👑العمـــــــدة👑
♡..مجنــــون ليلــى..
ف.الثانــــــي💫صـــــــراع العشـــــــاق
120
عند ليلى…قبل ساعة تقريبا..
جالسة وكتهز فرجليها على اعصابها بالها كلو مع بكر هو لي هامها دابة شغا يوقع فيه لا شاف هدشيي وقرا هاد لكدوب :اويلييي شهاد الموصيبة نزلات عليا
نور جلسات حداها :عيطت لكاع معارفي كلهم قالك ايشوفو شغا يديرو
ليلى:الحاج كيصوني ماعرفتش شغا نقولو
نور:هووف هاد عمران يعطيه موصيبة دخل علينا بالمشاكل بناقص كاع مايمشي معانا
ليلى:دابة كنفكر غا فبكر شغا يوقع فيه
نور شافت فيها:ياك مطلقين ماشي شغالو
ليلى:كيفاش ماشي شغالو راه ولدو لي هازو عمران..وبات ولدي شوفي ماتعصبينيش الله يرحم باك
نور:كنقولك لي كاين ماضصريهش عليك يدخلك فحياتك طلقتو الله يعاونو بيناتكم الولد يشوفو فوقاش ما بغا
ليلى وقفات:نور سكتي هدشي ماسوقكش فيه عارفة راسي شكا ندير وكيبقة بابات ولدي مابغيتوش يتجرح بهاد لفضيحة دلكدوب
نور:ايوا شغا نقولك بيناتكم نتي تعرفي
ليلى جا فبالها تعيط ليه وتقولو داكشي غير كدوب وتشرح ليه وتراجعت ماعارفاش اش دير بقات غادة جاية حتى كيوصلها ميساج داك الساع دخلات ليه وقوصات حواجبها من التصاور لي كتشوف جلسات من الصدمة نور طلات تشوف فاش كتشوف…تصاورو هو وهبة فالدار ..التصاور موخودين من شي عمارة اونفاص مع العمارة لي فيها بكر .والاباغطومً كلها زااج….هبة كتوجد لفطور وكيفاش فاق وجلس كيفطر هو وياها ..وتصاو كدور فدار بالليل…وداخلين للدار بجوج…بايتة معاه ادن…وجالسين فنفس الدار وهي كتحرك فيها بحاليلا دارها…كاع التصاور كيبينو هدشي وكلهم فيهم هبة مبتاسمة…
بلعات ريقها من الميساج لي لتحت :فاعل خير الطليق ديالك عايش حياتو عيشي تانتي حياتك..
نور عضات على سنانها وخدات منها الطليفون:شكوون هاد القح..@@بة هي لي كانت معاه فالحفل منين جات واش جابها ليه
ليلى وقفات دمها كيغلي ماكاتسمعش كاع لنور
نور:شتييي قلت لك عايش حياتو ونتي هازة ليه الهم بايتة معاه وصابحة معاه كتوجد فلفطور بحال مولات الدار…واش هاد بكر مساليي دغية كيقلب على البدييل شنو عجبو فيها باش يدخلها للدار
ليلى شافت فيها وغوتات ليها فوجها:سكتييييييي سكتيييييييي
نور:ماغاانسكتتتتش شفتييه بعينييك ياااك….
ليلى بالاعصاب هزات يديها وجمعات معاهاا :سكتييييي
نور بقات غير كتشوف فيها مصدومة
ليلى كتلهت وتشوف فيها وفخدها كيف ولا حمر مسحات على شعرها :نور انا…
وسكتات هزات واحد لكاس وردخاتو مع الحييط
فجيهة خرا..
كان مبتاسم وهو كيدور بالكرسي فالمكتب ديالو وكيقرا فالخبلر دابة ايكون شاعلة فيه العافية وايمشي عندهاا..وهي اتكون معصبة من دوك التصاور لي صيفط ليها شعل بيناتهم لعوافيي وايخليهم يتلاقاو ..
عمران:غير شوية بشوية انخليهم يكرهو بعضياتهم ويتسالا كلشي بينهم…
عند ليلى..
مازال معصبة هيي هازة لهم لردة فعلو وخايفة من درة فعلو وماباغاش تجرحو وكتفكر اش دير وهو جايب معاه وحدة للحفل واخة هكاك مابغاتش تشك ودابة عرفات انه بايتة معاه وصابحة معااه دغية جاب الجدييد دغية عاش حياتوو…عارفة انه هي السباب ولكن راه تاهي تحت الضغط تاهي لي داز عليها ماشي قليل…عضات على سنانها معصبة..
سمعو صوني فالباب حلات لخدامة الباب ودخل كي شي عجاجة:ليييلى
غير سمعات صوتو وقفات كتسناه يبان حتى كتشوفو جاي لجيهتها
كتشوف فيه تا وقف عليها
بكر نار شاعلة فقلبو مازالة بنفس لحوايج باش مصورينها مع عمران زاد تعصب:شنوو هدشيي كديرييي فيه
ليلى بهدوء عكس النار لي فقلبها:علاياش كدوي
بكر مسح على راسو ماباغيش يقيسها:راكي عارفة شنو باغة منييييييي مازال علاياش كتقلبيييييي
ليلى نطقات:حياتي هديك وماشي شغلك فيا طلقنا كل واحد يعيش حياتو كيف بغا
قربات تا لوجهو ونطقات:بلا مايحتاج نوصي راك عايش الحياة ولقيتي لي يبات معاك ويوجد ليك لفطور ادن ماشغلكش فحياتي
قرص حواجبو هدي شكل تخربق جرها من دراعهاا لعندو عاض على سنانو زادت لعبات ليه على المموار:ولديي اليلى ولدي …مزال ماعاش هدا لي ياخد بلاصتي ويربيه فبلاصتي وينزو ..تا لودي وغاتحبسي عليا من المرض ديالك ..شنو بينك وبينووو تايكتبو عليكم فالجرائد ويردوه ايربي ولدي وانا عايش هااا هضرييي شنووووو
ليلى كانت كتسناه يشرح ليها شكون هديك ويقولها شي حاجة لي تبرد نارها ساعة زاد كمل عليها:ماسووقكش يكون بيني وبينو لي كان مادخلش فياا
باش تطفي الغضب ديالها نطقات:تانا انعيش حياتي مع الشخص لي باغة ماشي سوررقك..ولدك تشوفو فوقاش ما بغيتيي حياتييي بعد عليها
بكر هز يديه تا لسمااا وهي غمضات عينيها كتسنة الضربة تجي على وجها ولكن ما وقع والو حلات عينيها لقاتو بعد اللور بقات كتلهت وهو عاطيها بالضهر …حاط يديه على صدرو بدا يحس بالدوخة تواني ستجمع قوتو ورجع شاف فيها:ياك؟ ادن تحملي داكشي لي ايجييك منييي ..باغة تعيشي الحياة واخة الالة عيشيها كيف بغيتي ولكن بعييد على ولدي ..اتختاري يا ولدك يا تعيشي حياتك مع قو..@&اد ديالك ..مانبغيش ولدي يكبر بين يدين وامد اخور.
ليلى مرجات فيه عينيها هو يعيش مياتو ميف بغة وني اصلا لي مادايرة والو يتحكم ليها فحياتها..حسات بهدا لي قدامها ماشي بكر لي كتعرف :كيفاش
بكر:كي سمعتيي
ليلى خرجات فيه عينيها هو يعيش حياتو كيف بغة وهي اصلا لي مادايرة والو يتحكم ليها فحياتها..حسات بهدا لي قدامها ماشي بكر لي كتعرف :كيفاش
بكر:كي سمعتي
قبل تدوي رجع دوة وهو كيقرب لوجها نضراتو ساخطين كيغلي من لداخل هدي لي قدامو راه حب حياتو ومامات ولدو هاد الانسانة راه مجنون بيها وهي عارفة هدشي كيفاش طوعها خاطرها دير فيه هكا..:مسموح ليك ديري اي حاجة فحياتك ولكن بعيد على ولدي سمعتيني بغيتي تعيشي حياتك اناخد ولدي وتفضلي الالة عيشيها عرض وطول
بقات كتلهت من كلامو وتشوف فعينيه قوصات حواجبها:عارف راسك شكا تقول عارف راسك شنو داير
ضربات ليه على صدرو كانت نار الغيرة كتحرق فقلبها وزاد كمل بكلامو بغات تزيد ضربو وهو يشد يديها بجوج وزير:كلشي بين يديك ..حيت تا لولدي وحبسيي…هاد لقلب ماجاهش منك قليل ما انخليكش ضربيني بولدي وانا حي
فوتات ليه فوجو:شكون نت لي تقول هاد الهضرة هاا الولد من لول تافقنا ايكون معايا…نت دير لي بغيتي معامن بغييتي وانا ندير لي بغيت معامن بغيت
دفعها عليه كلامها كيزيد يكمل عليه وهو كيسمع صوت ولدو كيبكي شاف لجيهة لكولوار وتم غادي كانت واقفة تماك نور ومزيرة على كسوتها وكتشوف فيه فهماتو من شوفاتو:راه فداك البيت
كمل طريقو باغي شي حاجة تبرد عليه لعافية لي شاعلة فقلبو حل لباب ودخل بغات تبعو ليلى وهي تشدها نور
نور؛خليه راه باه..ماتزيدي تكبري المشكل معاه
ليلى مغزفة:سمعتيه اش قال كيحاسبني وهو مسكن معاه وحدة كدور فداري
ستكتات وكملات:زعمة فالدار لي كنا فيها بجوج وكيلوي ليا دراعي بولدي
نور:دابة تهدني تانشوفو شنو نديرو
ليلى بقات غادة جاية
عند بكر..
دخل للبيت على صوت بكاه عاقد حواجبو ملاميحو غاضبين وباين التعب فوجهو غير جات عينيه على ولدو فوق الناموسية تبسم لا اراديا قرب لعندو وتحنا هزو بين يديه كيشوف فملاميحو عيوناتو الدامعين يديه كيرجفو..كبر على اخر مرة شافو احساس فشكل دخل لقلبو تحنا باسو على جبينو ..الحاجة الوحيدة لي يقدر تبرد عليه ولو غا شوية حطو صدرو كيمسح على راسو ..مروان شوية بشوية حس بالامان وسكت وهو كيشهق مرة مرة رجع باسو على راسو كيستنشق ريحتو مايمكنش يخلي ولدو موراه مايمكنش يخسرو وهو باقي فالحياة..تمتم بهمس :كاين غا انا اولدي غا انا الباك…
دقايق وهو معاه كل مرة يبوس راسو ويديداتو ويشوف فوجهو ويتبسم معاه حتى مروان بدا يتبسم ليه ويشوف فيه ويحرك فيديداتو بحاليلا عرفو باه حطو فوق الناموس وجلس حداه كيشوف فيه على خاطرو حتى حس بيه اينعس لقا رضاعة تماك مقادة خداها ومخدها وقاد ليه بلاصتو وعطاه يرضع وهو شاد فيديداتو تانعس عاد تنهد بتعب جسمو عيان وكيحس بالفشلة مسح ليه على راسو وناض خارج من البيت لقاها واقفة فالكولوار كتاكل فضفارها خايفة لا ياخدو ليها دغية شوفاتو تقلبو ودغية داكشي رجع ليه داز من حداها وهي تابعاه تا خرجو من لكولوار نطقات :باقي ماسالينا كلامنا
بكر شاف فيها:لي عندي قلتو ..
حل لباب وهي ترجع تشدها وتكات على لباب مانعاه يخرج جات بين يديه مع شاد فلبواني دلباب بحاليلا محاصرها وشافت فيه:سمعني انا ماكاندخلكش فحياتك ونقولك شكون هديك لي بايتة معاك وعلاش بايتة معاك ولا شنو بينك وبينها مدخلها فدار فيها غا نت وياها
قوص حواجبو من كلامها
وهي كتشوف فيه بحدة:ماتحاسبتش معاك وتانت ماعندكش الحق دخل فحياتي وتهددني بولدي واخة يكون داكشي لي شفتي صحيح وبصاح بيني وبينو شي حاجة ماشي شغلك ..بيني وبينك ولدنا لا أقل ولا أكتر
ميل راسو كيشوفها كيفاش كدوي وتميل دوك شفايف لي كانو فواحد الوقت ديالو عض على سنانو وقرب تا لشفايفها منعو عليهم ضميرو لي قالو انه مابقاتش ديالو وماشي حلالك بلعات ريقها من قربو وهو نطق:انعاود نقولهالك لي عندي قلتو
بغة يبعد وهي تجرو من تريكو مراقب حركات شفايفها:واخة ..ادن تانا اندخل فيك..وأتقول لي شكون هديك لي بايتة معاك وبعد منها مانبغيش بابان ولدي يكون مع وحدة خرا وولدي يكبر وهو كيشوف باباه مع وحدة خراا..حتارم
راسك نحتارم راسي..
كلامها خلاه شوية وينطق يقولها بسبابك داك البنت معايا ..بسباب حبي ليك قلبي مرض رجع عيان وركبتي فيا السكار تراجع فأخر لحضة ماحناتش فيه وهو صحيح اتحن فيه زعمة وهو مريض باش ايفيد لا عرفات مايبغيش يشوف الشفقة فعينيها.:حيدي من طريقي..داك البنت مابيني وبينها والو
هزات راسها بلا ..
غوت فوجها وجرها من لباب:حيديييييي
وحل لباب وخرج وهي كتغوت :سيير مشيا بلا رجعة جاي قالك كيحسابني وناسي راسو..اسيدي ندير لي بغيت سمعتيني وداك عمران غادي تولف تشوفني معاااه وولدي ايبقة معايااا
تاكان غادي وهو يوقف رجع ليها جرها:ايوا تسناي داكشي لي غيجيك مني ..
ومشا خلاها كتلهت زدحات لباب ودخلات وغوتاات كي شي مصعورة كتنتف فشعرهاا
نور كانت لابسة لكاب:هنا نتبعو نهضر معاه ونجي
تبعاتو كتجري لقاتو واقف كيتسنا الشيفور يجيب ليه الطموبيل وقفات عليه:بكر
شاف فيها:حيدي من قدامي بقيتيلي غا نتي
نور:تهدن ماتعصبش راسك
وقف الشيفور بالطموبيل ونزل :هاهي اسيدي انا انمشي فالتاكسي
هز راسو باه وركب وركبات حداه تاهي..ديمارا داك الساع بلا مايقولها نزليي بقاو غادين شحال تا وصلو لجنب لبحر..نزل ونزلات تاهي كتشوفو معصب نيت..
قربات لحداه ووقفات بصمت..
نرجعو عند ليلى..
دخلات عند مروان تاهي معصبة ماعطاها تاتفسير يبرد عليها شدات ليه فيديداتو ناعس ..وتنهدات كتفكر فهدشي حتى كتسمع شي طليفون كيصوني ميلات راسها هاد الرنة ماغريباش عليها دورات وجها وهي تشوف طليفون فوق الناموسية هزاتو عرفات ديالو شافت فاسم المتصل..هبة..عضات على سنانهاا زادت كملات عليها ..يديها ولاو كيرجفو وهي كتشوفها كتصوني وتعاود ..فاخر لحضة جاوبات وسكتات..
هبة:اووف واخيرا جاوبتي خلعتيني عليك رجعت للدار كنتسناك وبالي كلو معاك..الوو ..بكر كتسمعنيي..الو..لا كنتي كتسمعني رجع للدار عفاك راني كنتسناك
ليلى قطعات عليها وهبة رجعات كتصوني وتعاود عصباتها وهي تجاوبها:الو
هبة تعجبات:شكون معايا
ليلى بحدة:ماشي سوقك..مول الطليفون ماكاينش ماتعاوديش تصوني وبقاي تسنايه فالدار كي..
وسكتات كتلعن الشيطان وقطعات عليها لعافية شاعلة فقلبهاا تخنقات ناضت خرجات للبالكون كتستنشق لهوة وحاطة يديها على صدرها وكتمتم:واخة ابكر وااخة..كتسناك فالدار..
غلبوها دموعها ونزلو حارين على خدمها مسحاتهم بيديها
فالجيهة لوخرا..
مدة وهوما غير ساكتين
نطقات:شوية دابة
شاف فيها:الخير لي اديري فيا انور هي تخلي عينيك عليها وتعرفي شنو عندها فداك العقل من جيهة عمران وهو علاياش ناوي وردي ليها لبال
شافت فيه شحال ونطقات:واخة
سكتات وكملات:حيت مامرتاحاش تانا لداك عمران وغندير هدشي لي قلتي
هز راسو باه كيمسح على راسو
نور:هدشي كامل وماقادرش تنساها شنو خاص دير ليك باش تنساها..وزيد شكون داك البنت لي مدخلها للدار
بكر:هدشي ماشي شغلك فيه طلعي نوصلك
وسبقها وركب ركبات تاهي ..حتى كيصوني الطليفون دنور كانت ليلى
نور:الو..ها بكر موصلني…اه صافي واخة
وقطعات وشافت فيه:نسيتي طليفونك
ماجاوبهاش وصلها وطلعات جابت ليه الطليفون ونطق:عنداك تنساي داكشي لي قلت لك
هزات راسها باه:حاول على راسك
ديمارا ومشا بقات واقفة كتشوفو غادي عاد طلعات ودخلات كتشوفها جالسة فالصالة وكتهز فرجليها باين فيها الاعصاب:شنو قالك؟
نور جلسات:قالي نعرف شنو باغي منك عمران ونقول ليه
ليلى:باغي يعرف واخة هاهو غيعرف …والله لا كانت ليه ينكدها علياا..
نور خرجات فيها عينيها:شنو غديري؟
#يتبع كتشخد ابناتي 🤦🏻♀️🚫وافيين الاراء🚫