العمدة "مجنون ليلى"💙مكتملة💙

💙الجزء 138💙

‎👑العمـــــــدة👑
‎♡..مجنــــون ليلــى..
‎ف.الثــالت والاخــير:
‎💔من الحـب مـا قت ل💔
138

هز راسو فيها ماكانش قل منها ..طاح ليه الستيلو من يديه وهو كيشوف فيها ست سنين دازت ماجات عينيه فعينيها واخة كانت ساكنة قلبو وعقلووو..
هي مجرد الشوفة فيه هكا قدامها حسات بقلبها رفرف ورجعو ليها بزاف دلاحاسيس كانت دافناهم فقلبها ويحساب ليها نساتهم

بدر نطق وعينيه فعينيها حاس بداكشي لي فالداخل ديالها:لاباس عليك
رمشات بعينيها بحاليلا فيقها من سهوتها عاد رجعات لارض الواقع تلفات ونسات اش قال نطقات:شنو قلتي
بدر :لاباس عليك
هزات راسها باه كتبلع فريقها:لاباس ونت
بدر:تانا
شافت فولدها:هز كتوبك ويلاه نطلعو نعسو
مازادش معاها الكلمة حنات راسها كاتمة دموعها…ماكانتش مستاعدة لهاد اللقاء حتسة برجليها فشلو وهو قدامها وريحة باغفانو كتتغلغل فاعماقها رجعها سنين اللور فاش كان يوقف قدامها ويغلبوها احاسيسها…
بدر كيشوف كيف تالفة منزلة راسها ومخبية وجها بشعرها كتلعب بصبعانها …
حمزة:صافي جمعت كلشي
كنزة باغة غير تهرب .يلاه نعسو
حمزة شاف فبدر:تصبح على خير
زاد قدامها بغات تبعو وهي تمس بيدين بدر شادينها من اطراف صبعانها:خلييك
غير ملمس يديه فاطراف صبعانها زعزعهاا :انا..
بدر:عفاك…
نطقات:حمزة سبقني هنا جاية
حمزة:واخة
وخرج من الصالة مخليهم بجوج…
ماتحركاتش ولا شافت لجهتو كتحس بيه كيقرب وقلبها كيضرب تا كان من موراها نيشان حط يديه على درعانها وقلبها لجيهتو تقابل وجها مع وجهو وهز ليها راسها لعندو كيشوف فيها ويحقق فملاميحها بكل حب وشوق شافت فيه عطات الحرية لراسها تشبع عينيها منوو …زادو غرغرو عينيها بالدموع تا نزلات دمعة حارة من عينيها على خدها خلاتو يميل. راسو كيمسحها وزاد قرب ليها ونطق:ست سنين اكنزة عمرك مشيتي من بالي عمري نسيتك عمري قدرت نبغي شي وحدة من غيرك..ست سنين دالعداب ماخليت مادرت باش ننساك تا حاجة مانساتني فيك..وليت كنصلي بعدت من الشراب بعدت من اي حاجة خايبة وليت استاد دالماط سافرت هنا ولهيه …كلشي تبدل فياا عقليتي مابقيتش عصبي وليت مبرد وليت كنتحكم فاعصابي وليت نحسب حسابي لاي حاجة كلشي تبدل الا داكشي لي كنحسو من جيهتك ماتبدلش ..شفت الم…وت فاش عرفتك صافي وليتي مع راجلك وفاش عرفتك حاملة دازو عليا واحد ليامات خايبين بزاف كنت كنتخايلك معاه وبين يديه كتشعل فقلبي العافية تأنيب الضمير وااندامة وكلشي تجمع عليا عشت داك العداب مرحلة بمرحلة…واخة هكاك كنت كنجيب خبارك واخة مزوجة وحاملة حتى ولدتي وانا مازال ماناسي والوو ..حتى لهادي عماين فاش طلقتي حسيت بواحد الفرحة اكنزة عمري حسيت بيها فحياتييي كنت باغي نرجع داك الساع ولكن حبست راسي قلت مازال الوقت ..
هو كيهضر وهي كتزيد فالبكة تاهي ست سنين مادازتش عليها ساهلة…ادريس كان مزيان معاها ولكن قلبها وعقلها كان فبلاصة خرا حاولات تبغيه وعمرها قصرات معاه فشي حاجة كانت معاه زوجة كيف يبغي اي واحد ضغطات على راسها بزاف ولكن ماقداتش وهو حس بيها عرف قلبها عامر بشخص اخور مايزيدش يعدبها ويعدب راسو معاها طالقو طلاق اتفاقي بقاو صحاب هو تزوج ومراتو دابة حاملة وهي كملات حياتها مع ولدها بعيد على اي حاجة كتخص الحب والعلاقات…..دفناتو فقلبها واحتافضات بيه لراسها وصافي
بدر كيشوفها كيف كتبكي ضرو قلبو:ماتبكيش انا رجعت على قبلك ماقديتش نزيد نصبر عالجت راسي من الماضي ومن الخبث لي زرعوه فقلبي وليت واحد اخور مابقيتش بدر لي كيجرح واناني هداك بدر م..ات ..
هزات فيه راسها كتشوف فيه وهو كيدوز اطراف صبعانو على خدودها:رجعت على قبلك وانعاود نطلب منك السماحة وانا مبدل اخر مرة قلتيلي سير عالج راسك بعدة واني مازال اناني وعمري انتبدل هاهي دازت ست سنين والله حتى تبدلت ومانسيتكش ..