وأنا فِي مَوج حُبك شراع يتهادىٰ

البارت السادس عشر

<<12:30ص>>
صحت شوق وطلعت برا غرفتها طالعت في التجهيزات الي كانت راقيه ومجهزينها من اول توجهت عند شيهانه
ودقت الباب ودخلت شافت شيهانه صاحيه وحاطه ماسك ورابطه شعرها لفوق ومجهزه فستانها ضحكت شوق
:توقعتك ماصحيتي لكن صاحيه بقوه
ابتسمت شيهانه:صاحيه من الساعه 9
شوق:ويت البنات ماصحو!!
هزت شيهانه راسها:مااتوقع احد صاحي غير امي وامك وجدتي وجدي وابوك
شوق:ويت بروح اشوف
طلعت شوق وقبل لاتنزل تحت التفتت على جناحهم ابتسمت بخبث وتوجهت لهم دقت الباب بقوه محد رد دخلت بهدوء
شافت الصاله فاضيه تذكرت ان صالح بالدوام توجهت لغرفتهم ودخلت شافت اشواق منسدحه بعشوائيه رجلها فوق راسها
وكانها متشقلبه ضحكت شوق وجت تدور جوالها بجيبها ماحصلته:حسافه كان صورت وضعيتها
توجهت لها وهزتها لين صحت ، صحت بتعب وفاتحه عين ومسكره عين وتطالع في شوق بفهاوه
شوق:قومي يابنتي العزيمه شوي وانتي ماجهزتي نفسك
اشواق بفهاوه وتأثير النوم للحين فيها:اي عزيمه؟
شهقت شوق ورجعت تهز كتف اشواق:ياهبله عزيمه ابوي اليوم
شهقت اشواق وفزت من مكانها:امانهه ليهه توي اتذكرها
شوق:يلا صحصحي وانزلي تحت افطري
هزت اشواق راسها وطلعت شوق من الجناح صحصحت اشواق وتوجهت تغير بجامتها وربطت شعرها بعشوائيه
ونزلت تحت كان الكل عند الطاوله الا هو استغربت وتوجهت تسلم على راس جدها فهاد وراس خالها جبر وجلست
فهاد:يامصعب جهزت الذبايح؟؟
هز مصعب راسه:اي كلها موجوده وصالح اذا خلص من دوامه بيجي ياخذها ويوديها للمصلخ
طالع فيهم فهاد:وانتم ليه ماداومتو مع صالح في الشركه؟؟
ابتسم مصعب بورطه ولف على هتان ورائد وتميم:صالح وراكان يكفون ويوفون
طالع فيهم فهاد:لا والله؟
ابتسمت نوره:ههههه ابوي قفل على الموضوع بعدين سفل فيهم
ضحك مصعب وتميم بقوه:شكرا انقاذ مطلوب
ضحكت نوره :واجبي
طالعت اشواق في امها ويوم انتبهت لها شالت عينها ماتدري ليه ماتعتبرها امها
حتى تجاهلتها وقامت من الطاوله بهدوء:كثر الله خيركم
ابتسم فهاد:عافيه
توجهت للجناح ولحقتها آيار وشوق
شوق:هي اشواق
لفت اشواق :هلا؟
آيار:وين بتروحين بتجي الكوفيره شوي تعالي حطي ماسكات معنا
ابتسمت اشواق:تمام بس باخذ شور واجيكم
راحو آيار وشوق وتوجهت اشواق للجناح تاخذ شور...
-
<<عند صالح>>
جالس عند المصلخ بعد ماخلص اشغاله مسك جواله ودق على اشواق وماردت
دق مرتين وثلاث ولا ردت زفر بضيق وهو يتحلطم:ياليلل شكلي بتاخر مايمديني ابخر واعطر ثوبي
راح للواتس وكتب لها تطلع ثوبه وغترته وعقاله وتبخره لان هو مطول
،
<<>>
طلعت اشواق من الشور تقدمت لتسريحتها وهيّ تناظر هيئتها، بروبها القطني البينك المربوط على جسَدها الرشّيق
،التفتت على جوالها الي توصل منه رسايل اخذته وشافت رسايله يقولها تطلع ثوبه وتبخره توجهت لغرفه التبديل
الي داخل الغرفه وكان هواء مكيف غرفه التبَديل ينعش رجولها المبلله توجهت للخزنه وطلعت ثوب ابيض
واحتارت وش تاخذ له غِتره طلعت ،غِتره بيضاء وتوجهت لدرج عقاله واخذت عقال ، علقت ثوبه وبجانبه
شماغّه الابيض وحطت عقاله على التسريحه، طلعت من الغرفه البَارده وتوجهت تنشف شعرها المبّلول ،نشفته
واخذت جوالها وطلعت من الجناح وتوجهت لغرفه شوق ماحصلتها وغرفه شيهانه وآيار وديما ماحصلتهم كلهم
نزلت تحت بوربها نفسه ماغيرته شافت هيفاء وابتسمت وهي تسالها:فين البنات؟
،لفت عليها هيفاء المشغوله الي توصي الخدم على التقديمات واشياء كثير:في غرفه الصالون
عقدت حاجبها:غرفه الصالون؟؟
اشرت لها هيفاء وتوجهت لها دخلت، وحصلت البنات كلهم موجودات وحاطين لفّافات الشعر ولابسين روب بينك والكوافيرات حولهم ،ويحطون لهم بدكير ومناكير، ابتسمت اشواق والتفتت آيار عليها:اشواق جت
ابتسمت اشواق وابتسمت شيهانه:وش بتبدين فيه اول شعرك ولا الميكب ولا المناكّير ولا المساج؟
ابتسمت اشواق:احس المساج
ابتسمت ديما الي يسوون لها مساج:تعالي جنبي
توجهت اشواق بجانب ديما وجلست كانت الغرفه كلها بينك وانيقه بشكل وفي مرايات بكل مكان تقريبا
،خلصت من المساج ثم المناكير وكانو البنات يسولفون ويضحكون ويذبون واشواق نفس الشيء وياخذون
سيلفي ضحكت شوق:يلا سيلفي اخير عشان بعدين اذا تزوجنا وجانا بزران نوريهم كشختنا
ضحكو البنات والتفتت ديم على اشواق:وش بتسوين شعرك؟
اشواق:معرف الصراحه
شيهانه:قصي شعرك وحطي لفافات وربي بيطلع بيرفكت
ابتسمت شوق :ايي قصيه وسوي زي ماقالت شيهانه
ابتسمت اشواق:حبيت الفكره
اشرت اشواق للكوفيره تقص عند ظهرها ،قصت اشواق والتفتت للمرايه تقيم شكلها وتحرك راسها:احس شعري صار خفيف وسهل يتحرك
ضحكت آيار:وربي يجنن عليك تكفينن
لفت ديم الي تسوي ميكب:مره حريقه
ابتسمت شيهانه:شفتو كيف مختصه انا
ضحكت شوق :بتسوين لفافات لازم بيطلع شكلك بيرفكت
ابتسمت اشواق:تمام
حطت لفافات والتفتت آيار لشوق:شوق انتي فاضيه روحي اخذي طلب ستاربكس وصل المندوب
زفَرت شوق :ياليلل
طلعت شوق وهي لسا ماسوت شعرها وحاطه ماسك اسود ومو باين الا عينها طلعت بسرعه وطلع في وجهها رائد الي كان داخل وفز اول ماشافها:بسم الله الرحمان الرحيم لايجوز ترويع المسلم
طالعت فيه:انت ابليس مو مسلم
ضحك رائد :شكلك حريقه وين رايحه؟
طالعت فيه وشمقت:بستلم طلب ستاربكس
شهق رائد:بتروحين بهذا الشكل لاحول ولا قوه الا بالله انثبري بروح اجيبه
شمقت له:شايف نفسك على وش
ضحك وراح ياخذ الطلب ودخل وشافها متكتفه عند الباب اخذت الطلب ودخلت طالع فيها ونطق بصوت عالي:مافي شكرا واسف
لفت وطالعت فيه:على وش شكرا واسف
تكتف رائد:اولاً اسف لانو خرشتيني ثانيًا شكرا لاني جبت الطلب
طالعت شوق فيه:غصب عنك
شهق رائد:والله ماتستاهلين الشرهه علي
دخلت الغرفه وطالعت البنات وحطت الطلب عند التسريحه حقت الصالون، لفت اشواق عليها وضحكت
:اشبك منفسه؟
ابتسمت شوق بقهر:سلامتكم
توجهو البنات يتصورون مع كوب القهوه اخذت اشواق كوب القهوه وماقدرت تقول للبنات اني مااشربها
اخذت وشفطت اول جغمه وحست ان جذبها الطعم مو زي القهوه السوداء الي شربتها من صالح
ابتسمت وبدت تشربها طبيعي ، دخلت دلال وكلهم انصدمو ومايدرون وش جابها هنا ومين قال لها اصلا
طالعت دلال في أشواق وشمقت لها ونطقت بغنج:خالتو قالت لي اجي هنا اتكشخ عند البنات
جلست بغنج :بسوي ميكبي شعري سويته
طالعو البنات ببعض بصدمه وهمست شوق:يالبجيحه
ابتسمت دلال بغنج:نعم؟ماسمعتك
لفت اشواق بظهرها وحطت الفافات وهي متجاهله وجودها،التفتت دلال لاشواق :اوميقاد شعرك مره لا!
ابتسمت اشواق ولفت عليها:محد طلب رايك
ضحكت شوق تستفز دلال ولفت دلال على اشواق بحقد ونطقت بغنج:قرويّه ماعليك شرها
فتحت اشواق عيونها بقوه ونطقت شوق بحَده:شايفه شك...
اشرت اشواق لشوق انها ماتكمل كلامها وشمّرت اكمامها وابتسمت وهي رافعه حاجبها:تبين اعلمك مين القرويه فينا؟
حطت آيار يدها على فمها وتوجهت اشواق وابتسمت دلال ووقفت بثقه وتغنج :ايش بتسوي؟
حطت اشواق يدها على كتف دلال ودفت دلال يد اشواق وابتسمت اشواق وسحبت شعر دلال بكل قوتها ودفتها على الارض
وبدت تبكي بقوه بعدت اشواق عنها رجعت اكمامها وجلست طبيعي ودلال منهاره نطقت دلال وهي تشهق
:والله مابعديها لك يالمتوحشه
قامت وطلعت من الغرفه والبنات فطسو ضحك على شكل دلال ويعززون
آيار:اهخخ طلعتي حرتي بدالي
شوق وهي تضحك:وربي ماتوقعتك كذا طلعتي مب سهله
ضحكت اشواق وقعدو يسولفون ويضحكون...
-
<<عند صالح>>
جاء بينزل من السياره تذكر كيس كارتير طلع الكيس وخباه وراء ظهره
دخل البيت وهو يحس يحتاج شور من ريحه الذبايح وتوه مسوي دقنه وشعره ومرتبهم توجه للجناح
دخل ماحصل احد واضح مو موجوده خبى الكيس بدرج مكتبته ودخل ياخذ شور
-
<<6:20م>>
خلصو كل البنات وبقى اشواق بس تفّك الفافات سوت ميكبها السَنبل ميكب ناعم وحلو مره وأبرز ملامحها
جمال وخصوصا عيونها الواسَعه، ابتسمت اول ماخلصت ميكب ولفت على البنات الي انعجب بشكلها وبدو يمدحون
شكل اشواق ابتسمت وهي تأشر على الكوفيره تفك اللفافات:تصدقون دلال اختفت؟
ضحكت ديم بقوه:جاها مشد في شعرها
ضحكو البنات بقوه لدرجه مسكو بطنهم من الضحك شهقت اشواق بنص ضحكهم:نسيت احط بخور
طلعت من الغرفه وتوجهت للمطبخ قعدت تدور بالمطبخ الكبير الفحم ماحصلته زفرت بملل وشافت
ميالا خدامتهم اشرت لميالا تجي وجت
اشواق:ميالا فين فحم حق بخور؟
اشرت لها ميالا وراحت تاخذه وولعت عليه وهي تنتظر ابتسمت ميالا لاشواق
:ما شاء الله سيم سيم عروسه
ابتسمت اشواق:حبيبتي انتي هههههههههه
،خلص الفحم واخذته اشواق واخذت المبخره طلعت فوق ودخلت الجناح ماتدري اذا هو موجود او لا
توجهت وطلعت فستانها الي شرته يوم كانو بالرياض المورد بورود ورديه وفيه فتحت ظهر كبيره وقصير عند الركبه
وضيق من عند الخصر مره ابتسمت اشواق وعلقته بجانب ثوب صالح وبدت تبخرهم وتبخر شعرها وتبخر شماغ صالح
حطت البخور عند التسريحه وسكرت باب غرفه التبديل ولبست فستانها توجهت للتسريحه تتامل هيئتها كانت حاطه ميكب
خفيف وناعم جدا وشعرها كان مقصوص بشكل مرتب وكانه مدرج وفستانها الي كان ماسك على خصرها مره وماسك عليه مره ومبين رشَاقتها وطالعه ملاك بمعنى الكلمه توجهت برا الغرفه تاخذ كعب من عند شوق
دخلت غرفه شوق الي كانت متكشخه ومخلصه كان شكلها انيق جدا وماسوت الا تكسير لشعرها ولابسه فستان قصير
عند الركبه وميكبها تقريبا بينك وطالعه حلوه ، قاعده تحط اكسسوارتها لفت يوم شافت اشواق
: جيتي بوقتك شوفي ودي ارجع اسوي تان مره خف التان
ابتسمت اشواق:لا بالعكس وربي طالعه صاروخ 
ابتسمت شوق :اقوى مدحه
ضحكت اشواق وطالعت بشوق:شوق عندك كعب يناسب فستاني
طالعت شوق في اشواق وشهقت:يمه تهبلينن توي انتبه وربي طالعه مزه بشكل
ابتسمت اشواق بخجل:ترا كذا بتخليني اخش بدولاب وماعاد اطلع
ضحكت شوق:لو اني ولد تزوجتك
ضحكت اشواق وتوجهت شوق لخزانتها وطلعت كعب شفاف حلو وفيه الماسه بالنص لفت شوق على اشواق ومدت
لها الكعب:شوفي يجنن ذا على فستانك مره
ابتسمت اشواق واخذت الكعب معها وتوجهت للجناح دخلت وحطت شعرها على كتفها وجلست على السرير تلبس
كعبها ،طلع من الحمام وهو رابط المنشفه على خصره وماكان يدري ان فيه احد وتجمدت عروقه يوم شاف المُلاك الي
قدامه ومعطيته ظهرها المكَشوف سُرح فيها لثواني لفت عليه وصدت عيونها علطول:تستر طيب؟
تنح اكثر يوم شاف ملامحها انتبه بسرعه ودخل لغرفه التبديل وشاف ثوبه المعلق وعقاله وشماغه اخذهم ولبسهم
،طلع من الغرفه ووقف جنبها على التسريحه وقام يعدل شماغه ويتصنع الثقل بعد ماشافها بكامل زينتها وقلبه تحرك
مو بس تحرك اهتز قلبه وهو بكبره ،كانت تلبس سلسالها وحلقها تذكر الاسواره وحس انه وقته يعطيها توجه
وفتح درج مكتبه واخذ الكيس وتوجه لها ووقف وراها بالضبط طالعت فيه ومد لها الكيس استغربت منه
:وش ذا الكيس
صد عنها وهو ينطق:افتحيه وبتفهمين
فتحت الكيس وطلعت الاسواره وشهقت بقوه:هاهه هذيي الاسواره الي بسعر كليه الي كنت ابيها؟؟
طالع فيها لثّواني ورجع يصد:معليك من سعرها البسيها اليوم
ابتسمت بقوه:شكرا مره
اخذتها وجلست على السرير وحاولت تلبسها بس ماعرفت آشر لها صالح تمد يدها استغربت :وش تقول؟
صالح:مدي يدك اسويها لك
ابتسمت ومدت يدها واخذها وجلس على ركبته يلبسها الاسواره طالعت فيه لثواني تتامل ملامحه بهدوء ثم يوم طالع فيها
لفت عينها
صالح:خلصت
ابتسمت اشواق:شكرا مره ثانيه
ابتسم صالح:العفو
طالعت فيه وفي كشخته وتوجه يلبس ساعته ابتسمت وبدون ماتحس نطقت :طالع حلو
رفع عينه لها وطالع فيها حطت يدها على فمها:يعني قصدي كشخه ماقصدي شيء
نزل انظاره لحذيانه وهو يخّفي الابتسامه ولفت اشواق على المرأيه تتعطر تعطرت من عطر كانت ريحته
حلوه بشكلٍ وتجذب رفع راسه ووقف:ريحه العطر حلوه
ابتسمت :ايي مره احبه اذا خلص علطول اروح اشتري منه
طالع فيها:رجعي شعرك على وراء
عقدت حاجبها:ليه؟
مسك شعرها بخفه ورجعه على وراء :كذا احلا
طلع وطلعت وراه ومشت بجانبه انتبهت شوق لهم وابتسمت وهي تهمس :مقدر كوبلي لازم اصورهم
صورتهم وهي تضحك...
-
-

اعذروني على اي خطأ املائي من غير قصد

تفاعلكم🐆‼️
التبيشهات كلها بستوري انستا-s__4772-