وأنا فِي مَوج حُبك شراع يتهادىٰ

بارت الثاني والعشرين

-
<<1:40>>
قاعده تلاعب القطوه بالظلام كل اهل القصر نايمين الا هي ماقدرت تنام دخلت القطوه بالقفص وتوجهت بتتروش
دخل صالح مستعجل فزت يوم سمعت صوت الباب وطالعت فيه بصدمه سحب منشفته ودخل يتروش
طالعت فيه باستغراب ثم استوعبت انها تبي تتروش ركضت لباب الحمام دقت الباب بقوه على صالح:هييي افتححح داخله اتروش قبلك انا!!
صالح من وراء باب الحمام*الله يكرمكم*:فاضييي لك انا من اليوم اشيل واحط وانتي فاضيه
زفرت بضيق سحبت منشفتها وملابسها وتوجهت للحمام الي في الطابق التحتي للقصر ترددت وهي تدخله بس تذكرت انهم كلهم نايمين نزلت تحت وسحبت منشفتها واغراضها ودخلت
،
خلصت من الشور وطلعت وهي لابسه بجامتها السوداء الحرير ولّافه المنشفه على شعرها اخذت غسولاتها واغراضها
وتوجهت للجناح دخلت وشافته ينشف شعره طنشته وسحبت منه الاستشوار وبدت تنشف شعرها المبلول توجه
يقفل المكيف عشان ماتمرض وجلس على السرير وعيونه تنعس لفت عليه يوم شافت عيونه الي تسكر وترجع تفتح
:منجدك انت بتنام وراك طريق!
تنهد صالح:ياليل ثواني بروح اسوي لي قهوه تصحصحني
طالعت فيه بطرف عين:ماخربك الا القهوه السوداء
طالع فيها وهو عاقد حاجبه:اي يصير خير من متى وانتي تهتمين!
طالعت فيه ولفت على هيئتها بالمرايه:محسسني محور الكون عط الباب بس
طالع فيها صالح وهو ماله خلق للمشاكل ابدا،طلع من الجناح  ونزل تحت راح المطبخ يسوي قهوته شاف جده يسحب الشناط
ويرشّد الخدم يحطونها بالسيارات انتبه على دلال جالسه بالصاله وسع عينه بقوه والتفت على ليالي دخلت ليالي
المطبخ بتشرب مويه سحبها مع ذراعها:هي دلال وش جابها هنا!
ابتسمت ليالي بغنج:ماوحشتك؟
وسع صالح عيونه بصدمه ثم احتدت نظَراته:ليالي وقسم بالله مو وقتك وش جابها!
ابتسمت ليالي وهي تلف على الثلاجه:بتجي معنا مستحيل اروح لقريه بدونها
لف صالح عليها ومسك ليالي مع ذراعها وشد عليها:دلال لا اشوفها هالحين ترجع لبيت اهلها!
شهقت ليالي وهي تتغنج بألم:صالح!ترا امك هي الي عزمت امها وانا قلت لها تجي روح قول لامك ودلال جايه يعني جايه
مسك صالح راسه بعصبيه اخذ قهوته وطلع وهو يمشي امام انظار دلال الي تحاول تلفت انتباهه، صعد فوق ودخل الجناح وهو معصب  جلس على السرير ومسك راسه بعصبيه لفت اشواق عليه وهي تزيد الطين :شفت قلت لك القهوه مافي منها خير
لف طالع فيها بنظرات حاده:اشواقوه وقسم بالله مو وقتك لاتخليني افصل عليك
مدت اشواق لسانها:وشبتسوي هدها بس
توجه صالح ومسكها مع ذراعها وشد عليها بقوه طالعت فيه اشواق بنظرات حقد:طيب يعني اذا مسكت يدي بخاف!
فك صالح ذراعها :اقسم بالله اني ماني فاضي لك ولا لاشكالك
طالعت اشواق فيه ورفعت حاجبها باستفزاز:شفيها اشكالي؟ تحمد ربك ان اشكالي جالسه معك
طالع صالح فيه واشتدت نظراته حده لفت اشواق وجهها وهي تمشط شعرها ومو همها:شوي شوي لاتنفقع عينك
،طنشها صالح وجلس وهو ساكت لفت عليه اشواق وطالعت فيه وهي ماده بوزها:تبي بندول؟
طالع فيها صالح:لا ابي فراقك
وسعت اشواق عيونها بصدمه:الشرهها علي اني اسالك ولا انت ماينفع معك الاسلوب الحلو
طالع صالح فيها:انتي خليتي فيها اسلوب حلو
طالعت فيه اشواق وعلت صوتها بقهر:اذا انت معصب لاتجي تطلع عصبيتك علي!!
لفت راسها ومسكت ذراعها بألم وهمست:كسر ان شاء الله
طلعت من الغرفه وجلست على الكنب تلاعب القطوه وتصورها طالع فيها وسكت ماقال شيء
سمعت اشواق دق الباب حطت القطوه على كتفها ووقفت تفتح الباب ابتسمت اول ماشافت مين وراه
:هلا جدي بغيت بشيء
ابتسم فهاد:يلا يلا لمو اغراضكم هالحين بنمشي
فزت اشواق وطالعت ساعه جوالها:هالحين!
هز فهاد راسه:اي يلا واعطي صالح العلم ترا هو الي بيسوق الكزس
كتمت اشواق ضحكتها ولفت راسها على الغرفه ورجعت تلف راسها:ابشر
ابتسم فهاد:يلا لا تبطّون
هزت اشواق راسها وسكرت الباب وحطت القطوه وهي تلاعبها بالقفص وتوجهت للغرفه وتكتفت عند الباب
:سمعت ولا اعيد كلام جدي
صالح سمع لكن حط راسه على المخده وسوا نفسه ميت طالعت فيه اشواق:قم قم بس اخلص مافي وقت
قام صالح بخطوات متثاّقله وهو رايح يغير بجامته ويلبس ثوب توجهت اشواق الي ماغيرت لبسها واخذت عبايتها
ولبستها ولفت الطرحه اخذت شنطة اليد حقتها وحطت جوالها واغراضها البسيطه فيها توجهت تطفي التلفزيون
وجلست على الكنب وهي تلاعب القطوه الي بالقفص طلع صالح وهو يسكر ازرار ثوبه ولابس كاب اسود
طالع فيها وعقد حاجبه يوم شاف قفص القطوه:بتاخذينها معك!
هزت اشواق راسها:لا مقدر اخذها بحطها عند الخدم
هز صالح راسه وفتح باب الجناح وسحب شنطته وسحب شنطه اشواق من يدها واخذهم ينزلهم نزلو وشافت اشواق
البنات كلهم وجيههم مفقعه ضحكت وهي تشوفهم:نمتو؟
نطقت شوق بصوت مبحوح:مانمنا الا ساعه وماقصر جدي على طول دق الباب عشان نقوم المشكله الساعه ثنتين وموعدنا ثلاث
ضحكت اشواق:ترا شيء حلو الطريق بالليل
البنات ما انتبهو لدلال الموجوده طلعو من البيت وكان تاثير النوم قوي عليهم
توجهو برا البيت ووزع فهاد العيال على السيارات صالح بيسوق الكزس حقه مع البنات ،وراكان بيسوق بالكزس حقه ومعه
الامهات وبجانبه تميم ،ومصعب بالجمس معه جده واخوانه
توجهت دلال بتركب مع البنات مسكتها امها وطالعت فيها:بتركبين معي انا احتاجك
طالعت دلال في امها بقهر:تحتاجيني في وش مستحيل اروح مع العجايز ذولي يع
طالعت ام دلال فيها بحده:انا اعرف ليه تبين البنات امشي بس بتركبين معنا وليالي معك اساسا مافي ركوب عندهم
لفت اشواق وشافت دلال شهقت بقوه ولفو البنات عليها باستغراب من شهقتها:شوفوو دلال كيف جت هنا!!
شهقت شوق بقوه يوم لفت:تكفون مقدررر كتمه ذيي شتبي في كل طلعه عائليه حاشره خشمها
شدت اشواق على عبايتها بقهر وغّيض:حسبي الله بس على من نادها
مسكت شوق راسها:اكيد يا امي يا ليالي اهخخ
طالعت آيار في ليالي بحقد:ذي ماتخلي طلعه تمر على خير الا ومنكَده بشيء ماخذه دلال معنا اكتملت شله المنافقّين
مسكت شيهانه راسها:كتمه كتمه ليكون بتركب معنا بس!!
طالعت فيها اشواق:تخسي والله ماتركب
ضحكت ديما:عشتي ههههههههه
،بالمرتبه الاولى بسياره صالح بجانبه رائد والمرتبه الثانيه البنات؛شوق وآيار واشواق وشيهانه
المرتبه الثالثه ديما
،اما راكان بالمرتبه الاولى معه تميم والمرتبه الثانيه الامهات؛ام راكان-ام دلال-ام صالح-ام اشواق-ام تميم
المرتبه الثالثه ليالي وديم ودلال ، ركبت ديم معهم لان ماكان في ركوب في سياره صالح ودلال ماسكه الصيحه لانها ماتبي العجايز على قولتها ،وتطالع في اشواق بحقد ،واشواق تطالع فيها من فوق لتحت وتطنشها
،مسك فهاد مصعب:تعال انت بتسوق الجمس فيني انا واخوانك
طالع مصعب في صالح ورائد بصدمه وهم يضحكون عليه:ليه! مو متعب ولا سطام كلهم متعافين
طالع فهاد فيه بحده:اعقب عيب عليك ذولي اخوانك الكبار انت اصغرهم يلا لا يطول لسانك
ركب مصعب وهو ياشر لصالح وراكان بقهر وهم يضحكون عليه
حطو كل اغراضهم لف فهاد عليهم:عسى مانسيتو شيء!
همست شوق :جعلنا ننسى ليالي ودلال
ضحكت اشواق:ياليت
شهقت دلال وهي تتفقد يدها:دقايق شنطتي!
لفت ام دلال:اخلصي علينا
ركضت دلال جوا البيت
لفت شيهانه على البنات وهمست:ياجعلنا ننساها زي مانست شنطتها
همست شوق:الله يسمع منك
لف عليهم رائد وهو يضحك لفت عليه شوق:خير قاط وجه؟
ضحك رائد اكثر يستفز شوق:كيفي بضحك بمزاجي
طالع صالح فيهم:اقول امشو مبزره انتم
ركبو السيارات واخذت دلال شنطتها ولفت تطالع اشواق بحقد وركبت السياره وحركو من القصر...
-
-

اعذروني على اي خطأ إملائي من غير قصد...

تفاعلكم🐆‼️

تيك: a.oeq1
انستا: s__4772