وأنا فِي مَوج حُبك شراع يتهادىٰ

بارت الاحد عشر

توجهت لغرفه البنات دقت الباب وعلى ملامحها الضيق والحزن دقت الباب وفتحت نوف ابتسمت وهي تشوف عمتها
ثم عقدت حواجبها يوم شافت ملامحها توجهت لداخل الغرفه :انهار ميان تعالو شوي
طلعو انهار وميان ولحقو حصه بعدم فهم ومستغربين من حاله امهم توجهت للملحق وسط عدم فهم انهار وميان دخلت الملحق واشرت لعبدالعزيز يجلس جنبهم توجه عبدالعزيز وجلس باستغراب وهو يطالع وجه خواته الي مو فاهمات شيء
عبدالعزيز باستغراب:يمه شفيك تكلمي
تنهدت حصه وهي تكبت دموعها:تبقون معي ولا مع ابوكم
التفتت انهار بصدمه لعبدالعزيز وميان تجمعت الدموع بعيون ميان ووسط صدمه عبدالعزيز وانهار تكلمت انهار بصوت باكي
:ها لليش؟؟
تنهدت حصه وهي تكتم دموعها بقوه ومنزله راسها:ابوكم ملك وانا مستحيل ارجع له
عقدت انهار حواجبها والدموع تجتمع بعيونها:ملك؟ مستحيل بابا مايسويها
عقد عبدالعزيز حاجبه وطلع من الملحق بدون مايقول شيء لفت له حصه والدموع تنزل من عيونها:ووين رايحه
فتح عبدالعزيز الباب وطلع وحصه حاطه يدها على راسها توجهت ميان لامها واحتضنتها تركتهم انهاروطلعت للسطح تبكي
بقهر على ابوها هي مستحيل تتوقع ابوها يسوي كذا اسندت راسها على بطنها وبدت تبكي بحرقه
--
ماسك خط للرياض يتفاهم مع ابوه على الي سواه وكان كل ماجاء يهدا يتذكر دموع امه ويرجع ينحرق قلبه
ويتعصر مسك راسه بتعب والتفت على جواله الي بالمرتبه الي وراء كان يدق باستمرار صرخ عبدالعزيز بقوه
وتوجه بيسكره الا يتذكر الطريق التفت بسرعه وشاف سياره كان بيصدم فيها لف السياره بقوه يبتعد عن السياره
بدت السياره تفقد سيطرتها وتنقلب بكل قوتها تنهد عبدالعزيز وهو يحس بحراره على جبينه مسك راسه بالالم ورجع ينزل
يده على عينه انتبه للشيء الاحمر وسكر عينه وفقد الوعي...
-
كانت حصه تدق باستمرار وتروح تجي توجه عامر لها يهديها:تعوذي من ابليس واتركي الجوال عنك
بكت حصه :مقدر ولدي راح وهو معصب ومايشوف الطريق اخاف يصير شيء
تنهد عامر:ماهوب صاير الا الي كاتبه ربك
تنهدت حصه وتوجهت تشيك على بناتها توجهت للغرفه مالقت احد وتوجهت للمطبخ شافتهم يضحكون
توجهت انهار وباست راس امها وقربت من اذن امها وهمست:حنا معك
ابتسمت حصه بهدوء وطلعت من المطبخ ابتسمو البنات بحزن على وضع عمتهم
وكملو يطبخون اندومي ويضحكون

-
قاعد يشتغل على لابتوبه ،دخلت شيهانه وجلست جنب مصعب الي كان يتابع فلم جاكي شان
التفت لها مصعب باستغراب:وشعندك؟
مسكت شيهانه ذراعه بترجي:تكفى مصعب ابي اسافر للرياض
عقد مصعب حاجبه:وليه؟
شيهانه:معرض الكتب هناك ومقدر كاتبي المفضل بيحضر تكفى
رجع مصعب يفتح الفلم:وربي انك فاضيه روحي عني بس
التفت صالح لشيهانه وابتسم وهو يشوفها زعلانه:انا باخذك لان يمكن اروح
فزت شيهانه بفرحه:صدق
ابتسم صالح:اي بشوف متى جدولي فاضي
ابتسمت شيهانه بقوه وتوجهت لصالح مسكت ذراعه وهي فرحانه:شكراا ياافضل ولد خال
التفت مصعب:ماعندكم حياه؟
تكتفت شيهانه:الله واكبر عاد انت عندك حياه شوف صالح مشغول اربع وعشرين ساعه وافق وانت لا شغله ولا مشغله
شمق لها مصعب وضحك صالح قام واخذ الابتوب ودخل الغرفه وشافها نايمه بالكنب وتتمتم بكلمات غريبه جلس بمكتبه وكمل شغله بهدوء
-
-
((الساعه 1:50))
مقدرت تنام خوف على ولدها جاها انهيار عصبي مسكها عامر وبدا يهديها
:مو زين اذا شافوك بناتك على ذا الحال
حطت يدها على راسها:مقدر ماني مرتاحه
هز راسه عامر:مابيحصل الا الي كاتبه ربك وانتي تعرفين مشاور الرياض طويل اكيد راح لابوه
نزلت حصه راسها وتنهدت وبدت تسبح وتقراء ايات القران التفتو على صوت تليفون البيت توجه
عامر يفتحه
المستشفى:السلام عليكم
عامر:عليكم السلام من معي
المستشفى:عندكم ولد باسم عبدالعزيز بن سعود......
هز عامر راسه بخوف وهو يلتفت علو حصه بقلق:اي من حضرتك
المستشفى:ولدكم متنوم في مستشفى بالرياض تعرضه لحادث
تنهد عامر:لا حول ولا قوه الا بالله شسم المستشفى
فزت حصه اول ماسمعت مستشفى
المستشفى: عنوان المستشفى ............... في الرياض
هز راسه عامر:جزاك الله خير
قفل التليفون وجلس بجانب حصه الي تطالع عامر وعيونها دموع تنهد بتعب:ياحصه انتي تعرفين قدر ربي صح
صرخت بصوت عالي:عبدالعزيز شصار فيه
مسك ذراعها:هدي وقصري صوتك واسمعيني زين ولدك تعرض لحادث بسيط وهو الحين بمستشفى بالرياض
بكت حصه بكل قوتها توجه عامر يقفل الباب والتفت عليها وقام يهديها التفت حصه:ابييي اروح للرياض هالحين
عامر:هالحين الوقت متاخر
بكت على كتف اخوها بحرقه:مقدر ارتاح تكفى ابي اروح هالحين
تنهد عامر:ماودك تخلينها الفجر هالحين ليل وارتاحي شوي واهدي تبين اقول لمنيره تسوي لك عصفر تراه زين
هزت راسها وتوجه عامر لمنيره وقال لها كلشيء شهقت منيره وتوجهت تسوي عصفر يهدي اعصاب حصه
سوته وتوجهت لحصه ومدته لها شربته حصه وحست انها هدت ونامت بمكانها من التعب
-
-
((الساعه 6:30))
توجهت لغرفه البنات بعد ماصلت ودعت لولدها وهي تبكي وهي ماشافت حاله فتحت الباب بهدوء شافت كلهم نايمين الا
نوف ووعد وعزيزه التفتت على عامر الي اشر للبنات يجون توجهو البنات بتوتر مسكهم عامر وتكلم بهدوء
:انا وعمتكم ومنيره بنسافر الرياض
عقدت وعد حاجبها:ليه؟
تنهد عامر بضيق:عبدالعزيز متنوم بالمستشفى لانه مسوي حادث امس وتنوم ورايحين له بالرياض
شهقو البنات بصدمه وتكلمت نوف:امانه يابوي عمتي تدري؟
هز عامر راسه:اي تدري وانتبهو ل انهار وميان ولاتفجعونهم قولو لهم اذا قامو بس لاتفجعونهم
هزو البنات راسهم بصدمه وراحو يسوون فطور وهم يفكرون كيف يصارحونهم وكيف يقولون لاشواق
-
((الساعه 9:00))
صحت وتوجهت تغسل وجهها بتعب امس نامت نومه كلها كوابيس راحت تغير بجامتها جمعت شعرها على فوق
ونزلت تحت وشافت كلهم مجتمعين على طاولة الطعام جلست جنبه وهمس :مابغيتي تصحين
عقدت حاجبها:ها؟
طالعت الهنـوف بـ اشواق ثم التفتت على فهاد الي ياكل بهدوء ويطالع باحفاده :عمي تدري ان جبر (ابو صالح) بيجي بعد بكرا
التفت فهاد و ارتسمـت على وجهه ابتسامـه :هذي البشاره الزينه الله يرده بالسلامه
ضحك رائد:الحين تجي اقوى فعاليات
التفتو لـرائد ومافهمو ذبته التفتت شوق:ياليتك تسد حلقك
هز رائـد راسه:ابشري
ضحك مصعب وهمس بأذن رائد:ماشش عائله شخصونه لاتجرب تمزح
التفت صالح :ترا كلنا سمعناك
ضحك مصعب:وهذا الصدق
التفتت اشواق على رنه جوالها الي حاذفته بالصاله حطت ملعقتها و توجهت تاخذ جوالها شافت مكتوب*نويفه*
ابتسمت بهدوء وردت:الوو
نوف:الوو اشواق
ابتسمت اشواق:هلا
نوف بهدوء:اشواق بقولك شيء
عقدت اشواق حاجبها من نبـره صوتهـا:وش
نوف:عزيز متنوم بمستشفى بالرياض لان امس سوا حادث وعمتي وابوي راحو للرياض قبل ساعه
شهقت اشواق وانقلبت ملامحها:كـيف!!
نوف بصوت باكي:تكفين اشواق اهدي
قفلت اشواق الخط وتوجهت للدرج تركض استغربو الموجودين كان منتبه عليها لما كانت مبتسمه ثم انقلبت ملامحها
استغرب وطالع في فهاد واشر فهاد لـصالح يشوف وش فيها قام صالح بهدوء وطلع فوق فتح الباب ودخل شافها ماسكه
راسها على الكنب ووجهها احمر وجوالها الي يرن باستمرار، مسك جوالها وحطه على وضع الصامت وجلس جنبها
:تبين بندول؟
هزت راسها بالنفي ورجع يسالها:تبين مويه تبين شيء؟
هزت راسها بالنفي رجع تكلم :طيب شفيه وجهك كذا
التفتت عليه و بـصوت مبحوح:ابيي اروح الرياضض
عقد حاجبه:ليه؟
كانت تهز رجولها بجنون وتمسح يدها على وجهها:ابي اروح الرياضض
مسكها صالح ذراعها:طيب بـتروحين بس ليه وشعندك هناك؟
غمضت عينها ومسكت كف يده وهي تشبكها بكـف يدها بدون وعـي:اخوي عزيز متنوم لانه مسوي حادث مقدر مقدر لازم اروح
هز صالح راسه ومسك راسها وحطه على كتفه:طيب انتي اهدي وثواني بس واحجز لنا بالطياره
طلع من الجناح وشاف شيهانه ونوره قدامه التفت لنوره:بنسافر للرياض اليوم
نوره :اليوم!! ليه
صالح :واحد من اهلها متنوم في الرياض
التفت صـالح لـ شيهانه:مانسيت وعدي لك تبين احجز لك؟
ابتسمت شيهانه:تمام بس بدخل على اشواق الحين عادي
هز راسه وتوجهت شيهانه دخلت على اشواق الي بحاله انهيار نفسي هدتها شيهانه ودخل صالح وبيده
بندول ومويه وقفت شيهانه وابتسمت:انتبه لها
هز صالح راسه وطلعت شيهانه ومد لها الكوب والبنادول واخذته وشربته جلس بجنبها:حجزت لنا وشيهانه بتروح معنا عشان عندها شغل هناك
التفتت له بهدوء ووجهها محمر تكلمت وصوتها مبحوح:متى
صالح:اليوم الساعه 7:00 الليل
راحت واخذت شنطه صغيره وحطت فيها كم لبس ودخلت تاخذ شاور وسط جمود صالح من وضعها الغريب اول مره يشوف شخص قدامه كذا قطعت قلبه تنهد واخذ لابتوبه يشوف جدوله
-
--
((في مكان ثاني))

تنهد اول ماسمع خبر ان صديق الطفوله صار له حادث توجه بسرعه وطلع من غرفته التفتت له العنود:وين رايح
التفت لها:للرياض وشتبين؟
هزت راسها:بروح معك منزمان ماشفت امي وابوي
تنهد ماجد:بسرعه
توجهت واخذت شنطتها وحطت ملابس وهي تحس ودها تروح هناك ولا ترجع لهنا طلعت وركبو للسياره
ومسكو خط للرياض...
-
-
يتبع...

اعذروني على اي خطأ املائي من غير قصد

واعذروني طولت عليكم والقادم افضل🙏🏻

تفاعلكم...🤍