العمدة "مجنون ليلى"💙مكتملة💙

💙الجزء 129💙

‎👑العمـــــــدة👑
‎♡..مجنــــون ليلــى..
‎ف.الثــالت والاخــير:
‎💔من الحـب مـا قـتـل💔
129
ليلى مصدومة حاطة يديها على فمها مامتيقاش انه داز عليها هدشي كامل ومازال عايشة…
وخديجة تاهي مصدومة جالسة وكتشوف مغرغرين عينيها بالدموع صعييب بزاف داكشي لي دازت منو
الياقوت بصوت مخنوق بلبكى رجعو ليها المواجيع كتسمح دموعها وتدوي:خرجت من الحبس بقلب حجر الضربة لي خديت من اعز ناس عليا دخلت كملت عليها فالحبس تكرفست فالاعوام اللولين شفت الويل تماك ..نهار خرجت كنت كارهة العالم ..
شافت فخديجة:خنتك مع هداك لي كنتي كتبغي..فاش كان كيتلوط عليا قلت انا المي خانتني مع راجلي وخديجة غير صاحبتي شكون هي لي مانخونهاش تاهي…كاع هادوك لي رجالاتهم تبعوني ماكنتش كنحن فعيالاتهم كنقول ما ما اتجيهمش قاصحة قد ماجاتني قاصحة انا ماغايحسوش بحالي ملي عرفت راجلي كان مع المي وحاملة منو…داز عام وانا شيخة معاكم مرات الحاج الله يرحمها دخلاتني لدارها على اساسا نشط ليها الحفلة خديت لها الراجل ..هكا مشات حياتي تاحاجة مابرداتلي قلبي درت ولادي ودرت الفلة ودرت لفلوس والالملاك والجرح باقي ما برا
شافت فليلى:مك فاش جات لعندنا وسكنات معانل وحصلت خالد ولدي كيخون مراتو معاها ماحملتش مك ..كيفاش فدار وحدة وحنان ماجايباش لخبار نفس السيناريو كيتعاود عليها درت لمك داكشي باش تمشي وخالد يبقة مع مراتو وولادو وخة انا راني كنت وسخ من مك فالخي.&انة والغ..د&ر..واخة كنت عارفة خالد تزوج بحنان بالسيف عليه حيت انا بغيتها ليه وماكانش كيبغيها وكان كيبغي رقية
تنهدات بحرقة:تبعت طريق العافية لي فقلبي باش نطفيها ونسيت اني كنحرق راسي ونحرق عائلتي معايا ما ضرباتني الوكدة وشفت مورايا تا لقيت راسي حرقت كلشي دمر.&ت عائلتي بيديا شي م..ا&ت بسبابي وشي تعقد وشي خوا لبلاد وشي دمرت حياتو..وانا هنا كنخلص هاااح شنو خاص ندير مازال
ليلى مسحات دموعها كتبكي وتشوف فيها كيفاش كدوي بحرقة..الياقوت بدات كتكح وهزات كلينيكس حطاتو على قمها صدرها كيضرها فاش بعداتو شافو الد..&م فكلينيكسً..بغات تخبيه
وليلى تنطق:الياقوت صافي نساي الماضي ماديريش فراسك هاد الحالة تانتي تكرفستي ولي داز عليك ماشي قليل انا غير عاودتي ليا قلبي تزمت عليا حراك نتي ..بقيتي بوحدك ومالقيتيش لي يشد بيديك ويخرجك من داك الحقد لي عما عينيك مالقيتيش لي يقولك كاين امل تعيشي مزيان بلا ماتأدي الناس وتنساي الماضي بقيتي بوحدك نتي وداك الماضي لي كيحفر فيك
الياقوت نزلت راسها باه كتبكي:اه بقيت بوحدي وانم..&وت  بوحدي
وحنات راسها كتبكي
ليلى:شوفي بغيتي ترجعي عائلتك؟
هزات راسها فيها:اه ماكرهتش نرجع اللور ومايوقعش لي وقع ونلقة. راسي مازال مع عائلتي ونصلح لي خاص يتصلح
ليلى:ادن خاص تعيشي وتتعالجي خاص يكون عندك الجهد باش ترجعي ليهم
الياقوت:صعيب بزاف
ليلى:انا نعاونك
الياقوت تبسمات:ونتي ؟تانتي محسوبة من عائلتي تانتي حفيدتي بنت ولدي تانتي بغيتك تسمحيلي
ليلى:انا قلت لك نهار نشوفك بصحتك وواقفة صحيحة داك الساع هنا معاك ..شنو تبداي العلاج؟
بقات شحال كتفكر عاد نطقات وهي كتمسح فدموعها:واخة
ليلى تبسمات وسط دموعها وناضت خديجة فرحانة كتعنق فالياقوت:وشحال فرحت اصحيبتيي شوفي انا مسامحاك دنيا وأخرة غير ولي لاباس تا داك الراجل مامنوش الريح لي جا كيديه
الياقوت تبسمات وخديجة كتهضر وتقولهم اش قالت الطبيبة وشنو خاص يدار..
الياقوت شافت فليلى:شنو درتي مع بكر ؟كنت مرة مرة كنشوف شي اخبار فالجرائد عرفت طلقتو وطلق نور..وشفت انك رجعتي ساكنة نتي ونور وبدر
ليلى بلعات ريقها:ماوقع والو كل واحد شد طريقو
الياقوت:ولكن هو كيبغيك بزاف ماضيعيهش بسباب المشاكيل لي دازو نتي كنتي كتعرفيه وعشتي معاه قبل نبانو حنا فحياتكم..لي وقع مايستاهلش ضيعيه من يديك..شتي حنا الرجال اش دارو فينا وشتي الرجال كي ولواو فهاد الزمان ..قلال الرجال بحال بكر الطريقة لي كيبغيك بيها ماتلقايها فتا راجل..لا خصرتيه عمرك تلقاي بحالو اليلى رجعي لييه وربي ولدك مع باه ..مابغيتكش تندمي من بعد مابغيتكمش تبقاو مفارقين بسبابي
شدات لها فيديها:راه والله ما اتلقاي بحالو
ليلى بقات غير ساكتة وكتشوف فيها من هدشي لي عاودات لها الياقوت تأزمات صعيب تلقاي لي يبغيك من قلبو
وقفات:انا غنمشي خليت مروان غير مع نور
الياقوت:نور لاباس عليها
ليلى:راها لاباس
الياقوت:مابقاتش كتحملني ولكن ربي شاهد عليا كانت بنتي قبل تكون حفيدتي كنت كنشوف فيها راسي واخة خرجت عليها وزرعت فيها الحق..&..د لي كان فيا اما هي مادايراش هكاك هي حساسة بزاف وحنينة وضريفة قلبها زوين 
ليلى تفكرات نور وتبسمات:بدات ترجع لطبيعتها كوني هانية انبداو كاملين نتعالجو شوية بشوية حتى نتي
هزات ساكها:ايلا لقيت الوقت انا نمشي معاك للطبيبة وايلا ماجيتش خديجة ترد عليا اش درتو
ومشات خرجات من الدار..كتتمشاا مرفوعة تا وقفات فالمحطة دطاكسيات ركبات فوحدة وعطلتو العنوان رجعات راسها اللور ونزلو دموعها كتتفكر يامها مع بكر وكيفاش كان كيعاملها بحال شي اميرة

فجيهة خرا..

دخل للدار لقا هبة كتسنا غير شافتو بدات كدوي:نت كتغامر بزاف ابكر الدوة خاص الداوم عليه يقد تجيك جلطة وزيد خاص تشوف الطبيب
غادي وهي تابعاه بالهضرة
حنان من موراهم:عندها الحق اولدي هكا راك ادوب شوية بشوية شنو فيها لا ديتيها فحصتك وتبعتي دواك ومشيتي للطبيب راك تانت بشار تانت خاص ديها فراسك
هبة:خاص تاخد بجدية هدشي لي فيك حيت ماشي ساهل
تم طالع فالدروج ونطق:جيبيلي الدوة بلا هضرة زايدة
تنهدات وتبعاتو ومشات كتجيب ليه الدوة ودخلات عندو  كتشوف وجهو صفر وباين عليه التعب
عطاتو شرب الدوة:غادي يجيبو ليك شي حاجة تاكلها
هز راسو باه وهز فوطة داخل للحمام وهي توقفو بصوتها:عفاك خلينا نمشيو للطبيب علأقل على قبل ولدك يكبر ونت معاه
ماجاوبهاش ودخل للحمام..كان تحت الرشاش ما دافي وتفكيرو كلو معاها ماكرهش كون ترجع لمياه المجاريها وتجرجع ليه روحو ولكن باغي بخاطرها فاش كيتقرب منها ويشوفها نافرة منو وتسمعو كلامهاا السام كيتطعن ملدااخل مابقاش قاد يستحمل انه ماباغاهش تفكر كيفاش باتت بين يديه برضاها ماينكرش خاف تفيق وتقولو علاااش…تنهد شنو خاص يدير معاهاا وصحتو غادة ومارشى وولدو مازال ماحتاج ليه..

فجيهة خرا..
خارجة من لافاك وهو كيتسناها فالطموبيل غير شافتو تبسمات وركبات حداه تسالمو بالوجه كيضحكو ويخربق ليها فشعرها
ادريس:شنو تبغي تاكلي
كنزة:بيتزااا
تبسم:هي اللولة اتاكلي احسن بيتزا
تبسمات:هاد لفشوش بزاف ايخرج عليا وتوحل فيا مور الزواج
ادريس وهو كيديماري:الالة شغلي هداك قاد بيك وبفشوششك
بقات كضحك

كان فالجيهة لوخرا عينيه عليهم كي لقرطاس مزير على لفولون ودقات قلبو كيتصارعو نهار على خوه كيزيد يتأكد انه مابقاتش ليه حط راسو على دريكسون بقلة حيلة كيتفكرها كيفاش كضحك مع ادريس وباين مرتاحة معاه وكيعاملها مزيان.. ويتفكر يامها معاه شحال بكاها وشحال هانها وشحال سممها بكلامو وكان ديما كيخليها تابعاه وتسول فيه وتخاف عليه وعاطاه قيمة خصرهااا وهدشي كيقتلو ملداخل تمتم:شنو ندير اربيي كنبغيهاا…

بعد مرور اسبوع..

كانت مع الطبيب عشرة دقايق دازت كلها حوار مريح معاه نصائح وعاوداتلو لي فقلبها وميف داز الاسبوع
ليلى:كيف قلت لك درت داكشي لي قلتي حاولت نفكر باجابية نعمر وقتي نخوي دماغي وفاش كنحس براسي ماشي هي هديك كنهز ولدي ونخرجو حدا لبحر وليت نعس مزيان من المشروب لي عطيتي واخة كنتزير مرة مرة وتشدني الحالة ولكن ماشي بحال قبل
تبسم:بداية زوينة..وطليقك؟
بلعات ريقها:مانكدبش عليك سيمانة وهو فبالي كنفكر فيه جا خدا ولدو ودوز معاه النهار درت السبة وهبطت انا لي خديتو منو شوفاتو دابلين ماقالي والو كنحس بيه بحاليلا نفرتو مني تا مابقاش قادر يقول والو ولا يتحاك معايا
الطبيب:سمعي ابنتي كلامك وكلام ختك نور عليه باين كيبغيك بزاف راجعي نفسك وزيدي فكري فيه ماتحيديهش من بالك حيت بنتيلي تانتي كتبغيه شنو فيها لا عطيتو فرصة لراسكم
ليلى:قلت لك ولات معاه واحد البنت
الطبيب:هدي غير هضرة خاوية لا بغة يدير شي حاجة راه ماا تسيقيش ليه لخبار ماحدو قالك بفمو انه مابيناتهم والو ادن مافيها باس تيقي بيه وتعطيه عدر..هو مولف يكدب عليك؟
تنهدات:لا ولكن..
قاطعها:فكري فكلاميي..الدوة لي عطيتك ماتبقايش تشربيه انقس لك من لادوز
عطاها دوة اخور:هاد السيمانة تبعي هدا خفيف على لاخور..اما المشروب ماشي مشكل شربيه عادي
تبسمات:واخة شكرا ليك بزاف
تبسم ليها:مرحبا نتشاوفو فالاسبوع الجاي
وخرجات من عندو جات بحدها هاد المرة..بغات تتمشى شوية حتى كيصوني لها الطليفون كان عمران بقات كتشوف شحال وجاوبات:وي مران
عمران لاباس
ليلى:الحمد لله ونت
عمران:تانا..شوية شنو درتي مع الطبيب
ليلى:نقولو لاباس
بغة يدوي وهي تقاطعو:عمران انا صافي فكرت مزيان عفاك غير حيدني من بالك مانقدرش نكون معاك وماتعاوش تعيطلي وتعمر راسك بيا صافي نساني حيت مانصلاحش ليك
عمران:ولكن
رجعات قاطعاتو:يلاه بسلامة…
خلاتو غير كيشوف وهو لي كان حاط تصويرتها مداه وكيتختيل راسو ىيدوي مع سارة عض على سنانو:هدي نور اه نور لي قالت لها شي حااجة
مسح على راسو معصب:وااخة انورر

داز الوقت..فالمقر

كانت هي وياها فالمكتب حتى كدخل عندهم حورية
حورية:لبنات بغيت نمشي بكري
ليلى تنهدات:سيري بحرا يكفيك الوقت الله يكمل كلشي بالخير..
حورية:امين
ليلى:واخة بدر خويا راه حتى كنزة ختي تستاهل تعيش مزيان ولاكانت اتزوج وتعيش مزيان مع هاد ولد الناس انكون فرحانة ليها
نور:اه حورية ما ديريش فبالك
حورية تبسمات:يلاه هنا مشيت
سلمات عليهم ومشات اليوم لاكط ديال كنزة وادريس
ركبات مع الشيفور لي جا موراها وهو يعيط ليها طارق وجاوبات وهي متبسمة:الو
طارق:لاباس عليك
حورية:الحمد لله ونت
طارق:بيخير ..
حورية:كي بقة عمي لاباس
طارق:شوية ليوم خرج من الطبيب
حورية:ايوا على سلامتو
طارق:الله يسلمك صافي الوليد خرج العملية دازت مزيان فهاد تلتيام نجيو
حمارو خدودها:مرحبا بيكم
من صوتها كيعرفها حشمانة تبسم:يلاه نخليك بسلامة
حورية:بسلامة
غير هاد الحوار لقليل خلا قلوبهم ترفرف بالحب ..حب ونقي وصادق..باه دار العملية على لمرارة عليها ماداروش الخطبة
عند ليلى ونور
ليلى:عيطي لبدر شوفيه فينو
نور تنهدات:ماكايجاوبش
ليلى:قطع لي فقلبي اووف صعيبة ياك
نور:اه بزااف حسن عوانو ماعرفت ماندير ليه
ليلى:ماكاين ما يدار
وسكتو بجوج..ليلى جا فبالها يمشي يتزوج بكر ويخليها قلبها تزير من هاد الفكرة تمشي فيهاا ..

داز الوقت…
لابسة قفيطين فلغوز بارد وشعرها بوكلي وتاج فالوسط ماكياج خفيف نيود ..جات غزالة شادها التوتر من هاد الخطوة لي ادير هي تايقة فادريس عارفاه ولد الناس وايتهلا فيها وباغة تبغيه.جا فبالها بدر تنهدات خاص تنساه لي دار فيها ماشي قليل وغتنساه…
جلسات فوق الناموسية رجليها كيرجفو وكتلعب بضفارها  دايرين غا عشا عائلي بيناتهم..ايضربو لاكط واتبقة فدارهم علامن تشد العطلة ويديرو العرس والفيشطا ..يكون تا ياسين شد العطلة ويجي يحضر..وسط توترها سمعات لباب كتحل وهزات راسها شافتو داخل قلبها مشا وجهاا وقف كيشوف فيها بقلب محطم تمناها تكون ليه وهدشي ليه ..وهو لي ايتزوج بيها قرب ليها وهي وقفات كتشوف فيه
بدر كيشوف فيها شحال جات زوينة ولكن ماشي ليه ..
كنزة:شنو بغيتي خرااج
ميل راسو:ماسكران ماوالو اكنزة بغيت نجي عندك صاحي ونهضر معاك وانا واعيي
كنزة صوتو وكلامو وحالتو خلاو قلبها يدق بالجهد دوات بهدوء:شنو بغيتي
بدر:بغيتك نتي
كنزة:انا صافي انتزوج نساني
بدر:كنزة كنبغييك بزاف مانقدش ننساك
زعزع ليها كيانها من كلمة كنبغيك خلا عينيها يغرغرو قربات ليه وضرباتو على صدرو ونطقات بألم:عاد كتقولها هاا عاد طفات عليك الشمعة جيتي معطل بزاااف فين كان دماغك هدا شحال فاش كنت بين يديه علاش مادرتيش عليا هاد الحالة

بدر:ماكنتش عارف بقيمتك اكنزة
شد يديها:انا ندمت وبغيت نصلح كلشي ماديريش فيا هكاا ويلاه معايا ولا يلاه نزلو بجوج وقلهم مابغيتش هاد الزواج ومن غدا نتزوج انا وياك ونعوضك
حيدات يديها من يديه كاتمة دموعها:لا ابدر ماغانديرش هدشي لي كتقول انا صافي انتزوج بالراجل لي يستهالني ولي كيبغيني
بغة يدوي وهي تقاطعو:نت عمرك تبدل انا عارفة ..غنتزوجو واتعيشني فالعداب بكلامك انعيشو فالشك والماضي ايبقة تابعنا انا ماغانساش ونت ماغاتتحكمش فراسك واخة تقولي لا ولكن انا عارفاك شوف غير دابة كيف عروقك تنفخو بالاعصاب شوف يديك جامعهم حابس راسك باش ماتشدش من شعري وتسبني اتبقة ديما هكا هضرة جوج اضربني وتسبني بلي فيا ولي مافياش
مسح على راسو :لاعاونتيني انتبدل
كنزة:ماغاتبدلش نت خاصك تتعالج وتعرف راسك شنو باغي وتكون راسك وتحيد منك هدشي ..انا وياك عمرنا نتجمعو الحب ماكافيش ابدر صافي نساني عليك وخليني ننساك انا داك ولد الناس باغاه وباغة نتزوج بيه
بدر:ماديريش فيا هكا
كنزة تنهدات:لا كنبغيني بصاح خليني نعيش حياتي وبعد منيي خليني على خاطري..شوف انا مسامحاك من قلبي على داكشي لي درتي فيا وغننسا كلشي الخير لي دير فيا هو تخليني نرتاح منك ونعيش حياتي ..انا كنطلبك ابدر بعد مني وسير وخليني عفاك علأقل دير هدشيي على قبل داكشي لي درتي فياا ..مابغيت منك بغيت غير تبعد منييي
ماخلات ليه مايقول وشنو ايزيد يقول ؟غمض عينيه قلبو كيضرو بزاف ورجع شاف فيها ماكس براسو تا جرها وعنقها وهي قفزات جامعة يديها وهمسات:شكا دير
ماقال والو دافنها فصدرو وكيستنشق ريحتها لأخر مرة كيحس بدفئ جسمها وملمسها لامر مرة حيت ايولي لغيروو…نطق:واخة انا انخرج من حياتك وانبعد فمرا وغمرك اولي تشوفيني بدر ايخرج من حياتك وايمشي لبعيد وبكن اتبقاي ديما فقلبي وانبقاي ديما فقلبي
بعد كيشوف فيها لاخر مرة:يقدر بصاح مانستاهلكش يقدر هو حسن مني وايتهلا فيك
سكت وكمل:تهلاي فراسك ومبروك عليك
وخرج مخليها غير كتشوف جلسات مترمش فعينيها وهمسات:صافي مشا
نزلو دموعها مسحاتهم متى كدخل حورية:الزين زيدي ميتسناوك لعريس وقع بقيتي غير نتي
ناضت مبلوكية ونبطو للتحت جلسات حدا بكر يديها كيرجفو وقلبها كيضرب فلمية كلشي ضاحك وفرحان عطاوها الستيلو خداتو وطاح حيت كيرجفو يديها
ادريس تبسم:هاكي الالة
خداتو كتشوف فين اتوقع بالها معاه كتمات دموعها عاد وهو معاها حاضنها ولكن شنو؟راه مايصلاحوش لبعضهم
شافت فادريس متبسم تبسمات مجاملة ليه فرق كبير بيناتهم وحد كان يدلها وواحد كيعاملها اميرة علاش اتزيد تفكر زطمات على قلبها لي كيعاندها لا دارت بريو راه تنوض كتجري وتمشي عند بدر …ووقعات وتسمع صوت الزغاريت وادريس باس يديها:مبروك علينا

كان واقف حدا لباب صافي تزوجات ووقعات قلبو تقسم على جوج فهاد اللحضة..بكر شاف فيه ..وبدر حنا راسو وخرج ..تبعو
يلاه ايركب فالطموبيل:خاي الشيفور يسوك
بدر:لا غير خليني ومبروك عليكم
وركب وزاد..بكر شاف فواحد من الرجال واقف تماك:تبعوو
ودخل احساس خاايب بزاااف عارفو كيحس بيه..هو غير فاش شاف ليلى مع عمران جاتو جلطة كان ايمشي فيها لاحراك يشوفها كتتزوج ولكن هو لي دارها بيديه ..
#يتبع احدات ااني فوق الشواية🔥كي جاكم اصرف كنزة💔وبدر واش بصاح ايغبر💔الاراااااااااء🚫