وأنا فِي مَوج حُبك شراع يتهادىٰ

البارت الثامن عشر

-
صحت بخفَه من سرير شوق شافت كل وحده طايحه على الثانيه ونايمات بشكل فوضوي قامت وتوجهت
تغسل وجهها لفت على البنات وهي متردده تروح للجناح تغير بجامتها ولا لا تنهدت وفتحت باب الغرفه
بخفَه عشان مايصحون البنات ،التفتت على ديما الي تناديها:اشواق شفتي البنات؟
اشواق:اي نايمات هنا
اشرت اشواق على غرفه شوق عقدت ديما حاجبها:شعندهم ذولي
دخلت ديما الغرفه وتوجهت اشواق بتردد للغرفه، فتحت الباب بخفه ودخلت وهي تتسلل ابتسمت يوم شافت الصاله
فاضيه ،فتحت باب الغرفه بشويش شافته نايم تجمدت عروقها بتوتر لكن كملت عشان ماتنكشف دخلت غرفه الملابس
ولفت على التسريحه وهي تتذكر الموقف،غمضت عيونها بقوه وهي تهز راسها عشان تنسى توجهت تغير بجامتها، لبست بدي
ابيض مع قميص فوشي وجينز وفردت شعرها طبيعي
،فتح عينه بخفه اخذ تيشيرته ولبسه لف بأنظاره وبدا يمشي بخطواته المتثّاقله من النوم، فتح غرفه الملابس وشافها
تمشط شعرها فزعَت اول ماشافته وبللَت شفايفها بتوتر تحاول تشتت انظِارها عنه طالع فيها وهو عاقد حاجبه:وشفيك؟
لفت عليه ثم رجعت تبعد انظارها عنه وقف عند الباب يطالع فيها طالعت فيه ثم مشت من قدام انظاره وريحه
عطرها نفس ريحة عطر الي جذبته لها امس هز راسه وتوجه يغسل وجهه وثم يغير ملابسه اخذت جوالها وطلعت من الجناح
،سمعت صوت صراخ توجهت لمكان الصوت ودخلت غرفه شوق وهي مفجوعه من الصراخ شافت ديما معها
كوب مويه وتكب على البنات حطت يدها على فمها وهي تضحك لفت ديما على اشواق:تكفيننن ساعديني عليهم وشذا نوم حمير
خصوصا آيار
صرخت شوق بصوت عالي:ياخييي خلينااا ننام!
ديما بنفس مستوى الصوت:مافييي نوم جدوو ينتظركم تحت نفطر!!
قامت شيهانه بتكاسل ثم وراها شوق غسلو ووجيهم وشيهانه راحت لغرفتها تبدل ملابسها وشوق بغرفتها وآيار نايمه
على الكنب مو راضيه تقوم توجهت اشواق لها:يابنتييي قومي
هزت كتفها بقوه وماصحت
لفت ايار بجسمها على الجنب الاخر:هممم!
سحبتها اشواق مع ذراعها وهي تحاول تصحيها راحت ديما تعبي مويه،عبتها وتوجهت بخطوه سريعه وكبتها
فوق راس آيار شهقت آيار وفزت:يحمييررر
هربت ديما ووراها اشواق لفت عليها شوق الي تمشط شعرها وضحكت على شكل آيار:والله بهذلوك
صرخت آيار:تبين اصفقكك معهم هيننن ياديموه واشواقوه
هربو ديما واشواق ووقفو عند الدرج وهم يلهثون:تكفين بغينا نودع
التفتو على صالح الي نازل ورجعت اشواق تلف بانظارها طالع فيها وطنش نزلو تحت وجلسو على طاوله
الفطور نزلت شوق ووراها ايار الي شعرها الكيرلي محيوس ومبلول ورافعته بشكل عشوائي ضحك مصعب
:وشفيها ذي نازله كذا كانها طالعه من كفن
ضحك رائد:عجيب شكلها نست تطالع بشكلها بالمرايه
التفتت عليهم آيار وهي تجلس:ههه سخيفين
جلست وابتسم لها فهاد:وشفيك يابنتي ضايق صدرك مين الي مسوي فيك كذا
التفتت آيار بحقد على اشواق وديما واشرت عليهم وهي ماده بوزها بزعل ،طالع فيها هتان ثم لف
طالعت فيها ليالي:شكلك يضحك بالله لاعاد تطلعين بذا الشكل
لفت عليها:على الاقل اطلع كذا ولا اطلع فل ميكب كانك حليمه بولند
شهقت ليالي وطالع متعب(ابو ليالي وايار وراكان):عيبب تقولين لاختك الكبيره كذا
طالعت فيه آيار:شف شقالت؟
همس راكان بأذن آيار:معليك منها
تنهد فهاد بيأس وهو يعرف ان ليالي طبعَها كذا ومستحيل تغيره
،كملو فطورهم لين انتهو قام بهدوء:كثر الله خيركم
قامت اشواق وراه وهي تتمتم:كثر الله خيركم
لف عليها صالح وشال عينه قامت وتوجهت للدرج صعدت وراحت تجلس بالصاله الي فوق المفتوحه لحقتها شوق وهي تجلس
بجانبها بخبث وهي ببالها شيء همست شوق:اسمعي في بالي شيء
لفت عليها اشواق:وشو؟
ابتسمت شوق بخبث وهمست:ابي اسوي مقلب
عقدت اشواق حاجبها:في مين
ابتسمت شوق:بصالح منزمان ماسويت له
ضحكت اشواق:طيب سوي شدخلني
زفرت شوق:بسوي المقلب بغرفتكم
طالعت اشواق بشوق:كيف؟
ابتسمت شوق:بحط سطل مويه فوق باب الجناح وانتبهي لاتدخلين الغرفه واذا دخل تنكب عليه واقعد اصوره
ضحكت اشواق:مو هينه ههههههههههه
ابتسمت شوق:خلاص تم؟
ابتسمت اشواق:تم
،
ضحكت شوق وتوجهت للغرفه تخطط على المقلب اخذت سطل كبير وعّبته مويه طول وهو يتعبى اخذته بعد ماخلص
وطلعت فوق لجناحهم ودخلت وجت اشواق وراها شهقت اشواق:كيف بنثبته وحنا بنطلع يمكن ينكب
ضحكت شوق:مارح ينكب الا اذا الشخص دخل اما اذا طلع عادي
،بدو يحاولون يثبتون السطل في باب الجناح واشواق ترجع تفتح جوالها وتسكره تشوف متى يرجع من شغله
ابتسمت اشواق بعد ماخلصو وثبتو السّطل ،صفقت شوق كف يد اشواق وضحكو وطلعو وسكرو الباب بشويش عشان ماينكب
طلعو وهم يضحكون توجهت شوق للصاله المفتوحه الفوقيه الي قريبه مره من جناح صالح واشواق
حطت كاميرا على جنب واشرت على مكان:هنا انا بجي وبصوره
ابتسمت اشواق بورطه:مو كانه هنا ممكن يقفطك؟
ابتسمت شوق:لا لا ماعليك
التفتو على صوت كعب نوره توجهت لهم وهي عاقده حاجبها ومبتسمه:وشتسوون هنا؟
ابتسمت شوق :ولا شيء ياعمه بنسوي جلسه تصوير انا واشواق
كتمت اشواق ضحكتها وتذكرت فورًا تصريفات وعد ابتسمت نوره باستغراب:جلسه تصوير بالصاله الي فوق؟
هزت اشواق راسها:اي نبي عشان الاضاءه احسن
هزت نوره راسها:زين
لفت نوره بظهرها بتنزل ،زفرو البنات بارتياح ورجعت تلف نوره عليهم:صح جيت بقولك اشواق بدخل الخدم بجناحكم عشان ينظفون
رصّت اشواق على اسنانها:ها؟ لا لا انا قبل شوي منظفتها كامله
قربت نوره من اشواق وهي ترجع شعرها على وراء:بس احس لازم
ابتسمت اشواق:لا انا نظفتها وبخرتها
ابتسمت نوره وقربت وربتّت على كتف اشواق :شاطره بنتي
تجمدت اشواق من كلمتها تحس ان الكلمه غريبه هي ابدا مو غريبه بس للحظه حست اشواق انها غريبه
مع ان عمها عامر يقول لها كثير لكن اخر مره سمعتها وكانت فيها الف شعور من ابوها، صدت عيونها عن امها
ولفت على شوق وابتسمت :يلا نكمل جلسه تصوير
ابتسمت شوق :اي يلا
نزلت نوره وتنهدت اشواق وجلست على الكنب وهي ماسكه راسها التفتت عليها شوق وهي تعدل
مكان الكاميرا الخفيه:ايش فيك؟
ابتسمت اشواق:لا ولا شيء بنزل تحت للحديقه وانتي ضبطي المقلب واذا شفته جاء برسل لك نقطه
هزت شوق راسها وهي تغمز:اوكي
ابتسمت اشواق ونزلت تحت وتوجهت للحديقه شافت عمها جبر(ابو صالح)،وهيفاء ونوره قاعدين
ابتسمت اشواق وتوجهت لهم وسلمت على راس جبر وجلست ابتسم جبر لها:منوره يابنتي
ابتسمت اشواق:بنورك ياخال
لفت على سياره صالح الي واقفها عند المواقف ونزل منها ولابس نظاره شمسيه
نزلت انظارها لجوالها وهي تكتب نقطه لشوق قفلت جوالها وهي تطالع فيه متجهه لهم
،سلم على راس ابوه وامه وعمته طالع فيه جبر:ياولدي اجلس هنا معنا
ابتسم صالح بتعب:والله ودي لكن تعبان مره
ضحكت نوره:وانت وراك تمسك اكثر شغل الشركه ليه ماتخلي واحد من السملق يساعدك
ابتسم صالح:يساعدوني معليك
هزت هيفاء راسها:اي واضح
ابتسم صالح وتوجه داخل البيت وهو ماطالعها ابدا لفت اشواق على النافوره وهي تتأملها بهدوء
،
دخل وصعد فوق وهو يتنهد بتعب ومعه شنطته العمليه نزل نظارته وماانتبه على شوق الي واقفه بالصاله وتصوره
وهي كاتمه الضحكه دخل الجناح :

...وطششش...
،انكب عليه المويه وكان السطل ملايان مويه تجمدت عروقه وهو شاد على نفسه وراص على اسنانه ضحكت شوق بقوه
،التفت على وراء اول ماسمع صوت ضحكات وقدر يميزها شاف شوق تصور عرف ان ذا مقالب من شوق صرخ بصوت عالي:شوققققققق!!
شهقت شوق وهي تركض وتنزل مع الدرج رفع ثوبه وهو يركض وراها ويصارخ بصوت اعلى
:ماتتوبين انتي ماتتوبين!
طلع مصعب وهو يضحك عارف ان صالح مايصرخ كذا الا من شوق التفت على الصوت الي وراه
رائد وهو وراء ظهر مصعب:بنت العم مو هينه
ضحك مصعب:شكلها للحين ببالك؟
ضحك رائد:بالله عليك تخسي انت وهي
شهق مصعب:وشقلت!!
ضحك رائد وهو يرجع لغرفته:سلامتك عمووو

،قام يركض وراه وهو ناوي على شر طلعت للحديقه وهي تصرخ تستفزع بابوها
،فزت اول ماسمعت صوت صراخ ضحكت وعرفت انها سوت المقلب ، لف عليها جبر وهو يضحك
:وش يضحكك يابنتي ضحكينا معك
ابتسمت اشواق وهي تحاول تكتم ضحكتها :بس تذكرت شيء وقمت اضحك
،فزو كلهم يوم شاف شوق تركض ووراها صالح المعصب ويصارخ باسمها فز جبر ووقف ،توجهت شوق وهي تركض
خلف ظهره وتضحك:بااباااا تكفى انقذني من صالح شوف بيذبحني
لف جبر على شوق وعرف انها مسويه مصيبه لان صالح مايعصب من عدم:وشمسويه اعترفي
طالعت فيها هيفاء:اكيد مسويه مصيبه لوليدي
ضحكت شوق:انا؟ماسويت شيء بس هو شادها ابو الشباب
طالع فيها صالح ووسع عيونه بصدمه:ماسويتي شيء!!
اشر على ملابسه وشعره المبلل:هذا ويش؟
ضحكت شوق:دعابه!هههههههههه
ضحكت نوره وهي تطالعهم ركض صالح وراء ظهر ابوه وهو مستهدفها وركضت شوق وهي تصارخ وتستفزع
بابوها وجبر يطالع ويضحك واشواق تطالع وهي كاتمه الضحكه ماتبي يدري ان لها يد بالمقلب
صالح بعصبيه وهو شاد على اسنانه:فكوني عليها والله ان ماطلعتي انك مارح تنامين!
مدت شوق لسانها:وليه مارح انام
وبدو يتلاحقون ويلفون حول الجلسه ميه مره توجه جبر لصالح وهو يضحك:خلها هالمره عشان وجهي ناخيتك
مسك صالح ثوبه:تكفى ابوي ناخيتك انا انك تفكني عليها هالمره بس
ضحك جبر:ناخيتك ياوليدي ذا المره بس بعدين اذا عادتها بفكك عليها
طالع صالح في شوق الي ماده لسانها ضحكت هيفاء:هي عيب تمدين لسانك لاخوك
طالع صالح فيها بحده وهو يمد اصبعه لها:انتي الي بديتي الموضوع وانتي تحملي وش يجيك
ضحكت شوق وهي ماده لسانها:وش بتسوي
هز صالح راسه:بتشوفين وش بسوي
ضحكت شوق واشواق الي كاتمه ضحكتها من شكله المبلول والمعصب لف على اشواق:ليكون انتي لك يد!!
رفعت اشواق يدها:مالي دخل
رجع صالح يلف ظهره نطقت هيفاء بقلق على صالح:صالح لايدخلك البرد
دخل صالح داخل البيت وهو مصعب وشاد على نفسه وعروقه طالعه ،رجع جبر يجلس وهو يضحك على شوق:والله انك خبيثه ان عدتيها بتركك بين يده
مدت شوق بوزها بزعل:باباا هو دلوع
شهقت هيفاء:دلوع!!مغرقته من فوق لتحت
ضحكت شوق:دعابههه
ضحكت نوره:شويقه ماتخلين حركاتك
توجهت شوق وهي تجلس بجانب اشواق وقعدو يضحكون بقوه وعلى شكل صالح...
-
-

اعذروني على اي خطأ إملائي من غير قصد...

تفاعلكم🐆‼️
،

تيك: a.oeq1
انستا: s__4772