تحرقِـين المطبـخ كله!
شـهقت اشواق ومدت بوزهـا بزعل: الشرهه علي الي اقو...
قـطعت كلامـها انهار الي تضـحك وتسحب يـدها:امشي بس قبل شوي استلمونـي والحين استلمـوك لان ولا وحده فينا سنعه كلنا رفـلات
ضحـكت اشـواق،وصـرخت حصه:عز الله صدقـتي رفـلات،انقـلعو بس حطـو الفرشه بالحوش بنفـطر
ابتـسمت اشواق:تبشرين ياحصوص
حصـه بعصبيه مزيفـه:عمتـك انا يالخبله وشو حصوص
ضـحكت انهار:شدعـوه ماتمون
دفتـهم حصـه بمزح:رحو بس افرشو الفرشات
ضـحكو انـهار واشواق وطـلعو يفـرشون الفرشه بالحوش ويحطون سفـره الفطور
همـست انهـار لاشـواق:بسـالك
ابتسمت اشواق وهي تطـالع الجو بكل روقان وكانه بيمطر لانه مغيـم لفـت اشواق يدها حـول كتوفها من البـرد:اسالي؟
انهار بنفـس الهمس:الحـين انتي كيف نمتي بالغرفه وانتي كنتي بتجيبين حاجه؟
صغـرت اشواق عيونها بتفـكير:لحظه نسـيت
غـمزت انهار:شفـت صالح شايـلك ودخلك الغرفه ليه شصـار
شـهقت اشواق وحطت يدها على وجهها وفجاءه تذكرت يوم بكـت بحضنه ،صفقـت كتف انهـار بقوه لانها عرفت نيتها:يالوصخه!
ابتسـمت انـهار بخباثه:وشو شقلت
غمضـت اشواق عيونها بقـهر:وبعدين شصار؟
وسـعت انهار عيونها:مسويه ماتدرين اعترفي ترانا ماعندنا احد
شـهقت اشـواق وقرصـت انهار بقوه ،
انهـار:آهه يالحيوانه
التفتـو على دلال الي حاطـه ميـكب مع الصبح وبالديره ولابسـه بلوزه قصيـره شوي وليقينز
دلال:افف يع وش ذا الديره ماعندكم ارسـال!
طـالعت فيها انهـار بحده:اذا مو عجبتس ديـرتنا تقلعي الباب يوسـع جمل ولا وشجابس بديرتنا
ضـحكت اشواق على لهجه انهـار الي قلبت من حجازيـه الى نجديـه:طـلع العرق
ابتسـمت انهار:الروح نـجديه والقلب حجـازي
ابتـسمت اشواق وهي فهمت قصدها:ابـوك نجـدي وامك حجازيه
طـالعت فـيهم دلال:قرويـّات ليـش اتناقش معكم
شـهقت انهار من وقاحـتها وشمـرت اكمامها:شكلس يبي لتـس من يعلمـك من القّروي فينا
ابـتسمت دلال باستفزاز:بـنت بدو
شهـقت اشواق ووسعت عيونها :والله لو انك مو ضيفه ببيت عمي اني توطيت ببطـنك بس الارض صابـره عليك
كشـرت انهار:والله ان الديـره تستحي تستقبل امثالك
ابتسـمت دلال بغرور وهي تلاعب طرف شـعرها المنتف:والله اني مب ميته على ديرتكم
هزت انهار راسها:زين وشجابـتس لهنيا دامتـس ماتبينا
ضحـكت اشواق على لهجه انهار الي كل مالها تنقلب:حـوريه الارض نجـديه
طنشـتهم دلال بغرور ودخلـت ،لفـت انهار على اشواق:فكه
ابتسمت اشواق وهي تذكرت ان كانت تبي تسال انهار ذا السؤال:شصـار على امك وابوك
ابتـسمت انهـار بهدوء:معـرف بس مااتوقع انها بتسامح ابوي حتى مافكر يراضيها
نزلـت اشواق راسها بحـزن ورفعت راسها تصرف الموضوع:امشي نساعدهم
،دخـلو جوا يسـاعدونهم...
،
صـحى تمـيم وهو يشـوف جده يرش الماء ويضربه بخفـه بعصاته فـرك وجهها وطـالع بجده:شعندك ولا مره سويتها
ضـحك فـهاد:اقول قم بس الديره تختلف عن الشرقـيه قـوم عيـال عمك بس
مسـك تميم راسه بتعب:احسـب فيه سالفه
احتـد صوت فـهاد:قمم
فـز تمـيم وعلطول شـاف جنبه رائد وسـع عيـونه بصدمه وطالع بجده:رائد نايم ليه ماقومته
مشى فـهاد بعصاته بتطنيـش وجـلس على الفرشـه:قومه انت وخـله يفطر
فتـح فمه بصدمه ومن القهر ضرب برجلـه على ظهر رائد الي واضح متجمد من البرد وحاط كل البطانيات عليه ومو باين منه شيء
رائد بتثآقـل لكن حس بالضربه:كسروك يامال الوجع
ضـحك تميم وفتـح باب المجلس بقوه عشان يخوف العيال ويصحـون بس محد صحى وكان فوضى
مصـعب فـوق عبدالعزيز ،وراكـان محٌتضـن هتان،وصـالح حـاط رجله ببـطن ماجد
،كتـم ضحـكته وهو يشوف اشكالهم وتوجه لهم وصرخ بصوت عـالي:قـم انت وياه
محـد طق له خبر وكملو نوم ،فـتح فمه بصدمه وهو يشوف صالح ماتحركت من شّعـره وبالعاده اول واحد يصحى توجه لصالح:هي صلحـي انت اول من يقوم شصار فيك
لـف صالح للجهه الثانيه ورفس ظهـر هتان،فتح تميم فمه بصدمه:شصار فيـهم ذولي شكلهم سهرانين مصعب ماآشره عليه بس صالح!
قـام وتاكد ان مامنهم فايده شـاف رائد بالمغسلة يغسـل وجهه وهو معصب ومنفس ضحـك تميم:وشفيك منفس
طنشـه رائد بعصبيه وراح يجلس بالفرشه وهو حتى ثوبه مالبسه من العصبيه
ضـحك تميم:يالله صباح خير
ابتسـم تمـيم بخباثه واخذ عصاه فـهاد الي يصرخ عليه وهو مطنش
،دخـل الملحق وهو عارف مايقومهم الا ذا العصا ،دقها بقوه وفزو العيال بخـوف اول ماشافو خشـه تميم
قامو يدعون عليه ويسبـونه وتميم مّروق ويضحك ،طار النوم من عيونهم من الروعه حتى ماجد انفزع معهم صحو بتثآقل وراء بعض وغسلـو وجيههم واجتمعو على الفرشه مع عمانهم وجدهم وعامر
التفت عـامر على صالح وابتسم :صـالح ياوليدي ازهـم الفطـور من مرتك
طـالع فيه صـالح وعيونه مفقعه نوم وثوبه مالبسه وميـت برد وخشمه محمر
،قـام بيجيب الفطور واول ماجاء بيـدخل ،طلـعت اشواق بوجهـه وشهقـت بخوف اول ماشفته وآحمر وجهها وتذكرت الكلام الي قالته انـهار ويوم حضنـها بس هو ماجاء بباله من تأثير النوم ولا مسكها عليـها
اخـذ الفطور وطالعت فيه اشواق وهي عاقـده حواجبها:عيونك مفقعه نوم وخشمك محمر البس لك جكيت ولا ثوبك على الاقل الفنيله خفيفه بتزكم من البرد
طـالع فيها صالح بطرف عين:وانتي شدخلك
وسعـت عيونها بصدمه ومقدرت تسكت:نعـم وشو الي وش دخلني الشرهه علي والله مب حبًا فيك تقـلع بس
وسـع عيونه بصدمه:وانتي ليه شادتها ماقلت لك شيء
طنشته ودخلت داخل وهي معصبه مره
،جلـسو وبدو يفطرون ويسولفون على بعض ابتسـم فهاد:هتان صب لي الشاهي
متعب:لا يابوي يأثر عليك بعدين وينقـص حديدك
طالعـه فـهاد بطرف عين:انكتم وشدخلك فيني
انحرج متعب:سّـم
كتـمو العيال ضحكتهم وراكـان ينخز ابوه
لـف فهاد على العيال:العزبـه تنتظركم بعد الفطـور وزينِـو الدكَـه بنتقهوى فيـها العصريه
شـهق رائد وجاء بيتكلم بس سكـته فهـاد:اقـصر حسّك
نزل رائد راسـه:ابشر
كتمـو العيال ضحكتهم بصعوبـه وكملـو يفطرون...
-
،خـلصو فطـورهم وشّـال صـالح الفطـور ولف على مصـعب:روحو وانا بلحقكـم بسيارتي
هـز مصعب راسه وتـوجه للمطبخ من الخـلف وتنحنح
،سمعـو البنات صوته بس ماعرفوه طـلعو بنـات عامر من المطبـخ وشـيهانه وانهار وميـان وآيار وديما
وبـقى شوق واشـواق دخـل المطبخ وطـالعت فيه بحقـد ولفـت راسها بعصبـيه وزعل
،طـالعت فيها شوق وهي عاقـده حاجبها ،لفت شوق على صـالح:شفيـها مرتك نفست اول ماشافتك
رفـع صالح حاجبه:وشفيها؟
ماردت وفتـحت الثلاجه وهي تـاخذ علبه مويـه،طـالع فيها وبنبره تستفزها:يمكن منحرجـه من امس؟
شّـرقت بالمويه وقعـدت تكَـح بقوه،شهـقت شوق وتوجهت لها تساعدها وتطالع بصـالح:هـي انت يالميت زوجـتك بتموت!
ضـحك صـالح وقـرب منها ،ابعـدت اشـواق وهي ماسكه حلقها وتكَـح بقوه
،سحـبها مع ذراعها وضغـط على ظهرها ليـن تنفسـت كويس
،جلـست وهي تتنـفس بسرعه قـرب منها وجلس على ركبـه وطـالع فيها وابتـسم
تجمـدت لثواني واستـوعبت ودفـته بقوه وقـامت ،غمـزت شـوق وهي تضحك:حسافه جـوالي مب معي كان صورتكم
ضـحك صـالح وهو ماسك صـدره بألم:دفـشه
تكتـفت وهي تطـالع فيه بحقد:مسـوي ظـريف انت وعيـونك كانها عيـون قرد!
قـام وهو يضـحك:ليـه مُـغرمه فـيها
ابتـسمت شوق وهي تحط يـدها على خدها وطلـعت من المطبخ:سـوالف متزوجين مالنا فيـها
تكتف صـالح اول ماطلعت شوق :زعلـتي؟
طـالعت اشواق فـيه:من وش؟
ابتـسم صـالح:لا خلاص سلامتك، زين نسيتـي
طـلع من المطـبخ وهو مبتسـم وركـب السيـاره وتـوجه للعزبه وهو مشـغل خالد عبدالرحمـن
"وشـلون مغليك وانـت الي علمتنـي حَـبك"
،وصـل للعزبه ونـزل وهو لاف العصـبه حول راسـه طـالع فـيه رائد الي يـطالع بالابل بخـوف
:راح زمـن الكابـات
ضـحك صـالح:بترجع لك بالخـبر
رجـع رائد يـلف راسه:والحين كيـف الطريقه؟
طـالع فيه صـالح وهو عِـاقد حاجبه:وشو؟
مسـك رائد راسه:يبـوني احـلب الابل واحـط حلـيبها لعماني وجدي
ضـحك صـالح:طيب وشفيها؟
وسـع رائد عيونه:يابوي شـلون اخاف ترفـسني
ضـحك صـالح:الحياه تـجُارب
رائد:اي تجارب بعـدين ترفـسني وتتوطـى ببطني وتشـوه جمالي وماعاد القى ام العيـال
ضـحك صـالح يمازح رائد:حتى وانت كِـذا مارح تلقاها
طـالع فيه رائد بطرف عين:انا الف وحده تتمٌناني
صـالح:يصير خيـر اذا لقيت الف وحده
،التفـتو على مصـعب الي بيـده شـعير ،قـرب منهم وطـالع بصالح:انت وينك طول الوقت
صالح:عند عماني وجـدي
التفـت صـالح:الا اقول وين ابو راس؟
عـقد رائد حواجبه:منهو؟
صـالح:مـاجد؟
ضـحك مصـعب بقوه على اللقب:حـبيت اللقب،يقـول بروح عند اهلي اكيد قلقـو علي
ضـحك صـالح بسخريه:اي هذا وجـهي اذا درو عنـه
كمـلو العيال شغلـهم ويرتبون في الدكه ويشتغلون...
،
<<عنـد مـاجد>>
وقـف سيارتـه وهو مشـتاق لامه شـوق طاغّي وماشافها من امـس
نـزل وفـتح الباب ودخـل شـاف اهله جالسين بالحـوش ماعدا هـي ،ابتسم وهو يشـوف امه الي لافه
ظهـرها وواضح زعلانه ،باس راسها وهو يبتسم:يمه ياحلوه اللبـن
ام مـاجد بزعـل:حلوه اللبـن زعلانه نايم عندهم ولا قـلت لي خوفتني عليك
ابتـسم وهو يقٌبل يدهـا بحنيـه:والله اعذريني حلفو علي وكأنـي عندك
لف يطالع في ليلى:وين ابـوي؟
ابتسمت ليلى وهي تشـرب من الشاهي:بالعزبه
ابتسمت ام مـاجد الي رضـت على طول ومسحت على فخـذ مـاجد بحنيّه:يمـه ياوليدي رح شف زوجتـك مسخنـه من امـس وماقدرت تحضر العزيـمه وقعدت عندها ليلى
فـز ماجد بخـوف:ليه وشبها
كشـرت ليلى بزعل:ثاني مره لاتـروح تخلي مرتك حسافه كنت بشـوف عزيمتهم واحش
خزتـها ام ماجد:ليلوهه ياام لسان!
سكتت ليلى ،وقـام ماجد بيروح لها لكـن وقف بطريقه ولـد مها اخـته "بـدر" الي يبكـي
شـاله وهو يلاعبه ويمـسح على راسه:خلاص اشش ولا تـرا مابوديك البقاله؟
ابتسـم بدر بفرح وهو يمسـح دموعه:تـيب *طيب*
نزلـه وراح بـدر لامه وتوجـه مـاجد لجناحـه دخـل بشويش وكانت الغرفه ظلام والمكيف بـارد
عيـونه تـدورها بالغرفه قـرب من ناحيه الفراش وشافها متلحـّفه وحاطـه الكمادات على جبهتهـا
اخذ الكماده ولمـس جبهتها الحاره استغرب مفروض بـارده نشـف الكماده ورجع يحطها على جبهتها
وانقهـر من نفسه كيف يسوي فيها كـذا ويخليها وهي محتـاجته وهي امانـه بين يدينـه
،قـام بيروح للعزبه فتـح الباب واخـذ مفتاح سيـارته وطلع
،جاء بيطلع لكن استوقفـه صوت ام ماجد:وين رايح؟
ابتسـم ماجد بهدوء:بروح للعزبه
قـامت ام ماجد وهي تحلف:لا والله ابوك قال لايجيني بالعزبه خله يشوف مرته وابوك عنده اخـوك حمد
نـزل ماجد راسه وهو يلاعب مفتـاح سيارته:طيب
،رجع دخـل جناحهم وقـرب منها وشافها ترجف عـقد حاجبه باستغراب ، اخـذ مقياس الحوار وقـاس حرارتـها كانت سبعه وثلاثين استغرب وهو يتمتم:طيـب زين وشفيها ترجف؟
قـرب منها وانسدح بجانبها واحتضنها بقوه عـشان لاترجف
،تقشـعر جمسها بقـوه وحست بجـسم ضخـم يحاوطها لكن ماكانت تبي تفتـح عيونها ...
،
<<عنـد العيـال-بالعزبـه>>
جلسـو بتعب على الدكه بـعد ماخلصو اشغـالهم
،طـالع تمـيم فِي رائد:بالله رح جـب الشاهي من مطبخهم
وسـع رائد عيونه بصدمه:وانا وش دخلني قَـم انت!
تكتف تمـيم:وشو الي وش دخلني اصغر واحد خدامهم
طـالع فيه رائد بطـرف عين:قلها زين بعدين يصير خير
قـام عبدالعزيز:انا بجيـبه
طـالع صـالح فِي تميم ورائد الي للحين يتهاوشون:قومـو يابزران
قـام صـالح وهو بيروح يتمشي ولحقه عبدالعزيز ،ابتسـم صالح يوم شـاف عبدالعزيز
قعدو يمشـون وابـتسم عبدالعزيز وهو كـان يبي يقول هالشيء لصـالح:انت تغـار من ماجد؟
لـف صـالح يطـالعه ببرود وبنبـره سخريه:وليه اغار منه وش عنـده عشان يكـون ماعندي
ابتسـم عبدالعزيز بقهر من نبره صـالح المغروره:انـت تدري انه خطيـب اشواق قبل وكانو يحـبون بعض تسع سنـين؟
شّـد صـالح على قبضّـه يده:طيـب؟
طـالع فـيه عبدالعزيز وهو عارف انه تضـايق من الطاري:لا مااقصد شـيء بس بقولك شيء واحد
طـالع فيه صـالح ومن بيـن سنونه:وشو
عبدالعزيز:لاتخليها تجـرب الشُـعور مرتين لان كلـها مب سهله عليـها احتويـها واحميها ترا مالها بهالدنيا غير ربها وانا وانـت ،وصدقني ان جاها شيء منك صـدقني مابتشـوف مني خير
عقـد صـالح حاجبه من كلمته"لاتخليها تجرب الشعور مرتـين"
آي شـعور وش الشيء الي مب سهل
عليها وش الي مزعلها!
لفـو على صوت هـواش تمـيم ورائد وضـحك العيال الهيستيري
مصـعب بصـوت عالي لصـالح وعبدالعزيز:تعالو بسرعه الشاهـي جاء وشوفوو فعاليات تميم ورائد
طـالع عبدالعزيز بصـالح وابتسم ومشى تـارك صـالح خلفه تايه بتفكيره
،مشـى صـالح وقـرب وجلـس على الدكه:صّـب شاهي
ضحك راكان:بالله مافقدت القهوه السوداء حقتك!
ابتسم صـالح:كثـير
كملـو يسولفون ويضحـكون ويذبـون ويتهاوشون بمـزح وصـالح يضـحك معهم وبنفس الوقـت سـارح تفكيره بعـيدد...
-
<<عـند البـنات>>
،
جـالسين بالحـوش يسولفـون ويضحكـون فجاءه فزت نـوف يوم جت في بالهـا فـكره
نـوف:بنـات ليـه مانروح لعزبـه ابوي شوفو الاجواء تفتـح النفس
ابتسـمت شـوق بفرح وهي تصفق بيدها:اييي تكفون
ابتـسمت اشـواق:صـح انا اشتقت لمُهـره بـعد خلونا نروح
عقـدت آيار حاجبها:من مهُـره؟
ابتسـمت عزيزه:خـيل اشـواق
شهـقت شيهانه:عندك خـيل!
ابتسـمت شوق بحمـاس:صـدق؟ ابي اروح اشوفها تكفين
طـلعو دلال وليـالي وكـل وحده فـل ميكب ولابسيـن عبايات ورديـه ،شـهقت ميـان بقوه:اقـول استحي على وجهتـس؟
طـالعت فيها ليـالي بإستفزاز:اسـتحي على وجـهي ليه وشمسويه؟
طـالعت فـيها انهار بحـده:حـنا بالديـره مو بالمديـنه!
ابتسـمت دلال وهي تلاعب شعـرها بغنـج:وايـش فيها؟
كتمـت اشواق ضحكتـها،وطـالعت فيها دلال بحـقد وغرور:فيـه شيء يضحكك؟
رفـعت اشـواق راسها ورفعـت حاجبها وضحكت:شكـلك كافـي بإنه يضـحكني
نـزلو البنات رؤسهم وهو يضحكون ،شـهقت دلال بعصبـيه وليـالي تطالع في اشـواق بصدمه:وقحـه
قـربت دلال من اشواق الي وقفـت اول ماقربـت دلال مسـكت دلال بلوزه اشـواق :انتي يالقرويـّه ترا ماانـتي في ذاك الجمـال هههههه
ضـحكت اشواق بإستفزاز:صـدق؟
سـحبت اشـواق يد دلال بحركه سـريعه وعضـتها من عند المعّصـم بقـوه
،صـرخت دلال بقـوه ،فكّتـها اشـواق وسـحبت دلال شَـعر اشـواق شهـقت اشواق وسحبت شـعر دلال بشـكل اقوى ،شهـقو البنات وهم يشوفون الهوشـه تكـبر حاولو يفكونهم لكـن كل وحده شّـاده على شـعر الثانيه،وليـالي تصارخ وتسـب اشواق
انـهار:انتي اسـكتي لا اجـي اتوطى ببطنـس
انخرشـت ليالي ،طلعـو الحريـم مفجوعات على صراخـهم الي كان قّـوي جدا شهقـو بقوه وحاولو يفرقونهم ليـن تفرقـو بصعوبـه
جلسـت اشـواق وشعرها منفـوش وتطـالع بحقـد على دلال الي تبـكي وشعرهـا بين يدهـا
ابتسـمت اشـواق بإنتصار:اهـم شيء بردت خاطري
لفـت على ام صـالح الي تهـاوش وتدعي على اشـواق بالكسر ،شـهقت وهي تشـوف امها ماتعطي رده فعل
صرخـت اشـواق:يكسر يـدها هي والله
مسـكت حصه اشواق على جنب وهي تهـدي اشواق ليـن هدت وجلـست بهدوء وهي تحـّك فروه راسـها بألم:حسـبي الله عليها قطعـت شعري
جلسـت شوق بجانـب اشواق وهي تسوي لهـا مسـاج يخـفف الالم
،ابتسـمت اشـواق وهي تطـالع شـوق:شـكرا
ابتسـمت شوق:بالعكس هذا واجـبي ومفروض احطك بعـد فـوق البيـت لانك طلعتـي حرتي السنـين الي فاتت
ضـحكت اشـواق ،نطقـت شـوق بهدوء غـير عن نبرتها الي قـبل شـوي:اشـواق؟
رفعـت اشـواق راسها بإستغراب من تغيـر نبره شـوق:هلا؟
شـوق بهدوء:تدرين انـك من يـوم دخلتـي حياتنا بالقصـر غيرتي كلشيء تدريـن ان كـان صالح من الشركـه الى النـادي ولا مسافـر نادر نشـوفه بس من يـوم تزوجك وهو مايفـارق البيـت ،تدريـن ان البـيت كان هدوء ومحـد طايق الثاني بس من جيـتي تغـير كلشيء كـان البيـت رمّـاد ومـن دخـلتي حياتنا صـرنـا نشـوف الحياه بألوانـها،كـلمه شكرا قليله بحـقك
ابتسـمت اشـواق وهي تفكـر بكـل كلمه قالتـها شـوق ،قطـع تفكيـرها وكـلام شـوق صـوت ديـما الي تصارخ:بـنات! ،يـلا بنروح للعزبـه
فزو شـوق واشـواق بفرح وقـامو ولبـسو البـنات مخـورات عشـان يعيشـون اجواء الديـره وقعـدو فتـون ووعـد بالبـيت
،ركبـو سيـاره عـامر البسيطه سرقـت عزيـزه المفتـاح من عنـد ابوها والـي تسـوق ديـما
ابتـسمت ديـما وهي تشـغل المسـجـل حـق السياره الي مـن طـراز السيـارات القديـمه
لفـت ديما على البـنات:شتبـون اشغلكم
ابتسـمت نـوف:شغلي من عندك هنا في اغـاني مسجـله بالسيـاره
اشـتغلت اغنيـه محمـد عبـده"توصـيني على الكتمـان وتبغـى حُبـنا مايبـان"
ابتسـمو البـنات وهـم يغنون وراء الاغنيـه وكـل وحـده تهِوجـس
،
وصـلو للعزبـه بـعد ماضيعـو الطريق وهـم ماعندهم خـبر بوجود العيال هنا ، نـزلو وهو يتحمدون ربـهم ماضاعو مـره ثانيه ويذبـون على ديـما وسواقـتها
، توجهـو وهم يمشـون بيـن شبـاك الابل وشـوق تصـور فـلوق عشـان للذكـرى
ابتسـمت اشـواق وهي تلاعـب احد الابل:هـذي الشيـخه؟
ضـحكت نـوف:مـسرع نسيتيها؟
ابتسـمت شيـهانه:بالله كـيف تفرقـون بـينهم؟
ضحـكت عزيـزه:تـرا اشواق ماتعرف الا الشيخـه لانها ناقـه ابـوها الوحـيده الي بقـت لها
ابتسـمت اشـواق وهي تنزل راسـها بهدوء وتترحـم على ابـوها وسندهـا
وعزوتـها لاخر عمرهـا
،ابتسـمو البنات بحـزن يوم اشـواق نزلت راسها وصـرفت آيار الموضـوع:تعالو نجلـس هناك
هـزت نوف راسها:اي تعـالو نجلس على الدكه
تـوجهـو الدكه وهو يسولفون ويضحكون وولا وحـده متغطيه جلسـو على الدكه
انهـار:ميـانن روحـي جيبي السناكـا
توجهـت ميان تجيـبها من السيـاره
وكملـو يسولفون ويتأملون الاجواء والهواء يهَـب عليهم ويلافّـح شعرهـم
،
كـانو قاعدين يتمشـون ويسولفون وانتبهـو على سـياره استغربو وطـالع عبدالعزيز وابتسـم
:شـكل خالي وجدكم جو
رفع تمـيم حاجبه:تونا الظهر هم قالو العصر
ضـحك مصـعب:تعرف ابـوي ماعنده وقـت
استغـرب عبدالعزيز:ابوك؟ مو هو جدك
ابتـسم مصعب بغـرور:احم ادري ان شـكلي صغير وماكاني عم لهذولي التيـوس
ضحـك صـالح:كذاب تراه صـك الثلاثين
طـالع مصعب في صـالح بحده:اقول اص بس تراك اصغـر مني بسنتين
ضحكـو العيـال وقـربو من عند الدكه بـس سبقهم عبدالعزيز وفـز يوم شـاف البنات بس ماطاحت عينه
الا على شيـهانه غـض بصـره بسرعه وتنحنح بقوه جو العيال من وراه
رائد بضحكه:وشفيك انت تتنحنح مافـي الا الشيـاب بتخقق مين يعني؟
لـف عبدالعزيز على العيـال:في بنـات هنا عشان كذا
طـالع هتـان بإستغراب:شكل البـنات جو بس كيف؟
ضـحك رائد بقوه:مع البنات للغسـيل مافيش مستحـيل، لو يطيرون برجولـهم
ضـرب تـميم كتـف رائد:وربـي انك سخيـف
طـالع رائد بتميم بطرف عين :انـت اص ولا كلمه
كـان بينطـق تميم ويتهاوشـون لكـن قطعهم صـوت وحده من البـنات:انتـم شتبون؟
شهقـو العيال بصدمه،
رائد بلقافه:انتـم الي وشجابكم حنا جينا هنا قبلكم
طـالع تـميم بالبنات:من سبـق لبـق
شـوق:بالله توكل لاتخربون جلسـتنا
،جلـسو العيـال عنـاد فيـهم
قامو نـوف وفتـون بحيـاء لانهم ماتعودو على ذا الحركات وراحـو يتمشون
قـامو يتهاوشون البنات والعيـال من يجلس هنا
ضـحكت ديـما:اقـول هي بدال ماتتهاوشون بقـول لكم سالفـه حريقـه حسـافه لو ماشفتـوها
ضـحكو البـنات اول ماعرفـو ديـما وش بتقول الا اشـواق
ابتسـم راكان:قـولي
لفـت ديـما على اشـواق:تسمحيلي اقـول
اشـواق بفهـاوه:اي عادي
قـامت بتحكي لـهم ديـما سالفه اشـواق ودلال استـوعبت اشـواق وصرخـت وهي تسكـر فم ديـما
عقـدت ديما حاجبها:انتي قلتي لي اقول؟
ابتسـمت اشواق بفشله:مادريـت
ضـحك صـالح على فهاوتـها وهو يتأمـل عيـونها الواسـعه ومكحله
ديـما:والله لا اقول مالي دخل
مدت اشـواق بوزها بزعـل:يويلك
ضحـك رائد:اكيد مسويه مصيبه ولا خليها تقول
كملـت ديما وهي تحكي لهم شصـار واشـواق عاضـه على شفايفـها بفشـله وتشـوفه مركز بالسالفه
،
ضحـكو العيال اول ماخلصت السالفه وهم يعززون وكـان صـالح يضحـك معهم وهو يتخيل الموقف
عصـب عبدالعزيز:شـلون تضـرب اختي!
ابتسـمت اشـواق بغرور:معليـش وريتـها نجوم الليـل بعـز القايله وانا بنـت سليمان
ضحكو البنات وهم يعـززون لها،ضـحك وكـانت تتأمل ضحكته بشّـرود،لكـن قـطع حبل افكارها شـوق
شـوق بمزح:شفـيك تتأملين اخـوي لهدرجه عاجبك
لفـت اشـواق تطالعها بحده:شكلك تبيني اتوطى عليـك
ضـحكت شـوق ،وكملو يسولفون مع بعـض ويغنون وشـافو خيل اشـواق
،اول ماسمـعو صـوت الاذان فـزو العيال وهم يأشرون على البنات:قومو بسرعـه جدي وعماني ورجـال بيجون هنا واذا شافوكـم حشـو رجولنا
فـزو البنات واخـذو اكلهـم
رائد بمزح:هي روحو وخلو الاكل
طـالعت فيه شوق بطرف عين:اقول اذلف يالمّشفوح
ركـبو السياره كِـل البنات ماعادا نـوف الي نسـوها وهـم مايدرون توجـهو للبيـت ونـزلو...
-
اعذروني على اي خطأ اتسـبب فـيه من غير قصد
تفاعلكم🐆‼️
تيك: a.oeq1
انستا: s__4772