العمدة "مجنون ليلى"💙مكتملة💙

💙الجزء 66💙

👑العمـــــــدة👑
♡..مجنــــون ليلــى..
ف.الثانــــــي💫صـــــــراع العشـــــــاق
66

فالجيهة لوخرا...
غادة جاية فلبيت وكتفكر فكلامهم ماتنكرش تصدمات ماشي لهاد الدرجة عاود يديرو فيها هكاا...خاص تعرف كيفاش تصرف ماخاصش تزرب وفنفس الوقت ماعدهاش الوقت خاص تصرف دغيا. تبسمات بخبث وشافت فطليفونها ودوزات النمرة شوية جاوبتها خديجة:الو بنتي واغبورات هادي
ليلى:يلاه جينا من السفر راكي عارفة
خديجة:كي داز داكشي
تبسمات عاضة على شفايفها:مزيان بزاف
خديجة:غا من صوتك باينة
ختافات ابتسامتها وهي كتفكر انهم صافي رجعو ووحدة خرا اتشركها فيه وزيد لبلان لي سمعات:خديجة سمعي......
خديجة كتصنت ليها وتولول تا عاودات ليها لفيلم كامل:شتي قلت لك هادي راه ماتيقيش فيها وماتحنيش فيها كون خليتينا نشوهوها نهار رجعك ساعة بغيتي تزيدي تصبري ايواا هاا زيدي صبري تا تلقاي راسك مليوحة فزنقة ومطلقة ملفوق
ليلى تنهدات:ماعرفتش قلبي ومحنتي كتغلبني  كنقول يقدر يندمو ويقيلوني هوما غا مازايدين..المهم ديري هدشي لي قلت لك وردي عليا
خديجة:كوني هانية نرد علييك
ليلى:سمعتهم كيهضرو على الاجتماع لي ايحضر فيه كلشي وجدو راسكم تا نتوما اتحضرو جيبي معاك كاع داك التصاور بغاو الحرب انا مولاتو
وقطعات:هاحنا انشوفو شكون ايبقة شاد لحبل وشكون ايتقطع بيه ...
وخرجات من لبيت وهبطات للتحت شافتو خارج من المكتب ومعاه نور عنيها كيبريو :واخة نلبس عليا ونهبط
وقربات باستو على خدو
هز راسو باه كيبعد شعرها على وجها وتم غادي جيهة لباب
ليلى وقفات كتشوف فهاد المنضر ملاميحها تعقدو وحواجبها تقوصو ماحسات براسها تا توجعات بكترة ماغرسات ضفرانها فلحم يديها
كملات طريها بلا ماتحس غادة جيهة لباب ماعرفاتش علاش المهم غادة
حتى كيوقفها صوت لياقوت ومعاها نور
الياقوت:فين غادة تلتيام وهو معاك ايكون توحش مراتو وتوحش الجديد براكة ماتبقاي لاصقة فيه اطلعي ليه فالراس
ليلى كتشوف فيها وتبسمات بجمود:نتي اكتر وحدة عارفة انه عمري نطلع ليه فالراس تيقتي لكدبة ودخلتيها لراس حفيدتك.. يحساب ليك غير اجي ونسا راه وحدة لي ساكنة ليه فقلبو من صغرو هي انا
نور قربات لعندها ودوات:مأكدة؟ انا كنعرف لي كيبغي ماكايزيدش الثانية اولا نتي لي متيقة راسك بزاف لابقيتي هاكا اتصدمي فتالي واتجيك صعيبة تتقبلي انه وحدا خرا خدات منك كلشي تا من قلبو
ليلى بلعات ريقها من كلامها ولكن دغية جمعات قوتها بابتسامة عريضة:ماتخلينيش نصغر عقلي معاك ونوقفك على كلامك ..يلاه تزوجتي حشومة تاني يسمعوك طلقتي حيت مازال كيبغي مراتو لولة لي اصلا عمرو نساها..وحيت هي شرطات عليه يطلق الثانية لا بغا تكمل معاه...خلينا مكبرين دماغنا بلا مانتبرهشو ونتي لي اتخرجي منها خاصرة ..
نور شعلات فيها لعافية من كلامها يلاه اتدوي
وهو يصوني  الطليفون دليلى شافت المتصل وتبسمات وهزات طليفون فوجها :هااه اكيد ايتفكر لي ساكنة قلبو
وجاوبات:الوو حياتي هانا جاية
وقطعات عليه وعطاتهم بالضهر عاضة على شفايفهاا من داكشي لي قالت وتمات غادة لجيهة لباب وحنوكها حومر كيفاش اتشوف فوجهو ...ماعرفاتش كيفاش خرجات لها داك حياتي ...واش من لغيرة لي كانت حاسة بيها وفاش عيط ليها برد عليها..ولا غير بغات تفقص نور..زادت عضات على شفايفها ما اتقدش تشوف فوجو
خرجات لقاتو واقف متكي على الطموبيل من شوفاتو ليها زادت حشمات وقفات حداه منزلة راسها بقات ساكتة وهو كيشوف فيها
بلعات ريقها ونطقات:احم ليوم ادفع ليا لباك ليبر انا وياس..
قاطعها:شنو قلتي فالطليفون
هزات فيه عنيها ورمشات :والو شنو قلت
ميل راسو كيشوف دوك لخدود حومر:هضري بغيت نعاود نسمع
ليلى:وصافيي ابكر
حط يديه على خصرها:شنو بلانها كنعرفك مزيان
عضات على شفايفها مشكلتها حافضها:راك عارف سوق لعيالات
فهم لبلان :كنعرف ليلى ماكاتوصل لداك الدرجة حاى كتكون خايفة على حاجتها ولا لاعبة عليها لغيرة
تزنكات من كلامو هي براسها معارفاش لاش هدشي كامل:ماعارف والو
تبسم خفيف وهز راسها لعندو:توحشتك
زاد كمل على مابيها بدات غير كترمش..تا سمعو صوتها :هناا جيت ياك ما تعطلت
شاف فيها وليلى رجعات اللور
بكر:لا
وقفات حداهم وشافت فليلى كيفاش خدودها حومر فاش خرجات مغ لباب شافتو كيفاش كيشوف فليلى وكيدوي وداك الشوفات كيبانو غا فاش كيجيو عنيه على ليلى واخة هكاك صبرات راسها
نور بابتسامة:ليلى اتسمحيلي انا وبكر
ليلى شافت فيها ورجعات شافت فبكر:هنا مشيت
بكر جرها لعندو:حتاجيتي شي حاجة عيطيلي
بعدات يديه من يديها وعكاتو بالضهر:غير خود راحتك ودخلات بدار بقة كيشوف شحال حل لنور لباب ركبات وركب تاهو وديمارا
نور:زوينة الطموبيل كنحماق على اللون لحمر..غناخدها مك شي نهار
جات فبالو ليلى ونطق:لا ديال ماليها
ضحكات يحساب ليها كيضحك معاها:ههههه بحال بحال ...
وشافت فيه كترمش بعنيها نسات نضاضرها وشمس اونفاص معاها:سمحلي قبيلة ماعجبنيش لحال لقيت راسي ماعارفة عليك والو
شاف فيها كيف مقوصة عويناتها ضاربة فيهم الشمس داك لوين زاد بان نقص من السرعة وقرب ليها وهي كتشوف فيها ونزل ليها داك لقدامي مطاكي عليها الشمس ونطق:دابة مزيان ..مرتاحة؟
وكمل السوكان تبسمات :بزاف
رجع نطق:ماشي مشكل مع الوقت تولي عارفة كلشي
نور:ضاروري غادي نعرف كلشي عليك وخاص تانت تعرف كلشي
شد ليها فيديها وبدا يلعب بصبيعاتها:شنو خاض نعرف
نور عاجبها لحال:مع الوقت كل مرة تغرف حاجة
هز راسو باه:واخة الالة فين قلتيلي هاد لمحال
نعتات ليه الطريق وهس عاجبها لحال يديها فيديه تا وصلو للمحال شاف فيه كان ماكازان كبيرة خاصة بليسوميج دونوي ولملابس الداخلية
نور :لا كنتي مشغول انعيط لشيفور يديني
بكر:لا نسالي شي شغال قريب من لهنا ونجي موراك
تبسمات :واخة
وقربات باستو ونزلات وهو حاضيها نزل زاجة ودوة:كيعجبني اللون لكحل
شافت فيه عاضة على شفايفها :واخة اعمري
ودخلات وهي اكير بلفرحة ديمارا ومشا..
داز الوقت..
بدا يضلام لحال..
فبيتها وكتهضر فطليفون:لهلا يخطيك اخدوج..المهم غدا نمشيو انا وياك والحاجة عندو كوني واجدة..يلاه بسلامة
وقطعات وهي مبتاسمة:ها اللعب لي كيعجبني
وناضت كضحك :ليلى لكم بالمرصاد.
وقفات حدا لمراية كتشوف فراسها طلقات شعرها فاش جا فبالها عضات على شفايفها ودخلات طرفات حالتها وخرجات لبسات سوميج دونوي فلكحل..مع عكيكير حمر وماسكارا
وتبسمات:دابة انوريك انور واش غير اجي ونسا.
سمعات دقان مشات حلات لباب كانت كنزة
ليلى:شنو باغة
كنزة كطلعها وتهبطها:كنت بغيت نهضرو شوية ونعاود لك شي حاجة ساعة بنتيلي مشغولة
مزيان ملي فهمتي راسك تلاحي تقو..دي
شافت نور دايزة لابسة لبينوار وشعرها فازك كانت عند لياقوت فلبيت كمات عندها باش ماتخليش ريحة فلبيت وحيت ما اتعاودش تكمي هاد ليلة
ليلى كتشوف فنور:وممنوع لازعاج
ودخلات وجلسات كتسنا شحاال دازت شي ساعة ونص مشات طلات شافتو نازل من الطموبيل تبسمات ورجعات جلسات كتسنا ..ماعرفاتش علاش تعطل موالف اول وحدة يسول فيها هي..وكيجي يطل عليهاهي لولة..كتبات ليه ميساج:فيينك
ماجاوبش ..صوناات قطع عليهاا..رجعات صونات طافي.