في الصباح
استيقظت منال كعادتها وساعدت بناتها للذهاب لدروسهم ثم نزلت مع امها لتحضير الافطار فجلست في المطبخ معها فقالت نجوي :- شوفتي المحروسة اللي جوزك جابها ليلة امبارح
منال :- مين ....
نجوي :- قال ايه بنت كمال
منال :- بردك عملو اللي في دماغهم وجابوها ...وهي فين دلوقت
نجوي :- في اوضة جار اوضه ولادك
منال :- كنا ناقصينها دي كمان
نجوي :- جوزك مبيجيش من وراه الا الهم بلانا بالبت صباح الزرقة ودلوقتي بدي كمان ...لو شفتيها البنت بيضة وملونة كيف امها
نظرت منال امامها بضيق ....
في الخارج كانت جليلة وليلي تجلسان فقالت :- اومال البنت بنت عمك فين ....
ليلي :- طلعت صحيتها مرتين مصحيتش نومها تقيييل قوووي
جليلة بضحك :- بنات المدينة كده واخدين علي الدلع والنوم .....سيبيها نايمة
نزل علي من اعلي بهدوء وحين رآهم قال :- صباح الخير
جليلة :- صباح النور يا ولدي
علي :- مش هوصيكي يا ام ليلي خدي بالك منها
جليلة :- في عيني يا ولدي روح انت شغلك بالسلامة ومتخافش
اوما علي وغادر ليتناول الافطار مع سلمان جده ،وعمه ومصطفي فقال جده :- البنت فين
تنهد علي :- فوق يا جدي متقلقش
ابتسم سلمان بانتصار فقال رجب :- بنت كمال يا ابوي ولا ايه
سلمان :- ايوة ....بنته فاكر ابوك هيسيب لحمه ولا ايه
رجب :- ورضيو يجيبوها ....ازاي
سلمان :- ازاي دي بقي بتاعة ابوك
قال مصطفي باستغراب :- هو عمي كمال عنده عيال ....هو مش سافر من زمان ومبيرجعش
رجب :- قبل ما يسافر كان متجوز هنا وعنده بنت ومرته ماتت مع مرت عمك سليم وام علي الله يرحمهم
اوما مصطفي وقال :- البنت دي هنا
اوما رجب بنعم فقال :- وعنديها كام سنة بقي
كان علي يتناول طعامه وحين رأي انه يريد ان يعرف تفاصيل عن عهد نظر له وقال بحدة :- هيفرق معاك في ايه
نظر له مصطفي ورجب فقال رجب محاولا تهدىة الوضع :- سؤال عادي السؤال حرم يا علي
علي :- اسمع يا عمي والكلام قدامك ...البنت دي امانة ابوها هنا ...لو حد داس علي طرفها ميلومش غير نفسه
مصطفي بحدة :- وانا غريب ولا ايه يا علي ...انا ابقي لها زيك بالظبط
علي بغضب :- مصطفي !!!
YOU ARE READING
عهد ( ميراث الدم )
Romanceالرجال يخلقو مرة واحدة اما النساء فيعاد خلقهم مائة مرة ، في كل مرة تقع في يد رجل يشكلها حسب ما يريدها حتي لا تعرف الواحدة منهن نفسها الا من خلاله اما هي فكانت من طين عاصي كلما شعر انه شكلها بيديه ،تمردت وعادت لخلقها الاول ، جميلة وعفوية وتشرق الشم...
