العمدة "مجنون ليلى"💙مكتملة💙

💙الجزء 73💙

👑العمـــــــدة👑
♡..مجنــــون ليلــى..
ف.الثانــــــي💫صـــــــراع العشـــــــاق
73
نور قوصات حواجبها وكتجمع معاها بصقلة تا دار وجها:بزااف عليك الموووسخة
ليلى عضات على سنانهااا وكطير عليها جراتها من شعرها لعندهاا مزيرة عليييها وكتديها وتجيبها كتنتف فيها و قاجاها بليد لوخرا من عنقها شوية وتخنقها:دلمك سكت لك بزااااف ونتي كتحكيي على الضبرة فتالي وليتي تمديي يديييك
ياسين قرب:ليلى رخيي منهاا برااك
تنتراات منو كتغوت:بعدد علياااا مابغااتش تبعد مني
كتزيد تزير عليها على عنقها تا غرسات لها ضفارها فلحمها كاع عنقها هبطاتو لها بلخباشي وشعرها شوية ويتقطع بين يديها
نور تخنقاات وكتحس بالجلدة دشعرها اطيير:رخييي منيي
ليلى زادات غا زيرااات جراها لعندها كتر...نوور كدفع فيها وتحاول تنتر منها..فتالييي خدمات رجلييها ..عكلاتها من رجليها بخفة جابتها مزدوحة فالارض على ضهرهاا..
نور حيدات الطالون صافي جعرات وهي كتكح كانت اتقتلها..ماجات فين تنوض ليلى كانت فوقها نور جاراها هي هاد المرة من شعرهاا وكتنتف فيها
ياسين كيجر نور من فوق ليلى وحنان كتعاونوو :رخييي منهاا شكا ديري رخييي
نورر جراها من شعرها وكتنتر منهم:هدييي لففففعة خاااص لي يبربيهااا
ليلى عيات تجر شعرها من بين يدين نور ما قدااتش..كتجمع يديها فيها لخاتم على شكل لكمة وكتعطيها للفم تا سال الدم غوتات نور مقصحة بحاليلا ضربها الضو..ليلى دفعاتها من فوقها برجليها فيها طالون نيشان لجنبهاا تا تقصحات تاني زواتها جابتها طايحة فالارض ملوية على جنبها فرعاتهاا ..ليلى حيدات تاهي الطالون ..نور يلاه اتنووض وهي تحس بكروشي جاها للوجه تا رجعات طاحت لاصقة فالحيط
ليلى:هاكي يا بنت القح.. بة
كنزة:ويلي ويلييي هادو راه ايقتلو بعضياتهم
ياسين جر ليلى متبتها بين يديه:واش حماقيتيوو ليلى حبسيي اصاحبتي
نور وقفات كتشوف الدم نازل من نيفهاا :شنو هدشي درتي يا بنت الكلبة
شدات فيها مها :بنتي نووور صافي الله يخلييك اجي معايا
تنترات من مها صاعرة:رخي منيييي غنقتلهااا ..
ليلى مازال ما بردات ليها حيدات داك لكااب لي شادها منو ياسين خلاتو شادو ..ومشات عندهاا تلاقاو متشادين من الشعرر ..وحدة كتنتف فلوخرا..
ياسين مخرح عنيه:شهاد لقلا.. وي واا دراري كنفكوهم كيتفااكوو
يلاه ايقرب وهو يشوف بكر واقف ومتكي على الحيط وكيشوف فيهم وكيلعب بالساروت فيديه مقوص حواجبوو ...جا معاهم قد قد وحدة كضرب فلوخرا تقول فحلبة المصارعة دلبنات....دار لياسين اشارة بيديه باش تا واحد ما يتدخل...شافوه مخنزر وكيتفرج فيهم مابغاوش يتدخلو ويزيدو يكبرو الموضوع لا تعصب ايصدق جامعهم كاملين ماشي غا نور وليلى...مخلييهم هكاك كيتناتفو وكيشوف فيهم وفهاد الجوج لي كيتسماو عيالاتو🤦‍♀️
مابقة لا شعر لا ماكياج ...شعوراتهم بجوج طلعو فالسما..المكياج كلو سااح...مرفووعين وحدة كتننف فلوخرا ويضاربو ..وحدة كتبرد الاعصاب فالتانية..كل مرة وشكون لي غالبة فيهم ..ماكينش يامة رحاميني....ولوخرين كيتفرجو فوقاش ما يبغي شي واحد يتدخل كيمنعهم هوو..نزر وليلى ماحاسبنش بلي ضاير بيهم وما نتابهوش انه راه تاواحد ماتدخل يفكهم بحاليلا جاتهم على قلبهم...صافي حتى عياو وعياو ديال بصحا..يديهم مابقاوش قادين يهزوهم...ليلى طايحة فالارض ونور حداها بجوج كيلهتوو.
ليلى هزات يديها كتحاول ضربها ولكن فنيانا:خرجي سوقي
نور كتر منها يديها فاشلين هزات يديها ولات حطاتهم:نتي لفعة...
حلقهم نشف ..فاحضة سكتو وحدة كتشوف فلوخرا حيت مابقاو بسمعو والو جا فبالهم انهم بقاو بوحدهم كيفاش مافكوهمش..دوروو وجهم كيشوفو فيهم..ياسين متكي هو كنزة على لحيط..ياسين تبسم ودارلهم باي باي..وكنزة كاتمة ضحكتها...حتى وصلو لهداك لي خاشي يديه فجيباو وكيشوف فيهم قفزوو مخرجين عنيهم فيه
نطق:ساليتوو؟
..ناضو بجوج جامعين الوقفة كيتسابقو شكون توصل لعندو هي لولة ويسمع لهل كيهضرو قد قد:بكرر...هي لي جبدات
ليلى:سكتي خليني نهضر
نور:نتي لي سكتي امولات المشاكيل
ليلى:ماسوقكش نتي جبدتينيي ..نت عترفني ماكانجبد حد
ورجعو شافو فيه ودواو عوتاني فدقة:بكككر سمعني عفاك
شافو فبعضياتهم ورجعو شافو فيه بغاو يدويو وهو يقاطعهم:مانبغيييي نسمع صوووت تا وحدة
قفزو بجوج كيشوفو فيه
بكر قرب ليهم كيشوف فيهم بجوج:ماكايهمنييش شنو وقع ولكن كنقسم برب الكعبة ويتعاود نفس لبلان ماغانرحم تا وحدة فيكم داك الساع عاد انعرف شغا ندير..لا بيناتكم شي مشكيل هناااا ايحبس
سكت وهو كيمسح على راسو
نور:ماشتيهاش اش دارت للياقوت لييلى راه كدير المشاكيل وهي لي جبدات و..
قاطعهاا فاش غوت ليها فوجها جامع يديه على شكل لكمة فلحضة جا فبالها ايضربها:نتييييي غتسكتي وغتغبري من قدامي حسن ما انبداو الحسابات لي ما ايعجبوكش
بلعات ريقها كترمش بعينيها ورجع قفزها:تحركييي
شافت فليلى وخنزرات فيها وليلى تبسمات ليها فوجها كتزيد تفقصها..نور تمات غادة تبعاتها مها:تسنااي ابنتي تسنااي نجيب باش نعقم لك داك الضرابي ابنتي
نور غادة كافية الضو:خليني عليك اماما
وطلعات كطير للجناح ديالها اطرطق بالفقصة
ليلى بقات واقفة وكتشوف فيه كيفاش ملاميحو معقودين ..
شاف فيها ونطق:طلعي للبيت..
قلبات الدورة وهي غادة شافت فالياقوت لي جالسة فبلاصتها ماتحركاتش ملي رجعو وهي جالسة ما كلفاتش راسها تانوض دافع على نور...ملاميحها جامدين وكتشوف فليلى بجمود
ليلى ميلات راسها فيها وغمزاتها ومشات طلعات...
بكر جبد الطليفون وشاف فكنزة لي ماكاتخبي والو وكتوصل لخبارات صحاح:شنو بلان هاد ااتصاور
كنزة قربات لعندو:ويلي ياخويا مافخباركش اش وقع..احم جاو واحد الشيخات راك عارف الجمعيات حقوق المرأة وانه لمرا كيفما بغات تكون وشنو ما بغات تخدم ماخاصش تحكر..ايوا الشيخات جابوهم على اساس يبينو ليهم انه كلشي بحال بحال..عاودولنا قصتهم..حتى صدقو كيعرفو الياقووت كانت خدامة معاهم شيخة فياماتها ايوا حطو شي تصاور فاش كانت الياقوت شيخة..المهم الشوهة بوان كوم الياقوت طلعات شيخة هههههههههه
خنزر فيها وهي تجمع الضحكة تفكرات راه لياقوت باقة جالسة شافت فيها:سمحيلي غا تحمست بزاف اصلا ليلى دافعات عليك وسدات ليهم لفام انه هداك كيبقى ماضي ديالك ماسوق حد فيك وكدا..المهم قنعاتهم المسخوطة خطيرة فأكل الدماغ داك ليلى هههه
الياقوت وقفات :تصبحو على خير
تنهد وتبعها شدها من يديها:واش نتي لاباس
شاففت فيه شوفات كيعرفهم مزيان شوفات مكسورين:مزيان ..
وكملات طريقها وطلعات...دخلات للبيت وجاسات فوق النموسية كتشوف فلمراية قدامهااا...مهزوزة ملدااخل ...كتحس بدمها كيغليي...كتحس بأنها باغة تغوت ولكن ماقاداش...صونا لها الطليفون كان الحاج ماجاوباتش وماباغاش تجاوب وتسمع كلاموو على داكشي لي وقع..قطع ورجع صونا كتر من مرة..فتالي جاوبات لي ليها ليها قوصات حواجبها كتسمع صوت لكمانجة ووحدة كتغنيي:الياقوت انتعطل غا نعسي انا مع رجال دلفيلاج نكملو لقصارة
الياقوت لهدوء:واخة..
وقطعات ماوصلاتوش لخبار ما سولها كيف داز داكشي كيف ديما كيكون متلهف يعرف اش وقع ويوسل...مامسوقش...
نطقات:ايلا دوزتها ليك اليلى راني ماشي الياقوت الشيخة لي حارو فيها الرجالة ماشي غا لعيالات....
داز الوقت...
كان جالس هو وختو فلبيت وهي كتعاود ليه ليديطاي
كنزة:ايييه قتلاتنا بلاكلاس وبلروطوكول فتالي صدقات شيخة
ياسين متكي لها فوق الناموسية وكيشوف فالسقف:باش لواحد خاص يبقة فصباغتو حيت يقدر يجي شي نهار ويتفرش كلشي
كنزة تكات حداه تاهي كتشوف فالسقف مازال مابدلات عليها:نور على ما فهمت من كلامها بغات تلبقها ل ليلى زعمة هي لي جابت الشيخات باش يفضحو الياقوت
ياسين شاف فيها:تانتي داك نور شعندها ماتعرف غا لغيرة حيت عرفات بكر جايب ليلى من تماك قلباتها مناتفة
كنزة:ناريي ماحسابليش كتعرف تناتف كانت كتبان تاهي كلاس وماكاتحركش البيضة من بلاصتها
ياسين:صراحة تانا صدماتني كانت كتبان صفيريطة فيها غا الهضرة صدقات شالوطية
كنزة:وجات مع ليلى كتر منها..هههههه بكر جمع جوج شالوطيات
ياسين:ههههه صراحة دالله كونبة وااعرة هادي هي لفراجة لي كتعجبني
كنزة:ههههه زعمة يعاودوها
ياسين:ماعرفتش موحال تبرى منهم بكر
كنزة:اومانعرف...
جمع الوقفة:نمشي نعس غدا تابعنا نهار طويل
ناضت تاهي:سير تصبح على خير
قرب باسها على راسها:تصبحي على خير اتويميتي
تبسمات وهي كتشوفو خارج...وناضت وقفات حدا لمراية كتشوف فراسها عجباتها لكسوة وماسخاتش تحيدها...تنهظات اتفيق بكري لقراية حطات يظيها على سميكات لكسوة اتحيدها وتي تسمع لباب كتحل..عند بالها ياسين رجع...حتى كتشوفو داخل ولبيرة فيديه كيجغم منها سد لباب بالساروت وتم جاي لجيهتها..تبسمات وهي كتقاد فالوقفة...حتى وقف عليها كيطلعها ويهبطها..جغم من داك البيرة وحطها من موراها وحط يديه على خصرها وزدحها معاه كيشوف فعويناتها:غبرتي تا زيانيتي.
تبسمات حاطة يديها على صدرو :غير حداك نت لي غبرتي
ميل راسو كيشوف فيها:شنو ما اديريش لحل
كنزة:شمن حل
قرب باسها على كتافها:لي فبالي وبالك
فهمات قصدو:ياك قلتي انتزوجو
كيشوف فصدرها شبه عاري:وايلا طول باش نتزوجو
كنزة:عادي صبر
نزل باسها وسط صدرها ورجع شاف فعويناتها:ماكانعرفش نصبر خصوصا على شي حاجة مشهيها ..الصبر كيخليني نقلب على شي حاجة تنسيني...وانا باغيك غير نتي ..
بقات كتشوف فيه كلامو دوبها :ونت بصاح باغيني
هز راسو:بزاف..
كنزة:ماخاصش تقلب على شي حاجة تنسيك فيا
بدر:نتي لي تقدري تخليني نبقة باغيك غير نتي
كنزة:كيفاش
قرب لشفايفها :راكي عارفة كيفاش
كنزة:مانقدش
بدر:تقدي لا كنتي باغاني تانتي ..ولا ماباغانيش؟
نطقات:باغاك
بدر:وفين الموشكيل
بقات ساكتة قربو كيغلبها ويدوبها وكلامو كيزيد يكمل عليها..حس بيها وعرف انه أتر فيها وداكشي لي بغة...مد يديه كيلعب فشعرها دايرة ليه ديل حصان ونطق:شحال جبتي...
تفكرات اليوم خدات النقطة بلعات ريقها:مازال ماخدينا النقطة
غرفها كتكدب:لا غير وريني عارفك خديتيها..قل من 20 نمحنك..
غوبشات ومشات جبدات الورقة دلامتحان وقربات لعندو ووراتها ليه خداها كيشوف فالنقطة :11/20
شاف فداك النقطة ورجع شاف فيها:شهاد لكلاخ ..ليلة كاملة ديال الشرح فتالي جايبة 11
كنزة:وشغا ندير انا مكلخة فلماط..تانا يحسابلي انجيب المعدل مزيان
بقة كيشوف فيها وهي ماعاحبهاش لحال مارضاتش نطق وهو كيحط الورقة:كنت عارفك اتجيبي حداش ولا عشرة
شافت فيه:كيفاش
قرب ليها:حيت دماغك وفهامتك فلماط حدها حد عشرة داك الليلة عرفت الدكاء ديالك فين واصل فالماط..كون جبتي عشرين تجيني غريبة
كنزة شهقاات:وعلاش عيشتيني فتأنيب الضمير..عشرين ياما تعشرين
بدر:كون قلت لك جيبي 15ولا 16 كنتي اتحيبيلي 7ولا تمنية ..هكا كبرنا طلبها كبيرة باش يوصلك لماكسيمو من داكشي لي باغي..
بقات كتشوف فيه دكي بزاف تبسمات براحة:كنت كنقول صافي مشيت فيها ساعة نت عارف
جرها وزدحها فوق الناموسية وجا فوقها:وهدشي ماكايمنعكش من العقاب

تبسمات كتشوفو كيقرب لشفايفها حتى بدا يبوسها دورات يديها مور عنقوو كتبادلو لقبل عايشة معاه اللحضة ولات دغية كتستسلم ليه ماعارفاش علاش واش حيت ولات كتبغيه بزاف ولا حيت كيعرف يأتر عليها وكتضعاف قدامو المهم لي كتعرف انه ولات كترتاح معاه وفقربووو...كيتسمع صوت قبلاتهم فلبيت ..نازل مع عنقها باغي يوصل لصدرهاا..تماك غطس راسوو ماباغيش يزكلها الليلة...حتى كيصوني الطليفون..بعد كيسوط بالجهد وشاف فيها:كل مرة وشكون كيخرج مرة خوك مرة لياقوت...
جاوب فطليفون وهو مزال فوقها:مالكي
تسمع شوية صوت انثوي قدرات تسمعو تاهي:عفاك واخة تجي محتاجاك
كانت كتبكي:شواقع
زادت فلبكا:أجي عفاك..
ناض من فوق كنزة:واخة..
وقطع ..وهو كيقاد حوايجو ناضت:شكون هدي
شاف فيها:ماشي سوقك
كنزة:كيفاش ماشي سوقي
قرب باسها على شفايفها:نهار تولي ديالي وباغاني كيف باغيكك داك الساع من حقك تسوليي
وخرج وخلاها واقفة تنهدات:وعندمن مشا شكون هادي...
نمشيو للجناح لاخور..
يلاه خرجات من الدوش..لقاتو فالبيت كملات طريقها ملوية عليها فوطة ..
بكر:شنو بلان الياقوت
ليلى:قلتيلي تحاربي هنا كنتحارب..ماكانجبد حد لي كيأديني غنأديه..
قرب ليها كيشوف فيها:المشكلة عارف
بقات كتشوف فيه وهو ينطق:تبغي تعيشي فدار بوحدك بلا هاد المشاكيل
ليلى هزات راسها بلا:لا بغيت نبقة هنا وسطكم
سكتات وكملات:ليامات لي عشتهم فلاباغطومو بوحدي كرهتهم مامولفاش نبقة بوحدي
شاف فيه:ياك مابغيتي تبعدني حيت كندير لك المشاكيل
حط صبعو على شفايفها:نتي عارفاني آخر واحد يفكر هكا
هزات راسها باه ونطقات:ماقلتيليش مبروك القايدة درت داكشي لي قلتيلي ودوينا فيه داك النهار ودخلت عندهم على اساس انا القايدة..عندك الحق كون دخلت وبديت كنشرح ليهم اني انا لي ربحت وانا لي خاص نكون قايدة كان ايكبر الموضوع..ماخاصش نعطيهم فرصة وانا اصلا قايدة..شكرا ليك
تبسم ليها:عمرك تخلي شي حد ياخد منك شي حاجة هي اصلا ديالك..لي ديالك راه ديالك ..ولي ماشي ديالك هو لي خاص تحاولي معاه باش يولي ديالك
هزات راسها باه :عندك الحق..
قرب ليها كيشوف فشفايفها فهمات شوفاتو بغات تبعد وهو يجرها كتر كيهمس ليها كيبوس فخدها بشوية:مازال مامستاعداش؟
بلعات ريقها كتشوف فيه بلا تا كلمة..قرب وباسها على جبينها:يلاه تصبحي على خير
وتم خارج عضات على شفايفها فهم غلاط كون كمل بلا مايشاورها ماكانتش اتحبسوو...
خرج ومشا للجناح ديالو نيشان وتكااا..
فالجناح لاخور ...
جالسة فوق الناموسية وكتكميي وتسوك فالدخان معصبة :غوت علياا اناا وهي راس المربة...ماغانرتاح تانقتلهااا.
حطات يدينا تلى فمهاا فاش حسات بالردة..طفات لكارو وناضت كتجري دخلات للحمام وتحنات كترد . مصارنها كيتقطعوو..غسلات فمها وهي كتلهت..حاطة يديها على كرشهااا وقفات متكية على الحيط الدوووخة غمضات عنيها تمشي منها ورجعات تلاحت فوق الناموسية تكات كتلهت مازال قلبها مروع ..
#يتبع #الاراااااااء ابناتي فكلشي🤦‍♀️❌