👑العمـــــــدة👑
♡..مجنــــون ليلــى..
ف.الثــالت والاخــير💔من الحـب مـا قـتـل💔
121
نور:شنو غديري
ليلى:كيفما عايش حياتو لاش تانا مانعيشهاش ونعطي فرصة لراسي هاا..تانا ننساه كيف نساني
نور:شكا تخوري انا داك عمران ماحملتوش تبتي اصاحبتي..اما بكر نخليه وصافي لاس اتورطي راسك فعلاقة نتي ماباغاهاش غير عناد منك
ليلى وقفات:نتي ماعارفة والو وماحاساش بيا…فخبارك فاش خلا طليفونو صونات عليه وكتقولو اجي هنا كنتسناك فالدار وخايفة عليك..هدا راه باغي ينكد عليا حياتي وانا ما انخليهش
نور قوصات حواجبها:ولايني ماكاتحشمش هاد بنت الكلبة بغيت نعرف غا شكون هي و أش جابها ليه..
ليلى:ماكايهمنيش..
وناضت دخلات عند ولدها مخلية نور جالسة..
حتى كيدخل بدر :شهادشي كنسمع دنيا مقلوبة والحاج داير فضيحة
نور:اجي نعاود لك اجي
جلس حداها وهي كتعاود ليه
بدر:منين خرج لنا هاد عمران تاني اش باغي
نور:هادو ايكونو غا فعايلو
بدر:باينة وانا غنتحاسب معاه اريلي نمرتو
عطاتو نمرة عمران وشاف فيها؛وبكر؟
بدات كتعاود ليه تاني على بكر
بدر:ولاش جاي باشمن حق يدخل وانا ماكينش
نور:وسي نورمال راه ولدو لي كان هازو عمران
بدر:كتين انا يدوي معايا انا..ليلى طلقهااا مابقة عندو كلام معاها وماشي السيبة يجي يهددها بولدها
ناض واقف
نور:فين غادي
بدر:انتفاهم مع هاد الجوج
نور:شكون
وخرج وخلاها عاد فهمات الفيلم انه ايمشي غند بكر وعمران هزات كتافها وجلسات:خليها تزيد تكبت نيت توحشنا صداعات والمشاكيل تفووو
سمعات مروان كيبكي ناضت مشات وعندو للبيت لقاتها كتهزهز فيه وماباغيش يسكت
نور:اريه ليا اريه نتي معصبة وباغة تسكتيه
مداتو ليها:لا حول ولا قوة الا بالله
نور:رتاحي نتي هاهو معايا
وخرجات بيه للصالة وجلسات كضحك معاه:هنا الحبيب دخالتو هنااا ماما
مروان بقة كيضحك
نور:مك وباك معصبين اليوم وهنا معاك الحبيب
بدات ضحك وتلعب معاه…
فجيهة خرا..
من بعد ماهضر معاه ابل وقالو انه باغيه …تافقو يتجمعو فالبيرو عند عمران..خرج من المصعد ستقبلاتو المساعدة وصلاتو للمكتب دخل مخنزر ..كيشوفو جالس
عمران وقف:مرحبا بالسي بدر العمدة
بغة يسلم عليه ولكن قمعو مامدش يديه نطق ديريكت:شنو هاد لبلان لي يداير قدام الصحافة وبلا ماتقول ماتحت راسك والو حيت الفيلم باين
عمران تبسم بهدوء:جلس وخلينا نهضرو
بدر قرب لعندو شوية ويشنق عليه:ماغانهضرو فوالو ادير حاجة وحدة اتبعد من ختي وتشد تيقارك
وتحنا لعندو:حيت لا مادرتيش هكاا انكرهك فعيشتك وتشوف الشوهة ديال بصاح
عمران بغة يهضر باغي ياكلو دماغو ولكن ماعطاهش بدر فرصة غوت ليه فوجهو:كلامييي دخلوو لكر..@ك ابنادم وهنا مشيت
وخرج وزدح لباب مخليه مكريزي ساط بالجهد كان باغي يخلي بدر فصفوو تنهد:ماشي مشكل المرة جاية تصدق..
بدر خرج ركب فالطموبيل دوز النمرة دبكر تواني وجابو:لاش كتصوني
بدر:تلاقاني فشي جهنام
بكر:بعدة عارف راسك داخل لجهنام
بدر:اجي لكوان دلبحر
وقطع ..بكر تاوصل للدار وهو يقلب الدورة يشوف شنو تما..وصل عندو نزل لعندو ووقف بلا تا كلمة
بدر شاف فيه مادواش غير كيشوف فيه باين عليه التعب والاعصاب نطق:خاص تفهم واحد الحاجة..انه ليلى باح نت وياها ساليتو طلقتو دير فحياتها لي بغات انا من حقي نتحتسب معاها نت كيهمك ولدك تشوفو وتردو لمو غير هدشي ماكين والو سمعتيني ..حتى لاكان شي مشكل اجي قصدني انا ماشي وحدة مابقة بينك وبينها والوو
وقرب تا لوجهو ونطق:وحدة حرامت عليك..
بكر غير كيشوف فيه بهدوء عكس داكشي لي فقلبو كيحفر فيه عارفو شحال كيبغيها وكيزيد يحك على الضبرة نطق بهدوء:مازال مابغيتي تكبر ودير عقلك ابدر..مازال اتبقة برهوش ..واش يحساب لك انا مرتاح وانا مخلي ولدي تحت حمايتك نت ماقادش تا براسك بقة غير تقد بولدي وجوج دلبنات
تبسم باستهزاء خلا بدر كيغلي من كلامو كان باغي هو لي يكريزيه ويوقفو عند حدو ولكن وقع العكس
بدر عض على سنانو:واقلة ماكفاكش انك وليتي مريض بالقلب وفيك السكار كتقلب على شي مرض اخور لي ايهنينا منك
بكر شاف فيه مقوص حواجبو وبدر تبسم هو هاد المرة بخبث واستهزاء ونطق:كلشي عندي..وعارفو..كيبان ليا مابقة ليك والو وتودع انتهناو منك تا ولدك ما ايشوفكش
خسارة…
ماينكرش انه كلامو لعب عليه ملداخل وماعرفش كيفاش عرف حافض على الهدوء ديالو:المرض والموت بيد مولانا ..راضي بقضاء الله
وقرب ليه تا الوجهو:نت خاص تسكت وتبلع فمك هدشي ماشي سوقك فيه نموت ولا نعيش مايهمكش..مااكيهمنيش كيفاش عرفتي لي كيهمني هدشي يبقة هنا
بدر مسح على راسو :تانا ماكايهمنيش تموت ولا تعيش لي كيهمني تبعد من ختي
بكر دفعو وتم غا :المرة جاية دوي معايا فشي حاجة صحيحة
بدر تبعو:ماقادرش تنساها وتستوعب انه مابقاتش ليك لدرجة كدخل لها فحياتها خايف تشوفها مع غيرك ياك
بكر عارفو باغي يستافزو ركب فطموبيلتو وزاد ..بدر ركب تاهو ومشاا…كل واحد شد طريقو..
وصل للدار مسهوت دخل ستقبلاتو كتشوفو مهلوك:فين كنتي خلعتيني عليك اجي جلس اجيي..
جلس ومشات كتجيب ليه الدوة ديالو وتعطيه يشرب وتقيس النبض ديالو::تكا خاص ترتاح
جلسات اونفاص معاه:بكر واش انعاودو نهضرو فهدشي..
قاطعها:هاد الهضرة بالدات ماباغيش نسمعها
سكتات كتنهد دام الصمت لدقايق وهي تنطق:صونيت عليك وجاوباتني شي وحدة بحاليلا بغات تسبني
حل عينيه داك الساع وناض جالس:شكون
جبدات طليفونها عندها التسجيل دلابيل وسمعاتو ليه
قوص حواجبو عاض على سنانو:ملي مانجاوبكش فالمرة اللولة ماتعاوديش تصوني
هبة:حيت خفت عليك وحالتك ماكانتش مزيانة يقد توقع لك شي حاجة فالطريق
غوت ليها فوجها تا قفزات:الالة ماتخافيش عليا شكون نتي لي تخافي عليا..
غرغرو عينيها بالدموع ونطقات بهمس:الممرضة ديالك
ناض وخلاها ودخل للبيت وزدح الباب …نزلو دموعها كتر هي كدير مافجهدها باش يكون مزيان وهو باش جزاها…
بعد مرور تلات أيام…
دخلات لعندو للمكتب بكامل أناقتها ستقبلها مدات يديها وباسها:تفضلي
جلسات حاطة رجل على رجل وهو متبسم:مرحبا بيك انور
تبسمات ليه:شكرا
ودورات عينيها على المكتب:البيرو ديالك زوين
عمران:من دوقك مزيان ملي عجبك
شافت فيه وشاف فيها وقع الصمت وهي تنطق:شنو باغي من ختي
تبسم وناض وجلس اونفاص معاها:هدا هو السؤال لي كنت باغي نسمع
رجعات بجسمها اللور متكية على الكرسي:كنسمعك
عمران:تانا انجيك نيشان..ليلى كتعجبني وبغيتها للزواج نيتي زوينة
ضحكات شحال وهي تجمع الضحكة:ماكاتعرفهاش ومادوزتو والو وماكيناش شي حاجة لي تخليك تبغيها كضحك عليا ولا على راسك
عمران:كاينة واحد المقولة ديال حب من اول نضرة
رجعات ضحكات:نت مأترين عليك القصص والافلام ولا مخبي شي حاجة
عمران:لا انا متبع قلبي..وقلبي بغاها
نور:وهي عمرها تبغيك ولا تكون ليك حيدها من بالك وبعد منها حيت ايجيك من هدشي غير المشاكيل..اول واحد ايخرج فيك هو بكر وزيد بدر وعاد انا..
بقة كيشوف فيها:ما سويهلاش مع راسك
ناضت واقفة:المهم قلت لي عندي ونت فكر مزيان عطا الله لبنات
وقربات وتحنا لعندو مقابلة معاه:نصيحة مني ليك بعد منها
ناض وهي ترجع اللور..ونطق:انا كندير غير لي فراسي وكيف قلت نيتي زوينة
تبسمات:واخة دير لي فراسك وكلشي ايتقلب عليك..اه انعلمك من دابة داكشي لي فراسك انبش عليه ونعرفو
بقة كيضحك:زوينة وقافزة…ماشي مشكل كاع اللوسات كيكونو هكا دايزة فوجه ليلى
خنزرات فيه وخرجات خلاتو كيضحك جلس فوق الكرسي:هاحنا انشوفو شغا يطلع منك انور…
فجيهة خرا..
كانت لابسة ومقادة هزات طليفونها وصونات ليه جاوبها داك الساع:الو
ليلى:السي عمران للباس
عمران:الحمد لله ونتي
ليلى:سمحلي ماكنتش كنجاوب كنت مشغولة
عمران:ماشي مشكل المهم تكوني لاباس
ليلى:شكرا
عمران:صافي راه حليت المشكل دالصحافة
ليلى:وي عرفت..فينك
عمران:فالاوطيل يا لاباس
ليلى:نتشاوفو دابة؟
عمران جمع الوقفة داك الساع مبتاسم:اها واخة فين تبغي
ليلى:فين ما كان
عمران:اجي لاوطيل نشربو قهوة لتحت
ليلى:واخة..يلاه بسلامة
قطع وهو مبتاسم قاد لباسو ونزل للتحت للريسطو ختار بلاصة وعيطلهم يمسحو الطبلة مزيان ويديرو ديكور ديال بوكي دالورد تماك االمهم قاد كلشي…وجلس كيتسناها…نص ساعة وكانت تماك وقف كيستقبلها فتح لها الكرسي وجلسات كتشوف فلاوطيل والمطعم عجبها وهو عينيه اياكلوها مامتيقش انه قدامو جالسة عرف انه التصاور لي رجع صيفط لها لبارح ديال بكر وهبة راكبة حداه فالطموبيل شوية داخلين من باب العمارة كيبغي يزيد يأكد لها انه عايش حياتو
عمران:شنو تشربي
ليلى:شي قهيوة وصافي
طلب ليها وليه قهوة..شوية جابوهم ليهم وهوما غير ساكتين
ليلى شافت فيه:بغيت نسولك
عمران:مرحبا
ليلى:شنو باغي مني بالضبط هدشي لي كدير معايا وتلميحاتك فشي شكل
عمران مسح على راسو بقة شحال عاد دوك:عقلتي نهار دخلتي فيا فالاوطيل…ماحسابليش مزوجة عجبتيني من الدقة اللولة وداك الساع بغيت نعرف عليك كلشي حتى كنعرفك مرات بكر..هنا ماعندي ماندير مرت الراجل مامنحقيش نتجاوز حدودي .. طلقتي مانكدبش عليك شغلتي تفكيري بزاف ووليت باغي نشوفك ومايمشيش بالك لبعيد ماناويش شي حاجة خايبة لا قبلتي عليا وتفاهمنا تكوني مراتي ..
وسكت كيتسنا ردة فعلهاا بقات كتشوف فيه شحال وحطات يديها بجوج فوق الطبلة وقربات بجسمها كتر للطبلة ونطقات:
وسكت كيتسنا ردة فعلهاا بقات كتشوف فيه شحال وحطات يديها بجوج فوق الطبلة وقربات بجسمها كتر للطبلة ونطقات:شوف اعمران انا ماناقصاش مشاكيل فحياتي لي فيا كافيني لي داز عليا ماشي قليل..ويلاه طلقت وانا يلاه والدة دخلت فاكتئاب حاد ربي لي نجاني من شحال من حاجة…نجيك نيشان مابقيتش كنتيق فبكر خايفة ياخد ليا ولدي خصوصا انه..
سكتت ورجعات نطقات كاتمة العصة لي فحلقها:خصوصا انه ولات وحدة خرا فحياتو خايفة ياخد ليا ولدي ونشوف ولدي بين يديها انموت داك الساع…
عمران كيشوف فيها كتدوي وهي مقصحة:باش عرفتي ولات معاه شي وحدة
ليلى:ماكيهمش
عمران:ماتيقيش بالهضرة دناس على ماسمعت كيبغيك بزاف صعيب دخل شي وحدة لحياتو خاصو مدة باش ينساك
تنهدات كتحس بقلبها كيضرها من دوك التصاور لي كيوصلوها انه كتكون معاه فالدار وغير بوحدهم وعاد المكالمة ..كلشي باين نطقات: انا شفت بعيني وسمعت بودني هدشي كافيني..
تنهد:ماعرفت مانقولك مابقاتش التيقة
ليلى:دابة هدشي ماكيهمش الله يعاونو فحياتو انا مابغيتش نخسر ولدي وهو هددني انه اياخدو ليا
عمران:وانا معاك فأي حاجة حتاجيتيها
ليلى سكتات شحال ونطقات:مانكدبش عليك مامستاعدة لحتاشي علاقة ديال شي حب ولا ديال شي زواج قلبي برد من هدشي…ولكن لاكانت بصاح نيتك حسنة نجرب نتفاهم معاك بلا ماضغط عليا طبعا فحدود..لا تفاهمنا وشفت انك تصلاح ليا وتانت نصلاح ليك علاش لا ..
حس براسو ايطير بالفرحة:واش كدوي بصاح
هزات راسها باه
ماكرهش ينوض ويعنقها ماحس براسو تا مد يديه ليديها وشدها بين يديه وزير :عمرك اتندمي وعمري نضغط عليك اليلى لي بغيتيها هي لي اتكون
ليلى:وايلا شفت راسي ماقاداش غادي تفهمني ونساليو هدشي بلا صداع
هز راسو باه:اه كوني هانية…وغنكون معاك فأي حاجة حتاجيتيها وولدك ايبقة معاك ما انخليهش يديه ليك كنواعدك
هزات راسها باه وجرات يديها لعندها اما هو تقاد فبلاصتو ونطق:ماتصوريش شحال فرحتيني كنت هاز الهم لهاد اللحضة وماكنتش عارف كيفاش نفاتحك فالموضوع
كتافات بابتسامة حتى كيصوني طليفوناه:هادي نور خاص نمشي انمشيو للفيلاج
وقف معاها:واخة ها الطليفون بيناتنا مازال نتلاقاو ونهضرو
هزات راسها باه وتم خارج معاها لبرى ركبات فالتاكسي كتسناها ومشات خلاتو ضاحك وراشقة ليه
عمران:واخيرا اليلى اتولي ديالي
دخل للاوطيل كيوزع فالابتسامات وطلع للبيرو ديالو حل المجر وجبد تصويرتها وتبسم:انا فرحان بزاف ما ماغانخليكش تندمي حيت واقفتي عليا اليلى
ليلى وصلات لاباغطومو دخلات لقات بدر ونور كيتسناو
نور:فين مشيتي
ليلى:قضيت شي غراض وجيت
بدر:كون علمتيني نوصلك
ليلى:بغيت نتمشى شوية بوحدي..
نور:الحاج من صباح وهو يصوني كيتسناونا
ليلى:صافي يلاه
بدر هز مروان فلكريريسة ديالو وسبقهم للتحت ولحقو عليه هوما …الحاج بغة يجمعهم كاملين مابغاش هاد الصداع يبقة ايكون تا بكر لي ايرجع للفيلاج …
عند بكر..
هبة:صافي كلشي واجد ..واش قلتيلهم انجي معاك
هز راسو:غير زيدي
هبطو دارو شوانط فلكوفر دالطموبيل وشدو الطريق للفيلاج …
ساعة ونص دالطريق كان بدر ولبنات وصلو..نزلو من الطموبيل ليلى هازة مروان بين يديها ودخلو لقاوهم مجمعين كيتسناوهم من غير كنزة لفوق..ناضت حورية كتسلم عليهم..والحاج خدا منها مروان كيبوس فيه كان كيشوفو مرة مرة لا جا عندهم ولا تصيفطو مع حورية ويرجعوه ليها..سلمو على بعضهم كاملين وجلسو والحاج باقي هاز مروان كيلعب معاه:حفيدي الوحيد عايش بعيد عليا وانا لي كنت باغي نشوفو كيكبر قدام عنيا
ليلى نزلات راسها مالقات ماتقول
الحاج:رجعو لداركم خليونا مجموعين
بدر:الحاج حفيدك بكر دابة يرجع ماعندنا لا نتجمعو معاه ونرجعو للمشاكيل
نور:بدر عندو الحق
الحاج:على هدشي جمعتكم نهضرو فهدشي اطابل ونصفيو لحسابات باش كل واحد يشد تيقارو ويعرف اش باغي انا حفادي وولاد حفادي يبقاو قدام عنيا
ليلى:الحاج سمحلي ولكن مانقدش انا..
قاطعها:قلنا انهضرو مجموعين وداك الساع نشوفو اش نديرو تا بكر راه علاين يوصل..
عارفينو ايجي وحيت كان باغي يشوف ولدو وصلات ليه لهضرة انه ايجي يشوفو فالفيرما خافت تخليه ليه ويزيد لها بيه…اللهما هنا ايدوزو النهار ادن ايبقة قدام عينيها معاه..
جات الخدامة:ااسي العمدة وصل..
شوية كيشوفوه داخل كلشي خرج عينيه فيه من هديك لي داخلة معاه وجارة الشانطة معاها…
ليلى حسات بدنيا ضارت بيها جايبها معاه ..فلحضة جافبالها انه يكون تزوج بيها وايوقف عليهم ويقولهم هدي مراتي …حسات بالدوخة …
#يتبع_ اتكون الروينة🔥الاراء الاراء الاراء🚫