وأنا فِي مَوج حُبك شراع يتهادىٰ

البارت الخامـس والثلاثـون

—

،،،،،،،،،،

"بعـد صـلاة المغـرب"

دخـل صالح لـ مكتبـه يكمل شغله جـلس على كرسيه واول ماجـلس سمـع دقـات البـاب
تنـهد صـالح ونطـق : ادخل
دخلت اشـواق بتوتر
نطقت اشواق وهِي مشبـكه يديناها ببعـض: صالح ترى بطلع انا وديم للسوق ندور فستان لملكة ليالي
صالح : طيـب ، خـذي الصرافه حقتي
اشواق : لا ما يحتاج انا معي فـلوس بـس حبيت اعطيك خـبر
صالح بـ إصرار : خلي الفلوس الي معك الحين وخذي بطاقتـي
تخصـرت اشـواق بعنـاد: ما احتاجـها
مسح صـالح على دقنه ومد بطاقـته: مو على اساس انا وانتي واحد تعالي خذيها بس
اخذتـها اشواق ورفعت حاجبها بغـرور: بس باخذها شكل مارح اصرف فيها شي
صالح : بتاخذينها وبتصرفين منهـا
اشواق : اي يصير خير
طلعت من مكتبـه وطلعت من البيت هي وديم متجهين للسوق
،

{عنـد شـوق وشيهانـة}

اعطت شوق خبر لـ ابوها انها بتطلع هي وشيـهانة مشوار
طلعوا متجهين لموقـف السيارات حقتهم
شيهانة : بتسوقين ولا ناخد السواق ؟
شوق : لا بسوق ما يحتاج ناخذ السواق
شيهانة : يالله لا نتأخر اجل
طلعوا مسكت شيهانة الجوال عشـان الموقع
شيهانة وهِي مركزه على شاشه الجوال: كأنه الموقع بعيد شوي
شوق : كم يبي لنا عشان نوصـل ؟
شيهانة : حول ربع ساعة بدون الزحمه اذا فيه
شوق : ان شاء الله مافي زحمـه
،
"بعد ربع ساعة "
- قربـوا من الموقع
شوق : مو كأن هذا طريق الاسطبل حقنـا؟
شهـقت شيهانة : الا والله هو
فجاءة نطـق الجوال الي بيـد شيهانه " لقد وصلت لوجهتك "
شوق : لايكون الهديه داخل الإسطبل؟
شيهانة : وقفي في المواقف خلينا نشوف المديـر
وقفوا ونزلوا اتجهت شيهانة للمربط الخيـول و شوق لمكتب المدير
كانه شـوق تمتم بداخـلها:اذا الهديـه بالاسطبـل؟ ، يعني الشخص مو بعـيد
دقت شـوق الباب حـق مكتب المدير
المدير : تفضل
دخلت شوق : السلام عليكـم
المدير : وعليكم السلام اهلا استاذه شوق
شوق : عندي استفسار في احد تـرك عندك شي وقال لك عطه شوق
المدير ابتسم : اي نعم تفضلي معي
طلعوا برا متجهين لمربطّ الخيول
وقف قدام خيل كانت شوق اول مره تشوفه فِي الاسطبل كان جميل كان من اللون الاصفر لونه جداً جميل
المدير : هذا الخيل هديه وهذي الورقه لك
مد لها ورقه وراح فتـحت الورقه كان مكتوب كَلام قصير لكن واضح مُعبر:
" وأني احببتَك حُب أنتِ تجْهلينهُ ، ما بال قلّبُكِ لا يَعرف حُبي له ؟ "
,
رفعت راسها منصـدمه : من مين الخيل والورقه
المدير بغباء : من رائد .........اوه معليش ما كان المفروض اقول
تنحـت شوق للحظات: رائد ما غيره !
المدير برجاء : عفواً ما كان المفروض اقول
وراح على طول للمكتب حقه
رجعت تقرأ الرسـاله وهِي مو مستوعبه الكِلام الي فـيه
جتها شيهانة تطالع فِي المدير بـ استغراب : شفيه يمشي كذا
شوق وهي متنحه : مدري
شيهانة : ايش هي طلعت الهديه ؟
شوق اشرت للخيل : هذا الخيل
شيهانة بصدمه وحمـاس: واضح الخيل غالي مين اللي يحبك لذي الدرجه عشان يجيب لك خيل
شوق وهي تفكر في الموضوع الورقه : مدري
شيهانة بحماس : مافي على لسانك الا كلمة مدري ، تذكرت يوم قلت لك يوم مات الخيل حقك قلت لك يمكن يجيك معجب يهديك خيل بس ما توقعت
شوق بتغيير للموضوع : والله مره حبيت الخيل
شيهانة : ما الومك ، شوفي كيف حبك
لعبت مع الخيل شوي وقررت تركبه وقعدت شيهانة تصورها وهي راكبته
نص ساعة ونزلت من عـلى الخيل
شوق وهي تحس ان روحها رجعت وتحـس انها ارتحت للخيـل: يالله نمشي
شيهانة : تغير جوك من ركوب الخيل بس
شوق : ما تدرين انتي ان الخيل لحاله حياة ثانيه
شيهانة : طيب يالله نمشي تأخرنا
طلعوا من الاسطبل بعد ما حطت الخيل في مكانه وتأكدت ان اكله عنده وطلعت
المدير بعد ما تأكد انهم طلعوا تردد يتصل على رائد ولا يرسل رساله
قرر يرسل رساله خاف من ردت فعـل رائد وهو الي حـِذره وإصر انه ماينطـق بكلمه
ارسل الرساله كان محتواهـا؛
السلام عليكم استاذه رائد جت شوق اليوم للاسطبل وشافت الخيل وحبته وسألت من مين ومن غير قصد قلت انها منك اعذرني والله نسيت ان المفروض ما اقول لها......