وأنا فِي مَوج حُبك شراع يتهادىٰ

البارت السادس

الساعه 2:50م"

سحبو اغراضهم وبدو يتسللون شويش شويش للسطح عشان يسهرون هناك بدون ماينكشفون من حصه وعامر
توجهت وعد للمطبخ تاخذ دله الشاهي طلعت من المطبخ وتسللت شوي شوي وبالغلط تزحلقت ركضو البنات لها
توقعت وعد انهم بيساندونها توجهت ميان وصفقت وعد وهي تهمس بصوت واطي عشان ماينكشفون
:غبيه انتي ماتعرفين تمشين قومي لاننفضح
وعد بهمس:ياحماره تشوفيني طايحه واتألم على الاقل ساعديني اقوم
مدت ميان يدها وتوجهو للسطح بخفه عشان ماينكشفون جلسو وسكرو باب السطح بشويش وجلسو وقامو يضحكون على
طيحه وعد
عزيزه:وعد دايم توهقنا في وقت السهره لا احكي لكم موقف مره طاحت وابوي فتح الباب وتصريفاتها تسد النفس تخيلو قالت...
توجهت وعد بسرعه وسكرت فم عزيزه:هههه سلامتكم
ضحكت نوف :قالت لابوي انها رايحه الحمام ويوم سالها ابوي عندكم حمام قالت ريحته خايسه
ضحكو البنات بقوه ووعد الي تفشلت وغطت وجهها بيدها :مااسامحكم زله لسان واحمدو ربكم انقذتكم
فتون بضحك:كذابه ماانقذنا الا اشواق
زفرت نوف بضيق وتكلمت انهار:اهخخ على طاري اشواق وحشتني كثيرر
كلهم:وحنا اكثر
ميان بفضول:يقولون ان زوجها كاش
فزت وعد بحماس:اييي ماشفتيه والله انه كاششش من قلب وامه وعمته احسهم يهبلون
تذكرت نوف الموقف وفزت وهي تقول:ايي اذكر كانت سيارته جي كلاس ودخلنا انا واشواق بسرعه وكان هو بالملحق
وانصدم لما شافنا كذا وعلطول صد بعيونه
ضحكت انهار وهي تضرب بكفها:يافشلت اشواق يارب ماعرفها
نوف :لا مااتوقع عرفنا علطول شردنا
وبدو يسولفون ويضحكون وتوحشهم اشواق ويرجعون يغيرون الموضوع لين صلو الفجر ونامو
-

راح للبيت وشاف الباب مقفل وهو مامعه مفتاح حس بورطه وراح من وراء جدار البيت في جهه جناحهم قدر يصعد ونزل
تعورت رجله وانتبه لبنت تصارخ نقز عليها وغطى فمها عقد حواجبه وهو يقول
:عنود؟
العنود وهي مخروشه:انتت وش جايبك من هنا لـيه مادقيت الباب ابوك وامك وخواتك واخوانك قلقانين عليك
زفر بانزعاج:ياليل اسالتك واجد انا بدخل الجناح ولاتقولين لامي وابوي اني جيت
رفعت العنود حواجبها:وليه مااقول؟
ماجد:بس كذا
وسعـت العنود عيونها بصدمه:تخلي امك وابوك قلقانين كذا لا يشيخ
لف ماجد عليها بعيون حاره:وشدخلك انتي
العنود:لي دخل حرام عليك ترا عمتي تقول ماني نايمه الا اذا شفته
زفر ماجد بضيق وتوجه لداخل البيت اول مادخل شافـته ليلى وصارخت بفرحه وهي تنادي امه توجهت الام بحزن واستغراب
شافت ماجد وهلت دموعها وهي تضم ولدها وتبكي:وين كنت يوليدي
ماجد بحزن على دموع امه:كنت عند فرحان
ابتسمت الام بفرحه وهي تبكي وابو ماجد صاد بوجهه وزعلان توجهه ماجد وسلم على راسه وجلس قباله :الله يخليك لي والله ماكنت قاصد كنت رايح اشم هواء وعزمني فرحان ورحت عنده
لف عليه ابو ماجد :لا عاد تعودها عورت قلب امك وخواتك
ماجد:ماعورتك؟
ابو ماجد وهو صاد بحزن:حيلل
باس ماجد يد ابوه وراسه مره ثانيه وهو يتاسف سامحه ابو ماجد وتوجه للجناح دخل ماجد وشاف العنود ترفع شعرها الي كان طويل مره واسود وكانت ملامحها جميله جدا الملامح النجديه الاصليه توجه ماجد وفصخ ثوبه ورمى نفسه على السرير لفت العنود بيأس على حاله وطفت النور وارتمت بجانبه وغمضت عينها
-
-
-
-
الساعه 9:30ص"