وأنا فِي مَوج حُبك شراع يتهادىٰ

البارت الرابع

الساعه 2:30 الظهر ^

صحت وقامت توضت الظهر وصلت وخلصت دخلت الحمام
تاخذ شور افكارها مهدومه ماتدري وش بتقول لعمها وهي متاكده انه بيجي يكلمها ماتدري
ترفض ولا توافق بنفس الوقت تحس اذا وافقت بتتذكر الموقف البشع الي شافها فيه ماتدري خايفه
انها ترفض وهي حاليا ماتعرف المسؤوليه هي عقلانيه لكن تشوف نفسها طايشه سكتت وبلعت ريقها وهي تتذكر كلام منيره يتردد بذهنها "اذا رفضتي بعرف ان ماجد بقلبك" تذكرت وشسوا فيها ماجد وكلمته "بتكونين حليلتي غصب عنك"
ابتسمت اشواق بغيض :ههههههههه اجل غصب عني اوريك بوافق واحرق قلبك زي ماحرقت قلبي في قربك وانا مو حليلتك
طلعت من الشور فكت المنشفه من شعرها ولبست بجامتها الورديه واخذت الاستشوار تنشف شعرها
سمعت صوت دق باب التفتت وهي عارفه مين:ادخل
دخل العم عامر وهو مبتسم بابتسامته اللطيفه اشر لاشواق تجلس جنبه بالسرير جلست اشواق وتنهد العم عامر وهو يتكلم
خايف من ردها وهو ماوده ابدا يرفضهم ويشوف انه رجال كفو تنهد وتكلم
:يابنتي امس جاك خطاب واتوقع تعرفين لان سمعت عمتك تقول انك طلعتي لهم وانا الصراحه اعرف الرجال معرفه شخصيه
واعرف ابوه رجال اعمال وشهم وقوه وهو مثل ابوه واحسن صدقيني مو مثل كل الي جوك استخيري وعلميني ماني بغصبك يابنيتي وانتي تعرفين
ابتسمت اشواق وباست راس عمها:الله يخليك لي ياعمي الي تشوفه واتوقع ذا الوقت اني اطلع من بيتكم
طالع فيها العم عامر :لا يابنيتي وش ذا الكلام اذا بيتنا هو بيتك
ابتسمت أشواق:انا موافقه ياعم
ابتسم العم عامر بفرحه كبيره:استخرتي يابنيتي
اشواق الي استخرت من قبل والصراحه حست براحه:ايوا ياعمي
ابتسم العم ماجد بفرحه كبيره وباس راس اشواق وضمها مع ان اشواق ماتحب الاحضان تكرهها بشده لكن عمها عادي
طلع من الغرفه وهو مبسوط والفرحه مو سايعته
ابتسمت اشواق بتنهد ورمت راسها على السرير ماتدري ليه سوت كذا ماتدري هي تاثرت بكلام منيره ولا انتقام من ماجد
،طلعت من الغرفه وركضو لها بنات عمها يزغرطون ويضحكون وواضح ان اذنهم كانت عند الباب طول الوقت ابتسمت وهي تشوفهم فرحانات اكثر منها
كانه العمه منيره وراء غمزت وقربت من اشواق ومسحت على راسها بخبث:مبروك
صدت اشواق وهي تتغصب الكلام :الله يبارك فيك
توجه العم وكلم ابو صالح (جبر) الي كان في المانيا لكن عطوه خبر وحددو وقت الملكه بعد يومين والزواج مو لازم حسب رغبت اشواق لانها مالها خلق قروشه وبياخذها صالح بعد الملكه
-
-
-
~ليله الملكه ~

ماسكينها البنات ويحطون لها ماسكات وشاريين لها بجايم ماجاء في بال اشواق فستانين وبلايز
مبسوطه من فرحه بنات عمها و عمها لكن تحس بضيقه خايفه من المسؤوليه ومو فاهمه باشياء كثير
عزيزه والابتسامه شاقه وجهها:رن المنبه يلا شيليه
شالت اشواق الماسك وكلهم راحو للمطبخ يسولفون ويضحكون ويذبون على اشواق
وعد:اييي سوي لنا فلوق ببيتهم احسه قصر
اشواق بضحك:تمام
فتون:ولا اقول دقي علينا وورينا بيتهم
الكل :ههههههههههههههه
نوف الي كانت هاديه وهذا شيء غريب عليها لفو عليها كلهم :شفيك
نوف والي فجاءه انهارت دموعها:مابيي تروحينن
ابتسمت اشواق بحزن وهي تصد عن دموع نوف:ياخي لاتخليني اصيح
لفت فتون على اشواق بفضول:ولا مره شفتك تصيحين؟
عزيزه بنفس فضول فتون:ايي صدق شرايك تبكين عاد احس فيك بكيه
صدت اشواق بوجهها :لا مافيني
وطلعت من المطبخ وراحت للغرفه تجهز شنطتها كلهم استغربو من هدوء اشواق وحتى في ذا الموقف مابكت
اخذت شنطتها واسندت راسها عليها وهي صدق بخاطرها تبكي لكن ماتبي تنزل دموعها من ارهاق التفكير نامت على شنطتها...
-
-
<<يوم الملكه>>
،
الساعه 1:47 الظهر
^
صحت وحولها بنات عمها انفجعت وهي تقول:يـمه شفيكم
ضربت وعد رجل اشواق :لا ولاشيء بس نسيتي انك عروس!!!
فركت اشواق عيونها بضجر:ياليلل ياخي انقلعوووو عنييي لا اهبدكم
صارخت عزيزه:انتتييي هييي منجدك اذا صحاك زوجك بتطلعين له شخصيه الرجال الي بداخلك
ردت اشواق ببرود:ايي شفيها!!
ضربت وعد راسها:يفشلتي صدقيني بيرميك عندنا اص بس خليك غنوجه
عقدت اشواق حواجبها باستغراب:غنوجه وش يعني؟
ضربت نوف اشواق برجلها:اقول قومي فاضيه تسالين يبي لك سكنكير
قامت اشواق وهي متكاسله ولا لها خلق
غسلت وجهها سحبتها عزيزه وبدت تحط لها ميكب خفيف ناعم وطلعت لها فتون فستان فسفوري اشواق ناويه
انه يخليها يطلقها ف تحاول تطلع نفسها في اخيس منظر لبست الفستان والصندل الفسفوري الناعم ورفعت شعرها لفوق
رفعه ناعمه جاء العم عامر ينادي اشواق توقع على العقد وقعت والبيت كله امتلى زغاريط وتصفيق ابتسمت اشواق بمجامله
اشر لها العم تطلع صالح ينتظرها هي حتى اسمه ماتعرفه سلمت على راس عمها وحضنته طلعت وتوجهت للملحق بخفه بدون محد ينتبه فتحته بشويش ولبست جينز وتيشيرت كبيرر ورفعت شعرها ومسحت الميكب وطلعت حطت شنطتها ركبت السياره وماقالت سلام صالح بهدو:مافي سلام
اشواق بدفاشه:لا
انصدم صالح من دفاشتها بس سكت لانه ماله خلق مشاكل وتوه يعرفها مشو طريق للجده لف صالح على اشواق
:اسمعي الحين بنروح لجده عندي اشغال لازم اخلصها هناك
لفت اشواق وابتسمت ابتسامه غريبه:شرايك نروح جهنم
عقد صالح حواجبه بصدمه:احترمي نفسك
اشواق وهي ترفعه نفسها: محترمه نفسي الحمدلله
سكت صالح لانه حرفيا ماله خلق وفوق كذا توه ياخذها ومايعرف عنها شيء
مرت نص ساعه والجو هدوء لفت على صالح :هي انت سكر الدريشه بفك الطرحه
لف عليها صالح حس وده يدفنها بالارض لف عليها :اتوقع عندي اسم
عقدت اشواق حواجبها:طيب معرف اسمك
لف عليها صالح مصدوم:نعم واسمي بعقد القران وشو؟
ابتسمت اشواق:يوه فاضيه ادور اسمك واقراه ،اساسا ماعرف اقراء ذاك الزود
لف عليها صالح مصدوم :وليه مادرستي
ابتسمت اشواق :لان ممنوع البنت تدرس مادرست آلا ابتدائي ومتوسط وث...
سكتت لثواني وهي تحس انها بتكب عفشها...
سرح صالح باستغراب من تفكير اهل الديره
هزت كتوفه تبيه يرجع المرتبه لوراء تبي تنام:هي هي
فز صالح :ها؟
اشواق:ابي ارجع المرتبه وراء ابي انام
اشر لها صالح للمكان الي يرجع المرتبه
اشواق:وين ياخي معرف سوه لي
وقف صالح السياره على جنب وقرب منها مرههه لدرجه انفاسهم عند بعض لفت اشواق بوجهه لانها
انحرجت مره رجع المرتبه واسندت اشواق راسها ولفت على طول بظهره وغطت وجهها بيدها
لف كمل طريقه وبدا يشغل اغاني اجنبيه لفت عليه اشواق وهي  مستغربه
:الحين انت تفهم عليهم؟
لف صالح وابتسم:اكيد
عقدت اشواق حواجبها:غريب
رجعت ولفت بظهرها وبدا يغني كان صوته حلو مره يحسب اشواق نامت لكن تصنعت النوم
-

باقي على جده نص ساعه ...
واشواق نامت جد وصالح وده ينام لكن يقاوم لف عليها شاف راسها موجه للشمس مد يده يبعد
راسها عن الشمس ابعد راسها انتبه على جواله يدق فتح جواله
:الوو
الجد فهاد:الو صالح وينكم فيه
ابتسم صالح:والله ياجدي بقى نص ساعه ونوصل لجده
ابتسم الجد فهاد:ماتشوفون شر يوليدي وانتبه لاشواق
صالح:ابشر ياطويل العمر
الجد فهاد:عطيني بكلمها
لف صالح على اشواق وسرح في ملامحها كانت تتحرك بانزعاج مسك صالح راسها واسنده بعيد عن الشمس
عشان ترتاح
الجد فهاد:الووو صالح!
صالح انتبه على نفسه:هلا هلا ياطويل العمر
الجد فهاد:من اليوم اناديك وينك فيه اقولك عطني البنت بسلم عليها
صالح:نايمه ياجدي
ابتسم الجد فهاد:ولا مزعلها!
ابتسم صالح:لا وين ياجدي
ابتسم الجد فهاد:اجل في امان الله
صالح:مع السلامه
سكر صالح وهو يشوف حركتها تزيد وتتمتم في كلام غير مفهوم
-
-
الساعه 5:30 العصر"

وصلو للفندق صحى اشواق: هي قومي
اشواق:هممم
صالح بانزعاج:قومي وصلنا للفندق
فزت اشواق :انا وين؟؟
فجاءه تذكرت :ياليل منك
صالح بانزعاج:البسي طرحتك بس
استغربت اشواق يوم قال لها كذا وماسالها عن نقابها لبست طرحتها ونزلت وماغطت وجهها
اشر للعامل ياخذ سيارته ويوقفها بالمواقف واشر لعامل يشيل الشنطه الي بالسياره
ابتسمت اشواق :يحليلهم عطهم فلوس واضح محتاجين
لف صالح على اشواق:ذولي يشتغلون عندي
فتحت اشواق فمها:امانه اخس حركات عندكم عمال
تنهد صالح ومشى لف على اشواق الي واقفه بمكانها تطالع بالفندق:بتمشين ولا كيف؟
هزت اشواق راسها ولحقته دخل الفندق وسحب يد اشواق الي كانت تحاول تفك يده منها لانها ماتحب
مسك يدها وحط البطاقه وانفتح الباب فتحت اشواق فمها تحاول تستغبي :واووو كيف كذا بطاقه تفتح باب وين مفتاح الباب؟
طق صالح راسها بخفه:انتي الي يبي لك مفتاح براسك ماتعرفين للتكنولوجيا
مسكت اشواق اصبعه:هي انت لاتمد اصبعك علي لا اكسره لك
ضحك صالح :جربي
طنشته اشواق ومشت دخلت الغرفه وهي تشوف سرير كبير وبلكونه مطله على البحر نطت للسرير وانسدحت
طالع فيها صالح وهو عاقد حواجبه:هي هذا سريري
رفعت اشواق راسها: محد قال لك شيء لاتموت
فكت اشواق الدولاب وشافت تيشيرتات وبناطيل وثياب
لفت على صالح:انت تسكن عنها
طالع فيها صالح:لا هذا فندقي
صرخت اشواق بصدمه:واووو
صالح بعصبيه:هي قصري حسك
لف وطالع بلبس اشواق:هي انتي الحين ذا لبس عروس وشكل عروس
لفت اشواق على صالح وابتسامه ابتسامه غريبه:اي شفيها ليه تبيني البس ستاره بيضاء؟
طالع فيها صالح باشمئزائز:الي يشوف لبسك وانتي توك عروس بيقول ذي مو عروس ذي وحده من اخوياه
ضحكت اشواق بصوت عالي وهي مقصدها تستفزه عشان يطلقها
تجاهلها صالح وطلع من الغرفه متنرفز
، انسدحت اشواق على السرير بعرض السرير ونامت نومه عميقه
-
-
-

         تفاعلكم🐆‼️