العمدة "مجنون ليلى"💙مكتملة💙

💙الجزء 74💙

👑العمـــــــدة👑
♡..مجنــــون ليلــى..
ف.الثانــــــي💫صـــــــراع العشـــــــاق
74
جا نهار جديد..
كلشي مجموع فالطبلة دلفطور الا الياقوت والحاج...كيشوفو فكراسيهم خاوين
ليلى كتفطر ناشطة وضحك هي وياسين وكنزة وحورية مامسوقينش ..
نور :مابغاتش تهبط تفطر من لبارح وهي ماشي هي هديك
حنان:الله يهديها ماخاصش دير فراسها هاد الحالة هي لي كانت كتعلمنا عمر نخليو شي حاجة تهرسنا..لي وقع وقع وداكشي كيبقة ماضي
سعاد:تا الحاج مابان ليه أتار
ياسين:الحاج راه كمل لقصارة مع رجال لفيلاج ايكونو باتو فالدار لي حدا الاراضي
سعاد:ماموالفاش ليه كان كيقصر شحال هدي ملي يلاه تزوجت ودخلت عروسة انا وحنان لقيناه مبلي بلقصاير من بعد صافي سالة من كلشي
ياسين:انتوما ما شتوش الشيخة طامو ورباعتها راه داكشي مجهد
وجبد كيوريهم فلفيديوات
سعاد:ويلي هدشي كامل كنتو دايرينو فلخزانة...شوفي شوفي لحاج كيغرم عليها
حنان:ههههه الرجال مشا لهم لعقل
ياسين رجع خدا الطليفون:ايوا عدروه لاماباتش فالدار هههه
حنان:سكت الله يمسخك
بقة كيقلب فالفيديوات وقرب لحدا بكر:شوف الزين لفتان داك خيتي لي مابغاتش تحيد محداك
كان كيشرب من قهوتو بهدوء هز عنيه كيشوف فداك الفيديو ونور حداه كتشوف كيفاش حانيا عليه وكتشطح:شهاد المرض..ماكاتحشمش الراجل مزوج وهي كدير عليه هكا
ياسين شاف فيها:هوما مااكيعرفو لا مزوج لا مطلق
ليلى هزات راسها شافت فبكر..كيشوف فداك الفيديو وفهديك لي كتشطح علات حاجبها ادن راه بصاح عجباتو
شاف فليلى كيفاش كتشوف فيه جمع الوقفة ناض وايلى حاضياه من صباح ماهضر معاها ماكلمها واخة غير هبط يفطر سول عليها وصيفط الخدامة تعيط لها تفطر ولكن واخة هكاك ماهضر معاها باينة تمره من البارح فاش كان باغيها وفهم انه ماباغاش
نطق كيشوف فياسين:زيد اياسين نمشيو ليوم اتبدا الترويج للحزب
خشا الطليفون فجيبو وناض :ايااه راه كلشي ايكون حاض
كنزة:خليني تانا نلبس تي شيرت وندير لكاسكيط ونمشي معاك
ياسين:نتي اتبقاو فداركم
ومشاا تابع بكر لي مخنزر ..
نور حطات كاس دلعصير وشافت فالخدامة:هدا سخون بزاف ..العصير راه كيتشرب بارد وزيديلي فيه السكر راه باسل
مشات تجيب لها داكشي لي بغغات
نور:ياك قالت ااياقوت اتبدلها ..ماعرفتش علاش مازال مخلياها
وسكتات وشافت فليلى وخنزرات..وليلى نفس ااشي..
جابولها لعصير شرباتو برد ليها على قلبها ..شوية حطات يديها على فمها وناضت كتجري للحمام كلشي بقة كيشوف فيها..تبعاتها سعاد:اويلي على بنتي مالك
ليلى وقفات :هنا لفوق
وطلعات دايزة من حدا لحمام لي فيه كترد وحداها مها..كملات طريقها وطلعات للفوق ...وهي تشوف الياقوت فلاتيراس وفيديها لكارو كتكمي ودوي فالطليفون:انا بغيتها تغبر فاقرب وقت بغيت الخدمة تبان دير شي حاجة كتر سمعتيني شي حاجة مجهدة مابقيتش حاملة ااشوفة فيها..اولا انقلب على شي واحد اخور.
كملات معاه وقطعات ..وليلى رجعات باللور كتمتم:مازال ماهداك الله مازال كتقلبي علياا
دخلات لبيتها ودوزات نمرة ياسين:وشنو فين وصل داكشي
ياسين:وصافي كوني هانية راه خدامين غير يلقاوهم اتشوفي الشوهة
ليلى:خاص يكون بكر هنا
ياسين:كوني هانية من لهنا للوقيتة دلغدا راه يكونو لقاوهم ونيت ايكون كلشي فالدار
ليلى:صافي واخة سير على الله
وجلسات على جنب الناموسية:راه كبقولك الياقوت اللحلاحة غلبات السحارة..هانتي اتشوفي لملاة شنو مازل ايخرج منها