👑العمـــــــدة👑
♡..مجنــــون ليلــى..
ف.الثانــــــي💫صـــــــراع العشـــــــاق
114
وصلها للفيلاج لحدا الدار نزلات بلا ما دوي معاه تا شكرا ما قالتهاش مرفوعة وغير كتبكي نزل تاهو وعيط ليها:ليلى
شافت فيه قرب لبها شوية ونطق:لا حتاجيتي اي حاجة انا موجود
ماجاوباتوش حيت ماعندوش فاش ايعاونها عطاتو بالضهر ودخلات للداخل …لقات محمد والحاج جالسين فالصالة
غير شافوها فداك الحالة وقف محمد:ليلى بنتي ياك لاباس نور راها بيخير مالكي
بصوت باكي:بغيت ندوي معاك قلتيلي اتوقف معايا ولي بغيتها انديروها
محمد:وانا عند وعدي ابنتي
ليلى:اجي نهضرو فالمكتب
محمد:واخة ابنتي زيدي
دخلو للمكتب تقابل معاها:مالكي
نزلو دموعها كتر:بغيت نطلق من بكر ونت لي اتعاوني اعمي عارفة صعيبة عليك حيت ولدك ولكن نت لي اتوقف معايا
محمد بقة غير كيشوف فيها مسح على راسو:عارفة راسك شكا تقولي ابنتي …عارفة بكر شحال كيبغيك وشنو دار على قبلك ؟عارفة شنو هو الطلاق وشنو غيدير فيه وفيك وفولدكم ولا لا؟
رجعات شعرها اللور كتمسح فدموعها:عارفة ولكن مانقدش نبقة فهاد الزواج كنحس براسي وليت مريضة اعمي انا ماشي هي هديك اي حاجة كتوقع كنقول بسبابي انا كنخمل راسي مسؤولية كاع داكشي لي وقع ولي كيوقع ولي غادي يوقع …كنقول كون ماتزاديتش فهاد الدنيا ماكانش ايوقع لي يوقع ماكنش بكر ايبغيني ويتعدب ماكانتش ماما اتموت بسبابي وتعيش داكشي لي عاشتو ماكانتش انطيح مع ختي فنفس الراجل ونبغيوه بجوج ونتزوجو بيه بجوج وتكرهني ونكرها ماكانتش الياقوت ادير فيا داكشي…ماكانش خالد ايبغي يتقرب مني فتالي ينتاحر بسبابي ملي عرفني بنتو ماكانتش نور اتبغي تنتاحر تاهي …كون ماجيتش لهاد الدنيا ماكانش ايوقع هدشي كاامل بسبابييي اعمي انا غنحماااق دماغي مابقاش هو هداك اي حاجة اتوقع انقول انا السباب
شد ليها فيديها:تهدني وسمعيني ماشي نتي السباب…
قاطعاتو:انا السباب اناا بغيتو ولا كرهتوو خليه يطلقنيي حيت لا ولات وقعات شي حاجة ماغانستحملش
سكتات وكملات:لا بقيت فهاد الزواج كنقسم ليك بالله تا اندير شي حاجة فراسي نقتل راسييي ونتهنااا حيت الضغط لي انا فيه ولي كنشوفكم عايشين فيه تانتوما كيمرضنيي صافيي نزطم على قلبي ويطلقني ونمشي بحالييي
شدات ليه فيديه كتبوسها:لعاار اعمي ماوقف معايا وخليه يطلقنييي راه اندير شي حاجة فراسي ولا انحماق صافي مابقيتش قادة ياك انا بنتك عاونييي
بقة غير كيشوف فيها فتالي نطق:لا حول ولا قوة الا بالله النتي غادي تندمي فكري فولدك وفبكر فكري فراسك
قطعاتو كتبكي:اندم لا بقيت مازال فهاد الزواج لي ايدرنا كاملين عيت اعمي صافي خلي هدشي يحبس هناا ولا انهز ولدي ما ايعرفني حد فين مشيت يطلقني وولدو يشوفو كيف بغا نبقاو بعاد حسن
جلس فوق لكرسي حاط يديه على راسو ماعارفش شغا يدير ولكن مايقدش يضغط عليها وهو مواعد راسو يبقة ديما معاها بقا شحال كيفكر فتالي هز راسو وشاف فيها:هدا اخر قرار
هزات راسها باه تنهد ونطق:صافي واخة ايطلقك
غمضات عينيها كتبكي تحنات باست يديه:هدشي حسن لينا كاملين
مسح لها على راسها :طلعي لبيتك شوفي ولدك بكر شوية ويجي نهضر معاه
بلعات ريقها وخرجات من المكتب وطلعات للفوق لقات حنان مع مروان
حنان:مالك ابنتي
ليلى:والو اخالتي هبطي شوفي عمي
حنان حسات بشي حاجة ماهياش :واخة هاهو يلاه فاق
ليلى تبعاتها وسدات لباب بالساروت ورجعات عند ولدها هزاتو بين يديها كتبوس فيه وتبكي بصمت:سمحلي اولدي سمحلي ولكن هدشي لي خاص يدار..
داز الوقت..
مجموعين ومحمد عاود لهم اش كاين وانه هدا اخر قرار وبكر خاص يطلقها كلشي تصدم حيت اخر مرة كانو مزيانين مالقاو مايقولو حيت فعلا خافو ليلى تاهي دير شي حاجة فراسها ولاو كيفكرو غير فبكر وشغا يوقع فيه…
حتى كيشوفوه داخل مع لباب شاف فيهم:ليلى لفوق
محمد وقف:اه اولدي
تم غادي وهو يوقفو:احي بغيت ندوي معاك
بكر:نشوفها ونجي الواليد
محمد:لا خاص نهضرو
قوص حواجبو ورجع عند باه:ياك لاباس
محمد تنهد ونطق:ليلى بغاتك طلقها وانا انوقف معاها
سكت وكمل:خاص طلقها
خلاه غير كيشوف فيه ميل. راسو وتبسم باستهزاء:نطلقها؟هي بغاتني نطلقها؟
خلاه غير كيشوف فيه ميل. راسو وتبسم باستهزاء:نطلقها؟هي بغاتني نطلقها؟
محمد:اه صافي البنت ماغانبززوش عليها تبقة معاك بغات الطلاق خاص طلقها
بكر:هدا لي قدامك راه بكر الوليد عارف قصتي معاها ودابة كتقولي نطلقها حيت هي بغات؟كاع داكشي لي درت على قبلها باش تكون ليا جاتك ساهلة تقولي طلقها
رجع اللور:مسألة وقت واترجع كيف كانت ماشي ساهل
داكشي لي داز عليها انا غنهضر معاها
وشاف فيهم كاملين:وتاواكد مايدخل بيني وبينها
يلاه ايقلب الدورة وهو يلقة فوجهو باه:ماعندك فين تمشي لبنت لي عندها قالتو ومن غدا انبداو فاجراءات الطلاق ..بغات الطلاق غادي طلقها
بكر دمو كيفور شوية بشوية وكيحاول يتحكم فاعصابو:حيد الوليد من طريقي داكشي بيني وبينها ياك بغات الطلاق تقولهالي فوجهي
محمد:انا الولي ديالها دابة وانا حملاتني هاد المسؤولية مابغاتش تدوي معاك فهدشي انا لي غنتكلف
تسمع صوت حنان كتبكي على ولدها
بكر مسح على راسو:ماغانطلقهاش
محمد:غادي طلقها
بكر صافي هدا حدو غوت:قلت ماغانطلقهااااااااااش وعلاششش باغي دخل راسك فشي حاجة ماسووقكش داك الانسانة مراتيييي وماغانطلقهااش لا هي سخن عليها راسها انخليها تاتبرد والطلاق ماكاينش
محمد غوت ليه تاهو فوجهو:غاديييي طلقهااااا بغيتي ولا كرهتيييي اطلقهااا لبنت مابقاتش باغاك تبقة معاها بالسيف؟واش كاين كتار من انها تقول لا بقيت معاه نقتل راسي ولا ندير شي حاجة فراسي؟واش بغيتيها تبقة معاك تانلقاوها شي نهار منتاحرة ؟صافييي ملي البنت وصلات لهاد الدراجة ماعندك وماعندنا مانديرو من غير طلقها وتخليها على راحتها لا وقعات لها شي حاجة واش اتسمح لراسك؟
بكر غير كيشوف فيه ومصدوم من كلامو
محمد كمل:ماغاتسمحش لرااسك عارفك…لبنت مرضت فدماغها لي داز ماساهلش لا جات لولدها غا سخانة عادية اتحمل المسؤولية لراسهاا …صافي طلقهاااا اولدي طلقها
بكر مسح على راسو وشاف فباه ونطق:كلشي غيدوز تصبر ونصبر عليها تا تولي مزيان الا الطلاق
محمد تنهد:مايمكنش هي بغات طلاق اخر قرارها
بكر:كنبغيها
محمد:ايلا كتبغيها طلقها خليها على خاطرها..طلقها وخليها تمشي بحالها فين بغات
قوص حواجبو ونطق بصوت مهزوز :لا مشات اتمشي حياتي وروحي معاها ترضاها ليا الوليد
محمد قصح قلبو واخة صعيبة عليه:نرضاها غير خليها تمشي
بكر مسح على راسو وغوت:علااااااش هي انانية علاااش باغة دير فيااا هكاااااااااا حياتي كاملة وانا كنبغيهاا ومفرش لها قلبي فالارض كتزطم عليه كيف بغات واش هدشي ماحرك فيها والووو مازال باغة طعنيييي واش ماعارفاش انه غتقتلني وانا حي
شاف فباه:واش انا بوحدي لي بغا من قلبو فهاد الدنيا ولا كيفااااش واش هي ماعندهاش القلب؟
كانت واقفة فالدروج لفوق كتصنت حاطة يديها على قلبها وكتبكيي قلبها كيتقطع فلحضة بغات دير فراسها بصاح شي حاجة
بكر غوت:ليييلى فييييييينك باغييي نسمع منك
رجعات كتجري للبيت وسدات لباب وهو طالع فالدروج صافييي غتحمقوو وقف كيزدح فلباب وباه كيجرو:حلييي قوليها فوجهيي حليييي نسمعها منك
محمد:بكر صافي خلي عليك البنت
تنتر من باه وزاد كيزدح فلباب :بغاتنيي نطلقهاااا واخة خليها تقولها هييي وهي كتشوف فعينييي
لداخل كلها كترجف ماقاداش تشوف فيه وتدوي معاه عارفة اش واقع فيه باغاه يطلقها وماتشوفو مايشوفها كيزدح فالباب وقلبها كيتهز تاهوو
بكر:حليييي قوليهالي فوجهييي
تواني وتحلات لباب بانت ليه واقفة وهازة بين يديها ولدهم حاطاه على صدرها هزات عينيها الدامعين وشافت فيه ونطقات:طلقني مابغيتش نبقا معاك
سكتات وكملات:لا كنتي بصاح كتبغيني طلقني وعلى قبل ولدنا طلقني مابغيتش ندير شي حاجة فراسي نخليك عايش فتأنيب الضمير وتتعذب كتر ونخلي ولدنا بلا بيا
وسكتات وهي كتبكي ناض حتى مروان كيبكي زيرات عليه وهي كتهزهزو بشوية
بكر غير كيشوف فيها نطق:لهاد الدراجة
ليلى:اه طلقني
بكر كيشوف فولدو كيبكي:عارفة راسك شنو اديري فيا وشغا يوقع فيا
بقات غير ساكتة
عطاها بالضهر وتم غادي حتى كينطق:نتي مطلقة …
ومشاا …رجليها فشلو عليها كانت اطيح هي وولدها فالارض كوما شدهاش محمد..حنان خدات الولد وليلى جلسات فالارض كتبكييي…
نزل للتحت مرفوع وهوما كيشوفو فيه كيحس بالعافية شاعلة فقلبو ماعارفش اش يدير مشا كلس فالصالة ورجع وقف كيمسح على راسو الدنيا ضاقت بيه
كنزة بصوت باكي:صافي اخويا مايبقاش فيك الحال طلقها دابة تندم عمرها تلقة بحالك
شاف فيها ونطق:ولكن كنبغيها
كنزة بقات غير ساكتة وكتبكي
حنان:صافي اولدي دابة ربي يحلها من عندو
تخنق فالداار خرج مخلي مو كتعيط ليه ركب فالطموبيل وديمارا غادي ماعارفش فين …لعافية شاعلة فقلبو دغيا سخات بيه وهو لي بايع الدنيا كلها على قبلهاا وهو كيموت على التراب لي كتمشي علييه شغا يوقع فييه دابة صافي خاص يطلقهااا ويبعد عليها بحال الموت هدشي كيحس بيه وقف الطموبيل فالجنب ملي حس براسو مامركزش فالسوكان كيشوف لبعييد ساكت وقلبو ايطرطق حط يديه على قلبوو كيضرو بزاف طلعات انانية وماكاتبغيهش كيف كيبغيها مافكراتش فيه وفحبو ليها وفشنو ممكن يوقع ليه تنهد بآلم قاااصح بزاااااف….ساعة وهو غير واقف فجنب الطريق ورجع ديماراا غادي ماعارفش فييين ….تا لقا راسو عند المحامي نزل من الطموبيل وطلع لعندو غدا خاص توصلها الورقة
نهار جديد..
ماخرجاتش من لبيت من لبارح فصباح ماقادة تشوف فتاشي واحد ولا تشوفو تاهو كيجيبو ليها لماكلة تا للبيت غير متكية وكتشوف فولدها وساكتة مانعسات ماشافتو ليل كامل وهي كطل واش جا زعمة تشوف طموبيلتو وماجاش كاع تاهي قلبها كيضرها ولكن عيات عارفة انه ايكون ربي لي عالم بيه عارفة انه هو كيبغيها كتر من لي كتبغيه هي نزلات دمعة حارة من عنيها كتعيش اسوأ ايام حياتها…
سمعات الدقان شوية شافتها داخلة والابتسامة على وجها كانت نور
ليلى كتشوف فيها:خرجتي
نور جلسات حداها وعنقاتها؛اه خرجت وليت مزيان
ليلى حضناتها:على سلامتك
نور بعدات:الله يسلمك..نتي لاباس
ليلى:الحمد لله
نور شدات ليها فيديها:سمعت صافي اطلقو
ليلى بلعات ريقها:اه
نور تبسمات:مزيان هكا انعيشو مزيان مايبقة بيناتنا تا راجل اخت وختها داكشي لي ماعشناهش شحال هدا انا وياك انعيشوه دابة ونمشيو من هاد الدار
شافت فمروان وتحنات باستو:ياك الحبيب دخالتو انا ماماك الثانية
رجعات باستو :تانا كان ايكون عندي بي بي لي هو خوك ولكن ماكتابش ليه
شافت فليلى بعينيها مغرغرين بالدموع:ماكتابش نكون ام ولكن مروان ولدنا بجوج
ليلى تبسمات ليها بهدوء
سمعو الدقان كان محمد دخل وهو كيشوف فليلى وفيديه واحد الورقة:هنا ابنتي عند كلمتي
عطاها الورقة خداتها وكمل كلامو وهو كيمد ليها ستيلو:اتوقعي وهانتوما مطلقين هاهو جاب لك الورقة دطلاق
شهقات بلا ماتحس ونزلو دموعها وهي كتاخد الستيلو
محمد:يمكن لك تراجعي نتي عارفاه شحال كيبغيك
بلعات ريقها كتبكي وتقرا فورقة الطلاق ..داير ليها ولولدو شهرية لي تكفي لعائلة كاملة ومتنازل ليها على الحضانة ونفقتها وكلشي تماك قلبها تزير عليها ووقعات وهي كترجف ومدات ليه الورقة خداها تنهد وخرج
زيرات على حوايجها روحها اتخرج نطقات بهمس كتتألم:طلقنااا..صافي انا وبكر سالينا ..
حسات براسها باغة تغوت نور نزلو دموعها تاهي جراتها وعنقاتها ليلى زيرات عليها كتبكيي بحرقة ونطقات:قلبي كيتقطع انوور
نور:حاسة ببك والله صافي دابة تنساب
ليلى دخلات فنوبة بكاء صافي كلشي سالى
لتحت..
خدا داك الورقة شاف التوقيع ديالها طاحت ليه الورقة من يديه ماقدش تايخني يهزها قربات كنزة وهزاتها
بكر :خرجيها للمحامي راه برى
تنهدات وخرجاتها للمحامي عطاتها ليه وهي توقف ملي شافت بدر راكب فالطموبيل وكيشوف فيها خنزرات فيه وقربات لعندو:تزيدو تكملو على خيركم تهز خوتك ومانعاودوش نشوفوكم
بدر ميل راسو:خوتي انديهم وحتى نتي اتجي نوبتك
كنزة:كتحلم
تنات غادة وهو يعيط لها مادارتش كاع لجيهتو نطق:راه لاماديتكش انا ماكاينش لي ايديك
وقفات لتواني كانت اتجاوبو وهي تكمل طريقها خلاتو كيضرب فلفولون..
لداخل ..
نزلات من لفوق خلات ليلى كتجمع فحوايجها قربات لعندو:بكر
كان جالس فالصالة ومنزل راسو كيشوف فالارض حتى كيسمع صوتها هز راسو فيها بلا تا كلما
تحنات لعندو وشدات فيديه ونزلو دموعها:كون جات عليا انا عمري كنت نخليك ويوقع لي يوقع نت ماتستاهلش هدشي لي واقع
قوص حواجبو كيشوف فيها بعد يديه من يديها ووقف وقفات تاهي:غوقنا تحتاج شي حاجة انا كاينة
هز راسو ملي شافها هابطة وولدها فيديها ملوياه فملايتو ولخدامات هازين الشوانط..غير شافتو وقفات وهي كتشوف فعينيه دابلين مدمرين حومر كيبان مهزوز كابرات باش ماتبكيش..
وكملات طريقها قرب واقف فطريقها هزات راسها وشافت فيه:مروان فوقاش مابغيتي تشوفو اتشوفو
تحنا كيشوف فولدو ماشي هكا بغة يربيه تحنا باسو على راسو كيستنشق ريحتو ورجع شاف فيها:داكشي لي بغيتيه وقع نتمنى تكوني مرتاحة وتعيشي مهنية
بلعات ريقها فلحضة جا فبالها تلاح عليه وتعنقو
بكر نطق:غيجي واخد الوقت اتقلبي على بكر وما اتلقايهش
نزلو دموعها وهمسات ليه:صافي عفاك
دخل مع لباب:واجدين
وقرب عند ليلى جرها معاه:يلاه نمشيو
وخرجو ونور معاهم خدات منها مروان وركبات وليلى واقفة كتشوف غير بكر تاواحد ماجا يسلم عليها كلشي غابر…كتبكي وبكر كيشوف فيها كيشوفها بصاح غادة سمحات فكلشي ومشات شنو بقالو مايزيد يدير ..بدر قرب ليها وجرها يلاه
حل ليها لباب من بعد ماحط شوانط فلكوفر ركبات وسد لباب وقرب كيشوف فيه بحقد وابتسامة خبيتة على وجهو ونطق:عقلتي نهار قسمت ليك حتى ناخدها لك ونحرمك منها ونخليك تعيش الموت بلا بيها هنا وقفتك عند كلامي وعمرك تحلم بيها تكون ليك ابكر موت بالعافية لي فقلبك
يلاه ايكمل كلامو وهو يسمع صوتها :بدر براك خلينا نمشيو
رجع شاف فبكر لي عينيه على ليلى راكبة وكتشوف فيه ..ركب وديمارا مخليه واقف كيشوف فالطموبيل كتبكي بصمت..وهو واقف كيحس بروحو مشات تكا على الحيط حاط يديه على قلبوو وكلس فالدريجات لي تماك
خرجات عندو حنان :دخل اولدي كلشي ايدوز
ماجاوبهاش ناض ودخل كلهم كيشوفو فيه بلا تا كلمة تاهو ماكلمهمش طلع مع الدروج تا لقا راسو كدا بيتهم دخل ووقف كيشم ريحة عطرها وريحة ولدو كيشوف ناموسية ولدو…دخل كيشوف فالناموسية فوقها بينوارها دلحرير هزو بين يديه وحضنو وهو كينطق:صافي مشيتي
دوز يديه على الناموسية كيتفكر كاع لحضاتهم بجوج تخنق فالبيت وهي مافيهش رجع خرج ماعارفش شنو يدير ولا فين ايمشي ماقادرش يبقة فهاد الداار كلها كتفكرو فيها كيشوفها فكل بلاصة لكولوار الدروج صالة حس براسو ايطرطق رجع نزل مع الدروج وهوما مازال كيشوفو فيه نسا راه باقي هاز بينوارها وقف كيشوف فيهم بحرقة:مالكم كتشوفو فيا بغات تمشي راه مشات نشدها بالسيف انا بيخير
عاد انتابه لبنوارها لي فيديه رماه مع الارض ومشا جلس كنزة وحورية جلسو حداه وعنقوه وهو غير ساكت تنهد باغي يخرج لعافية من قلبو
حنان كتبكي كتشوف ولدها كيتعدب قدامها ماقادة دير والو كلهم خافو عليه لا توقع ليه شي حاجة
رجع وقف غادي جيهت لباب
حنان:فين غادي
بكر:ماعرفتش الواليدة دنيا ضاقت بيا تا ارض ماهازاني
محمد:اجي جلس ربي ايحلها ويفاجيها
هز راسو بلا:ماقادش نبقا انغبر شي يامات ماتهولوش عليا
حنان:فين اتمشي خليك معانا
بعد غادي:خليني الواليدة
الحاج:بكر بلاصتك مع عائلتك حنا انعاونوك تخرج من هاد المحنى
وقفات ليه حنان فالطريق:ما انهليك تمشي لتا بلاصة
بعدها بالشوية:بغيتو نطلقها هنا طلقتها خليني الواليدة عليك راه العافية شاعلة فقلبي
حنان:اتمشي وتخلينا ياك اولدي
باس على راسها:هنا مشيت
محمد جرها:خليه على راحتو غير ماتنساناش باقين محتاجينك اولدي
خرج من دار على صوت البكا مو ركب فالطموبيل وزاد بلا تا وجهة المهم يغبر يهرب حيت حاس براسو ايحماق…
بعد مرور شهران…
حنان :الحاج قلبي كيتقطع على ولدي ماعرفتوش فينهو
الحاج:هانا وصيت لي يقلب عليه ضاروري ايبان صافي خليناه على خاطرو شهراين خاص يبان
حنان:وايلا كانت واقعة ليه شي حاجة
محمد:قولي الله يحفض الحوايج لخايبين دغية كيوصلو
فجيهة خرا..
جالسة فالاباغطومو وولدها قدامها كتشوف فيه تبسمات ليه ملاميحو تفرزو شوية كيشبه لباه بزاف نسخة منو تنهدات قلبها ضرهاا..
دخلات نور وجلسات حداها:شريت شي كسيوات ليا وليك يعجبوك
وبدات كتفتحهم حداها وهي غير ساكتة حتى كيشوفوه داخل نطقات داك الساع:ماجات تا خبار على بكر
بجوج شافو فيها
بدر:لا
وجلس حداهم وخدا منها مروان كيبوسو على راسو:ايكون بيخير
نور كتشوف فليلى من نهار جات معاهم ماخرجات كاع تاضحكتها ماشافوهاش طفااات …عياو معاها بجميع الطرق تخرج من الازمة النفسية ديالها وماقدروش
بدر:ليلى المبنى ديالك دزت شتو قرب يتسالى الصليح ديالو خاص طلي عليه وشوفيه واش هو هداك باش تبداي الخدمة ديالك
نور شدات ليها فيديها:وانا انخدم معاك لا بغيتي نكون وحدة منكم
ليلى بابتسامة باهتة:اه مرحبا بيك سمحولي هنا جاية
وناضت دخلات لبيتها وسدات عليها وتحنات فالارض كتبكيي عاضة على يديها توحشاتو بزااف وماعرفاتش فين هو وشنو واقع فيه …
صونا طليفونها مسحات دموعها ماكانتش باغة تجاوب فلول من بعد جاوبات:الو مريم..لاباس الحمد لله ونتي…شكرا..
مريم:كنت بغيت نعرضك لحفل افتتاح دلاوطيل الجديد دخويا عمران
ليلى:ماعرفتش حاليا ماعنديش كيفاش
مريم:لا ضاروري تجي ماعندي ختي لي تكون معايا مرحبا بيك نتي ونور وبدر هاهي فبالك وانصيفط ليكم الدعوات تا لدار
ليلى مابغاتش طول فالهضرة:صافي ان شاء البه
وقطعات وتكات فوق الناموسية..حاطة يديها على راسها كيضرها بزاف…خشات يديها من تحت لخدية وكبدات تصويرتو كتشوف فيها نزلو دموعها حارين…
#يتبع فين هو بكر؟🥺.الاراءmentionner un utilisateur