👑العمـــــــدة👑
♡..مجنــــون ليلــى..
ف.الثــالت والاخــير:
💔من الحـب مـا قـتـل💔
124
نهار جديد..
جالسين كيفطرو بصمت حتى كيشوفوه داخل مخنزر ماحامل حد داز من حداهم ودخل للبيت ديالو دوش وخرج لبس عليه ورجع لعندهم
جلس فوق الكرسي كيشوف فليلى
ليلى:مالك
بدر:شنو هدشي كديري ..داك عمران انا مامرتاحلوش وهدشي لي باغة ديري غير تخربيق شنو زعمة اتزوجي بواحد ماكاتبغيهش غادي ينجح هاد الزواج واتعيشي مرتاحة
ليلى:باش فادنا الحب ؟الحب غير المرض وكيخليك تمرض وتضعاف ودير شي حوايج فوق طاقتك..لا كان عمران راجل مزيان وايتهلا فيا وفولدي هدشي كافيني
بدر تقاد فالجلسة:ولدك عندو باه لي ايتهلا فيه ا الشريفة باه مازال عايش سميتو بكر لا نسيتي نفكرك
قوصات حواجبها:منين نزل عليك هاد الحب ليه ونت كنتي ماكاتحملوش دابة تفكرتيه
بدر:داكشي بيني وبينو اما هدشي راه غير كتخربقي فيه..
ليلى:ايوا سير تحاسب معاه هول لول وهديك لي جايبها لعندو للدار لي كيقل معاها
بدر يلاه ايدوي وهو يسكت ملي تفكر كلام بكر باش المرض ديالو مايعرفو تا واحد مسح على راسو:هو راجل ونتي مرا
ضحكات بالاعصاب:شهاد الهضرة دالمرض شكا تخربق كيفاش هو راجل وانا مرا
ناض واقف:انا قلت لك هدشي لي كديري غتندمي عليه جمعي راسك وفكري مزيان ديها فولدك وحياتك وخدمتك
زاد عصبها بكلاموو وهي كتشوفو غادي جيهة لباب:ماسوق خد فيا لا بقة فيكم سيرو عندو واسيوه انا ماشي كرضع فصبعي انا غندير لي بغيت ..
نور كانت غير كتشوف وتصنت ليهم..
ليلى ناضت دخلات لبيتها جات قد قد مع عمران كيصوني جاوباتو:الو
عمران:لاباس عليك
ليلى:الحمد لله ونت؟
عمران:ملي سمعت صوتك راني مزيان..عيطت بغيت الليلة نتعشاو بجوج شنو بان لك
بلا تفكير نطقات:واخة نتعشاو علاش لا
تبسم:صافي تسعود ونص ندوز موراك
ليلى:صافي واخة
وقطعات وهي كترجع فشعرها اللور:قالك هو راجل وانا مرا هو يدير لي بغا وانا لا والله لا كانت لييه…
عند نور..
كتهضر فالتليفون:صافي احبيبة نعول عليك نتي ريكلي معاها لبلان ولاقيني بيها وانا لي عليا نكون سخية معاكم بجوج
قطعات وهي مبتاسمة:واخة اسي عمران هنا انشوف بلانك كيف داير..
عند ليلى
جلسات فوق الناموسية كتشوف يديها كيترعدو كتفكر لبارح كيف قطع عليها بلا تا كلمة بلا تا ردة فعل تبسمات باستهزاء فين هو بكر دشحال هدا واخة تعييا تسب فيه وتنفرو منها وماتخلي مادير ليه عمرو تخلا عليها شافت خديجة كتصوني قطعات عليها فهاد اللحضة بالضبط مافيها لي يدوي على الياقوت…
داز الوقت..
كانت لابسة ومقادة ..كسيوة كحلة نصها معري غير سميطات ولفخاض باينين مكياج ترابي مكحلة عينيها وشعرها مطلوق بوكلي من لتحت وطالون فرجليها كتشوف فراسها فلحضة جا فبالها تبدل هدشي جاها معري بزاف..مشات كتقلب على شي كسوة مستورة حتى كيصوني لها الطليفون كان عمران:هاني لتحت هبطي
ليلى؛واخة
تنهدات ولبسات الكاب فوق داك الكسوة ..
وخرجات للصالة شافت فنور:هنا مشيت
نور هازة مروان:سيري وردي لبال
هزات راسها باه وخرجات هبطات لعندو لقاتو كيتسنا مد يديه ومدات يديها وهو يبوسها وحل ليها باب الطموبيل:تفضلي
ركبات:شكرا
ركب وديمارا للريسطو كلاص دخلو عجباتها بزاف
عمران:حيدي المنطو
ليلى:لا غير خليه
ميل راسو:باش تجلسي مرتاحة
عاونها حيداتو وهي حاسة باحراج هزات عينيها فيه ختيفة مايعجبوش لحال من لباسها ساعة لقاتو مبتاسم كيطلعها ويهبطها ويشوف فكاع تفاصيله نطق باعجاب:جيتي كتحمقي
تبسمات بمجاملة وجلسات وهو باقي كيشوف فيها حرجها شافت فيه لقاتو كيشوف فصدرها لبارز بلعات ريقها وهزات القائة دالماكلة كتشوف اش تاكل متعمدة باش مايبقاش يشوف فيها..ماعرفاتش علاش جا فبالها بكر لي كان ماكيحملش بحال هاد اللباس وكيقلب الدنيا على راسها لاكن لابسة شي حاجة مزيرة لا حراك تكون معرية هكا
عمران:هاد الريسطو ديال صاحبي كي جاك
ليلى:زوين بزاف
تبسم ليها:مرتاحة ياك
ليلى:اه مرتاحة
عمران:هضرت مع المالين الدار على موضعنا عجبهم الحال
ليلى:كون مازربتيش حتى نتفاهمو
عمران:ماتخافيش كلشي ايكون هو هداك
هزات راسها باه:شنو ناكلو
عمران:لي بغيتي
ليلى:سطيك داللحم مع هاد الصلاد
عمران:واخة
جا السيرفور خدا الطلبات ديالهم وهوما كيهضرو على الخدمة وعلى كلشي وماخافينش عليها شوفاتو الجرئين وكيفاش حتى الرجال لي تماك كيشوفو فيها وهو منتابه ليهم ومادار تاشي ردة فعل ..جابو ليهم ماكلتهم ..
حتى كيوقف عليهم صاحبو مول الريسطو:مرحبا بيكم
عمران بابتسامة:شكرا..كنقدم ليك ليلى اتكون مراتي ان شاء الله
ليلى شافت فيه هدا مالو مزروب
صاحبو:مشرفين مبروك عليكم مسبقا..وانا مهدي صاحبو من يامات لقراية
سلم عليها باليد حتى كيبوس ليها يديها قدامو بقات غير كتشوف وعمران مبتاسم:عرفتي تختار الزين والتقالة
عمران كتافة بابتسامة
صاحبو:نخليكم امسية سعيدة
بقات غير كتشوف ماشافت فعينيه ولو ذرة دالغيرة جا فبالها بكر تاني وانه كون كان هنا كان غادي يكود يديه
عمران:شنو بان لك نديرو الخطبة السيمانة الجاية
حطات الفورشيط:مانزربوش دابة كلشي يجي فوقتو
بقة كيشوف فيها وزير على الفورشيط بغضب كاتمو لداخل وراسم ابتسامة مزيفة على وجهو هو باغي غير فوقاش تكون ليه وتولي ديالو وهي مزال باغة الوقت..
قبل لحضات..
حنان :واش ابنتي حالتو خايبة من لبارح ماشفت النعاس خايفة توقع ليه شي حاجة. حالو ماعاجبنيش كون يغوت ويشخشخ ومايكتمش فقلبو تا يطيح طيحة وحدة
هبة:
هبة كتشوف فيه من الشرجم كيف جالس فالجردة:خالتي ماتعمريش راسك بالحوايج لخايبين ان شاء الله ايكون مزيان خاص نعانونوه مايتعصبش ومايكون غير الخير
حنان:شكرا ابنتي بزاف على وقفتك معانا وكيفاش رادة ليه لبال وخايفة عليه..
هبة تبسمات ليها:هدا واجب عليا كندير غير خدمتي مادا بيا يولي مزيان ومايبقاش محتاج لي..سمحيلي نعطيه دوات
خلات حنان كطل من الشرجم وهي خدات صنية فيها الدوة ولما وشوربة كانو موجدينها ومشات عندو للجردة..جلسات حداه وحطات داكشي فوق الطبلة:خود الدوة ديالك
خدا منها الدوة شربو مع الما
هبة:خود شوية دالشربة على حساب الدوة مجهد
شرب شوية من الشربة وحبس
هبة:كون تخليني نمشي نشرح ليها انه مابيني وبينك والو وتعرف شنو كتين يقد تبغي ترجع معاك
زدح داك الصنية تا قفزات:لا كانت اترجع لي غير شفقة غير بلاش نموت حسن ليا
وسكت وهو كينهج ..تنهدات وقربات ليه وشدات فيديه:راه هي لي خاصرة ماشي نت قليل الرجال بحالك لي يبغيو من قلبهم وبهاد الطريقة يخصرو صحتهم وخدمتهم وكلشي على ود وحدة كيبغيوها راه غادي تندم ما اتلقاش بحالك
شاف فيها :المشكلة انه بصاح ما اتلقاش بحالي انا ولفتها بزاف دلحوايج ما اتلقاهمش مع غيري انا خايف عليها من غيري لامايعاملهاش بحال كيف كنعاملها ويضيعها وانا لي سنين وانا دايرها كي لما لقيل ومحافض عليها
سكت كيمسح على راسو:شكا نخربق انا وشكا نقول ولمن كنعاود هدشي
هبة :سعداتها بيك والله انا حياتي كاملة وانا كنتلاقة غا مع الديوبة تا وليت نخاف من كلشي ومانتيق فحتى ولد لمرا
سكتات وكملات:عطي تانت فرصة لراسك وشوف لي تبغيك وضحي على قبلك وتخاف عليك تانت محتاج لي تبغيك وتولي مهووسة بيك
شاف فيها وهي تقرب ليه:غير جرب ماغاديش تندم اتلقاني ديما معاك
حطات يديها على وجهو وهو يشد يديها ويبعدها:نسيتي راسك لاش نتي هنا؟
رجعات اللور كتبلع فريقها ونزلات راسها:قلت لي فقلبي وسمحلي لا تماديت
وناضت كتجمع داك الصنية حتى وقفها صوتو:تاوحدة ماغاتنسيني فيها غير لامت داك الساع عاد انرتاح..
زيرات على الصنية ومشات دخلات للداخل..
صونا ليه الطليفون جاوب:شنو تما..
قوص حواجبو كيتصنت ليه:صيفط التصاور نشوف
تواني وكانو عندو التصاور كيشوفها كيف لابسة وهو شاد فيها غمض عينيه بغضب ووقف وهو كيدوز نمرتها جاوبات داك الساع:الو نور..
نور:واش نت لاباس
بكر:فين هي ليلى
سكتات شحال ونطقات:مع عمران
بكر:ومران
نور:معايا
قطع عليها ومشا ركب فالطموبيل نيشان للاباغطومو مسافة دالطريق وكان تماك طلع دق وحلات ليه لباب دخل كي شي عجاجة:اريلي مروان
نور:علاش
بكر شافو فالصالة مشا ليه وقرب وترسمات على وجه ابتسامة هزو بالشوية باسو على راسو
نور :شنو بغيتي الدير
بكر:اندي ولدي معايا
نور:وليلى
بكر:ليلى قلت لها لي عندي يحساب ليها غير داوي بغات تعيش حياتها واخة..ولكن ولدي يبقة معايا
نور:واخة اصبار نجيب ليك داكشي لي اتحتاج
مشات جمعات ليه واحد الصويك :هنا كلشي
وقفات كتشوف فيه كيف باين عليه التعب لحيتو كبرات جسمو بدا كيضعاف كيبان مهلوك الفقصة ماشي ساهلة كان كيدير ولدو فداك لكوسان ديال لي بي بي قربات ليه:صافي نساهاا هي عمرها تبغيك كيف كتبغيها وعمرها تلقة بحالك عيش حياتك تانت
تنهد كتجيهم ساهلة يقولو نساها ماحاسينش بالعافية لي فقلبو من جيهتها:هنا مشيت
وخدا مروان معاه ومشاا …
اما عند ليلى..
سلاو العشا لبسات مونطوها وخرجو من اامطعم حل ليها باب الطموبيل ركبات وركب تاهو وهي غير ساكتة ماعاجبها والو ومامرتاحاس مالاقياش داكشي لي باغة هو كيدوي وهي كتهز فراسها
عمران:مالكي
ليلى:والو غير جاني النعاس
تبسم:ماسخيتش بيك
كتافات بابتسامة خدات ليه العقل…
وصلو للدار ودخل معاها تا للداخل دالعمارة…
ليلى:يلاه تصبح على خير..
مدات يديها وهو يجرها سلم عليها بالوجه:تصبحي على خير
قفزا ورجعات باللور ركبات فالمصعد غير تسدات لباب تنهدات بصوت مرتافع كتمسح فخدها عاد رجعات فيها الروح خرجات من المصعد حلات لباب ودخلات شافت نور جالسة فالصالة:اووف ماكاين ماحسن من الدار..مروان ناعس
نور كتشوف فيها
ليلى حيدات لكاب وجلسات حداها:مابكاش ياك
نور غير ساكتة
ليلى:مالكي ساكتة
نور:بكر جا ودا مروان
خرجات فيها عينيها:كيفاش داه شكا تقولي ماشي اليوم خاص يشوفو
نور:داه فمرا قالك لا بغيتي تعيشي حياتك هو ايدي معاه ولدو..
قلبها مشا وجاا وناضت كتجري للبيت فعلا مالقاتش ولدها ولات بحال شي حمقة ودموعها داك الساع بداو ينزلو:كيفاش دا لياا ولديييي هداااك راه ولدي خاص يبقة معاياا انااااا ونتي لاشللش خليتيه يديييه علاااش
بدات كتنتف فشعرها:لااش خليتيه يدييييه
جبدات الطليفون ودوزات نمرتو جاوبها و ببرود:شنو
ليلى بالغوات:رجع ليا ولدي
بكر:لي عندي قلتو مروان ايبقة معايا ونتي ديري لي بغيتي فحياتك
وقطع عليها خلاها كترجف وتهز راسها بلا
لبسات الكاب وهبطات كي شي حمقة فالدروج ونور تابعاها :اجي فين غادة
ليلى:نجيب ولدي..
تمات غادة فالشارع بالزربة مامسوقة لوالو انه كلشي كيشوف فيها وفلباسها وحالتها كيف دايرة..حتى كتسمع صوت لكلاكسون كانت نور:ركبيييي كلشي كيتفرج فيك
ليلى شافت فيها مخنزة:وا بعديييي بلعاني خليتيه يدي ليا ولديييي ولكن والله لا كانت ليييكم
نور كنسوك بشوية مقادة معاها فالطريق:طلعيي دابة راه ماخلا ليا ماندير وهو جاي ناوي يديه ماجايش يتشاور معايا..طلعي راه ما اتلقاي تا طاكسي توصلك لتماك…
ليلى غوتات تا كلشي وقف كيتفرج:وااا بعدييي منيي ماسووقكش فياااااا
وجبدات طليفونها صونات عليه:الو عمران اجييي عندي للمحطة لي حدا الدار
عمران:واخة انا قريب لتماك
وقطعات كلها كترجف خايفة ياخد ليها ولدها
نور نزلات:شنو باغة تديه معاك لتماك ولا كيفاش
ليلى كدفع فيها:وا قلت لك ماشي سوقك ماكانش خاص نتيق فيك لا نتي لا بدر كنتو كتقولولي نخرجو من حياتي صدقتو كدافعو عليه وتجيكم النفس عليييه
وقف عليهم بالطموبيل غير شافتو حلات ااطموليل وركبات نور بقات غير كتشوف ركبات معاهم تاهي اللور..
عمران شنو واقع
ليلى خانوها دموعها:بكر خدا ليا ولدي بغيت نمشي نجيبو
تنهد:واخة
وديمارا لطريق لفيلاج
نور جبدات الطليفون وكتبات ليه ميساج:بكر هاحنا جاين للفيلاج وجاي معانا عمران
فجيهة لوخرا
قرا الميساج وورك على سنانو :جايباه معاك اليلى لهاد الدرجة وليتي تعنتي بيه وجايباه ياخد ليا ولدي
تبسم باستهزاء وزدح واحد لفاز كان حداه
حنان هازة مروان:الله اولذي شنو واقع وشنو هدشي باغي دير ماشي هكا كيتحلو المشاكيل شنو فايدة هدشي رجع لولد لمو
بكر:ماقادينش بيه انا ولدي قاد ليه
خداه منها ومدو لهبة:طلعي نتي وياه للفوق وردي ليه لبال
هبة خداتو:واخة
وطلعات للفوق دخلات هي وياه لبيت كتشوف فيه شحال زوين تبسمات ليه:هانا خالتو هبة انرد ليك لبال علامن تجي ماماك صافي
بدا كيتبسم ليها باستو على خدو …
مسافة دالطريق وكانو فالدخلة دالفيلاج وقفو ملي شافو لباب لكبير مسدود ورجال واقفين تماك
نزلات كطير:حلوو لباب
واحد من الرجال:السي العمدة منع شي حد يدخل للفيلاج
ليلى غوتات ليه فوجهو:انا ليلى وحدة من فيلاج وكفيدة الحاج سمعتيني حلووو
حنا راسو:سمحيلي الالة ممنوع
عمران وقف عليه:سمعتيها هدي راه ماشي اي وحدة راه من صحاب لفيلاج واقلة فهمتيه غلط
شاف فيه الراجل:فاهم مزيان شنو تقالي اسيدي رجعو منين جيتو ماتجبدوش لينا الصداع..
عمران شنق عليه:اتحل داك لباب حيت الدقة اتجي فيك نت ماشي فالعمدة ديالك
ليلى:انا مابغيت والو بغيت غير ولدي
قربو الرجال دايرين بعمران :سير من لهنا بلا مشاكيل
ليلى جبدات طليفونها وصونات على بكر غير جاوبها بدات كتغوت؛شنو هدشيي كدير فييييه جيب ليا ولدي وعمرك تشوف وجهييي
بكر:مازال زايدة فيه كيحساب لك انعطيه ليك ونتي جايبة معاك الزلال واش مازال ماعارفة انك كتزيدي غير تجعري دلمي شاد راسي علييك وماباغيش نغلط معاك داير لحساب لشلا حوايج ونتي باغة بالسيف تخليني نغلط..
مع كلامو تسمع صوت الخدامة:السي بكر الانسة هبة بغات الساك ديال مروان تعطيه البيبغون ديالو
ليلى عضات على سنانها العافية زادت شعلات فيها من فكرة ولدها مع هبة:جيب ليا ولدي واااا جيبليي ولدييييي ولا غنحرقك نت وياهاا
قطع عليها خلاها كتشوااا ..وتغوت بوحدها عمران كيحاول يشدها وهي كتنتر رت..ض..رب فداك الباب:بغييييييت ولديييييييييي
نور غير واقفة وكنتفرج قلبها ضرها مابقاتش عارفة اش دير ..
فهاد اللحضة وقفات طموبيل هوندا كحلة مجبدة نزلو منها ستة دالرجال مكلدمين قربو عند عمران باحترام:شي باس ماكاين اسي عمران ..حنا معاك..
من شوفاتو فهمو لبلان جبدو الا..سل>>حة كاملين موجهينهم لهدوك لي حابسينهم فالباب
عمران :حلو لباب بلا صداع بلا مشاكيل اناخدو الولد وانمشيو بحالنا
جبدو تاهوما الس..>>لا..ح:ماعندناش مشكل الصداع حنا ماليه وكلام العمدة هو لي ايمشي وباش ما بغيتوو..
ليلى بلعات ريقها كتبكيي اش وصلهم
لهدشي نور جراتها:بعدي هادو راه جلهلوو..
الشي باغي يتيري فشي وكلهم عوالين على خزيت..
حتى كيشوفوه جاي من مور لباب غير شافتو قلبها مشا وجاا حل لباب وخرج كيشوف فيهم بهدوء ما قبل العاصفة عينيه على عمران:صاحبي هدي ماديالكش
عمران بلع ريقو ورجع شاف فيه:تانت هدي ماديالكش تخلي الام كتشوا على ولدها
على كلامهم وقف بطموبيلتو كان بدر نزل كيشوف فهاد الجقلة وال..>س..ل..<اح ودنيا مرونة
بكر قرب لعمران كيشوف فيه مخنزر فكرة انه ولا ديما لاصق فليلى كتجهلو:كنت منقول هاهو ايدير عقلو ويبعد على شي حاجة ماشي ديالو هاو ايفهم راسو ويقول هدشي لي كندير فيه كيتسمى الع..>.در ولكن نت ماشي راجل تعديتي حدوك بزاف وجتي برجليك تا لعندي تزيد تبين لي اش كاين
عمران ميل راسو:هدا ماعطا الله الحاجة لي كدوي عليها مابقاتش ديالك وانا قلبي ماشاورنيش ونيتي حسنة اما ال..غ>..در راه ماغدرتكش الزواج قسمة ونصيب ..ماكتابتش ليك يقدر تكتاب ليا اناا…
ليلى كتهز راسها بلا عارفا انه صافيي راه بهاد الكلام زاد فلع..اف.>يك ليصانص…
فعلا بكر متبقة يقشع والو قدامو زودو مزيان بكلامو هديك لي كيدوي عليها راه ديالوو باشمن حق ينسبها ليه ولو غير بلكلام ما حس براسو تانزل عليه بكروشي تا طاح فالارض قبل ينوض خشا ليه رجليه فصدرو تا غوت من الو..>جع ونزل كي..(ضر..ب فيه
بغاو رجال ديالو يتدخلو وهو يوقف ليهم فالطريق بدر والس..>ل..اح فيديه:هوما بجوج ونتوما لااش ..
وقفو موراه رجال لفيلاج
بدر دور وجهو كيشوف عمران كياكل لعصا:تاهو نيت ط..غ..ى بزاف ومابغاش يفهم بالهضرة خلينا نشوفو واش ايفهم بلعصى
عمران ولا كيحس بكاع ريقو ولا د..م وكيحس بطعموو…بكر جهل ولا غير كيدخل ليه فلكروشيات…عمران فلحضة شد ليه يديه وكيطلع رجليه وكيضربو بيها لصدرو تا رجع اللور وناض كينفض فراسو وكيوكد فراسوو ويمسح الد..$م لي نازل على عينيه ونزل على بكر بكروشيي
ليلى غوتات:لا عفاااك صافيي برااك حبسوو هدشي
شافت فبدر:ديير شي حاجة
بدر:ماعندي ماندير دوينا معاك قلنا لك بعدي من هاد بنادم ونتي قلبتي على هدشي
ليلى:دابة انا السباب
نتفات شعرها:دييير شييي حاجة عفاااك
فاش كتشوف عمران كينزل على بكر بشي كروشي قلبها كيمشي ويجييي بغات تقرب وهو يشدها بدر::فين غادة
بغات تنتر وهو يزير عليها غوتات:صافييي اعمرااان برااك شكا دييير
عمران من بعد ما دخل ليه كروشيي للوجه :نت مازال غالط فياا
بكر مسح جنب فمو بالدم:وبصاح كنت غالط فيك بزاف
ونزل عليه بكروشي تا طاح فالارض
وجرو من لكول كيزيدو واحد اخور حكمو مزيان ماخلاهش فين يتحرك كيبرد فيه الع..ص..اب ليي ركب فيه فهاد السيمانة…
عمران مالقة تا حل تفكر المرض ديالوو وكيعطيه بكوع ديديه لصدرو بالجهد تا شهق بكر حاط يديه على قلبوو حس بجسمو تقال
بدر غير شاف هاد المنضر هز الس..ل..اح فالسما وتيراا وهو كيغوت:صافي حبسوو عليا هدشي
عمران عرف تأتير ضر..ب..تو على بكر مازادش قرب ليه طايح فالارض وكيلهت وكيشوف فبكر لي عطاهم بالضهر حاط يديه على قلبوو..
ليلى مافهمات والو كتشوف غير فبكر لي عطاهم بالضهر بغات تمشي ليه وهو يجرها بدر:تحركيي سيرو من لهنا
ليلى:انا..
قاطعها :تحركيييييييي
ورما السوارت لنور:سيرو للدار دابة
نور هزات راسها باه:يلاه نمشيو
ليلى كتشوف فبكر:وولديي …بكر بغييت ولدييي
مادارش شاف فيها..
نور جاراها وليلى كتبكي باغة تنتر منها
بدر:سيريي هنا غنهضر معاه ونرد عليييك سيري واش باغة طيح شي روووح
ليلى وهي كتبكي: مابغيتش ولدي يبقة معاهااا
سد موراها لباب ونور ديمارات ومشااو
بدر قرب شنق على عمران:كنقسم ليك بالله وتعاود دور بساحة ختييي انا لي غن..<ق..تلك وندخل عليك للح.>بس سمعتيني
عمران تنتر منو:نهار تقولي هي بعد منيي غنبعد منها
ومشا ركب فالطموبيل وزاد بحالوو..وتبعوه داك الرحال لي جاو معاه…
فهاد اللحضة بكر طاح على ركابيه شاد فقلبو ومغمض عينيه حاس بالردة
قرب ليه بدر وتحنا لعندو حاط يديه على كتافو:شنو هادشي كدير فراسك ..كنعرف لي د..مو حامي وكيبغي حاجتو ماكايقربش من لل..م<وت باش مايخليش حاجتو موراه نت ماشي رااااجل سمعتيني ماشي راجل
بكر دفعو تا جابو طايح حدااه:غبببر من قداميييييي سير بحالك
بغة ينوض ورجليه خانوه ورجع طاح وبدر شدو من دراعو:نوض مازال باغي نشوفك كتعدب ماشي غير اجي وم..<<وت
#يتبع بكر وبدر يجيو زوينين وهوما مفاهمين🥺الاراااء🚫