العمدة "مجنون ليلى"💙مكتملة💙

💙الجزء 95💙

👑العمـــــــدة👑
♡..مجنــــون ليلــى..
ف.الثانــــــي💫صـــــــراع العشـــــــاق
95

نهار جديد..
ناضت جالسة شافت فيه ناعس على كرشو وغاطس راسو فالمخدة كتحس بالدنيا كدور بيها هزات بيجامتها لبساتها بالخف ومشات كتحري للحمام ترد..فاق وتقلب على ضهرو كيسمع صوتها كترد ناض جالس مقوص حواجبو ونزل من الناموسية ولبس عليه حتى كيشوفها خارجة من الحمام ويديها على كرشها تكات كتسترجع انفاسها قرب وجلس حداها:مالكي
كنزة:ماعرفتش رجعاتلي عاود ديك الحالة دوخة والردة
مسح على راسو ماباغيش داكشي يجي لبالو:مريضة وماعارفاش مناش
كنزة:قلت لك اتكون من لماكلة دالزنقة
بدر:واخة غدا نمشيو انا وياك للطبيب ونشوفو هدشي
كنزة:راني بيخير مايحتاجش للطبيب
عض على سنانو:ما انبقاش نعاود كلامي
وخرج من البيت بقات متكية مازال كتحس بالطيارة

لتحت..
كتحط ليهم لفطور وتمد ليهم داكشي لي باغين وهو عينيه عليها تا وصلات ليه شافت فيه وتبسم:دهني ليا هاد لمولية بالشكلاط وكتري الشكلاط
بلعات ريقها كاتمة ضحكتها دهناتعا ليه ومداتها ليه:هاهي اسي ياسين
خداها:شكرا
ورجعات اللور واقفة لا يحتاجوها
الياقوت شافت فنور:كولي
نور:مافيا لي ياكل صابحة دايخة
حنان:كولي ابنتي راك حاملة ماتعانديش راسك على ود داك لولد
هزات راسها باه:واخة اخالتي
الياقوت:ماجات خبار على ليلى
حنان:مزال مادويت معاها تكون باقة ناعسة
الياقوت كتمتم:تنعس فقبر ان شاء الله
الحاج:شغا نديرو فالحفل الخيري راه مهم بزاف
حنان تنهدات:ليلى مستخحيل تخضر ليه وهي هكاك
الحاج:صعيبة عليها
الياقوت:مايمكنش نلغيوه كلشي كيهضر على الحفل الخيري وكيصونيو لي يسولو على التفاصيل
الحاج:ما انلغيو والو يكون خير ان شاء الله
نور شافت فالياقوت وتبسمات..وكملو فطورهم ..

بكر_ليلى..
كان فالطموبيل كيتسناهم جات غندها فصباح بكري خديجة نزل فاش طلعات باش يصونيلها تعبط حتى كيشوف خديجة ومعاها وحدة لابسة جلابة فلكحل ودايرة نيقاب على وجها وعاد قب الجلابة فوق راسها بطريقة تقليدية نقاب مغريبي قديم..ميل. راسو عرفها هي من فورمتها ومشيتهاا حتى وقفو عليه:النقاب كاع واخة تكوني وليتي جنية ماديريش هاد الحالة
ليلى:هكا مرتاحة
تبسم:هبيلة
حل ليها باب الطموبيل ركبات وركب هو واللور ركبات خديجة
بكر :فين هدشي ديالكم
ليلى:هدا هو الحل الوحيد باش نتعالج
تنهد:يا ستار يا لطيف
تبسمات:خديجة نعتي ليه شمن طريق يشد
خديجة:اتخرج على لمدينة من الخرجة لي خدا لوطوروت من تما انشدوها سمطة وحدة تا نوصلو لقرية(...)تماك نعت لك عاود
هز راسو باه وديمارا شدو الطريق لواحد لعروبية فين كاينة لمرا
ساعتاين ديال الطريق وكانو حدا واحد الخيمة نزلات خديجة وقفات حدا لباب عيطات:مي الزاهية... أ مي الزاهية
خرجو دراري صغار كيجريو غير شافو الطموبيل ميرسيديس اخر موديل كحلة مجبدة وقفو حالين فمهم وواحد كيتخبا فلاخو حشمانين وكيضحكو ليلى تبسمات ليهم ودورات وجها كتشوف فالماكان كلو شجر وريحة لعروبية شحال زوينة صوت الدجاج كيتسمع جو زوين بزاف ..بكر كيشوف تاهو بعينيه شتاقو لبحال هاد لبلايص
خرجات مرا كبيرة بعكازها يلاه كتخلف ووقفات:مرحبا بضيف الله
خديجة تبسمات وقربات ليها كتهضر معاها وتشرح ليها حالة ليلى وشنو وقع ليها
مي الزاهية قربات للطموبيلي:اجي ابنتي اجي
نزلات ونزل معاها بكر ..كتقاد فنيقابها وجلابتها
مي الزاهية تبسمات وهي كتشوفهم واقفين بجوج:باينة بينتنا زينة واخة مخبية تحت النقاب
وشافت فبكر:الله يدوم عشرتكم
بكر وليلى:امين
الزاهية:تفضلو تدخلو حاجتكم مقضية بادن الله
ودخلو معاها للخيمة لي كبيرة كاين مراح فيه جليسة تحت واحد الشجيرة وضايرين بيه لبيوت والكوزينة
مي الزاهية:جلسو تفطلو
ليلى كتشوف فوق الطبلة الحرشة وطبصيل دالزيت لبلدية واتاااي مشحر
بكر غير شاف ليلى فين كتشوف عرفها من عينيها:واخة شكرا
وجلسو كيفطرو تاهو كلاا عجبو داكشيي سلاو
مي الزاهية:ايه ابنتي ماشي نتي اول وحدة ايوقع لها هكا كيجيوني ناس من مدينات بعاد قاصديني نداويهم كاينين الناس لخايبين كيبغيو يرزيو بنات الناس فزينهم وصحتهم
ليلى حنات راسها:مابغيتش نبقا هكا
الزاهية:ماتخافيش بادن الله اترجعي كي كنتي وحسن
وعيطات لعروستها:كلتووم واا كلتوم وجدي الحمام كيف العادة وديري لعشوب فلبرماا وشدي لحمام خليه يتعطر بالعشوب...وقولي لراتيبة توجد لعشوب لي اندهنو فالدات وسربيييو خلااااص