وأنا فِي مَوج حُبك شراع يتهادىٰ

البارت الخامس عشر

ضرب راسه بالدركسون بعصبيه دخلت السياره وهي ساكته ماتبي تقول شيء وتروح فيها
طالع فيها ماجد وسكت حرك سيارته وجبينه ينزف من ضربته ماكانت تبي تقول شيء
التفت عليها:وين بيت اهلك؟
نطقت بصعوبه من الرعب:في حي......على شارع...
هز راسه:زين
سكتت ولفت على الطريق وهي تقاوم دموعها كانت منتبهها لنظراته للبنت كانت نظرات غيره تنهدت بحزن
وهي تماسك دموعها الي بدت تنزل بدون ماتحس ، لف عليها اول ماوصلو لبيت اهلها
:انزلي
لفت عليه بتاخذ شنطتها طالع فيها وعقد حاجبه وهو يشوف دموعها:تبكين؟
طالعت فيه:لا وصح قبل لا اروح راجع نفسك
فتح عيونه بصدمه من كلمتها:وشتقصدين؟
هزت راسها:راجع نفسك
سحبت شنطتها ودقت الباب لين انفتح لفت عليه وطالعت فيه ، يطالع فيها وعاقد حاجبه تجاهلته ودخلت
داخل حط راسه على الدركسون ورفع راسه وشاف الدركسون طبع عليه شيء احمر لمسه باستغراب ورجع
يرفع انظاره للمرايه السياره وشاف انه مجروح براسه طالع بنفسه وحط يده على راسه:وشتسوي انت كل ذي غيره!!
سكت شوي وحرك السياره ومشى...
—
تطالع الطريق بشرود وعقلها بعيد عنها مو قادره تحس الامان مع اي رجل كانت تحس الامان معه لكن تلاشى
يوم اتهامها بشرفها وعلطول ماقدرت تتحمل وبعدت عنه مستحيل تقعد مع واحد يدخل بشرفها بس عشان انكشف
وجهها بالغلط لفت تطالع صالح الي كان تفكيره غير وعكس تفكير ماجد بكثير انسان متعلم واعي هي حست
بذا الشيء من عرفته عكس ماجد متهور وجاهل وغيور وعصبي ومايحسب حساب الكلمه الي تطلع من فمه لف عليها
صالح:شفيك تطالعين؟
اشواق:انا؟ ماطالعت فيك
ضحك صالح وكانه جاء بباله سؤال والتفت عليها:عادي اسالك
لفت اشواق عليه:ايش؟
صالح:الحين انتي درستي؟
هزت راسها بالايجاب:اي درست الابتدائي والمتوسط والثانوي
لف عليها وعقد حاجبه:انتي اول ماعرفتك قلتي انك مادرستي الا متوسط وابتدائي
طالعت فيه:وقتها ماكنت متقبلتك متوقع بكب عفشي عندك؟
طالع فيها:احلفي؟
فتحت عيونها بقوه:فاضيه اكذب عليك انا حتى شهايدي معي وكلها متفوق كنت الاولى على الفصل
صالح:طيب ليه مادرستي جامعه؟
زفرت اشواق بضيق:ماعندنا جامعه بالديره وفوق كذا متشددين يعني حدك ثانوي وكثيره عليك بعد
طالع فيها بصدمه:وشذا التفكير المعقد
رفعت كتوفها :مااعرف
التفت عليها وحط عينه بعينها وطالع فيها لثواني ثم تذكر الموضوع:تبين ترجعين تكملين جامعتك؟
فزت اشواق بقوه:صدق؟
هز صالح راسه:اي بكذب عليك يعني؟
مسكت اشواق وجهها بفرحه:امانه؟؟
مسك يدها:يابنتي والله مابكذب عليك
استوعب انه ماسك يدها وهي طالعت فيه وسحبت يدها:كيف ومتى
طالع فيها:بتدرسين مع شيهانه وشوق بنفس الجامعه
طالعت فيه بفرحه وصدمه بنفس الوقت:مدري شقول
ضحك وهو يتمَتم بينه وبين نفسه:شكلها شغوفه بالدراسه مره
، وقفو قدام المعرض والتفت على اشواق:دقي على شيهانه
رفعت جوالها ودقت وسكرت شيهانه بوجهها كشرت يوم سكرت بوجهها
وطالعت بصالح:سكرت بوجهي؟
ضحك وهو يشوفها تركض وعبايتها طايره وشعرها متبهذل دخلت شيهانه السياره وهي تلهث
:وجع مخيسين شكلكم نسيتو انكم منزلين وحده في مكان حاطيني اربع ساعات يالظالمين مابقى احد ماشفته وماصورت معه
طالعت فيها اشواق:امانه وريني
ضحكت شيهانه وصفقت يدينها ببعض:لقيت كاتبي المفضل ولقيت مغنين ومشاهير كثير بوريك اذا رجعنا للفندق
ضحكت اشواق:وانا بعد عندي لك خبر
عينه على الطريق وتفكيره بعيد عن باله يفكر كانو يسولفون ويضحكون لكن هو كان ساكت ويفكر وده يسالها ليه
فسخت الخطبه منه لكن زي ماهو مايرضى احد يساله عن ليه فسخ الخطبه عن دلال اكيد هي ماترضى كان منقهر من نظرات ماجد الي واضح مطلعه الغيره عليها ، مسك شعره وشّد عليه من كل قوته طالعت فيه اشواق ولفت
،
وقفو قدام الفندق طالع فيهم:شيلو اغراضكم وشوي واجيكم عندي شغل الحين
طالعت فيه وهي عاقده حاجبها:مارح تنزل؟
هز صالح راسه بالنفي ومد بطاقه الغرفه لاشواق اخذتها ونزلت هي وشيهانه صعدو وتوجهو لغرفتهم فتحت اشواق الباب
ودخلو وفسخت عبايتها وطرحتها وفردت شعرها طالعت فيها شيهانه:شعرك يموت
ضحكت وهي عاقده حاجبها:يموت؟
ابتسمت شيهانه:اي يعني مره حلو
ابتسمت اشواق ودخلو للغرفه حذفت اشواق نفسها على السرير وتوجهت شيهانه وجلست بجانبها
:قومي بوريك الصور
رفعت اشواق نفسها وجلست مدت شيهانه الجوال لاشواق وهي تضحك وتوريها المشاهير الي تصورت معهم
:شوفي شوق حاطه على بوستي لايك هههههههه
لفت شيهانه على اشواق السرحانه وصرخت بحماس:اييي صحح وشو الخبر الي كنتي بتقولينه؟
ضحكت اشواق بحماس:تخيلي بكمل جامعه؟
نطت شيهانه بقوه:امانههه!!!
ضحكت اشواق بقوه:والله
مسكتها شيهانه وحضنت اشواق بقوه واشواق تضحك
:تكفين بس ويت شتبين تصيرين؟
ابتسمت اشواق:من وانا صغيره وانا ابي اصير دكتوره كانت اكبر احلامي
ابتسمت شيهانه ولفو يوم سمعو صوت الباب دخل صالح والتفت وطالع لهم وكتف يده وهو يطالعهم:جهزتو؟
ابتسمت شيهانه:اي يلا
ابتسمو اخذو شيهانه واشواق عبايتهم وطلعو من الغرفه كان صالح واضح مزعوج من شيء كان ودها تساله
لكن تجاهلته اخذ اغراضه الي بشنطه صغيره وطلعو نزلو، وطلعو من الفندق وتوجهو وركبو حركو كانت تتامل الفندق
،
كانت السياره هدوء التفت عليهم شاف شيهانه تقراء كتابها وحاطه سماعات واشواق نايمه مدري تهَوجس بالشباك رجع يطالع قدام وكان الطريق ظلام لهم ساعتيين ونص يمشون حس بتعب وتوجه يوقف عند محطه وقود وقف والتفت على شيهانه واشر لها
نزلت سماعاتها وبعدت كتابها وطالعت فيه باستغراب ثم طالعت حولها:ليش وقفنا؟
صالح:تبون شيء من البقاله؟
لف على اشواق وهز كتفها فزت من نومها حكَت عينها بتعب ورفعت راسها له:وشفيه
لفت انظارها ورجعت تطالع فيه:وصلنا البيت؟
طالعها صالح:ياليل نازل البقاله تبين شيء؟
اشواق:لا
طالعت فيه شيهانه:بنزل معك تكفى طفشت
ابتسم صالح:تمام
نزلو للبقاله وطالع صالح بشيهانه:اشتري لهذي الخبله معك
ضحكت شيهانه وهي تغمز:خبله ها ههههههههههههه
تجاهلها صالح واخذو اغراضهم واشترو سناكات كثير حاسبو وتوجهو للسياره ركبو وحركو السياره التفت صالح لشيهانه
:عطيني فطيره الزعتر
فتحت شيهانه كيس الاكل واخذت الفطيره
صالح:افتحيها مقدر افتحها
فتحتها شيهانه واخذ صالح الفطيره وحطها عند فم اشواق السرحانه فزت اول ماحست بشيء
يلاّمس شفايفها ابتسم وهو يشوفها تفز:اكلي
صدت اشواق براسها:مابي
رجع يلف عليها:ياخي اكلي بسرعه احمدي ربك اسوق وماسك لك الفطيره
طالعت فيه وشمقت اخذته واكلت ماشافت وش نوع الفطيره اكلت وبلعتها جلسو شوي
حست اشواق بشيء يحكها وبدت تعطس كثير وتاخذ منديل وتمسح لف عليها صالح
وانفجع يوم شاف وجهها:تبكين؟؟
طالعت فيه:ماعاش من يبكيني وشو ابكي
لفت تطالع شكلها بمرايه السياره وشهقت يوم شافت وجهها كذا وحلقها تحسه يتشقق
اشرت على شيهانه تعطيها مويه مدت لها شيهانه وهي مستغربه تحسبها تبكي:وي ليش تبكين؟
لفت على شيهانه:والله ماابكي شكلها حساسيه
بعدين شهقت ولفت على صالح:انت وش ماكلني؟؟
طالع فيها صالح وهو عاقد حاجبه:وش ماكلك ماعطيتك الا فطيره زعتر
شهقت اشواق ومسكت راسها:فيني حساسيه من الزعتر
انصدم صالح:امانه؟
هزت راسها:والله
طالعت فيها شيهانه:واضح الحساسيه قويه تعورك هي الحين؟
هزت اشواق راسها:مره
مسك صالح شعره:ماكنت قاصدها طيب شفيك شادتها؟
طالعت فيه بغضب:شديتها ماشديتها بعدين انت معطيني شيء فيني حساسيه منه!!
طالع فيها:وانا وشعرفنييي وشفيك حساسيه ووش مافيك
كانت شيهانه بينهم وودها تهديهم بس ماتدري كيف وهم يتهاوشون، تجاهلت اشواق صالح ومسكت جوالها بغضب توازن اعصابها لان مابقى الا ربع ساعه على الخبر
،
دخلو الخبر ووصلو للقصر دخلو مع البوابه وهم واحشهم المكان بقوه الا اشواق كانت عادي عندها وقفو السياره وآشر صالح للبوديقارد يجي ومد له مفتاح سيارته عشان يوقفها عند مواقف سيارتهم
دخلو وشافت اشواق جدها فهاد وابو صالح(جبر) الي توه جاي من المانيا وخوالها وعيالهم وبناتهم كلهم تقريبًا كل اهل القصر كانو مجتمعين دخلت بتعب هي وشيهانه وسلمت على راس جدها وعلى راس خالها جبر وتحَمدت على سلامه عمها ورجوعه للسعوديه توجهت شوق تحضَن اشواق وشيهانه بكل قوتها:وجع وحشتوني ياكلاب
ابتسمت اشواق وبادلتها الحضن ، لفت اشواق على صالح وخزت صالح بنظراتها وصالح يخزها طالعت فيهم شوق وهمست بأذن شيهانه:شفيهم نظراتهم لبعض كذا كانهم بيفترسون بعض
شيهانه بنفس همس شوق:ماطلعو زي ماتوقعنا طلعو كل واحد اعند من الثاني وبس يتهاوشون ومو متفاهمين ومو حول الحب
شهقت شوق بصوت عالي:امانه!!
لفو عليها كل الموجودين ومنهم صالح واشواق قبصت شيهانه شوق :وجع فضحتينا
ابتسمت شوق بورطه:زله لسان معليه
نطق فهاد:ها عسى اخوك يابنتي اشواق بخير
ابتسمت اشواق لجدها ونطقت بهدوء:الحمدلله
فهاد بابتسامه رحّبه:الحمدلله يارب
، قامو الكل يسولفون ويعطون وياخذون مع بعض ،قام صالح بنص السوالف:استاذنكم بكمل لي كم شغله وبنام
هيفاء(ام صالح):وين ياصالح تعشى ونام؟
هز صالح راسه بالنفي:تعشيت
وقامت اشواق وراه:استاذنكم كمان
ابتسمت شوق وهمست لشيهانه:كيوت افضل كوبل عندي بالقصر كله لايقين على بعض وكانهم يحبون بعض من سنين
همست شيهانه:هدوء ماقبل العاصفه يعمري قعدت معهم يومين واشواق اساسا مانامت عند صالح نامت بغرفتي
شوق بهمس:معليه نجمعهم انا وانتي انتي على اختك وانا على اخوي
ضحكت شيهانه:مو صاحيه انتي
توجه للدرج ولحقته وهي تركض وبدت تركض مع الدرج طالع فيها باستغراب بعدين استوعب انها ناويه
على شيء وبدا يركض وراها دخل مصعب البيت وشافهم يتركضون بالدرج عقد حاجبه بضحكه:هذولي متى جو
،توجهت تركض للغرفه ودخلت وجت بتسكرها بس يد صالح اسرع مسك الباب ودخل وكتفها:انتي ماتعقلين؟ الناس كلها تتوب الا انتي؟
بعدت عنه ومدت لسانها بضحك:لا مارح اتوب
قرب منها صالح وهو يبتسم:تبين اشوف لك حل ثاني
توترت من قربه ودفته وجت بتبعد سحبها وكتفها وحط يده على الجدار وهو يطالع فيها لين قرب منها
وانفاسهم ودقات قلبهم تنسمع من قربهم لبعض قرب من رقبتها وهمس باذنها:لاتجننيني عشان لا اجَننك
دفته بقوه ودخلت الغرفه وسكرت الباب ضحك على شكلها
،كانو شوق وشيهانه واقفين عند الباب يتسمعون التفتو على مصعب الجاي عقد حاجبه اول ماشافهم
:شتسوون قدام غرفه صالح واشواق؟
اشرت شوق انه يسكت عقد مصعب حاجبه:هي قولو ولا ترا بصارخ واقول لصالح يشوف شغله معكم؟
قربت منه شيهانه:ياخي انت خلنا نسمع
مصعب:وش تسمعون؟
شيهانه:متهاوشين وندور نقل علوم عشان نجمعهم مع بعض
مصعب:متهاوشين ليه
شيهانه:ياخي ذولي مايجتمعون مع بعض كل واحد راسه يّابس اكثر من الثاني
مصعب:ههههههههههه مو هينات انتم
، سحب شوق وشيهانه واخذهم للصاله المفتوحه الي قريبه من جناح صالح واشواق
:اقول شدخلكم انتم بينهم ها
شوق:ياخي شدخلك انت ها؟
شهق مصعب:هاهه بعلم صالح اجل
سحبته شيهانه بقوه:خلاص تكفى نمزح يااجمل خالو ماعاد نعودها
ضحك مصعب:خالو وحركات امزح معكم خلاص بس لاتعيدونها
ضحكو وتوجهت شوق مع شيهانه لغرفتها تقولها عن السفره كلها والمعرض والكتب الي شرتها
،
خلص شغله مسك شعره بتعب وبدا ينعس بدون مايحس غفت عينه ونام بالمكتب حقه
،طلعت من الغرفه بهدوء بتنزل تشرب مويه طالعت فيه شافته نايم قربت من وجهه ولمست شعره
الكثيف ثم عينه ورموشه وعلطول لما استوعبت شالت يدها بقوه وركضت للغرفه دخلت ومثلت النوم...
-
-
اعذروني عن اي خطأ املائي من غير قصد

تفاعلكم🐆 🤍

تيك: a.oeq1
انستا: s__4772