العمدة "مجنون ليلى"💙مكتملة💙

💙الجزء 87💙

👑العمـــــــدة👑
♡..مجنــــون ليلــى..
ف.الثانــــــي💫صـــــــراع العشـــــــاق
87

فالجيهة لوخرا جالسة والطليفون فودنيها وكتصنت مبلوكية وكتشوف فجيهة وحدا ماكاترمش عنيها عقلها حبس لدرجة يحساب ليها غير كتحلم صعيبة بزاف تسمع هدشي نزلات الطليفون فاش تقطعات المكتلمة وبحاليلا تزدح ولا شي حاجة بقات جالسة شي ربع ساعة غير مبلوكية صعيبة على مرا تسمع داكشي واخة راه تاهي مراتو وحق من حقوقها وماشي حرام وماشي خيانة ولكن باش تسمع داكشي راه كسر القلوب د اي مرة كيفما بغات تكون حجرة كاع راه ماتصبرش عليهاا ناضت واقفة داتها كلها كترجف عارفة انه مستحيييل بكر يديرها عارفاه يموت ومايديرهاش ادن نور مولات الفعلة ومأكدة انه متعمدة ولكن علاش دارت لها هكا وهي مبعدة منها علاش جرحاتها هكا وهي مرا بحالها هدشي مايبغيه لا الله لا عبدو حسات بالوجع رجعات جلسات وتكات معنقة المخدة وزيرات عليهاا وفبالها كتخايلهم بجوج طلعات يديها لقلبها وزيرات ونطقات:علاش كيضرني يزااف
فعلا فبالها كتقول لهاد الدراجة كتغير عليه باش قلبها يضرها ماشي كيضرها بحال ديال اي مرا لاا هادا احساس فات شي حاجة دلغيرة تنهداات باغة تخرج مع داك التنهيدة لعافية لي شاعلة فقلبهااا جات فبالها نور ياك بعدات منهااا وخرجات سوقهااا ماغادوزهالهاش هاد المرة فاتت الحدود ...ماشي غير هكاك هانتها فكرامتها وانوثتها ماغاتسكتش ليهاا والحل عند بكر ...

فامريكاا..
قبل نصف ساعة..
حسات بيه اتقلب ويشوف الطليفون وهي تجر لمخدة بلا مايحس وطاح الطليفون وتزدح فالارض تهرس
هز راسو وهي لوات عليها ليزار كتشوفو كيلبس شورط ديالو وعنيه على الطليفون هزو لقاه تهرس قوص حواجبو وجلس على جنب الناموسية وتنهد خاص ياخد طليفون اخور ناضت جالسة كتشوف فيه من اللور شكا يدير حيد لبوشيطة وهي تبان تصويرتهاا مخبية تحت للبوشيطة خنزرات داك الساع وهي كتشوفو كيشوف شحال فصورتهاا تفكرات انه فأي بلاصة عندو صورتها الطموبيل فالبزطام ودابة فالطليفون بزاف على هاد الحب هداا ياك عاد وهو ناعس معاها خاص تكون باقة مأترة عليه علاش غير سلا ناض كيقلب عليها ويشوف فتصويرتهااا عضات على شفايفها اتموت بالفقصة تنهدات بصوت مرتافع وهي كتشوفو كيحيد لاكارط من الطليفون باش يديرها فطليفون اخور
نور :صافي تارجع للمغرب وخود واحد اخور لا ماخدمش
ماجاوبهاش ناض كيحل للبلاكار وكيجبد فحوايجو
نور:فين غادي
بكر بدون شعور:ليلى..
وسكت وهي كتشوف فيه مخنزرة ماكملش كلامو وتم داخل للحمام وهي تنطق:على لأقل حتارمني فاش نكون معاك ونساها شوية ونت معايااا وماتجبدش سميتها احتراما ليا راه حتى فنعاسك كنحس بيك ماشي معايااا كنحس براسي انا لي كندير كلشي وانا لي شاعلة فيا العافية ونت غير كندير لي خاطري ودير الواجب ديالك
شاف فيها شحال بغة يقول شي حاجة ولكن راه عندها الحق فاش كيكون مع نور ماشي هي فاش كيكون مع ليلى فرق كبيييير راه فعلا غير خوفا من الله وواجبو كرجل كيحاول يعدل بيناتهم وهو راه فالاصل معدب راسو ومعدب ليلى ونور معاه وهو معدب كتر منهم كاااع حس براسو فعلا اينفاجر دخل للحمام كيدوش وهي خلاها كتاكل فجنابهاااا كتعيا تحفر وتخطط وتعيا تحاول تفقص ليلى ولكن كتجيي فيها هيييي مابقاتش عارفة شنو دير باش تنسيه فليلى ويبغيها هيييي ولكن ماعارفاش انه ليلى ساكنة ليه فقلبو من صغروو