وأنا فِي مَوج حُبك شراع يتهادىٰ

البارت الرابع عشر

-
دخلو الفندق توجهت شيهانه بجانب اشواق :قربي بصور معك سيلفي عالسريع
ابتسمت اشواق وجاء صالح خلفهم ومد لسانه ضحكت شيهانه على الصوره وارسلتها لقروب العايله
ابتسمت وهي تشوف ان اغلبهم شافوها وكآن يطقطقون ويمزحون ويذبون على صالح دخلو الغرفه
توجهت اشواق ولبست فستان ناعم وبسيط جدا رفعت شعرها على فوق واخذت مسكرا شيهانه حطت شوي
وحطت قلوس واخذت عطرها المفضل وتعطرت منه لبست عبايتها الجديده وطلعت للصاله كان صالح يهاوش
شيهانه وشيهانه تضحك لانها ارسلت الصوره لفو يوم طلعت اشواق:نمشي؟
طالعت فيها شيهانه:اوف اوف كشوخي
ضحكت اشواق وصالح كان ساكت ماعلق كان يسوي نفسه عادي وانه يمون على اشواق قدام شيهانه لكن حس انه بدا
يتأقلم مع الوقت توجهت ولبست طرحتها :يلا اخلصو مافي وقت اخاف عمي وعمتي يروحون الان
توجهت شيهانه واخذت عبايتها واخذت اشواق الهديه ونزل صالح ونزلو وراه ركبو السياره وحركو، كانت اشواق متحمسه مره تشوف عزيز وشيهانه الي كانت تصور المناظر باعجاب رفعت اشواق جوالها بعد ماشافت اتصال من نوف ردت
نوف:اشواقوههه
اشواق:نويفهه وحشتيني
ضحكت نوف:اكثررر
اشواق:شعندك داقه
نوف:رحتي لعزيز؟
اشواق:لا رايحين له الحين
نوف:طمنينا عنه تكفين
ابتسمت اشواق:ابشري
سكرت من نوف والتفتت على المعرض نزلت شيهانه وارسلت بوسه لاشواق وراحت
صار صمت بالسياره وصالح عينه على الطريق واشواق حاطه راسها على الدريشه
-
اما عند ماجد كان قاعد يتغدى ويقول لها تاكل معه وهي ماتبي قام وتوجه يغسل يده طالع فيها
:يلا قومي بنروح لعبدالعزيز
العنود:الان!!
ماجد:اي الحين متى يعني
العنود:طيب بعد المستشفى ابي اروح عند اهلي
عقد ماجد حاجبه بغضب:وليه
العنود:بزورهم
هز ماجد راسه:اي يصير خير
توجهت تاخذ عبايتها وتلبس نقابها ونزلت مع ماجد ركبت السياره وكانت ساكته وهي مو قادره تتقبله بعد
موقف امس اخذت منه موقف قوي وتحس انها تزوجت من الشخص الغلط وظلمت نفسها معه
اسندت يدها على راسها وهي تماسك دموعها بصعوبه
وصل للمستشفى ونزل ودخلو المستشفى اشر للعنود تختار ورد من محل الورد الي على زوايه المستشفى عشان عزيز
اخذت العنود ورد الجوري وابتسمت مجامله وتوجهت مع ماجد دخلو الغرفه وعدل عبدالعزيز جلسته
وتوجه ماجد يضمه بقوه كان عبدالعزيز حاطين عصبه براسه ولافين يده بشاش وفيه جروح بسيطه
ابتسمت العنود بهدوء توجهت تسلم على حصه الي جالسه بجانب عبدالعزيز وماسكه يده
-
نزلو مد صالح يده لاشواق طالعت فيه اشواق باستغراب نطق لان عرف انها مفهمت
:حطي يدك بيدي عشان اهلك بس مو عشان احد
توترت اشواق لانها علطول تذكرت يوم كانت ماسكه يد ابوها ثم طاح قدامها غمضت عيونها بقوه
طالع فيها صالح باستغراب وسحب يدها كانت تحاول تفلت يدها لكن صالح كان شادها:مو ميت على يدك بس عشان اهلك صدقيني
سكتت اشواق بهدوء لف عليها اول ماشاف محل الورد وطالع فيه:بتاخذين ورد؟
هزت راسها وتوجهو للمحل التفتت اشواق على ورد بيبي جوري جذبها شكله مره وقفت عنده وتنحت
التفت صالح:ناخذ بيبي جوري؟
طالعت فيه باستغراب:اسمه بيبي جوري؟
صالح:اي
رجعت اشواق تلف على الورد:اي بناخذه
اشر صالح على الموظف:جيب لنا من هذا وغلفه باحسن غلاف وابي الغلاف ابيض
اشواق:الابيض حلو؟
هز صالح راسه:اي مع ورد بيبي جوري بيطلع بيرفكت
طالعت فيه:واو عندك ذوق
ضحك صالح:ليه طايح من عينك يعني؟
اخذت الورد وحاسبو طالع فيها:الحين مين يمسك الورد؟
اشواق:انت طبعا
اخذه ومسك يدها لف عليها وشافها متوتره ضحك على شكلها:شفيك متوتره
طالعت فيه:عمي وعمتي ماقد شافوني لابسه كذا احس بينقدون علي
طالع فيها:مو شغلهم دام زوجك راضي ماعليك من احد
ابتسمت اشواق من كلامه وسوت نفسها انها مفهمت الكلام وراح صالح يسال عن رقم غرفه عبدالعزيز
عرف وتوجهو للمصعد وكانت الغرفه مفتوحه انتبهت للي موجودين فيها
،
تجمدت عروقها يوم شافت ماجد والي جنب ماجد  لدرجه ماقدرت تتحرك طالع فيها صالح باستغراب كان صالح يعرف انها
مخطوبه بس مايدري انه ماجد همست باذن صالح:هذا شيسوي هنا؟
همس صالح باستغراب:مين؟
اشواق بهمس:ماجد
طالع فيها صالح:تعرفينه؟
هزت راسها:اي خطيبي السابق
انصدم صالح وحس بشعور غريب اول ماقالت خطيبي السابق مايعرف ايش هو عصب بس قدر يتمالك اعصابه
طالع فيها بقوه:تجاهليه وشعليك منه ها؟
دخلت وابتسمت ابتسامه مصتنعه وشد صالح على يدها بقوه وكانه متعمد ان ماجد يشوفه دخل وسلمت اشواق توجه صالح
ونزل الورد وراحت اشواق تسلم على عامر وحصه بشوققق كبير وكانها غابت عنهم سَنينن طويله ضمت عامر ثم راحت لحصه وبكت حصه اول ماشافت اشواق وتمسح على راس اشواق بحنان دمعت اشواق من كثر الشوق والتفتت على عبدالعزيز الي عدل جلسته وطالع فيها وضمته بكل قوتها ضحك عبدالعزيز:شوي شوي لاتخلعين كتفي كل ذا شوق
كان ماجد متجمد اول ماشافها وعلطول نزل انظاره ليدها انقهر من كل اعماق قلبه وكانه يحس بشعور حريق نار مستحيل احد قادر يطفيها وكانه الشيء ذا ملكه، توجه صالح يسلم عليه وكان كل واحد يشد على يد الثاني ويطالعون بعض بنظرات محد فهمها وخصوصا العنود اما اشواق كانت تدمع على عبدالعزيز وهي تشوفه التفت لها صالح ويوم شافها تدمع سكت وماقال شيء ضحك عبدالعزيز:صالح يزعلك ولا اتعامل معه معليك
ضحكت اشواق وطالعت بماجد الي يخَزها من كل قوته ويطالع فيها كيفف تلبس عبايات كذا وكيف ماتغطي وجهها من الاساس
عرفت اشواق افكاره وعلطول لفت عينها وطالعت صالح وابتسمت:لا بالعكس مدلعني اخر دلع
ابتسم صالح وتوجه يوقف جنب اشواق ومسك يدها ابتسمت العمه حصه وهي تشوف اشواق مرتاحه همس صالح باذن اشواق
:هذا شوضعه يطالع فيك ماسك نفسي لا ادخل اصابعي بعينه
طالعت اشواق بماجد وضحكت شّد ماجد من قبضة يده ومسك يد العنود الي كانت تطالع بحيره وشد عليها بقوه
طالعت فيه العنود وحست في شيء مو طبيعي طالع ماجد والتفت على عبدالعزيز وعامر وحصه:استاذنكم بودي زوجتيي
وشد على كلمه زوجتي:لاهلها
مسك يد العنود بكل قوتها واول ماطلعو تركها وتوجه للسياره بعصبيه وقهر وغيّض كان نفسه يدوس ببطن صالح لانه هو تحداها انها بتصير حلاله كانت العنود مستغربه وشكَت بالوضع علطول لحقته وركبت معه بالسياره
،
اول مارحو العنود وماجد زفرت بارتياح وابتسمت وبدت تسولف مع عمتها وعزيز ،وهو جالس ويسولف ويعطي معهم
ابتسم عامر ولف على صالح:عشاك عندنا بالديره
ابتسم صالح:والله معليش ياعم ودي لكن بنرجع اليوم للشرقيه ضروري
التفتت اشواق على رنه الجوال وردت
شيهانه:هيي وينكم طولتو علي
اشواق:يلا جايين لك
سكرت من المكالمه وطالعت بصالح طالع فيها صالح:مين؟
اشواق:شيهانه تبينا نجيها
قام صالح:استاذنكم والمره الجايه ان شاء الله نجيكم بالديره
طالع عامر باشواق:لاتغيبين عننا يابنتي
ابتسمت اشواق :ابشر
ضمت عامر وحصه ويوم جت عند عزيز ضمته من كل قوتها ابتسم عزيز:والله بتوحشيني
ابتسمت اشواق ومدت له كيس كارتير:هذي هديتي انا وصالح لسلامتك
ابتسم عبدالعزيز:مفروض ماتكلفون نفسكم
ابتسم صالح:ماكلفنا نفسنا هذا واجبنا
لفت اشواق على عزيز:اذا دقيت ترد فاهم! لي ايام ادق ولا ترد
عبدالعزيز:هههه ابشري بس اذا شريت جوال
شهقت اشواق:انكسر جوالك؟
هز عبدالعزيز راسه وابتسمت اشواق:اول ماتشتري ارسل رقمك على جوال عمتي فاهم
ضحك عبدالعزيز وطلعو من الغرفه ولفت اشواق على صالح:ليه كنت بتدخل اصابعك في عينه فيه؟
صالح:انتي شايفه كيف يطالع مو بس ادخل اصابعي ادخل سكاكين بعد
ابتسمت اشواق وسكتت توجهو للسياره وركبو لفت اشواق:تصدق استغربت ليه عمي وعمتي مانقدو علي؟
لف صالح وهو يربط حزامه وياشر لها تربط حزامها:لانو بكيفك
ابتسمت اشواق بهدوء واسندت راسها على الشباك وهي تتامل الطريق...
-

نزلت لكم بارتين باليوم ماقدرت اطول بالبارت🤍

واعذروني على اي خطا املائي من غير قصد