وأنا فِي مَوج حُبك شراع يتهادىٰ

البارت السابع عشر

-
مشت بجانبه وكانو لايقين على بعض نزلو وتوجهو للصاله المفتوحه دخل صالح يسلم على جدته
قبل يروح للرجال وانتبهت اشواق على نوره الي تناديها
نوره وهي ترشد الخدم على مكان الاغراض:اشواق حبيبتي اخذي ذا الشوكلت وحطيه على الطاوله الكبيره
توجهت اشواق تاخذ الحلا وطالع فيها صالح طالعت اشواق بنوره:افتح الغلاف ولا اخليه؟
نوره:افتحيه
مامدا اشواق تفتحه كامل اخذ من الشوكلت قطعه طالعت فيه وهي فاتحه عينها بقوه:حق الضيوف شتبي؟
ابتسم صالح:بحلالي
ابتسم لجدته الي تطالعهم ولف عليها وطلع ، زفرت ورجعت تسكره عشان الضيوف مايعرفون انه مفتوح
طلعت فوق وهي متوجهه للبنات ...
-
دخلت على البنات وهي تضحك وتبتسم ضحكت آيار
:شعندك تتبوسمين
مسكت شوق خدها وهي تلف الجوال عليهم:مااتحمل يهبلون
قربو من الجوال وابتسمت شيهانه:اشواق تدري عنك؟
هزت شوق راسها:لا
دخلت اشواق عليهم وهي تبتسم:وشتسوون
ابتسمت شيهانه وجت بتتكلم وقبصتها ديما وسكتت
شوق:ولا شيء
توجهت شيهانه ووقفت قدام اشواق:يمهه تهبلينن
ابتسمت اشواق بخجل:مو كثرك
ضحكت شوق:صدقيني لو اني ولد تزوجتك
شهقت آيار:تاخذينها من صلوحتها
فتحت اشواق عينها بقوه وضحكو البنات على رده فعلها توجهت آيار بجنبها وهي تضحك
:والله اسفين ماتوقعنا بتستحين
توجهت شيهانه عند أشواق:كيف شكلي بس؟
اشواق وهي تبتسم:تجننين
كانت اطلاله شيهانه رهيبه كانت مسويه خصلات شعرها الي قدام شّادتها على وراء ومسويه شعرها ستريت
،وفستانها ازرق باكمام طويله ماسك على الجسم وطالعه انيقه
،نزلو البنات لتحت وبدو الضيوف يجون شوي شوي قامت اشواق بهدوء وتوجهت للمطبخ تشرب مويه
دخلت وشافت الخدم يروحون ويجون وتحضيرات ونوره وهيفاء يعلمون الخدم ،انتبهت لليالي الي مندفعه لها
عقدت حاجبها باستغراب توجهت ليالي وبدت تصارخ عليها بإنفعال:انتيي هيي كيف لك عين اساسا تمدين يدك على دلال
طالعت اشواق فيها وتجاهلتها ورجعت تكمل ليالي صراخها:ترا دلالل خطيبة صالح من قبلك ويحبون بعض بس انتي اعوذ بالله طرف ثالث الله يبعدنا عن اشباهك ترا يعني واضح ان صالح مااخذك الا رضى لعمتي مدري كيف متقبل قرويه زيك؟
طالعت اشواق فيها:خلصتي كلامك هذا كله مايعني لي لو يبيها كان رجع وخطبها لكن مين يبي وحده زي ذي
،اندفعت دلال الي وراء ليالي:حبيبتيي لو بتسالينه عنيي انه يحبني مستحيل بيقول لا وصدقيني مافي قلبه الا انا!
ضحكت اشواق بسخريه:اساله عنك؟ هذا اذا تذكرك وبعدين مالي في ذا السوالف التافهه ابعدو عن طريقي
دفت ليالي ودلال وطلعت من المطبخ وهي متنكده اخذت شهيق ورجعت ترجع ابتسامتها ورجعت للبنات وجلست
التفتت شوق لها الي لاحظت ملامحها المنزعجة:وشفيك؟
لفت اشواق لها وابتسمت بهدوء:مافيني شيء بس احس انكتمت
طالعت فيها شوق وهي عاقده حاجبها:من ايش
زفرت بضيق:معرف
التفتت لجدتها الي تستّرق لها نظرات حاده شمقت اشواق لها ومسكت جوالها تراسل نوف الي ردت بسرعه وبدت تسولف
معها بالشات وتتجاهل الموجودين، قامت بتاخذ نفس لانها تحس انها مكتومه بس ماتعرف من ايش طلعت للحديقه الكبيره
وكان شعرها الحرير يلامسه الهواء البارد استنشقت هواء لين حست براحه ودخلت داخل وراحت تعدل شعرها
،كانت شوق تدورها وهي حاسه من يوم قامت ورجعت فيها شيء غريب مرت من عند المطبخ وسمعت همسات دلال وليالي
الي كانو يخططون على شيء بس ماتعرف ايش وذكرو اسم اشواق ماارتاحت شوق ابدا ودخلت المطبخ على اساس تشرب مويه وشغلت التسجيل وحطت جوالها في الطاوله وشربت مويه وطلعت ماانتبهو دلال وليالي على الجوال وقامو يتكلمون
لين سكتو وطلعو من المطبخ توجهت شوق تاخذ جوالها وجلست على الكرسي وهي تتسمع لكلامهم كان كلامهم مو مفهوم وكله شفرات من تحت لتحت زفرت شوق بقهر:الله ياخذهم يارب
قامت وشافت اشواق طالعه من المغاسل توجهت لها وهي تسالها:وين كنتي دورتك بكل مكان
ابتسمت بهدوء:كنت رايحه اشم هواء ثم رحت اعدل شعري
هزت شوق راسها:زين
-
<<عند الرجال>>
جالس بينهم سرحان دفه رائد:ياولد وشفيك من اليوم سرحان
ضحك مصعب:شاغله باله
التفت صالح لهم:الواحد مايفكر بالشغل؟
راكان:وش الشغل الي تفكر فيه
ضحك رائد:الشغل ولا المدام
هز مصعب راسه بيأس:لاحول ولا قوه الا بالله انا اخبرك وانا عمك انك ثقيل شصار فيك
ابتسم رائد:وانا عمك اجل ها
طالع فيهم صالح:طيب وشفيكم علي الحين شوفو ذاك سرحان ليه بس علي انا
التفتو لهتان الي مفهي ضحك مصعب:ذا من يوم ماجابته امه وهو سرحان مو جديده
التفت عليهم هتان:اشوفكم استلمتوني؟
وقف صالح:اقول بس قومو للرجال
ضحك مصعب:رجع صالح الطبيعي
-
خلصت العزيمه وبدو يفضون المعازيم دخل عند جدته وعمته وامه وكانو البنات موجودين ومنهم اشواق
جلس قبال اشواق وطالع فيها وشال عينه بسرعه ضحكت شوق وهمست بأذن شيهانه وآيار:شوفو يطالعها ويشّيل عينه
طالعت فيه آيار ولفت على شوق وهمست:والله مدري شقول اشواق ماتتقارن بدلال فرق الثرى عن الثريا
ضحكت شيهانه:صدق دلال شوفي كيف جالسه وتخز اشواق وتحاول تتغنج
لفو البنات وضحكو ضحكات مكتومه لفت عليهم اشواق:اشبكم تضحكون؟
ضحكت شوق وهي تاشر باصبعها:شوفي دلال كيف تطالع صالح وتحاول تتغنج هي وفستانها ذا الي كانه روب نوم
رفعت اشواق انظارها لدلال وشافت حركاتها وكيف لابسه عبايتها بس وفاتحتها بعد قدام صالح طالعت فيها بغيض ولفت وانتبهت على جدتها سلوى الي تستَرق نظرات حاده لاشواق
الي مو فاهمتها لفت ونطقت سلوى وهي تلف على صالح:صالح ماودك بالثانيه؟
رفعت اشواق حاجبها من قوه بجاحتها والبنات كلهم لفو على سلوى وطالعو باشواق وليالي الي تبتسم هي ودلال ويطالعون باشواق تجمد صالح وابتسم بوجهه جدته:لا مكتفي
لفت تطالعه وطالعها وشال عينه ونطقت بغيض:ومين الي تبينها؟
الكل لفو على اشواق وطالعو فيها باستغراب ونطقت سلوى:انا ابي بنت لسانها قصير مو لسانها يسبقها
التفتت نوره على سلوى:يمه!
وقفت اشواق وتوجهت بجانب صالح:الي لسانها طويل مابتطوله الا على الانسان الي مايستحق الاحترام
طالعت سلوى في اشواق بحده:اقصري حسك وتكلمي مع جدتس زين ورجلتس بيتزوج الثانيه غصبا عنك
قربت اشواق من صالح لدرجه نبضات قلبه تسمعها وصالح الي يطالعها وعاقد حاجبه من حركاتها:واذا حبيبي مايبي الا انا؟
طالعو كلهم فيها بصدمه وخصوصا صالح وشوق الي كانت تطالع باشواق بفخر وترجع تطالع دلال وليالي الي عيونهم تطلع نار ابتسمت شوق وهي تشوف قوه اشواق قدام جدتها الي محد يتجراء يفتح فمه قدامها وهي قدرت تسكتها
طالعت سلوى فيها بحده وسكتت وهيفاء الي كانت تطالع اشواق بحده ونوره الي ساكته ولا دافعت على بنتها بس اشواق ماكانت تنتظر احد يدافع عنها ،تجاهلتهم اشواق وابتسمت اشواق وهي تبعد عن صالح بشويش، وآيار وشوق وشيهانه ميتين
ضحك على شكل صالح وكانه كاتم انفاسه من قربها ابتسمت اشواق ويوم شافت جدها فهاد وخوالها داخلين قامت من مكانها
وتوجهت بجانب شوق وآيار وشيهانه ضحكت شوق وهي تصفق كف يدها بكف يد اشواق ويضحكون
شوق:مو طبيعي كيف جدتي سكتت
آيار:للامانه جدتي تستحق ذا الشيء متحكمه بزياده وتستاهل ماجاها
ابتسمت اشواق وهي تطالع صالح الي يخزها بنظراته وشالت عيونها بسرعه وهمست للبنات
:بنات مين بتستقبلني اليوم بغرفتها
ضحكت شوق :شكلها مابتعدي على خير
شيهانه:اول مره اشوف صالح وجهها كذا
ضحكت شوق:حتى يوم دلال خطيبته ترا كان يتجاهلها
لفت اشواق على شوق:صدق؟
هزت شوق راسها:اي والله ومو معبرها اساسا
رفعت اشواق انظارها لدلال الي كانت نظراتها كلها شر وبجانبها ليالي الي تهمس باذنها شمقت لهم
وقام صالح وهو يحط شماغه على كتفه:استاذنكم
الكل:تصبح على خير
طالع في اشواق وطلع فوق ،لفت اشواق على شوق :البلشه صدق ياليتني هاجده
آيار:بالعكس خلي جدتي تعرف ان في ناس تقدر توقفها على حدودها
ابتسمت اشواق على تعزيز البنات لها،وقامت دلال هي وامها وراحو لبيتهم
،التفتت شوق اول ماانتبهت له دخل ويوم طالعها شالت عينها عنه توجه لهم :السلام عليكم
دخل مصعب من وراه وضحك:غريبه ماقلت هاي
ضحك رائد:عيب بعدين جدي يحش رجولي
ضحك فهاد:زين انك عارف
ابتسم رائد:هايي ستوو سلوى
ابتسم راكان:كدينا خير من ستو
ضحك مصعب:انا مش سعودي انا لبناني
طالع فيهم رائد:تنكتون انتم ووجيهكم
هتان:من وين طلعت النكته
راكان:صورها في باله
جلسو ولف مصعب على البنات:احسكم تحشون
ضحكت ديما:شايفنا صنم كيف تبينا نحش
ضحك رائد:هذولي مر من قدامهم تاخذ حسنات ببلاش
ضحكت اشواق:بايخ
لف رائد على اشواق:اخس يابنت العمه طلع لك صوت
طالعت فيه اشواق وهي رافعه حاجبها:شرايك؟
ضحك مصعب:معليك منه تافه
قامو ايار وشيهانه وشوق واشواق:نستاذنكم
طالع فيهم رائد:على وين يافتيات القوه
طالعت فيه شوق:حنا اربع مو ثلاث؟
ضحك رائد:مو على عددكم على الوان فساتينكم
ضحك مصعب بقوه:اول مره تضحكني
طالعت شوق في فهاد:جدوو شوفهم يطقطقون علينا!!
ابتسم فهاد:ماعاش من يغلط على بناتي!
طالع مصعب:افا جحدت ولدك واحفادك
ضحك فهاد:مااعرف الا بناتي
ضحكو وطلعو البنات فوق لغرفه شوق وجلسو نطت آيار:بنات شرايكم نسهر ونتابع مسلسلات
تثاوبت شوق:والله ميته نوم
وتثاوبت شيهانه وراها:وانا بعد
زفرت آيار بملل:طيب خلونا على الاقل نحش بعدين ننام
شوق:تم
آيار:ويت بروح لغرفتي امسح ميكبي والبس بجامتي واجيكم
شيهانه:وانا بعد
لفو على اشواق وضحكت شوق:اعطيك من بجاماتي
ضحكت اشواق:ماعلي منه ماني خايفه باخذ بجامتي وامسح الميكب واجي
ضحكت آيار:كفوو عشتي بنت رجال
ضحكت اشواق،فسخت كعبها ودخلت الجناح بهدوء كان هواء المكيف يلامس رجولها الحّافيه دخلت بهدوء
وتوجهت لداخل الغرفه شافت مافي احد بالغرفه زفرت براحه وتوجهت لغرفه التبديل اخذت بجامتها وطلع بوجهها
بثوبه وللحين ماغيره شهقت بخوف وكان المكان ظلام ومو قادره تشوف زين ابتسمت بورطه:انت مانمت
صالح:كنت انتظرك
اشواق باستغباء:ليه؟
قرب منها بشويش وهي تبعد بخطواتها وهو يقرب لين لصقت بالكومدينا حقت التسريحه لف يده حول خصرها وسط صدمتها
وشد على خصرها وقرب من عند اذنها:ليه تسوين هالحركات
نطقت بهدوء:انتقام زي ماسويت فيني امس
قرب منها وشد عليها اكثر وشفايفه لامست خدها وعلطول استوعب وابعد عنها وطلع من الغرفه، فقدت توازنها تماسكت على التسريحه وغطت عينها بيدها لفت على شكلها بالمرايه ومسكت شعرها بتوتر توجهت ولبست بجامتها البينك الحرير رفعت شعرها وراحت تغسل وجهها من الميكب طلعت من الحمام واخذت المنشفه ونشفت وجهها من المويه جلست على السرير وهي تشوف محد بالغرفه خايفه تطلع وتلقاه وهي منحرجه من الموقف طلعت بهدوء وشافت محد فيه طلعت من الجناح وتوجهت لغرفه شوق شافتهم كلهم نايمين فوق بعض استغربت هم قالو بيسهرون وحست حتى هي تحتاج للنوم عشان تتناسى الموقف ونامت بكنبه شوق الي على طرف الغرفه...
-
اعذروني على اي خطأ إملائي من غير قصد

تفاعلكم🐆‼️

تيك: a.oeq1
انستا: s__4772