العمدة "مجنون ليلى"💙مكتملة💙

💙الجزء 3💙

👑العمـــــــدة👑
♡..مجنــــون ليلـــى..♡
#3
داز الوقت

نمشيييو لبلاصة خرااا

كان واقف وداير لكاسك على راسوو وفيديه سلاح(خاص بالخدمة ماشي قرطاس حقيقي) واونفاص معاه واحد لبلاكة (الهدف)كيتيري فيهااا وكاع لقرطاصات تقريبا جااو فالوسط..حبس وحيد لكاسط ودور وجهو كيشوف شي واحد كيشير ليه..حط سلاح فبلاصتو وخرج شاف فيه بمعنى مالك
الشخص:الشاف بغاك فالمكتب
ماجاوبوش كمل طريقو يمشي للمكتب عندو..كانو جوج دلاشخاص تماك حدا المكتب كيهضرو وفيديهم الجريدة مانتابهوش ليه
اللول:بلاصتو خداها هاد البيلوط
تاني:ماعرفتيش علاش جراو عليه
الاول:ساك طيارة وهو سكران وخداو منو شهادة الطيران وهبطوه لرتبة مساعد طيار غير حيت رغبو عليه لمعارف ..وهو ماقبلش ومارضاش وخرج من تماك كاع كان ايدوز حياتو كاملة فالحبس
الثاني:لعجب كاع هادي نفخة فيه ..يتخلا على خدمتو وجاي يخدم هنايا فالسيكيريتي
الاول:يستاهل من نهار جا كيخدم معانا فهاد الشركة ديال الامن ولا بحاليلا هو لباطرون كلشي كيخاف منو وعاطينو قيمة واخة ماشي مدة طويلة باش جااا..حنا اعوام وحنا هنااا عمر...
سكت فاش شافو واقف وكينتصنت ليهم..
بكر كيشوف فيه بكل هدوء واخة عندو واحد شوفات كيفشلوو رجلين ..شوفات حاديين واخة كيكون فقمة الهدوء..عندو واحد الكريزما وشخصية فشكل فارض الوجود ديالو بين اي واحد وفاي بلاصة كيحط فيها رجليه كيخلي كلشي يردخ ليه..تعاملو وتصرفاتو وذكاؤو كيخلي لواحد يحسب ليه الف حساب..وفاش كيدوي بسيف على الواحد يسكت ويتصنت ليه ..مازال مايتقال فشخصيتوو...
بكر جمع يديه على شكل لكمة ورجع رخفهااا.الشي لي خلا اشخص الاول يحط يديه على الدقن ديالو ويحركو يمين وشمال مازل كيضرو من اخر لكمة كان عطاه خلاتو يطيح كاو وفاش فاق لقا راسوو فسبيطار ودابة مامستاعدش يعاود يجربها حنا راسو بلا تاشي كلمة بحال شي قط خايف.ويديه كيرجفو ..خاف على راسو..الشخص التاني نساحب بهدوء يفلت بعضامو صحاح...بكر كمل طريقو من حداهم ودق ودخل للمكتب بهدوء واحترام للشاف ديالو..واقف بكل شموخ باللبسة ديال الامن السوداء ستيلها وتصميمها بحال دلعسكر مواتية جسمو ريااضي المخدوم مزيان وعضلاتو لبارزة..وعلى وجهو نضرة ثاقبة..فاتت لجدية لواحد يخاف تا يفتح معاه شي موضوع...هدشي كامل خلا هاديك لي جالسة ودايرة رجل على رجل بكسيوة قصيرة مبين فخاضها..تسها فيه لدرجة لحرارة طلعات معاهااا من غير ريحة لباغفان ديالو لي كتغلغل فالاعماق ديالها ...
السي حكيم:بلا مانحتاج نعرفكم ديجا كتعارفو
عنيها مانزلوش عليه من نهار شافتو وهو محفور فلداخل ديالها هزات راسها باه بواحد الابتسامة ترسمات على وجها
السي حاكيم:ولدي بكر الانسة صوفي عندها غدا واحد الحفل كبير فاوطيل (..) غتكون لحراسة متشددة وختارتك نت لي تكلف بلحماية ديالها تا تسالي الحفلة وترجع لدارها..ماتاقت فتاشي حد من غيرك
صوفي عنيها كيغليو عليه:اه هاد الحفلة مهمة بالنسبة ليا ايحضرو ليها ناس مهمين من وزاراء وبرلامانيين ورجال اعمال المهم كلشي مخلط ياعني ماتعرفش شنو ممكن يوقع حيت كل واحد فيهم عندو أعداء..لبوليس شي مرات ماكايقدروش يتحكمو فبحال هاد المواقف ..ونت فايت خدمت معاك مامرة ما جوج وشفت كيف كتعامل فبحال هاد المواقف ماغانتيق فتاشي واحد من غيرك يكون معايا غدا
(صوفي كتخدم كراقصة مشهورة )
بكر ماشافش لجيهتها كاع دوة مع السي حاكيم بحاليلا هي ماكايناش:صافي أ الشاف تخلي لينا العنوان وكاع المعلومات وغدا اتلقاني عندها..نقدر نمشي دابة
السي حاكيم:بطبيعة لحال تفضل اولدي
هز راسو باه وخرج..ناضت بلا ماتحس:هنا راجعة.
تبعاتوو وهو غادي تا وقفات عليه :بكر وقف عفاك
شاف فيها بمعنى شنو
صوفي بلعات ريقها صوتو كيزلزلهاا ويتلفها:انا راه فرحانة اتولي تخدم معايا..وسمحلي على داكشي لي وقع اخر مرة و..
قاطعها:ماغايتعاودش حيت لا تعاود
وسكت زعمة كملي من راسك وزاد وخلاها كتغلييي كيشعلها ويخليهاا..مسحات على عنقهااا كلشي كيتمناهااا وكيتمنة غير شوفة منها ولي كيشوفها كيبدة يعراق غا بوحدو جا هوو وخلاها هي تابعااه ..بقات مدوزة يديها على عنقها بشوية تدفع نص فحياتها غا يكون ليهااا ويعطيها غا شوية من وقتووو ..دار فيها حالة..تنهدات ورجعات للمكتب تكمل الاجراءات..وهو خرج من شركة الامن ركب فطمزبيل خاصة بالخدمة ومشا لواحد المهمة خفيفة تيستليها وايرجع للدار ولعائلتو لي غبر عليهم شهور طوال..مامعوايدوش يمشي ويخليهم حيت هو لي مكلف بيهم هو باهم وفيه كلشي من نهار باه تشلل من رجليه خدا بلاصتوو فسن صغيرة ..كبر قبل الوقت قرا وخدم فنفس الوقت قوا شخصيتو براسووو ..خاص يرجع لعائلتو بلاصتو معاهم..كان خاص يغبر ويبعد علييها هي بضبط ويرتب افكارو ويرجع لوعيوو من داكشي لي وقع اخر مرة ..المشكل لي خلاه يفقد الخدمة لي كان كيحلم بيها من الصغر ديالوو..هدشي كامل بسبابها ولكن لقلب وما يريد هاهو راجع عواتني لعندهم او لعندهاااا لعند هاديك لي ساكنة قلبو وروحو ..ولي ماقدرش يتعالج من حبو ليها وماقدرش يكرهااا..داك الانسانة ساكنة ليه فالاعماق وكتمشي ليه فالدم