وأنا فِي مَوج حُبك شراع يتهادىٰ

البارت التاسع عشر

-
دخلت الجناح وجلست على الكنبه اخذت جوالها وهي تتفرج فيه بملل ،طلع من الشور ولبس تيشيرت اسود
وشورت ابيض وحاط المنشفه حول رقبته توجه للتسريحه وهو ينشف شعره بالاستشوار
استغربت من صوت الاستشوار ودخلت الغرفه شافته على التسريحه ينشف شعره طنشت ورجعت تجلس على
الكنب طلع من الغرفه وهو ياخذ كابه وطلع من الجناح،عقدت حاجبها من تصرفاته اليوم وطلعت من الجناح
توجهت للصاله وجلست على الكنب انتبهت على سوني مسكته وبدت تحاول تشغله التفتت على صوت رائد الي وراها
يصارخ:سونيييي لاتخربينه
لفت عليه وطالعت فيه باستغراب:وش اخرب؟؟
رائد:السوني حقي!
زفرت بطفش وقامت جلست على الكنب:انكتم ماني جايته
طالع فيها رائد:تبين تجربين؟
هزت راسها بالنفي:لا مالي خلق
لفت راسها يوم شافت شوق متوجهه لهم
،لف وعلطول صد بعينه وجلس على الكنب وحاط رجل على رجل
طالعت شوق فيهم وجلست بجانب اشواق بتوتر:صالح وين؟
لفت اشواق عليها:معرف
عقدت شوق حاجبها:كيف ماتعرفين ياربيي
لفت اشواق عليها:ليه شفيك
عضت اظافرها بتوتر:اخاف يسوي لي شيء
ضحكت اشواق:تحملي وش بيجيك
طالعت فيها شوق بنص عين:من لقى احبابه نسى اصحابه
وسعت اشواق عيونها وضحكت:لا يشيخ شدخلني انتي الي سويتي المقلب
شهقت شوق:وانتي عاونتيني فيه
،جالس يتسمع على نقاشهم ومسوي نفسه مخفي بينهم وماسك الضحكه لفت عليه شوق بعد ماانتبهت له :شعندك جالس هنا ها
رفع رائد راسه:من حقي
تكتفت شوق وهي تطالع فيه:لا جلست بنات اذلف ولا اعلم جدو
قلدها رائد بحركاتها:ياييي جدو
وقام واخذ جواله
لفت اشواق على شوق:بسالك؟
طالعت شوق:اسالي
عدلت اشواق جلستها وهي حاطه يدها على خدها وبهمس واطي:الحين ابو شيهانه وينه مااسمع له صوت؟
زفرت شوق بضيق:يوه سالفه طويله المهم انه مطلق عمتي
وسعت اشواق عيونها:مطلق امي؟
هزت شوق راسها:اي مطلقها تبين اقولك القصه بس يعني...
طالعت فيها اشواق:اخلصي قولي
تكلمت شوق ونطقت بهمس:عمتي كانت تحب خالد الي هو طليقها حاليا وكانت بينهم علاقه حُب من الطفوله
وجدي زوج عمتي نوره بالغصب لانه عرف بالموضوع وانها تكلمه وتطلع معه وقال اول رجال يطق باب البيت
بتتزوجينه طبعا عمتي بكت وصاحت واول من دق باب بيتهم سليمان الي هو ابوك
،تقشعرت اول ماسمعت اسم ابوها وكّبتت دموعها الي على وشك النزول، لاحظت شوق ذا الشيء وسكتت...طالعت فيها اشواق وعيونها فيها لمعه:كملي
تنهدت شوق وهي تكمل:يوم تقدم سليمان سليمان يصير ولد عم جدي يعني اصحاب من اول بس تفرقو من الديره
وجدي صار يشتغل في مجلس الشورى المهم ان وافق علطول وانبسط جدي يوم عرف انه سليمان فرحته كانت كبيره
لان على قوله جدي رجال شهم وامين وافق جدي عليه وتمت الخطوبه والزواج وكانت عمتي داخله بحاله اكتئاب
وبس تاكل بالحبوب صار يوم الزواج وتزوجو وجابت عمتي بنت من غير رغبتها...
هزت اشواق راسها:كملي!
تنهدت شوق بضيق:يوم كانت ببدايه حملها كانت تكلم خالد ويقولها سقطي سقطي وكانت بتسويها لكن عرف سليمان
وحلف عليها ماتسقطها وحطها امانه برقبتها كانت تشاهق وتبكي مع ان كان سليمان مايقصر معها كانت تقول لجدي
ان يعذبها ومن ذا الكلام وجدي مو مصدق وعارف انه كذب بعدين جابت البنت وفي يوم ولادتها الفجر كان المستشفى
خالي مافيه الا الممرضين وهي استغلت ذا الشيء وتركت بنتها... وراحت لبيت ابوها وتزوجت من خالد بالغصب
وجابت شيهانه برضها وبعدين يوم صار عمر شيهانه ١٥ تطلقو لانه كان يتشرط عليها وهي عنيده وبس