👑العمـــــــدة👑
♡..مجنــــون ليلــى..
ف.الثــالت والاخــير:
❤️🩹 النـــهايـــــة ❤️🩹
بعد مرور اعوام..
راكب اللور حل الشرجم وكيشوف فالطريق وفين وصلو
هي. راكبة للقدام والدموع فعينيها ماقاداش تتفارق مع ولدها
بكر كان سايك شاف فيها:ليلى لبكى لاش دوينا فهدشي
مسحات دموعها:ماساخياش صافي هنا ساكتة
حرك راسو يمين وشمال عاد دوى مقوص حواجبو :مروان ايبقة يجي فالعطلة
هزات راسها باه:ان شاء الله اولدي
وصلو لواحد لبلاصة فالغابة نزلو وهوما كيشوفو لهيلوكبتر كتسناهم ركبو فيها بتلاتة وطارت وعلات فالسما ...ساعة دلماكانة ونزلات بيهم فوسط داك الداخلية العسكرية ماشي اي واحد كيتسجل فيها ومامعروفاش فين كاينة ..
نزلو ومروان هاز ساك ادو فضهرو وكيشوف فالمكان وكيرمش بعينيه بطفولة ماتقولش عندو 19لعام :واش هنا
بكر:اه اولدي هنا ياك هدشي لي بغيتي
تبسم:اه
جاو عندهم ربعة دالرجال كلهم بلباس عسكري وامد فيهم قرب ليهم هو لي كيعرف بكر سلم عليه:مرحبا بالسي العمدة
بكر:شكرا
الراجل قرب عند مروان كيدوي بصرامة شوية:هنا اتولي تعيش وهنا دارك وهنا اتورينا الذكاء ديالك وهنا ايبان وهنا اتقصاح
مروان حاني راسو
هز ليه راسو:اول حاجة راسك ديما لفوق
مروان كيحرك راسو بمين وشمال:راسي لفوق كيديرلي الدوخة
ليلى:ولدي حياتو فشكل وعقليتو فشكل هو..
جرها بكر لعندو:هوما عارفين كلشي
الراجل :سلم على واليديك اتشوفهم من دابة تلت سنين لمدة يوم واحد.. عندك الحق تهضر معاهم مرة فالعام مكالمة وحدة ولا رسالة ..
ليلى ماقداتش تصبر بدات كتبكي وعنقات ولدها كتبوس فيه:انتوحشك بزاف اولدي تهلا فراسك وايلا ماعجبكش لحال قلهالهم ايجيبوك لينا هكا تافقنا معاهم
مروان كيهز راسو باه بالزربة:اه واخة انل ايعجبني الحال
ربع ساعة دتعناق والتوصيات عاد جات نوبة بكر عنقو بحنان:تهلا فراسك وكون صبار نت لي بغيتي تكون من المخابرات الالكترونية وتتعلم وتكون فالخفاء
مروان كيهز راسو بالزربة:اه
باس ليه راسو:نتشاوفو قريب
مروان تبسم كيشوف فواليديه نزلو دموعو:واش ايصيبو لنا هنا المسكوتة لي كتصيبي
زادت بكات:ماعرفتش ولكن راني علمتك كيف تقادها
هز راسو باه:جوج بيضات خمارة بيضة وخمرة حمرة ربعة دلكيسان ديال الطحين...
بقة كيعرض عليها المقادير وهي كتبكي رجعات عنقاتو بالسيف باش تفارقو معاه ..
بقات واقفة هي وبكر وهو معنقها كتبكي ومروان دخلوه للداخل..حتى كيشوفو هيلو كوبتر نازلة ..نزل دري يكون فبداية العشرينات هو لول وساك ادو مور ضهرو عاد نزلو عائلتو كاينة مو وباه ..الام ديالو باينة تاهي بحالها ماساخياش بولدها كيفاش كتعنقو وتبكيي وباه كيجرو تاهو ويعنقو..وواحد واقف كيشوف فيهم باين هو لكبير فيهم..الولد قرب وباس ليه يديه
ليلى بصوت باكي:تاهوما كيودعو ولدهم..هاد الود ايكون مع ولدنا ياك باين نقيقي
بكر:اه عائلة الزعيم تاهوما ولدهم ايقرا هنا
فجيهة لوخرا
نطق بجدية:سمعني اهارون الحلم ديالك هاهو تحقق باش تقرا فهاد الداخلية خليني نشوفك فاحسن المراتب
هارون كيشوف فباه يوسف الزعيم:واعدتك انكون مخابراتي كيف كنت باغي وغنبين ليك
سمع صوت نفس الراجل من موراه:تسالا الوقت دخل لداخل
يوسف الزعيم قرب لعند ولدو:بين لي نشوفك علاياش قاد
هارون:كون هاني
عائشة رجعات عنقاتو كتبكي:تهلا فراسك
باس لها راسها:تانتي
قرب عند هداك لي غير واقف وكيشوف فيه تحنا باس ليه يديه بكل احترام وهز راسو فيه:ناصر ما قلتي والو
ناصر الزعيم ضرب ليه على كتافو:تايق فيك مايحتاجش
هارون تبسم بفخر هدشي لي كان باغي يسمع :هنا مشيت
ودخل تاهو لداخل وعينين عائلتو مراقبينو..
ناصر كيشوف فحفيدو داخل تايق فيه راه تربية يديه
قرب نفس العسكري لعند ناصر ودوك باحترام ليه:لينا الشرف حفيدك يكون معانا
ناصر:حاجة وحدة ماتعاملوهش على اساس حفيدي بغيتو يتبرد مزيان نساو راه حفيد الزعيم
العسكري:كون هاني اسي الزعيم
هز راسو باه
فهاد اللحضة نزلات هيلو كوبتر تالتة...كيشوفو شكون اينزل منها..
حتى كيشوفو دري وامد نازل بقبية على راسو وساك ادو فضهرو ما معاه تا واحد غير بوحدو..تاهو فبداية يكون عندو 19 لعام
وقف عليه نفس العسكري من بعد ونتعرفو عليه يلاه ايدوي مع الولد هو يدوز فيه ويمشي مخليه كيدوي بوحدو
غوت الراجل بصرامة:كرييييم وقف
الولد كمل طريقو بلا ما يسمع ليه متى كيتسنع صوت القرطاس حدا رجليه عاد وقف بلا يدور لعندو...العسكري قرب ليه ووقف اونفاص معاه وجمع معاه بكروشي تا طاح على ركابيه:اول حاجة خاص تتعلمها هي انه تسمع للهضرة وتنفد الاوامر هنا
كريم هز فيه راسو كيمسح الدم على فمو ونطق بهمس سمعهوه غير بجوج:انا ماكرهتش نحرقك ونحرق كاع هاد المدرسة العسكرية
العسكري هزو من الارض:دابة تحرك دخل غنعاود لك الترابي
كريم خنزر فيه وكمل طريقو وكل شوية كيمسح شوية من الدم على فمو ودخل لداخل تاهو...
عائلة الزعيم والعمدة غير كيشوفو ليلى وعائشة دخلهم الخوف من هاد المنضر على ولادهم والبقية جاهم عادي حيت هدي داخلية عسكرية معروفة بالصرامة..
ليلى شافت فعائشة وتبسمات..عائشة تبسمات ليها تاهي قربو من بعضياتهم وحدة كتشوف فلوخرا وتعانقو كيبكيو بجوج على ولادهم ويواسيو بعضياتهم
عائشة:صعيبة ياك
ليلى:بزاف ماسخيتش
يوسف قرب سلم على بكر كيتعارفو ويهضرو وناصر واقف مع داك العسكري كيهضرو ويشرح ليه كتر سيسطيم الداخلية..
تا جا وقت يمشيو..
وكل عائلة ركبات فهيلو كوبتر الخاصة بها الا الهيلوكبتر التالة رجعات خاويية حيت كريم ماعندوش عائلة..
لداخل..
فوحدة من الغرف لكبييرة..
كان واقف فالشرجم وكيشوف عائلتو ركبات ومشات مسح دموعو غيتوحشتهم..تحلات لباب ودور وجهو شافو داخل كان هارون..وقف كيشوف فهاد الشمبر المشتركة فيها تلاتة دالناموسيات ..شاف فمروان بلا تا كلمة نضرات باردين مافيهم تا حاجة ختار السرير لي قريب للشرجم وجلس كيحيد جاكيطتو..شوية دخل التالت كان كريم وقف كيشوف فيهم وسد لباب حاني راسو اقرب سرير ليه جلس فوق كيمسح فالدم لي على وجهو
مروان غير واقف كيشوف قرب وسطهم كيحرك راسو يمين وشمال:انا مروان
بجوج شافو فيه بلا تا كلمة كيشوفوه كيفاش كان كيبان كشخص ناضج وفاش دوة بان بحال شي دري صغير وكيحرك فراسو يمين وشمال ماجاوبوهش كل واحد نزل راسو
مروان:ونتوما
كريم هز فيه راسو:انا كريم
مروان تبسم:علاش جيتي بوحدك فين عائلتك شفتك من الشرجم
كريم تكا فوق الناموسية:ماعندي عائلة
مروان :واش ما..تو وعلاش ضربك والدم كيسيل من فمك
كريم:كتهضر بزاف
مروان شاف فهارون لي متكي على الحيط مغمض عينيه متشي ناعس لا غير كيتكونسونطرا :ونت شنو سميتك
ما دار تاشي ردة فعل
مروان قرب ليه:نعستي ونت جالس ماما كتقول ليا كنعسو فبلاصتنا
هارون حل فيه عينيه تا مروان حس بشوية دالخوف من نضراتو:سميتي هارون
سكت ورجع نطق:شد بلاصتك بلا هضرة زايدة
مروان مشا جلس كيهز فكتافو ..
كريم شاف فهارون وتحنا كيحل فساك ادو ديالو جبد فوطة ودخل يدوش ملي شاف الحمام فين كاين جاي فالدخلة دلباب..
وهارون بقة على حالو متكي على الحيط ومغمض عينيه
مروان شاف شي حاجة طايحة فالارض ..هزها كانت صورةديال بنت صغيرة :طحت ليه
حطها ليه فوق السرير
..حتى خرج
مروان:كريم هادي طاحت لك
كريم هز التصويرة شاف فيها لتواني وخباها
مروان:هديك ختك الصغيرة؟
كريم جلس بقة ساكت شحال وهو ينطق:مراتي
هارون كان مغمض عينيه وهو يحلهم ملي سمع داك الكلمة دمراتي
مروان:كيفاش مراتك؟وتش بحال ليلى وبكر ..ليلى مرات بكر وانا ولدهم
شهق وشاف فيه:ادن تانت بحال ليلى وبكر ولكن تسنا هدي كتبان صغيرة بزاف.قد ختي مريم.ونت قدي
كريم:ماشي سوقك
هارون ناض يدوش تاهو ونطق بيرود:مشاركين البيت ماغانشاركوش الهضرة ..البيت تدار للنعاس ماشي لكترة الهضرة
وشاف فيهم بجوج:قصة حياتكم حكيوها برى هاد البيت ..لداخل كنبغي الهدوء
كريم شاف فيه بلا تا كلمة ورجع حنا راسو
وهارون دخل يدوش ..مروان بقة جالس وحتط يديه بجوج على فمو
كريم شاف فيه :شكا دير
مراون:خاص نسكتو قالك كيعجبو الهدوء تا مروان كيعجبو الهدوء وقتش كيكون مروان فرحان كيبغي يهضر بزاف
كريم دار القب فوق راسو وتكااا حتط يديه على جبينو
دقايق وسمعو صوت الجرس مجهد صدعهم
حتى تخلات لباب ودخل واحد من لعساكرية:وقت لعشا ممنوع الروطار ولا ماكاين عشا يلااه
جا معاه قد قد خارج من لحمام
مروان شاف فداك العسكري:بغيت نوجد مسكوتة نفطر فيها فصباح محتاج لجوج لبضات ربعة دلكيسان ديال الطحين اه وخمرة حمرا وخمارا بيضة
كريم وهارون شافو فيه هدا شكا يقول
العسكري ضرب فلباب:واش يحساب ليك جاي المعهد ديال الطبخ ولا شنو تغالطولك ولا كيفاش..راك فالداخلية العسكرية..بالحق بلاتي هاهو جاي غدا وانوريك جوج بيضات وجوج خمارات
ومشا هو كينكر
مروان شاف فيهم:واش ماكاتعجبوش المسكوتة ..هي زوينة كتصيبها ماما وتعلمتها
هز كتافو:خليه ملي نصيبها ما انخليهش ياكل منها
كريم قرب لعندو وحط يديه على جبينو ونطق:واش طالعة ليك السخانة
مروان:لا ولكن عندي الدوة دسخانة
كريم فقد فيه الامل ناض وخرج وتبعو مروان هبطو يتعشاو ..هارون سد لباب ومشا تكا باغي لكالم ويبقة بوحدو مافيهش لي ياكل ..جبد واحد لعيبة دالموسيقى ..خاصة غير بالموسيقى مافيهاش الانترنيت ..مسموح بيها هنا..خدم موسيقى كلاسيكسة ديال لبيانو هادئة دار ليكيت فودنيه وترخا مستمتع بالمعزوفة وملاميحو الترخااو....
#النـــــهايـــــــة❤️
💔لاخر مرة خليو ارائكم ونقاشاتكم ❤️كي جاوكم هاد التلاتي الخطيير
#نقاشاتكم⬇️