وأنا فِي مَوج حُبك شراع يتهادىٰ

البارت الثَالث عشر

-
<<9:30 ص>>
صحت وشافت شيهانه بسابع نومه قامت وشافت البلكونه المطَله على ابراج الرياض ابتسمت بهدوء
ولفت على فتحت الباب شافها صالح وطالع فيها:صحيتي؟
طالعت فيه باستغراب:وش تشوف قدامك؟
طالع فيها ولف لشيهانه ورجع يطالع باشواق:صحي شيهانه وبعدها انزلو لي تحت بنفطر
مدت لسانها له طالع فيها وهو رافع حاجبه:بزره انتي؟
اشواق:وش الرابط بينهم
طيـر صالح عيونه وهو يتجاهلها وانقهرت من تطـيره لعيونـه توجهت لشيهانه وهزت كتفها:هيو شيهانه
لفت شيهانه بانزعاج:هممم
صرخت اشواق بأذن شيهانه:شيهانههه!
فزت شيهانه بقوه ومسكت قلبها بسرعه وطالعت في اشواق:مجنونه انتي قلبي طار لايجوز ترويع مسلم!
هزت اشواق راسها وهي تاخذ جوالها من الطاوله الي بالغرفه:اي يصير خير قومي بنروح نفطر تحت
صحت شيهانه ببطىء وهي تتأفف وتفرك عينها مسكت شعرها وربطته بعشوائيه اخذت عبايتها وطلعت
التفتت لاشواق الي لابسه عبايتها وتطالع بالتلفزيون بشَرود:هي يالاخت يلا خلصت امشي الا وين صالح؟
لفت اشواق لشيهانه:ينتظرنا تحت امشي بس
فتحت الباب ورجعت اشواق تلف على شيهانه:بنروح بالمصعد ولا بالدرج؟
تثاوبت شيهانه بملل:بالمصعد احسن
طالعت فيها اشواق بخوف:تعرفين له؟
هزت شيهانه راسها وتوجهو للمصعد ركبت اشواق بتوتر خايفه يعلق عليهم رجعت تلف على شيهانه
الي طالعه ببجامتها:منجدك طالعه ببجامتك؟
لفت شيهانه على اشواق:وانتي وش طالعه فيه شوفي طالعه بالشبشب
طالعت اشواق رجلها وضربت راسها بفشله:نسيت اغير الشبشب
شيهانه:عوافي محد درا عننا ترا
انفتح باب المصعد وتوجهو لبوفيه الفندق التفتت اشواق تدور صالح انتبهت له جالس وبيده قهوه وجواله
توجهت للبوفيه تاخذ فطور هي وشيهانه اخذو فطورهم ، التفتت شيهانه على اشواق:وين صالح؟
أشرت اشواق عليه وتوجهو له رفع صالح راسه وطالع باشكالهم الي وجيههم مفقعه ، مسك صالح ضحكته وهو يشوف
وحده طالعه ببجامه والثانيه بشبشب ، جلسو وطالع صالح فيهم:بالله نسيتو تلبسون؟
طالعت فيه اشواق:الله واكبر ترا نسينا ماستوعبت الا بالمصعد بعدين وشعليك انت ها؟
نزلت نظَرها للقهوه السوداء الي يشربها:منجدك؟
رفع انظاره لها:ايش؟
طالعت فيه:احد يشرب قهوه ويسحب على الفطور هذا فطور بالله
لفت شيهانه عليهم:تحسست
طالعت اشواق فيهم:شكلكم تبون الامراض تجيكم؟
ضحك صالح:من متى وانتي تهتمين؟
طيـرت عيونها بـغرور : صدقني مادريت عنك
ضحك صالح:اتحداك اذا ماكنتي مهووسه فيني
طالعت فيه اشواق بكره:مصدق نفسك انت بزياده بعد
ضحك صالح بقهقهـه مزعجه:اي يصير خير
رجع يرفع انظاره لها:حنا بنروح لاخوك عصر مارح تروحين للمول تشترين هديه
طقت اشواق راسها:اييي صحح كيف نسيت
طالعت فيهم شيهانه:شرايكم اروح معكم للمول؟
طالع فيها صالح:اجل بنخليك بالفندق؟
ابتسمت شيهانه له:يعمري ياصلوحي
طالعت فيها اشواق:كل هذا وصلوحي
ضحك صالح :اقول بس روحو غيرو لبسكم وتعالو بالسياره
قامت اشواق وشيهانه وطلعو للغرفه دخلت اشواق وطالعت اشواق عبايتها وانتبهت انها وصخه شوي
شهقت أشواق:عبايتيي
التفت شيهانه لها:ويت انا عندي عبايه ثانيه خذيها لين تنظف عبايتك
راحت تجيبها شيهانه والتفت اشواق يوم شافت العبايه:زرقاء؟
شيهانه:ايوا البسيها لين تنظف عبايتك
اخذتها اشواق ولبستها توجهت شيهانه للغرفه لحقتها اشواق بتاخذ شنطتها التفتت على شيهانه الي تحط مسكرا
:يوهه فاضيه انتي
التفتت شيهانه :تعالي بحط لك شوي
هزت اشواق راسها:لا لا مابي
توجهت شيهانه لها:بس شوي وربي تخلي عيونك نارر وشرار
ضحكت اشواق:نار وشرار!
ضحكت شيهانه : ايوا بس قربي ولاتغمضين
حطت مسكرا خفيفه واخذت شنطتها ونزلو تحت ركبو السياره بسرعه التفت صالح لها:واو مولعه!
والتفت على شيهانه:تاثيرك قوي شكله؟
ضحكت شيهانه وتجاهلته اشواق ببغـض :دمك نفط
طالع فيها ببـرود :بس انا ماقلت نكته
لفت وجهها عنه ورجعت تطالع على الطريق وشيهانه وصالح يتكلمون عن المعرض وهي تفكر بعزيز اخذت جوالها
ودقت عليه ونفس كل مره مايرد ،تنهدت بضيق ونزلت جوالها
،
صحى من نومه طالع جنبه ماكانت فيه:شكلها مانامت هنا ياليل
توجه وفتح الباب وشافها نايمه وهي جالسه صد عنها بتانيب ضمير وتذكر وشسوا امس عصب على شيء
تافه ومايستحق توجه يقومها بخفيف فزت على طول اول ماحست بيد تطبطب على كتفها طالع فيها اول مافزت
:بسم الله
عقد حاجبه يوم نطقت ذا الكلمه بس مايبي يسوي مشاكل فوق الي سواها امس وكيف شاف دموعها قدامه ولا رحمها
طالع فيها:تبين نفطر؟
حكت عينها بنعاس وتعب وهي تمسك رقبتها بألم طالع فيها:رقبتك تعورك؟
هزت راسها بالنفي وتجاهلته انقهر ليه تتجاهله لكن مايقدر يقول شيء ومايبي يبكيها لان يحس نفسه وحش بالنسبه لها تشوفه شخص سيء ومايبي يخلي نظرتها ذي تثَبت دخل الغرفه وشافها تمشط شعرها جلس على طرف السرير وهو يطالع لها
لفت له ورفعت حاجبها:تبي تقول شيء؟
هز راسه:امس...
رفعت اصبعها:مابي اسمع
رجعت تلف ظهرها وطالع فيها ونطق:آسـف
ضحكت وطلعت برا الغرفه عصب مره وليه تتجاهله وتضحك كانها تستفزه كان وده يقوم ويدفنها لكن
سكت ومسك راسه بقوه وهو يحاول يتماسك اعصِابه
-
<<في السوق>>
تطالع بالمحلات لف عليها صالح:وش هديتك بالضبط خططتي عليها؟
لفت عليه:انت رجال صح؟
عقد حاجبه:ايوا؟
اشواق:طيب وش تحبون
ابتسم صالح بثقه:رجال عن رجال يختلف
تكتفت:لايشيخ!
لفت شيهانه عليهم:اشتري له ساعه؟ وغلفيها وحطيها بورد
لفت اشواق على شيهانه:ساعه؟
هزت شيهانه راسها واشرت على كارتير:ايوا اشتري له من هنا صدقيني بتعجبك
هزت اشواق كتف شيهانه:ذكيه
توجهو للمحل همست شيهانه بأذن اشواق:تدرين ان بكرا فيه عزيمه خالي بيجي من المانيا
لفت عليها:امانه! انا اعرف لكن ماتوقعت بكرا
هزت شيهانه راسها:احس لازم اشتري شيء لبكرا بشتري اسواره كارتير تعالي اوريك
مشت اشواق معها وصالح خلفهم توجه للساعات يطالع فيها واشواق وشيهانه عند الاكسسوارات يدورون لشيهانه
جذبت صالح ساعه فخمه ، وتوجه بينادي اشواق وشيهانه يشوفونها بس سمع اشواق عند اسواره وتهمـس لـ شيهانه
اشواق:يمه تكفين تهبل بخاطري بس سعر كليه
شيهانه:عادي بالعكس تهبل اخذيها
اشواق:يابنتي غاليه مرهه بعد انا جايه اشتري لاخوي ولا لنفسي
شيهانه:والله انك خبله ويت بروح احاسب على اسوارتي وبجي
كانت تتامل الاسواره بشرود التفت صالح ورجع لمكانه
رجعت شيهانه لاشواق بعد ماشرت التفت شيهانه على محل بجانب كارتير: شرايك ندخل ذا نشتري فساتين انتي يبي لك فستان مالي دخل
هزت اشـواق راسها بالموافقـه : بقول لصالح ندخله وبنجي
توجهت لصالح وصالح يسوي نفسه غبي ويدور بالساعات التفت على صوتها:لقيت ساعه؟
هز راسه بالنفي:اصبري خليني اشوف شرايك في ذي
مد لها ساعه فخمه وراقيه لفت على الكاشير:بكم هذي
استغرب صالح من سؤالها
الكاشير:250 الف ريال
شهقت اشواق بقوه:غاليههه ذي قيمه سياره
مـد كـف يده يغلق فمـها : ياهبله وشعليك من السعر انتي؟
لفت عليه اشواق:وش الي وش عليك انا الي بدفع
طالع فيها صالح:على كيفك انا الي بدفع
طيـرت عيونها وهي تأشر على محـل الي بجوارهم :المهم بنروح انا وشيهانه لذا المحل الي جنبنا وبنجي اختار ساعه فخمه ورخيصه
قهقهه صالح بـصدمه من طلبـها :مهبوله انتي
طلعت اشواق من المحل ولف على الكاشير:حاسب لي ذا الساعه وغلفها بالله
الكاشير:حاضر تكرم
توجه للاسواره الي كانت تبيها اشواق ورجع ينادي الكاشير :ابي هذي وغلفها لي بليز
الكاشير:تكرم من عينيَاه
ابتسم صالح ولف يطالع المحل الي دخلوه البنات التفت على صوت الكاشير
:بطاقه ولا كاش
ابتسم صالح:بطاقه
دفع واخذ الاكياس وتوجه للمحل الي دخلوه
،
كانت شيهانه تحاول تقنع اشواق تاخذ ذا الفستان وهي رافضه
اشواق:منجدك شوفي فتحت ظهره كبيره
شيهانه بملل:اشواقوههه وربي يجنن تكفين اخذيه ماني قادره اتنفس تخيلت شكلك عليه ومسويه شعرك ويڤي
هزت اشواق راسها بالنفي:ماشش مابي
شيهانه:اشواق وربي اذا ماخذتيه اني لا انتحر
جت اشواق بتطلع وشيهانه تناديها بصوت عالي دخل صالح للمحل والتفت لها ومد لها كيس الساعه:خذي هديه اخوك
ابتسمت وهي تدخل راسها بالكيس:الله شكرا
توجهت شيهانه لصالح وهي معصبه:صالح! شف زوجتك بالله اقولها خذي ذا الفستان تخيلت شكلك عليه وبيطلع يهبل تقولي لا مفصخ عشان فيه فتحت ظهر من وراء والعزيمه بكرا لازم تشتري!
ضحك صالح ولف عليها:وانتي ليه ماتاخذينه وشو مفصخ؟
مدت بوزها :ماحبيته مو غصب
طالعت فيها شيهانه وهي فاتحه عينها بقوه:ياكذابهه انا شايفتك واقفه عنده من اليوم تتأملينه
مدت اشواق لسانها:مو عاجبني
شيهانه بعصبيه:اشواق وربي صبري بينفذ
ضحك صالح:ياخي اخذيه
مدت شيهانه الفستان لصالح:بالله شف مو صح بيطلع حلو
طالع صالح الفستان:واو بيرفكت خذيه
اشواق:هو حلو بس مفصخ
شهقت شيهانه:مفصخ! بس عشانه قصير وفيه فتحت ظهر اشواق تراك مارح تطلعين فيه بالشارع
زفرت اشواق بملل:ياليل خلاص طيب
حضنتها شيهانه بقوه:اخيرا وربي بغيتي تخلين روحي تطلع من عّنادك
ضحكت اشواق:متعمده استفزك
توجهو للمحاسبه وحاسبو طلعو من المحل وطالعت شيهانه بالكيسين:الكيس الثاني حق وش؟
طالع فيها صالح:شاري ساعه لنفسي
اشواق:الله صدق عطني بشوفها
بعد صالح الكيس:لا بخليه مفاجاه للعزيمه
توجهت شيهانه:ترا مارح اروح معكم للمستشفى بتنزلوني في معرض الكتب
عقدت اشواق حاجبها:معرض كتب؟
هزت شيهانه راسها:ايوا
التفت شيهانه على محل عبايات :اشواق مو ناويه تشترين عبايه
عقدت اشواق حاجبها:شفيها عبايتي ها!
مسكت شيهانه ذراع اشواق بترجي:عجبني شكلك بالملون تكفين لازم تشترين بس مو شرط الوان فاقعه زيي
لفت اشواق تطالع صالح الي يطالع فيهم وحاط يده على خده بعدين لفت على شيهانه:مااحس لازم
سحبت شيهانه يد اشواق:والله لا تشترين حتى لو على حسابي
مشى صالح خلفهم وهو يتمتم ويتحلطم لفت عليه اشواق وهي تسمع يهمس بينه وبين نفسه بس ماتدري وش يقول
:وشتقول انت
ابتسم صالح بمجامله:سلامتك يقلبي
رفعت حاجبها:قلبي!
ضحكت شيهانه:تصريح قوي
ضربت اشواق كتف شيهانه وضحكت شيهانه بألم
طلعت شيهانه عبايه عنابيه وكحليه وزيتيه وطالعت في اشواق:احس ذولي الالوان مره بيرفكت
اشرت اشواق على العنابي ولفت شيهانه على صالح:اي وحده
طالع فيهم صالح:شدخلني انا
شيهانه:شاركنا ذوقك
اشر عليهم كلهم ضحكت شيهانه:ترا الي بيدفع انت
ضحك صالح:في غيري اصلا
لفت عليه اشواق بنظرات حده:مااحتاجك الحمدلله
اخذ العبايات من يد شيهانه وحطها عند المحاسبه حاسبو وطلعو
،
طلعو من السوق وركبو بالسياره حط صالح كيس الهديه تحت المرتبه
عقدت اشواق حاجبها:ليه تحطه تحت
صالح وهو يربط الحزام:بس كذا
التفتت اشواق:متى يأذن العصر؟
طالع صالح بساعته:بعد دقيقتين
شهقت شيهانه:مسرع الوقت
انتبهت شيهانه على رنه جوالها ردت وهي تضحك:يوه اشواق مو حولي قاعده تهَوجس
شوق بالمكالمه :متى بترجعون؟
شيهانه:معرف الصراحه
لفت شيهانه على اشواق ومدت الجوال لاشواق اخذته اشواق
:الوو
شوق:اشواققق
اشواق:شوقق؟
شوق:وحشتينيي مره
اشواق:اكثرر يقلبي
شوق:خير مالقيت رقمك عندي
اشواق:امانه ماعطيتك!!
شوق:لا
اشواق:ويت بعطيك
شوق:تمام
ارسلت اشواق رقمها لشوق ومدت الجوال لشيهانه لفت شيهانه لصالح الي ساكت
شيهانه:صالح متى بنرجع للخبر؟
صالح:اليوم ان شاء الله
اشواق:اليوم!!
هز صالح راسه:ايوا بنروح بالسياره اول مانرجع من المستشفى بنرجع
هزت شيهانه راسها ورجع الوضع صمت...
-
-
تفاعلكم...

اعذروني عن اي خطأ املائي من غير قصد 🤍

تيك: a.oeq1
انستا: s__4772