العمدة "مجنون ليلى"💙مكتملة💙

💙الجزء 102💙

👑العمـــــــدة👑
♡..مجنــــون ليلــى..
ف.الثانــــــي💫صـــــــراع العشـــــــاق
‎#102
فجيهة خرا..

دخلو للدار..
وجلسو فالصالة..جات حورية جلسات معاهم كتسول على شنو وقع وهوما كيعاودو ليها..
حتى كيدخل ياسين وجلس تبسم وشاف فيهم:عندي ليكم خبار زوينة
ليلى:قول عفاك تومشنا نسمعو شي حاجة زوينة فهاد الدار
ياسين:الواليد ايجي غدا للمغريب
حورية وليلى غوتو بالفرحة وحنان كتبكي بالفرحة
الياقوت كتنهد براحة واخيرا ولدها ايرجع ليها:حمدتك اربي وشكرتك ولدي ايرجع لي ماشبعتش منوو
الحاج:هادي مبار زوينة الله يجيبو على خير
ليلى:ماشي كان ايجي من دابة تلت شهور تا يكمل الالاج ديالو كامل
ياسين هتافات ابتسامتو:عرف اش واقع ماعرف شكون وصلهالو قالك ايجي
الحاج:عيينا نخبيو عليه ونصيوهم باش مايعرف والو
الياقوت:مالهير ولدي بعقلو وحنا محتاجين ليه يجي وسط عائلتو الصعيب داز يكمل العلاج ديالو هنا فالمغرب
الحاج:داكشي لي كاين..خالد تاهو خاص يرجع
الياقوت:دابة يرجع تاهو مزيان ملي مشا لفرانسا يقاد امور الشركة الجديدة ديالنا تماك كون ماهو كون ضاعت تاهي فوسط هدشي لي دزنا منو
الحاج:ونور ماشي طولات
الياقوت:خليها الحاج تبدل الجو لي داز عليها ماشي ساهل مامشاتش عند البراني راه عند باها ففرانسا
ليلى منزلة راسها غير كتسمع سيرتو قلبها كيتزمت وكتحس بالخنقة ناضت حاطة يديها على كرشها:نطلع نرتاح
وطلعات للبيت دخلات نيشان للحمام وتحنات كترد غير كتتفر داك الليلة كتعيف راسها وتعيف كلشي خرجات من الحمام كتغسل فوجها وجلسات كترتاح حاطة يديها على كرشها بانت تبسمات:مابقة والو ويخرج باباك أولدي

داز هاد النهار وجا نهار جديد..
كانت جالسة حداه وشادة ليه فيديه تنهدات:فيق اولدي توحشتك بزاف ماكنتش بغيت نشوفك هكا كون بغيت نشوفك فحالة حسن من هكا
تنهدات كتشوفو ناعس بهدوء ربع شهور وهو فغيبوبة كيتسناوه فوقاش يفيق ويرحع ليهم والطبيب قال انه يقدر يفيق فاي لحضة ولكن فوقاش الله وأعلم
باست يديه وناضت رجعات للدار..

نرجعو للفيلاج..
ناض ملي لمحها خارجة للكوزينة وطلعات للفوق تبعها حتى كيحط يديه على خصرها:الزين دلعلام
شافت فيه وتبسمات:بصاح ولا كلورادو
تبسم وهو ميطلعها ويعبطها:اام خاصك غا تزيدي شوية هنا
ومط يديه على ترمتها تا قفزات هاربة منو:ويلي تسطيتي
ياسين:ماعزيزش عليا الضعف بزاف
ايمان:وانا هكا دايرة
وقربات لعندو:شنو اتسمح فيا ولا ماعنيكش فيا اصلا
كيشوف فشفايفها:عيني فيك وكلي باغيك بيها ولا بلا بيها
تبسمات:بصاح
ياسين:والله العاضيم..و اري شي بوسة
ايمان:اويلي باغي تخرج عليا
شدها من يديها:لا اريهاا
ايمان:رخي مني رخيي
رخة منها:غا ضاحكين ونتي درتسها بصاح
تبسمات كيعجبها الحال فاش كتشوفو ضاحك حيت داكشي لي داز عليه ماشي ساعل نطقات:كنفرح ملي كنشوفك فرحان
تبسم وهو كيتنهد:دابة تفاجا ان شاء الله المهم يخرج خويا والوليد ايرجع وملشي ايتقاد ان شاء الله
ايمان:ان شاء الله
ياسين:داك الساع ن..
ايمان:نن شنوو
ياسين كيلعب فشعرها:نديرو شي عراسية فهاد الفيلاج كلشي ينشط
ايمان عنيها كيبريو بالفرحة:ان شاء الله داكشي لي بغيت
سمعات شي كد طالع مشات كتجري وهو دار شافها حورية :ختي الزين دلعالام
قربات لعندو:ياسين عنداك تكون كضحك على البنت
ياسين:واش من نيتك كاع هدشي لي داز علينا وغنمون كنضحك عليها
حورية:وا هكاك مابغيناش على ختنا ماخاصش نبغيو تا على بنات الناس لي فينا مافينا
جرها وعنقها:ماتنافيش كوني هانية الحنانة ديال عائلك العمدة يا احس اخت فالعلام
تبسمات:الله يحفضك
رجع اللور وشاف فيها ومشات داك الابتسامة:دخلي شوفيها وقوليلها الواليد جاي غدا
حورية:داكشي لاش كنت جاية..تانت خاص..
قاطعها وهو فادي لبيتو:هنا مشيت
تنهدات ومشات حلات لباب ودخلات عندها كتشوفها جالسة فوق الناموسية وكتشوف فالفراغ قربات وجلسات حداها:كنزة
شافت فيها:نعام
حورية:بابا غدا جاي
بقات كتشوف فيها شحال وهوما ينزلو دموعها ونزلات راسها ماقاداش تفرح بروج باها حيت ما اتقدش تشوف فعينيه من داكشي لي وقع
حورية شدات ليها فيديها:كنزة لي وقاع وقاع نتي عارفة بابا ما غايدوزكش راكي بنتو
هزات راسها لقات حورية كتشوف ليها فيديها لي فيهم لاطراس ديال الزيزوار مغرزين جمعات يديها عندها وهبطات كمامها على يديها ..حورية تنهدات كتفكر نهار لقاوها دابحة يديها فلحمام نجات من الموت بأعجوبة…