العمدة "مجنون ليلى"💙مكتملة💙

💙الجزء 37💙

👑العمـــــــدة👑
♡..مجنــــون ليلــى..
#37
...وزاد فالسرعة تا وصل للاباغطومو ..خدا الضوبل دسوارت من كوفر تماك ونزل دخل نيشان كيحل فلباب

فات طالع في دروج بزوج درجات حتى وصل للاباغطومو ديالها فتح باب طول لقاها مفتوحة ودخل يحوس عليها في بيتها وفي صالة ملقاهاش لقى غير لكاس لي مكسر وواحد الفاز ... قعد يشوف في تلفاز لي مزالو مفتوح عارضين عرسهوم وداويين على عودة الحفيد البكر للعمدة تنهد وعقلو خدام وين راحت

خرج عند شوفير لقاه قدام باب  : ويينها
شوفير : لداخل
بكر شاف فيه شوفات تقتل  وراح نركب طموبلتو يحوس عليها  ورجليه داوه لدارهوم لقديمة  ... وصل لدار لقاها مفتوحة   قاعد يفكر حتى كمل طالع لدارهوم  يحوس عليها لقاها مغلوقة قعد يحوس عليها حتى داوه رجليه لبيتو لي فلاطيراس تحرك ليه ... غير وصل حل لباب بسرعة لقاها
.......

نار كبييرة شاعلة داخلها مقادراش تفهم معنى هدي العافية يمكن ظلمها أو خانها أو كذب نهار قالها نبغيك بزااف اشياء واحسااسين تخلطو عليها أكبر احساس ضاغي داخلها هو الغضب .....
هو حابب ينساها وراح تزوج اذن راح تنهي هدااك الحب من مكان بدايتو .... طلعت لغرفتو لي كانت معمرة بصورها لي في كل بلاصة كاين صور من وقت كانت صغيرة .... لدرجة نسى انو هو لي رباها نسى انو هو الأب والأخ نتاعها نسى أو هو لي حاب ينسى لكن مشي ليلى لي يدمروها هو جرحها وهي مراحش تنحني للالم هدا
قعدت تقطع وترمي في صورها قاعدة تشفي غليلها في غرفتو ولحاجة لي جات قدامها تكسرها وواي صورتها كانت مزينة حيطان بيتو قطعاتهوم حابة تطفى العافية لي راهي تاكل داخلها وفي دموع لي نازلين بلا تحس بيهوم .....
دخل للغرفة لقاها مقلوبة وهي فوق سريرو تحاول غير توصل لصورة لي في سقف حاابة تقطعها

طلعها من فوق لتحت من فخادها لي تعراو كامل ولاغوب لي طلعتلها مخلية تقريبا لسترينك لي لابساتو يبان ولا صدرها لي باين وخارج برا وزادتلو سرعة انفاسها او شعرها لي حاسو طوال من أخر مرة تلمسو وشم ريحتو ولا وجها الصافي لي سحرو وهي بنت اليوم واحد ... رغم المسكارة سايلة على عيونها وملوثة وجها الا جمالها مايخفى عليه الجمال العادي لي بين آلاف البنات غير هو قدر يربطو طول سنين لي مرت ..... حول عيونو بسرعة للبيت ولصورها لي مقطعة مشوهة جدران بيتو زير على يدو ... وزاد عاود شاف لحالتها ولغضبها
حكة بصوت رجولي فيه بحة ما تفرز منها الا الكلمات : واش تخدمي هنا

ليلى نتبهت ليه شافت في عيونو و عيونها كلهوم غضب وتأنيب نزلت من سرير بشويا وقربت منو بهدوء واقفة قدامو وعيونهوم ما بعدتهوم من عيونو...: جيت ننهى الأمر ونساعدك بلاما تعذب روحك شافت في صورها هدو معندهوم بلاصة هنا .. اعريسنا

قعد يشوف فيها وببرود : واش لحالة لي عاملة في عمرك
ليلى ضحكت بصوت فيه بحة من لالم المخفى: ههههه دما حالة الله يهديك راني بخير غير حابة نفهم واش جابك عندي تبانلي في الوقت هدا تكون مع عروستك