صاحت منال بضيق :- دخلت عليهم الاوضة لقيتهم بيتفرجو علي افلام قليلة الادب علي التليفون
ليلي بخوف :- والله يا اخوي منال فاهمة غلط
عهد :- ايه اللي بتقوليه ده انتي كدابه
علي بحدة :- بس كفاية منك ليها ...نظر ل ليلي :- انزلي تحت ...والصبح لينا كلام تاني ....وانتي قدامي
منال بضيق :- بتقول عليا كدابه واسكتلها
علي بحدة :- قولت علي اوضتك يلا
زفرت بغضب وغادرت فاغلق الباب علي عهد وتغادر
بقيت عهد تدور في الغرفة بغضب وتنظر للهاتف المحطم لا تصدق ما فعلته هذه المرأة .....فضربت قدمها في الارض
في الصباح
جلست نجوي ومنال تحكي لها ما حدث امس فقالت بغضب :- وهو سابها مكلمهاش
منال :- لا سابها
نجوي :- طبعا ما هو شاطر يركب اللي ميسووش علي كتافنا بس متزعليش انا هجيبلك حقك .....
نظرت لامها التي غادرت للمندرة حيث يجلس سلمان ينتظرهم ليحضروا الافطار فقالت بغضب مصطنع :- صباح الخير يابا الحاج
نظر لها سلمات وقال بصوته الغليظ :- صباح النور
نجوي :- يرضيك يابا الحاج البنت الجديدة بنت كمال تشتم منال بنتي وتقولها كدابة ....عشان ايه عشان ظبطتهم هي والبت ليلي بيشوفو افلام وحشة في اوضتهم
نظر لها سلمان بغضب وقال بتقولي ايه .....لايصدق ان نساء في بيته علي وشك الانحراف دون ان يدري فقال :- قدامي ....
دخل للقصر وقال بغضب :- جليلة ....انتي يا جليلة
كانت منال تشاهدهم من خلف حائط المطبخ فخرجت جليلة من غرفتها وقالت :- ايوة ياابا الحاج ...
سلمان بنتك فين
جليلة :- جوا ...خير حصل حاجة
سلمان :- طلعيها ....عاوزها ...
نظرت لنجوي التي تقف خلفه شامته فقالت وعلمت ان هناك مكيدة فقالت "- حاضر هصحيهالك ....
نزل علي من أعلي كعادته فتفاجأ حين رأي جده واختبئت منال فقال :- خير يا جدي في ايه
صاح سلمان :- خير وهييجي منين الخير ...علي اخر الزمن دخلت حية لبيتي لازم احط عيني وسط راسي ...
علي بضيق :- جدي ....قولي انت بتتكلم علي ايه ....
سلمان :- بنت مراد باشا قاعدة هي واختك يشوفو معرفش افلام ولا حكاوي قليلة ارباية كيفهم واحنا نايمين علي ودانا
نظر علي لنجوي التي تقف خلفه فعلم ان منال اخبرتها فتنهد بضيق ...
سلمان :- نجوي ...
نجوي بلهفة :- ايوة يا ابا الحاج
سلمان :- صحي لي البت دي ....وانتي طلعيلي بنتك
اغمض علي عيناه فجده لن يمرر ٨ذا الامر طالما يتعلق بعهد ...
فزعت عهد حين وجدت نجوي توقظها بعنف وقالت :- انزلي يا قليلة الرباية ....انزلي ....
حاولت استيعاب ما يحدث فقالت :- ايه ده انتي بتعملي ايه هنا ....
نجوي :- ابوك الحاج سلمان عاوزك ....
نظرت لها عهد بعدم فهم ثم جذب جاكيت وارتدته علي بيجامتها قبل ان تجرها نجوي كمتهمة وتنزل بها للدرج ....حاولت عهد التملص منها لتستوعب ما يحدث ولكنها كانت غاضبة منها بطريقة لا تفهمها ...
استغرب علي حين رأها تسحبها بقوة ويبدو عليها علامات النوم وملابس نومها اسفل الجاكيت وشعرها مبعثر علي وجهها ...دفعتها امامهم فوجدت عهد علي وسلمان وجليلة وكذلك ليلي فقالت بغضب :- في ايه انا مش فاهمة حاجة
اندفع سلمان الذي غضب اكثر من منظرها وشعرها وهم ليجذبها فارتعبت ولكن يد علي القوية جذبتها اسرع منها ووضعها خلف ظهره فتمسكت بعباءته لا اراديا تحتمي به ....
قال علي بغضب شديد :- جري ايه جدي ...من امتي بتخلي النسوان تمشيك وتسمع كلامهم ....
سلمان :- مكسرتش دماغهم ليه ....
علي :- عشان مشوفتش بعنيا ....
نجوي بغضب :- بنتي منال شافت ...
صاح علي بغضب :- منال ...منااااال ...
مع كل صوت عالي كانت تشبثت به اكثر وترتجف لاول مرة تراه غاضبا هكذا ...اتت منال مسرعة فقال :- انتي شوفتي العيال دي بتتفرج علي ايه
نظرت له وهو يخبئ عهد خلف ظهره ٥قالت بغيرة :- ايوة شوفت اومال بتبلي عليهم ...مشغلين فيلم قليل الادب استغفر الله العظيم
علي :- احلفي يمين تلاته ....
ترددت منال تردد لاحظه ولكنها قالت - والله العظيم تلاته
سلمان :- شوفت ...لا والبجحة ام عين جاحدة بتشتمها ....البنات دي عاوزة رباية من اول وجديد واني هربيهم
تنهد علي ثم قال ليبعد الموضوع عن عهد :- العيب مش عليها يا جدي هي مش تربيتنا ....العيب علي بنتنا اللي متربية الملام ده صح يا ليلي
كانت ليلي تنظر ارضا بخوف من علي ولكنها ..اومات ليلي فصدمت عهد ، ولكنها صدمت اكثر حين هوت صفعة قوية من علي علي وجه ليلي جعلتها ترتد للخلف بألم ....شهقت بالم وتراجعت وهي تبكي فقال علي :- حسك هينك تتكرري الموضوع ده ...قدام امك المرة الجاية بموتك
كانت عهد تنظر له بعينان متسعة من الصدمة وشعر باصابعها التي كانت تتشبث بعباءته تحتمي بها وهي تتركه وتبتعد بخوف منه ..دخلت ليلي لغرفتها تبكي وتبعتها امها وتركوها معهم فنظرت ناحيتهم برعب
صاحت نجوي :- اه طلعتها بريئة ....وغلطها في بنتي ؟
جذبها من وراء ظهره كأنها لعبه فشهقت بخوف وقال :- اعتذري لها ....
نظرت له ومازالت مصدومة فصاح بها بغضب :- قولتلك اعتذري ....
راي جسدها ينتفض من صوته فقالت بصوت يكاد يكون مسموع ....انا آسفة ...
علي :- خلاص خلصت ولا ايه يا خالة نجوي ....عندك كلام تاني ....
نجوي :- الحق عليا اني ....
علي بعصبية :- خلاص فضيناها .....
غادرت منال مسرعة للمطبخ خوفا من علي ومعها امها وكذلك سلمان الذي نظر لعهد مطولا ثم بصق ارضا باشمئزاز وقال :- صحيح اقلب القدرة علي فمها ....
اغمض علي عيناه وتنهد بغضب فاتاه صوتها مختنقا بالبكاء :- انا عاوزة امشي من هنا ...رجعني لخالو دلوقتي ....
علي:- اطلعي اوضتك
فقالت بخوف :- مش هقعد هنا دقيقة واحدة .....تركته واندفعت ناحية الباب فذهب خلفها وخرجت منال التي كانت تراقبهم هي وامها خلفهم فراتهم وهي تندفع ناحية البوابة ولكن الحرس اغلقوها قبل ان تصل حين اشار لهم علي فالتفتت له وقالت :- انت بتحبسني .... انا عاوزة امشي من هنا
علي :- اطلعي فوق ...انا مش ناقص موال جديد
عهد :- مش هطلع ....ومش هدخل المكان ده تاني ....لو ممشيتش هنا انا هبلغ الشرطة فاهم ....
تنهد علي وحاول التحكم في غضبه ثم امر الحرس ان يفتحو الباب ذهب لسيارته واخرجها ثم اشار لها ان تركب فنظرت لها منال بحنق وهي تراقيهم من بعيد مدت يدها لتفتح الباب بجواره كعادتها ولكنها ترددت وفتحت الباب خلفه وركبت ....
راها علي فهز راسه وانطلق بالسيارة ....تنهدت بارتياح وهي تغادر القصر ثم اسندت راسها علي النافذة وتحررت دموعها وهي تستوعب ما حدث معها .....قتحت عيناها حين توقفت السيارة بعد فترة قصيرة فوجدت نفسها امام بيت عليا ....
فقالت :' انا عايزة اروح لخالو .....
نزل علي وقال :- انزلي ....
عهد :- مش هنزل ....
تنهد وتركها ثم اغلق السيارة عليها فنظرت له بخوف ، ذهب للداخل فاستقبلته عاليا باستغراب وقالت :- خير يا اخويا حصل ايه ...
تنهد بتعب وقال :- خير ..خير ...عيالك فين
عليا :- البنات في مكتب تحفيظ القران وعمر في الشغل ....حصل حاجة
علي :-لا عادي ... اول المكايد نجوي مش هتسكت انتي عارفة
كانت عهد في الخارج تحاول ان تفتح السيارة باي طريقة فالحر هنا خانق والسيارة مغلقة ومكتومة وبدأت تختنق وهو تأخر ....
في الداخل :- حكي لها ما حدث فقالت بضيق :- طيب هي فين دلوقت ....
علي :- برا ما رضيتش تنزل ....عاوزة تروح لخالها وانا مش مستحمل عناد دلوقت
اومات عليا فقالت :- سيبها هنا النهاردة معايا وتعالي خدها بالليل
اومأ علي وقال :- تمام ....
خرج وخرجت معه علي فوجدها تحاول ان تدفع باب السيارة ففتحه فنزلت مسرعة وهب تسعل بشدة وجهها احمر ويتصبب عرق من الحر والشمس فقالت عليا :- اسم الله يا حبيبيتي ....
نظر لها علي فقالت :- تعالي معايا ...تعالي ....
اخذتها للداخل وعلي ينظر لهم ثم تركهم وغادر
جلست عهد فاتت عليا بماء بارد وشربته واخذت تمسح عرقها وقالت :- بس خدي نفسك يا حبيبتي
عهد :- هو راح فين
عليا :- لشغله
عهد بضيق :- انا عايزة امشي عايزة ارجع لخالو ....عايزة ارجع بيتنا
عليا :- بيتك ....ماهو ده بيتك يا عهد ..
عهد :- لا ده مش بيتي ولا عمره هيكون بيتي
عليا :- متبقبش عبيطة ...ده بيتك ودول اهلك واهل ابوك ...خالك مهما كان عنده بيته وعياله مش هيشيل مسئوليتك طول العمر ..هايزة تسيبي حقك وارضك وفلوسك وتروحي تعيشي عالة علي خالك
نظرت لها بصدمة فقالت عليا :- دي الحقيقة يا عهد ...انتي هنا عىيشة في ملكك وملك ابوك ....عاوزة تسيبيه لنجوي وبنتها وتمشي ....انتي تقعدي في القصر زيك زيهم وراسك براسهم
عهد :- انا مش عاوزة كل ده ...وبعدين انتي متعرفيش خالو ...خالو بيحبني ومربيني وبيموت فيا
عليا :- بيحبك اكتر من عياله !!!! .....تفتكري يا عهد لو خالك حاله وقف وشغله وقف هيكفي عياله ولا انتي ....لو خيروه هو ومرته بينك وبين عياله هيختارك !!!
عهد بعدم فهم فقالت عليا :- متبقيش هبلة ومع اول مشكله تسيبي القصر وتمشي اقعدي علي قلبهم
عهد :- هو شهر واحد اللي انا متفقة عليه وبعدها هرجع ...ومش هكمله
عليا :- ياستي حتي الشهر ده تقعدي اقرفيهم فيه عشان ساعة الجد تاخدي ميراثك ويعرفو انك قوية ومياكلوش حقك
عهد :- قولتلك مش عاوزة منهم حاجة
تنهدت عليا :- اسمعيني زين يا عهد ....احنا ستات زي بعض عشان كده هكلمك بصراحة ....انتي بنت و ملكيش حد في الدنيا لا أم ولا أب وجدك مات ...الكل هيتحكم فيكي ويدوس عليكي ..محدش في الدنيا دي هينفعك غير فلوسك وقرشك ده اللي هيخليهم يفكروا الف مرة قبل ما يظلموكي عشان ساعتها هيبقي معاكي قرش ومش محتاجة لهم ....
عيشتي هنا او مع خالك او مع جوزك حتي ...طالما ابوك وامك ماتو لازم يبقي معاك قرش يسندك عشان كده متمشيش الا لما تاخدي ميراثك .....محدش بيسند يا عهد خالك بكرة يستخسر فيك القرش ويعينو لولاده ...والوحيد اللي يقدر يديكي ورثك ويساعدك في القصر ده هو علي ....اوعي تخسريه ...
شعرت عهد انها دخلت في دوامه اكبر منها ...كل ما تريده هو ان تعود لخالها وحياتها الهادئة ولكنها الان تشعر انه قد يفضل ابناءه عليها حقا !!! نلك الافكار تصدمها وتخيفها فقالتعليا :- كلامي هيخوفك في الاول بس بكرة الايام تثبتلك انه صح ....قومي معايا نعمل الغدا ....
كانت منال طوال اليوم غاضبة وهي تتذكر ان تلك الافعي خرجت مع زوجها فقالت امها :- مالك يا بت
منال :- لازم اشوف حل في البت دي ..شوفتي نصرها وخد صفها ازاي
نجوي :- جوزك ده بحوره غويكة
في غرفة ليلي
جلست تبكي وجليلة :- خلاص يا بت عاد مضربتيش بالنار
ليلي :- لا ياما علي ظالم
٠ليلة :- ما انتي اللي اعترفتي علي نفسك يا مخبلة
ليلي :- ما هو مكانش هيصدقني ويكدب مرته ...كلنا عارفين منال بالتسبه له ايه
جليلية :- خلاص ....اخوكي وغلط م٥يهاش حاحة
قامت ليلي بغضب ....اخوي اخوي ...علي عمره ما كاناخوي ....نظرت من النافذه ورات هيثم وهو يسحب الخيل فنزلت دموعها اكثر " متي تتزوجه وتهرب من قسوة علي وجدها وتعيش لاول مره في كنف رجل عادل يحبها ويحميها
في الديوان
جلس علي مع احد التجار يتناقشون فقال التاجر :- عثمان الشعراوي عرض اكتر من كده ...
علي بحدة :- عايز تروح له روح له بس استحمل اللي هيحصل
التاجر :- يعني ايه
علي :- يعني مفيش حد هيقرب من البلد واتا هسكت له ....عاوز تروح له روح له ...بس ساعتها انا معرفكش
التاجر :- كده يا سي علي
علي :- اللي يبعيني مبشتريهوش .....
في بيت عليا
انتهو من الطعام وعهد كانت صامته فقالت عليا :- مالك ...
عهد :- مليش .... ياريتني ما جيت البلد دي هنا ...انا بس كنت عاوزة اعرف معلومات عن امي واقابل ابويا مكنتش اغرف ان ده كله هيحصل
عليا :- معلومات ازاي يعني
عهد :' يعني جوازها بابويا ، موتها ، كل الحاجات دي
عليا :- اتجوزو عادي زي الناس ، وامك وامي الله يرحمهم ماتو في حريقة زريبة البهايم سوا بس
عهد :- انتي كنتي عارفاها
عليا :- ايوا ، لما ماتو كنت واعية وخالتي كانت كويسة مع عم كمال ، وعايشين حياتهم واوعي كمان او ما خلفتك كانت بتجيبك عندنا الاوضة وتقعد مع امي طول العصرية لحد ما عم كمال يرجع بالليل
نظرت لها عهد طالما ان كل شئ طبيعيا لماذ جدها يخبئ عليها ويكره سلمان كل هذا الكره فقالت عهد :- طب ليه انتي وعلي مجيتوش تعيشو مع جدو مراد
عليا :- عشان العيال لابوهم يا عهد ...للعصب اللي خلفهم .والملزم يصرف عليهم ..جدك هيصرف علينا ولا خالك يعني ، اكيد لا مش ملزمين ، ليه نسيب ارضنا وفلوسنا ونعيش عالة علي الناس ، دي غلطة جدك مراد يا غهد مكانك كان وسطينا هنا ...
نظرت لها عهد تحاول ان تستوعب ما تقول ففتح الباب ودخلت الفتاتين بنات عليا ...نظرو لعهد فقالت منار الكبري التي تبلغ ١٤ عام السلام عليكم ....هي دي ياماما
عليا بابتسامة :- آه هي
نظرت عهد لهم فقالت عليا :- منار وخلود بناتي ....دي عهد بنت عمي وبنت خالتي كمان
فقالت خلود الصغري :- دي جميلة اوي يا ماما عنيها حلوة اووي ...هي اخضر
ابتسمت عهد رغما عنها وقالت :- ربنا يحفظهم لك
عليا :- امين .....يلا ادخلو جوا عيرو هدومكم وصلو علي ما اخوكم ييجي ونتغدي
نظرت عهد لعليا وعائلتها ثم قالت باباهم فين
علسا :- الله يرحمه
عهد :- مات ...ازاي
عليا :- دي حكاية طويلة .....
انتهت الفتيات فطرق الباب فقامت منار وفتحت ثم قالت : ده خالو يا ماما
دخل علب ورأي عهد فتبدلت ملامحها لانه سيعيدها للقصر فنظرت امامها بضيق ....قالت عليا :- يلا يا بنات ادخلو اعملو زي ما قولتلكم
جلس علي وعهد وعليا ورأت عليا ضيق عهد فقالت :- عهد ...ايه رأيك تدخلي تساعدي البنات علي ما احط الاكل
تنهدت عهد وقامت تعلم انها تريدها ان تغادر فغادرت لعلها تقنعه ان يعيدها لخالها قال علي حين غادرت :- خير ...لسه لاوية بوذها ليه
عليا :- معاها حق ....البت غلبانة اتكاترو عليها خوفوها يا قلب امها
علي :- ع اساس انها مغلطتش ...
عليا :- انت شوفتها ؟
علي ؛- منال حلفت وليلي سكتت
عليا :- منال ...ومشكيتش ان منال بتكدب ليه يا علي للدرجة مآمن لها ...ده حتي امها نجوي ولا نسيت
علي :- وايه يخليها تكدب وتتهمها باطل
عليا :- الغيرة يا اخوي
علي باستغراب :- غيرة !!
عليا :- ايوة ....البنت صغيرة وجميلة كانها بدر ، وذوق وادب وعلام اكيد هتغير عليك منها
علي :- انتي اتجننتي يا عليا
عليا :- صدقني انا حافظة مرتك اكتر منك....مرتك طلعت من الدنيا بيك وبس كانت هتموت وتتجوزك ولما اتجوزتها هتعمل المستحيل ومحدش يقرب منك عارفة من جواها ان الف ست هتطمع فيك وفي فلوسك ...هو ده اللي جه في بالها يا اخوي صدقني
ظل علي صامتا ثم قال :- ناديها ...ناديها خليها تيجي عشان نروح
عليا :- من غير ما تتغدو
علي وقت تاني عشان جدك لما ميلاقنيش ع الغدا ميقولش اني مشيت وراها ونبدأ موال من اول جديد
تنهدت بضيق ونادت عليها فاتت ومعها الفتيات وقفت خلوي الصغيرة وقالت لامها شوفتي خالة عهد عملت في شعري ايه ....كانت رفعته لاعلي في تسريحة لطيفة ووضعت لها وردة خلف اذنها فنظرت عليا لعلي وقالت :- اومال كلها ذوق ورقة ....
علي :- يلا عشان نمشي ...عليا معلش هنستأذنك في طرحة تانية
نظرت لعليا فاشارت لها ان تذهب معه فتنهدت بضيق لاحظه ثم ذهبت اعطتهم عليا الطرحة وركب السيارة همت لتركب بالخلف مثلما اتت فقال :- انا مش السواق الخصوصي بتاعك ...
نظرت له ثم عادت وجلست بجواره وانطلقو .....
لاحظ انها متغيرة عن كل مرة ركبت فيها بجواره لا تجلس براحة وتميل ناحية النافذه اكثر كانت شاردة في حديث عليا الذي يؤرقها فتفاجأت حين توقف في منتصف ابطريق الفارغ بالسيارة التفتت له ثم الي الطريق فقال بهدوء :- ها عايزة تقولي ايه ؟
نظرت له واستغربت ما فهله ثم قالت :- عايزة اعرف هترجعني لخالو امتي
علي :- لسه الشهر مخلصش
عهد :- مش عايزة اكمل شهر ....مش هستحمل شهر
غلي :- محسساني انك في جهنم .....انتي قاعدة واكله شاربة نايمة محدش جه جنبك
عهد :- واللي حصل النهاردة
علي :- انتي السبب فيه ....
نظرت له بصدمة :- انت مصدق اننا شوفت افلام مش كويسة مع ليلي !!!
نظر امامه وقال :- اديني سبب واحد يخليني مصدقش ...منال شافتكم وليلي نفسها قالت ايوة ...عندك حاجة تخليني مصدقش انتي مثلا
عهد بصدمة :- قصدك ايه ؟
علي :- قصدي ان ده اللي شايفه قدامي ، بنت لبسها غلط لا بتصلي ولا شوفتها ماسكة مصحف مقضية وقتها كله ع التليفون وتتكلم مع ابن خالها الي يحل لها عادي كانه محرم عليها ....عايزاني مشكش فيك
عهد بصدمة :- انت متعرفنيش كويس
علي :- انا بتكلم علي اللي شوفته ومع ذلك انا معاقبتكيش ، انا عارف ان تربيتك مختلفة امجد مبيفهمش زين في الاصول عشان يربي بنات
عهد :- ايه اللي بتقوله داااا
علي :- دي الحقيقة ، ازاي مربي ابن خالك معاكي في نفس البيت وانتو صغيرين وانتو تحلو لبعض ،
عهد :- لأن احنا زي الاخوات
علي :- وطلعتو فعلا اخوات لما كبرتو
نظرت له عهد :- قصدك ايه
نظر علي امامه :- مقصديش حاجة ...عدي الشهر ده علي خير وخلينا نخلص من الشبكة دي وترجعي له ونصيحة راجعي نفسك وتصرفاتك الادب مش بالكلام بالتصرفات
عهد :- تمام ....ونصيحة مني متثقش في مراتك اوي كده ...عشان هي فعلا كدابة ....
نظر لها علي وقال بضيق :- اللي بتتكلمي عليها دي مرتي ....متغلطيش فيها مرة تانية فاهمة
نظرت له بضيق من ظنه السئ ثم نظرت امامها فهز رأسه منها وانطلق بالسيارة ....
بمجرد ان وصل للقصر نزلت من السيارة مسرعة وشقت طريقها لغرفتها ...
القت الطرحة والقت العباءة والقت نفسها في سريرها وبكت ....كانت تبكي علي نفسها وامها وحديث عليا حتي نامت ....
وصل علي لبيت لوزة ودخل فقالت حين راته :- نورت يا سيد الناس ...شكلها الست منال مزعلاك جامد الفترة دي ..بقيت بتيجي لي كتير
علي :- بطلي حديت ورط نسوان
لوزة :- الحق عليا اني بحبك وعاوزة مصلحتك
هز رأسه وقال :- قصري في ليلتك دي ....
في الصباح
استيقظت عهد متأخرا ، تشعر بصداع يمزق رأسها ، لا تريد ان تنزل او تتفاعل معاهم وفي نفس الوقت تشعر بالسجن هنا في غرفتهم ...ركلت السرير بضيق الشهر لم يمضي منه سوي اربعة ايام ..تشعر انها ستموت لو ظلت هكذا يجب ان تستمتع بحياتها رغما عنهم
اخذت ملابسها ودخلت للحمام ثم خرجت جلست امام المرآة تمشط شعرها ثم اخذت حقيبتها ونظرت للطرحة اخذتها ونزلت وجدت ليلي فقالت حين راتها :- ازيك يا عهد
عهد :- تمام انتي عاملة ايه دلوقتي يا ليلي ...
ليلي :- كويسة
ظلت تنظر لها ثم قالت :- ليه مقولتيش الحقيقة يا ليلي ...ليه مقولتيش اننا مشوفناش حاجة
تنهدت ليلي :- محدش كان هيصدقني ...طالما منال حلفت يا عهد تعالي اقعدي
عهد :- لا ...انا عايزة اروح مشوار لما اجي نبقي نتكلم ...هو علي هنا
ليلي :- اه ممكن يكون برا
خرجت عهد لتبحث عنه فوجدته يركن سيارته فقالت :- محتاجة اخرج عاوزة اشتري حاجات مممن تبعت معايا حد
التفت لها وقال باستغراب :- حاجات ايه
عهد :- حاجات شخصية
نظر لها ثم قال :- ماشي ...اركبي
عهد بتردد :- لا مش هاوزة اتعبك ممكن تبعت معايا اي حد
علي :- قولت اركبي ....
تنهدت بضيق وركبت فلم تكن تريده ان يأتي هو معها .....انطلق بالسيارة وقال :- عايزة تروحي فين
ارادت ان تخبره انها تريد تذهب لخالها ولكنها قالت :- عاوزة اروح صيدلية وهايبر ماركت وعايزة اصلح الموبايل بتاعي عشان اكلم خالو زمانن قلقان عليا
طوال الطريق كانت صامته ثم فجاة مدت يديها لمسجل السيارة وشغلت الراديو ...اخذت تقلب المحطات حتي توقفت امام اغنية اجنبيه واخرجت راسها من الشباك تستمتع بالهواء وتغني بهدوء
صوت غنائها ناعم وهادئ لا يكاد يسمع ولكن ....
اخذه لذكريات بعيدة ....صوت امها حين كانت تدندن له زمان وهو صغير ...شعر بضيق صدره فاغلق الراديو رغما عنه فالتفتت له وقالت :- ليه ...
علي :- الاذان بيأذن
لم ترد وظلت كما هي تستمتع بالهواء ....
حين وصلو نزلت للصيدلية اولا واخذت تتجول بين الارفف فدخل علي خلفها ..وجدها تتجول بين الكريمات ومستحضرات التجميل واخذت سلة وظلت تضع بها انواع مختلفة ثم ذهبت عند الكاشير ....كان ينظر لها ويراقب جرأتها التي لم يعتاد عليها كثيرا ثم ذهبت للكاشير ....
اعطاها الفاتورة فاخرجت محفظتها وهمت لتدفع فتفاجئت به يجذب الورقة منها ودفع هو فقالت باعتراض :- انا معايا فلوس ...نظر لها ولم يرد واعطي الرجل المال وقال :- متشكرين .....
خرج فخرجت خلفه وقالت ليه عملت كده قولتلك معايا فلوس ...فقال :- وفلوسك دي جبتيها منين ...
عهد :- سرقتها
نظر لها فقالت :- اه مش انا قليلة الادب ومش متربية ....خالو علمني السرقة برضه اصله مبيعرفش يربي بنات ...
علي :- اتكلمي عدل ولسانك ده ميطولش ....فاهمة ...اركبي ....
ركبت السيارة وقالت :- خالو ادالي قبل ما اجي الفلوس دي عشان لما احتاج حاجة
لم يرد وانطلقو حتي وصلو للسوبر ماركت ....ظلت تختار انواع مختلفة من الحلوي والاندومي والمشروبات التي تكفيها لمدة زمنية اطول وقام علي بالحساب عليها ووضعها في شنطة السيارة ....وصلو لاحدي محلات الموبايلات واخذ علي الهاتف ونزل يتحدث مع الرجل واعطاه الهاتف ليصلحه وعاد للسيارة فتفاجأ انها غير موجودة
توقف للحظات ينظر حوله بصدمة ...لابد انها خدعته وهربت توجه لسيارته مسرعا واخذ ينظر حوله لعله يجدها
في داخل احدي محلات الوجبات السريعة القريبة من المحل كانت املت طلباتها علي البائع ووقفت تنتظر حتي اعطاها طلبها ساندوتش شاورما بارد فاخذته وعادت للسيارة
في طريقها قطع طريقها مجموعة شباب يبدو عليهم الانحراف فقال احدهم :- ولا شايف الغزال ده يلا
صاح احدهم:- اوووبا
نظرت لهم بضيق وتجاهلتهم فقام احدهم بالقتراب منها وتمثيل انه سيسقط فوقها فارتعبت وشهقت بخوف وسقط الطعام من يدها فاخذ اصدقائه يضحكون عليها
وسط خوفها وغضبها تفاجئت بهم يتساقطون حولها فرأت علي اتي من خلفهم و ضربهم بشدة حتي تدخل المارة وانقذوهم من يديه ...جذب يدها بغضب وجرها بقوة فتمسكت بيده وكادت تسقط فدفعها داخل السيارة بقوة ...