وأنا فِي مَوج حُبك شراع يتهادىٰ

البارت الاول

الساعه 6:40 المغرب
-
في احد ديار الحجاز البسيطه جالسه بغرفتها ومتضـايقه سمعت صوت
الباب دخلت نوف وهي تركض وتلهـث:اشواقوههه الحقي ابوي جايب تميس يحبه قلبتس
زفرت اشواق بضيق :مابي انتم اكلو انا شبعانه
وسعت نوف عيونها:كذابه انتي لو في بطنك كل انواع الاكل وشفتي التميس بتاكلينه كله
سكتت اشواق وكملت نوف وهي تشاهق:هههااا ليكون مكدره خاطرك عشان زواج ماج...
نطت اشواق من مكانها وسكرت فمها:لااا مادريت عنه اساسا بس كذا فيني شعور غريب
ناظرت نوف في اشواق بطرف عين:ايي شعور غريب منه هين اوريك
طيرت اشواق عيونها :وش بتسوين!!
نوف بطرف عين:بس بقول لابوي
مسكت اشواق يد نوف وهي تترجاها:لاتكفين مابي خاطر عمي يضيق
لفت نوف:وانتي عادي خاطرك يضيق عشانه
نزلت اشواق راسها بيأس:لا
نوف:اجل خلاص امشي اكلي معنا
زفرت اشواق:طيب
طلعت نوف من الغرفه وتوجهت اشواق لمرايه
ترفع شعرها رفعت شعرها البني الطويل الي ورثته من جدتها ام ابوها
سرحت ثواني وهي تتامل ملامحها الي كانت هاديهه وجذابه بشكل مو طبيعي
خصوصا عينها الي كانت واسعه وفيها سحبه حلوه لعينها الي لونها عسلي فاتح
وخشمها الحاد بشكل سيف وشفايفها وسط وحواجبها الكثيفه كانت ملامح اشواق
تجذب الكل لها وكان طولها ورشاقتها الي ماتدري من وين جتها تجذب اكثر واكثر
ربطت شعرها ونزلت تحت لقت بنات عمها الثلاث كلهم موجودين الا وعد
جلست باستغراب تدور وعد لفت على عمها عامر:عمي وين وعد؟
ابتسم العم عامر :والله مدري بس قالت لي بتروح لحصه شوي وتعود (ترجع)
ابتسمت اشواق لعمها الي كانت تحبه اكثر من اي شيء بحياتها لانه تحملها من يوم وفاه
ابوها ورميت امها لها امها ماتعرف مين هي اساسا اما ابوها ماشافته الا ميت قدامها ودمه
يسّيل مذبوح مستحيل تنسى اشواق ذاك اليوم الي كان عمرها 5 سنين وهي راجعه من البقاله
مع ابوها وكيس الحلويات جايبه لبنات عمها معها وتسولف مع ابوها وهم طالعين من البقاله
لف ابو اشواق (سليمان) وتنهد وانحنى لمستوى اشواق:يابنتي انتبهي لنفسك
كانت ذيك الكلمه الاخيره الي قالها سليمان لبنته وكانه حاس وشبيصير له
طخخ...
ارتمى سليمان على الارض واشواق فاتحه عيونها من كل قوتها من الصدمه
ابوها طايح على الارض ولدم مغطي وجهه مسكت اشواق ابوها وهي تصارخ
:باااباااااا
بس للاسف انفاسه انقطعت من الطلقه الاولى لان الطلقه جت على قلبه
لفت على القاتل شافته متلثم ومو باين الا عيونه وثوبه الرمادي
من صدمه اشواق اغمى عليها في نفس اللحظه صحت ولقت نفسها في بيت عمها
عامر...
-
اكلت هي وبنات عمها وعمها ومرته منيره الي كانت تسترق نظرات حاده
لاشواق ماتعرف وش سبب كره زوجه عمها لها وهي ماقد ضرتها تجاهلت اشواق نظراتها
وطلعت للحوش وجلست في الفرشه الي مفروشه وفيها دله قهوه جلست
وهي تشوف الغروب الي مابقى من نور الشمس الا شوي
طلعت فتون وعزيزه وجلسو قبال اشواق
فتون:وشعندك شكل الهواجيس جاتك
ابتسمت اشواق:اتامل غروب الشمس
انفتح الباب ودخلت وعد وهي تشلع عبايتها
ابتسمت وعد وهي تقرب
عزيزه بفضول من وجه وعد الغريب:جايبه وفي بطنك علم اخلصي تعالي
ضحكت وعد :وكيف عرفتي ابشركم جايبه لكم اخبار الديره بس بفسخ عبايتي واجبكم
كلهم تربعو ومتحمسين لسوالف وعد الي تاخذها من حصه
قامت اشواق وهي تقول:وانا بجيب الشاهي واجي توني مجهزته العصر
عزيزه:اييي بالله بوقته
ضحكت اشواق وهي تقوم تجيب الشاهي من المطبخ دخلت وشافت عمتها منيره (زوجه عمها)
متكيه على الطاوله ابتسمت اشواق ودخلت وهي تسلم
منيره من دون نفس:وعليكم السلام
اخذت اشواق دله الشاهي وحطت مويه حاره وسكر واخذت ورقه الشاهي وحطتها
تكلمت منيره وهي تشرب من الشاهي :الحين بسالك انتي الخطاب عند بيتنا اربع وعشرين
ساعه ولا توافقين جاك دكتور وجاك ضابط وجاك رقيب وجاك عسكري وجاك محامي وكل واحد ازين
من الثاني ولا وافقتي تعبتي عمك كل حريم الديره طلبو يدك وعيالهم ماجاء زينهم ولا انتي موقفتن نصيبك
عشان ماجد؟
لفت عليها اشواق:والله انا ماني موقفه نصيبي عشان احد بالنهايه انا استخير ولا ارتاح وماجد الله
يوفقه ويستر عليه وبكرا زواجه هو ماوقف نصيبه عشاني تبيني انا اوقف نصيبي عشانه
وانا اذا بغيت الزواج تزوجت مو شرط اني موقفه نصيبي عشان شخص
لفت اشواق وخذت الشاهي والفصفص وطلعت هي ضاق صدرها لكن مااهتمت تعرف
ان مره عمها تسوي نغزات لها عشان تتزوج وتطلع من بيت عمها
طلعت وهي تتصنع الابتسامه:جاكم احلا شاهي يحبه قلبكم
جلست وهي تتربع وتصب للبنات شاهي
طلع العم عشان يتوجه للمسجد يصلي
ضحك وهو يشوف جمعة بناته :اعوذ بالله ذي الجلسه كلها ذنوب
الكل:هههههههههههههههههههههه
العم عامر:صلو يابناتي لاتنسون الصلاه
الكل:ابشر
لفت وعد وكلهم لفو معها بحماس
وعد : يقولون ان ماجد وتركي متهاوشين لدرجه جت بينهم نغزات بالقصايد
فتون:ايييي امس يوم رحت البقاله اشوفهم يطالعون بعض بطرف عين
وعد:خليني اكمل لكم السوالف
اشواق :كملي يلا
وعد بحماس:وماجدد قال قصيده وكل بنات الديره ورجال الديره يبون يعرفون المقصوده
فتون وهي عاقده حواجبها:ماجد ماغيره؟؟
وعد:اييي انا حافظه نص القصيده
اشواق :قوليها
وعد بنبره تحاول تقلد الشعار
:صرت اخاف اني اجيه ولايبي مني كلام
اخاف احكي بشوقي ويفهم اني موت ابيه
مدري هو فاقدني ولا عادي من دوني ينام
مدري هو مشتاق قربي ولا ماوده اجيه
كل يوم يمر فيني من العنا الفين عام
دنيتي تصعب علي وضاق صدري بالي فيه
اه لو نسنس على من طرف ثغره كلام
اه لو اسمع علومه بس واتطمن عليه
-
تنهدت وعد وهي تقول:حلقي راح
فتون وعزيزه وهم يصفقون:صح لسانك يابنت عامر
ابتسمت وعد:لا داعي لا داعي
سرحت بعيد اشواق وهي تفكر عارفه مين المقصوده
والكل عارف لكن يستغبون عشان ماتتحسس
لفت وعد وهي تقول :وتركي بعد هو الي حير اهل الديره اكثر
بقصيدته ومايدرون مين المقصوده
عزيزه :قوليها
تنحنحت وعد وهي تقول
: وانتي في هذا العمر فتنه حياة
وقفي عند هذا العمر سنين
احضني طيشك مثل نجم وسنه
ولو يناديك الزمن.. لاتكبرين
فتون باستغراب:والله واضح طايح على وجهه
عزيزه:ياحظ المقصوده
زفرت اشواق بضيق وهي تعرف ان تركي يحبها وبسببه تكنسل زواجها هي وماجد
:الله يوفقه
دخلو كلهم داخل البيت وراحو يصلون
-
<<الساعه 7:20>>
صلت اشواق وخلصت وانسدحت على فراشها تفكر في قصيده
ماجد وش كان يقصد وليه يقولها وهو زواجه بكرا ليهه بعد ايش؟
كانت اشواق تعيش صراع بداخلها لين نامت بدون ماتحس
-
<<1:19م>>
صحت اشواق طالعت بالساعه الا استوعبت ان فاتتها صلاه العشاء
فزت من مكانها بسرعه وراحت تتوضى وتصلي سلمت وقامت فردت شعرها
البني الفاتح الطويل لفت نظرها للغرفه مافي احد فيها
:شكلهم سهرانات بروح ادورهم
طلعت اشواق من الغرفه وطالعت في الصاله مافي احد راحت
للمطبخ اخذت لها بسكوت وطلعت للسطح :متاكده انهم كلهم هناك
صعدت للسطح وطالعت لقتهم مسوين جلستهم المعتاده فرشه بسيطه وانوار خافته
عشان يطالعون نور القمر وشبسات وشاهي وبسكوت
لفت نوف:هلا هلا توك تصحين
تذكرت انهم ماصحوها للصلاه ناظرت فيهم بغضب :ليهه ماصحيتوني اصلي!
فتون باستغراب:ماصحيناك تصلين انا صحيتك ورحتي تتوضين وشفتك تصلين قدام عيوني
شهقت اشواق: ياكذابه انا مااتذكر
فتون بصدق:وربي اني شايفتك
وعد وهي تضحك :ههههههههههههههه تطورت اشواق صارت بدال ماتمشي وهي نايمه وتسولف وهي نايمه
صارت تصلي بعد قلبك عامر بالايمان ههههههههههه
الكل :ههههههههههههههههههه ياسخافتك
جلست اشواق وانسدحت على رجول نوف
طالعت وعد في اشواق:بتحضرين بكرا معنا العرس
تنهدت اشواق: لا
طالعت نوف بعصبيه في اشواق:منجدككك انتي ماتبين تحضرين والله لاتحضرين
عزيزه:صدق يعني هو مستانس ومتهني ولا اهتم وانتي مكدره خاطرك
اشواق:ماكدرت خاطري ولا دريت عنه
شهقت نوف :هههاااا بالكذابه اليوم شايفتك مكتئبه وانتي بكبرك اعترفتي
اشواق بصوت شبه عالي:نوفففف
طالعت وعد في اشواق:منجدك انتي والله لاتروحين وتعلمينهم انك مادريتي عنه انتي
شايفه خواته جايين يعزمونك ويقولون لازم تحضرين وكانهم يضحكون عليك على انك مارح تحضرين
عزيزه:اي والله والله لو اني بدالك اني لا اتكشخ والبس احسن لبس واروح ارقص ولا همني
نوف:وين اشواق القويه الي ماهمها بالنهايه تضيقين صدرك عشانه ؟
اشواق بحماس من كلام البنات:خلاصص خلاصص بروح
كلهم شهقو بفرح ووناسه
-
الساعه 4:20 الفجر
شهقت عزيزه وهي تشوف الساعه
كلهم:شفيك
عزيزه بخوف:بناتتت ابوي بيصحى الحين عشان الصلاه باقي دقيقه
واذا شافنا سهرانات حش رجولنا حش
كلهم قامو يشيلون الاغراض ويتركضوون ومحتاسين
نزلو مع الدرج بخفه ويركضون للغرفه الا وعد طاحت وانفتح باب غرفه العم عامر
البنات سكرو الباب وسحبو على وعد الي متورطه وقامت بسرعه توجهو البنات كل وحده لفرشها
وسريرها وانسدحو بعشوائيه  وهم يسمعون صوت عمهم يسال وعد شتسوين هنا
وعد بتوتر:كنت بروح الحمام
العم عامر بشك:طيب في حمام بغرفتكن
وعد:ههيهي ريحته مو حلوه
انحرج العم عامر من رد وعد ووعد بكبرها انحرجت
البنات كتمو ضحكتهم من رد وعد الغبي والي متاكدين انه احرج العم عامر
دخلت وعد وهي تدعي على البنات اول مادخلت كلهم انفجرو ضحك بصوت واطي
الا ضحكه اشواق الرنانه الي كان صوتها عالي شوي
دخل العم عامر بقوه اول ماسمع الصوت:وشذا الصوت
الكل:خششش
وعد:هيهيهي شخير نوف انت تعرفه
نوف بانفعال وبالغلط:كذابههه مو انا ذي ضحكه اشواق
العم عامر:اهااا سهرانات
كلهم صحو الا عزيزه مسويه نفسها ميته
اشواق:والله ياعمي ماعندنا محتوى غير السهر المعذره والسموحه
العم عامر وهو يضحك:خلاص لعيون بنتي اشواق بسامحك هالمره
اشواق تطالعهم بانتصار
نوف:يشيخ وحنا مو بناتك
ضمهم العم عامر: كلكم بناتي
نطت عزيزه من مكانها عشان تصير معهم
كلهم:مو على اساس نايمه
عزيزه بورطه:تمثيل
كلهم:ههههههههههههههههههههه
توجهت كل وحده تصلي الفجر وتنام...
-

تفاعلكم🐆‼️