العمدة "مجنون ليلى"💙مكتملة💙

💙الجزء 117💙

‎👑العمـــــــدة👑
‎♡..مجنــــون ليلــى..
‎ف.الثانــــــي💫صـــــــراع العشـــــــاق
117
..يلا ايضور وهو يلمحها ميل راسو كيشوفها فين واقفة ومعامن واقفة ..كانت سناء حاضناها وكضحك معاها ومعاهم واحد عينيه على كنزة شوية جرها من بين يدين سناء وحط يديه على خصرها ومرة مرة يلعب فشعرها
ادريس:صافي الوليدة يلاه شتها خليني نشوفها على خاطري..دابة نخليكم
سناء:الله يحفضكم
وجرها معاه..كنزة:ويلي حشومة قدام مك هكا
ادريس:هانية الوليدة متفاهم انا وياها عندها عادي واصلا  عارفاني باغيك
بلعات ريقها كتشوف فيه وتنهد وتقول لاعرف اش مخبية واش ايبقة معاها وقف هو وياها:انا ماباغيش نتفلة اكنزة انا باغيك وعجبتيني ماعندنا لاش نطولو داكشي ديال التفلية عييت منو
بلعات ريقها:خلينا نزيدو نتعارفو شهراين ماكافياش
تبسم:كافياني مور زواج نزيدو نتعارفو كتر…
كان كيغليي لدرجة بغا يهرس الكاس من بين يديه حس بنار شعلات فقلبو وهو كيشوفو كيف كيلعب فشعرها ويشد فيديها وهي مبتاسم بلع ريقوو تا لقا راسو من موراهم وجا قد قد مع الجملة لي قال ادريس:مور زواج نتعارفو كتر
زادت شعلات فقلبو العافية نطق وهو عاض على سنانو:كنزة
غير سمعات صوتو قلبها مشا وجا دارت شافت فيه شوفاتو والتعابير دوجهو ماكايبشروش بالخير بلعات ريقها
ادريس دار تاهو شاف فيه وقوص حواجبو:شكون هدا
كنزة زيرات على يديها:هدا ولد عمي
سكتات وكملات:بحال خويا
ادريس تبسم:مزيان باش نتعرف عليه..
مد ليه يديه بدر ماشافش تافيه عينيه على كنزة زاد خطوة وهو يدفع ادريس من طريقو ونطق:بحال خوك؟
تبسم باستهزاء وشاف فادريس:قالتلك بحال خوها؟
ادريس مافاهم والو وعلاش دفعو
كنزة عضات على سنانها:بدر خليني عليك
بدر كيزيد يتعصب وهو كيطلعها ويهبطها:بحال خوك؟وداك الليالي لي دوزنا بجوج شكا يتسماو وداك الولد لي كنتيحاملة بيه مني ؟غتزوجي بيه ماعاودتيش ليه عليا وشنو دوزنا..
كنزة تمنات الارض تنشق وتبلعها…
فجيهة خرا..
تبسمات ليه:شكرا بزاف اخويا صدعتك ونت مشغول
عمران:ماشي مشكل المهم وفيدك فشي حاجة
ليلى:فدتيني بزاف
عمران:مزال نهضرو فليديطاي حتى ناخد نمرتك من عند مريم
ليلى:ان شاء الله
وشافت مع جنابها:نشوف نور فين هي
يلاه اتمشي وهي تزطم على جلايل كسوتها كانت اطيح وهو يشدها ..ليلى بلعات ريقها ورجعات اللور:سمحلي
تبسم:اول لقاء ديالنا كان هكا
هزات راسها باه هاربة من شوفاتو
عمران هز راسو وهو يشوفو واقف ويديه فجيابو وكيشوف فيهم تبسم ابتسامة شوية مستفزة:بكر جيتيي حتى قلت صافي ما اتجيش
فلول ماسترعباش اش سمعات حتى هزات راسها وهي تشوفو واقف حسات بالدنيا ضارت بيها وهي كتشوف فيه كانت اطيح وهي تشد فالطبلة..
عمران مشا لعندو يستقبلو ومد ليه يديه:مرحبا بيك ..فاش تلاقينا فالصباح وعرضتك وقلتي لا ..حسابلي ما اتجيش
بكر كيشوف فيه مقوص حواجبو نزل عينيه كيشوف فيديه لممدودة عض على سنانو وخلاه بلاكة ورجع شاف فليلى لي حاطة يديها على الطبلة وكتشوف فيه
بكر قرب لعندها بندوء عكس لهياجان لي فلداخل ديالو وقرب لعندها ..عمران رجع اللور وشاف فليلى وكمل طريقو لعند واحد من ضيوفو ..
وقف عليها كيشوف فيها تواني وجات عينيها فعينيه عضات على سنانها حابسة دموعها
نطق بهدوء :فين مروان؟
بلعات ريقها هدشي كامل لي وقع وهاد الغبرة كاملة وكيفاش جا ولقاها مع عمران وفتالي كيسول على مروان
ستجمعات قوتها ونطقات:فدار
ميل راسو:معامن؟
ليلى كتشوف فيه وكتفليه بعينيها زاد كبر لحيتو مطراسيها نضراتو فشكل حادين وباردين فنفس الوقت حومر.. شوية تحت عينيه زرق صوتو فشكل تانضراتو فشكل نطقات:مع المربية
ميل راسو :مع المربية؟
شاف يمين وشمال ورجع شاف فيها كيطلعها ويهبطها:مخلية ولدي مع المربية ؟
ليلى:معامن انخليه..بوحدوا؟
بكر بهدوء عينيه نايمين فيها مصبر راسو باش مايجرهاش ويخرجها من لهناا :ماعندكش الوقت تهزيه وتديه للواليدة؟وعندك الوقت تلبسي وتتقادي وتعراي وتجي تجمعي هنايا…هكا اتربي ليا ولدي بهاد لحالة وبين يدين المربيات؟