العمدة "مجنون ليلى"💙مكتملة💙

💙الجزء 36💙

👑العمـــــــدة👑
♡..مجنــــون ليلــى..
#36
دخلات عندهم للمكتب
باست يد الحاج ويد الياقوت وجلسات
الحاج شاف فيها:مالكي
نور:علاقة بكر وليلى كانت قوية نقولو كان كيبغينا بزاف
الحاج:ومن بعد
نور:مانبغيش المشاكيل فالمستقبل الحاج سينو من دابة نفركتوه..مانبغيهاش تجي تعيش معانا هنا ..تبقة بعيدة عليا
الحاج:كتشوفي لياقوت
شافت فيها:اه
الحاج:كنت مزوج وكنحماق على مراتي ..ونهار تلاقين بالياقوت طيحاتني ونساتني فحب مراتي تا وليت نعشقها وتزوطت بيها التانية واخة مافرطش فمراتي اللولة وعطيتها عقها ولكن لي فقلب كانت هي الياقوت
نور:هدشي عارفاه
الياقوت:لي ماعارفاهش انك قادرة تخليه يشوفك غير  نتي ويولي يحماق عليك وينسى ليلى..ونتي ماناقصك والو ابنتي الزين حسن منها..لقراية قارية عليها..ومن عائلتو فهمتيي..وراجلك من حقك تحاربي عليه
الحاج:وكوني ماكدة ما ايجيبهاش لهنا..وتاهي ماتبغيش تجي
تنهدات:نتمنى

الياقوت:فين وصلتي فتوجاد
نور:متبغاش هو شي عرس كبير قفطان وغوب دو مغياج براك
الحاج:حسن يحضرو شي صحافة باش نيت كلشي يعرف انه حفيدي رجع وايخدم رزقو ..
هزات راسها باه وناضت .خرجات من المكتب كتفكر اش دير....مشات نيشان طلعات لبيت كنزة ودخلات
نور:ياك ماديرونجيتك
كنزة:لا
نور:بغيت منك واحد.طلب
كنزة مخبية يديها:وي قولي
نور؛بغيت النمرة ديال ليلى بغيت نتزوج انا وبكر وضميري مرتاح مايكون تامشكل بيني وبينها
كنزة:ليلى ماتلقايش معاها المشكل ..هاهي نمرتها
وفتاتها عليها
نور:شكراا ..وخرجات كتقيد نمرتنا وتبسمات بخبت تاتشوف فوقاش تعيط ليها...
طاح الضلام
داتها عنيها تا فاقت مفزوعة..حلمات بمها نزلات دمعة حارة من عنيها فاش مالقاتهاش معاها حسات بلحرقة فصدرها نزلات من النموسية..عيطات للشيفور يطلع لعندها..شوية كان عندها:نعام الالة
ليلى:وجد راسك نمشيو للقبر
هو:تسناي نقوها لسي بكر نشوف اش يقول
داك الساع دوز النمرة جاوبو:شنو واقع
الشيفور:بغات تمشي للقبر عند مها
شاف فالساع:لا ..
فهمات من ملاميح الشيفور انه مابغاش..خدات الطليفون ودوات:بغيت نشوفها ..بغيت نمشي عند المي
بكر:كاين شي قبر بالليل
ليلى كتصبر راسها باش ماينزلوش دموعها  لكن ماقداتش تخبي نبرة صوتها لمهزوزة:توحشتها بقيت بوحدي بقالي غير قبرها...
وسكتات ..بقة ساكت تاهو ..كان فالمكتب وفيديه شي ضواصة وستيلو بين صبعانو ضغط عليه فاش سمع شهقاتها ...
نطق:سيري
ومدات الطليفون للشيفور دوة معاه ونزل ..داك الساع للتحت يتسناها تلبس عليها..مشات للبيت لبسات طلابة وشال فوق شعرها وهبطات ركبات مع شيفور نيشان للمقبرة...
وصلات ونزلات مخلية شيفور فطموبيل جالسة على ركابيها قدام قبر مها نزلو دموعها ونطقات:توحشتك اميمتي ..مازال ما ولفت يامي بلا بيك..ولكن تبدلت امي..وليت نتهلا فراسي ..مابقيتش كيف كنت
وسكتات شحال ونطقات:ما قلتلكش راه ايتزوج..اه ايتزوج امي..
نزلو دموعها:خليه يتزوج كنتي باغاه يتزوج هاهو دارها
تنهدات كتلعب بالتراب
مامنتابهاش لواحد لعنين اونفاص معاها جالس وصط ضلام فطموبيلتو وسط لمقابر وكاس دلويسكي فيديه كيعجبوو لهدوء لي فلمقابر ..كيشوف هادي لي جاية لمقابر بليل ماخافتش وكتبكي وتهضر مع مها لي ميتة ..ميل راسو وشعل ضو الطموبيل لقدامي يشوف وجه هادي لي كتبكي ...هي ديرونجاهاا..وهزات راسها كتشوف فطموبيل عاد انتابهات ليها مع الضلام..زاد ميل راسو كيشوف وجها لحمر بلبكا رموشها كتاف فازكين بدموع شفايفها كيرجفو وكتعض عليهم ..
حتى كتغوت:طفيي الضو اصاحبي عميتي فعيني شهاد المرض
نزل على داك الكاس كيشوفها نايضة وكتلوي شال على شعرها وناوية على خزيت ومخنزرة جا داك الساع الشيفور: ياك لاباس
ليلى:هاد خوناا
سكتات فاش طفا الضو وديمارا ومشاا
ليلى:يلاه نمشيو صافي والو
وتحنات باست تراب مها وودعاتها ورحعات للدار بدلات عليها وتخشات فبلاصتها ونعسات