العمدة "مجنون ليلى"💙مكتملة💙

💙الجزء 116💙

‎👑العمـــــــدة👑
‎♡..مجنــــون ليلــى..
‎ف.الثانــــــي💫صـــــــراع العشـــــــاق
116

بكر تقاد فالجلسة:انا بيخير ماحدنا عايشين فهاد الدنيا ضاروري مانمرضو ونطيحو ونوضو ماشي هي السباب
ياسين:كضحك عليا ولا على راسك صافي كون اناني هاد المرة وديها فراسك ونساها هي ختي وعزيزة عليا وحتارمنا قرارتا بغات طلاق وتتيش مع خوتها ومتى خاص تعيش حياتك وتديها فصحتك نساها باراك
بكر مسح على راسو:ماغاتفهمش لي نقدر نقولك اني مابقيتش كيف كنت تهرست ملداخل وفاش كيتهرس شي واحد من لداخل صعيب يرجع كيف كان
ياسين بغة بهضر وهو يدفعو بكر:تحرك تمشي تنعس غدا عندك لقراية انا غدا انخرج من الطبيب راني هو هداك
ياسين:غدا ماعندي والو انبات معاك وغدا نرجعو بجوج للاباغطومو..
على كلامهم دخلات وهي مبتاسمة:مازال فايقين
ياسين شاف فيها:كنهضرو..ونتي مازالة هنا
تبسمات كتشوف فبكر:عندي الليلة لاكارد
قربات عند بكر :لاباس
بكر:الحمد لله
ياسين كيشوف فيها ونطق:هاد الشهران عدبناك معانا الحمد لله ملي لقينا بنت لبلاد كتسطاجي هناا. عاونتينا بزاف الله يحفضك
عينيها مازالوش على بكر:عادي كي قلتي ولاد لبلاد ..غدا اتخرج
بكر:اه
ياسين:قولو مايتعصبش تاني باش مانجيبونش تاني لهنا
شافت فبكر:ماخاصش تولي تجيك هاد الازمة مرة خرا جوج مرات فشهراين راه صعيبة عليك القلب حساس بزاف حاول تبقة تتهدن وزيد السكر يلاه فالمرحلة اللولة ديالو مع الوقت لابقيتي مقابل راسك ومبعد على الاعصاب اتحيد تا هاد الدوة وترجع لكياتك الطبيعية
ياسين:سمعتيها وديها فصحتك
بكر شاف فيهم بجوج ونطق بهدو:ارا الطليفون نشوف لبيي ديال الطيارة
ياسين:اترجع للمغرب
بكر:اه…
تبسمات:تانا انرجع صافي ساليت سطاح ديالي ..

نهار جديد..
خارجة من لافاك وكيف لعادة مقابل مع لافاك كيتسناها باش يشوفها كيعيا يحلف انه صافي ايضرب عليها فتالي كيلقة راسو حاضيها
شافها خرجات من لافاك وركبات مع الشيفور تقاد فبلاصتو وديمارا تاهو ملي شافهاا..
كانت فالطموبيل وصلها ميساج قراتو وتبسمات:الزين ديالي ساليتي لقراية
كتبات ليه:اه يلاه خرجت دابة
عيط لها داك الساع جاوباتو:الو
سمعات صوتو:لاباس عليك مي داز نهارك
كنزة:الحمد لله ونت
جاوب:راني فالطموبيل يلاه ساليت الخدمة ..شنو ماغانشوفكش
كنزة:دابة ماعنديش كيفاش خلي كيف تافقنا حتى لنهار الحفل ديال الافتتاح دلاوطيل ونتلاقاو تماك
تبسم:واخة الاك لي حب خاطرك نيت تعرفي على ختي والواليدة ..من موراها نجيو للدار حيت باغيك مراتي فاقرب وقت
كنزة بلعات ريقها:صافي ان شاء الله
تبسم:يلاه نخليك هنا وصلت بلاتي ونعيط ليك
وقطعو تنهدات تعرفات عليه فالانستاقرام ولد الناس وضريف يلاه جاو من براف داير مشروع ديالو فالمغرب عمرو تبسل عليها ولا قلل عليها لحية واخة مازال ماتلاقاو فاص نوة معاها لحلال ..تنهدات ملي ايترف ماضيها مع بدر غيهرب ..جاها فوامد الوقت كانت كتقلب على شي حاجة باش تنسا بدر وطاحت فيه هو عمرات وقتها بيه كضل تهضر معاه ماخسابليهاش اينوي لحلال