👑العمـــــــدة👑
♡..مجنــــون ليلــى..
ف.الثانــــــي💫صـــــــراع العشـــــــاق
109
كلشي مصدوم من هدشي لي كيسمعو كانت ضربة قوية ليهم كامليين كيشوفو زمان كيف ضار
الحاج لي كان غير واقف وكيشوف فيهم شوية حط يديه على قلبو كيضرو بزاف رجليه خواو بيه بدا يشوف غير الضباب حنى كيطيح على طولتوو كلشي غووت كيشوفو فييه وصوت لبكا ولغوات كيتسمع
بكر كيقيص النبض ديالو مازال عاايش بدر قرب وهزو هو وياها والياقوت كتشوف فيهم وكنبكي ماقادة دير والو :ماكنتش بغيت يوقع هدشي انا غير كنت كنبغي عائلتيييي
ركبوه فالطموبيل ومعاهم ياسين وداوه للطبيب وتبعهم براهيم وزكرياء يشوفو تا ليلى . جاتو سكتة قلبية عتقوه تا لاخر لحضة دابة راه تحت لعناية المشددة
الدار ولات بحال الكابوس عايشين فيه كل واحد شاد ركنة وكيفكر وداك التفكير وشحال صعيب كاع الافكار كيحمقو كيفاش ليلى بنت خالد وخت نور وبدر وحفيدة الحاج والياقوت…الهم مابغاش يبعد منهم كيساليو من وحدة كيلقاو راسهم فوحدة خرا ياسين مراتو ماتت كنزة حياتها تدمرات والكارتة لكبيرة هدشي لي وقع مؤخرا….كلشي مدمر عائلة العمدة كلهااا مدمرة..
دازت عشر أيام…
الحاج وليلى مازالين فالصبيطار…ليلى كان خصها تبقة تحت المراقبة فالطبيب حيت حملها صعيب وبغاو تكون تحت عينيهم لا بالي توقع شي حاجة علامن يوصل شهر السابع وفعلا دابة كانت فالشهر السابع ومالتها مستقرة..ماكانت كتبغي تشوف تا واحد وبكر حتى هو ..عيات بزاف وبغات تبعد عليهم كاملين ديما ساكتة والتفكير هلكها..
اليوم خرج الحاج..
دخل للقصر ستقبلوه بالاحضان وقف كيشوف كلشي وجهو دابل ..
نزل ياسين حاني. راسو فين هي داك الضحة لي كانت على وجهو كيستقبلهم بالضحك والنشاط تحنا باس ليه يديه:على سلامة
الحاج تنهد بقة فيه قربات كنزة عنقاتو بوجه دابل:على سلامتك
قربات نور وعنقاتو كتبكي:على سلامتك خفت عليك بزاف
طبطب على ضهرها ..قربات حورية:على سلامة
بقة واقف كيشوف فيهم كلشي طافي ..
الحاج:فين البقية
نور:بابا شاد عليه فالبيت ماكايخرجش وبدر ماكايجيش ماما عيانة شوية الياقوت تاهي فالبيت ماكاتخرجش
نزلو دموعها كتشوف كلشي ترون
شاف فالخدامة؛عيطي للياقوت
مشات كطير وهوما واقفين دقايق ونزلات حالتها حاالة
الحاج شاف فيها ونطق بدون سابق اندار:نتي مطلقة واتجمعي حوايجك وتخرجي من هاد لفيلاج
رجليها خواو بيها بلعات ريقها وشافت فيه كيفاش كيدوي هاد النضرة كتعرفها مزيان انه كلامو ماموراتش كلام تاني ..كلهم بقاو غير كيشوفو ماقالو والوو
حسات بالدنيا ضارت بيها وانه صافي خسرات كلشي
الحاج غوت تا قفزات:داااااااابة
نزلو دموعها حارين كتحس بلخناجر فقلبها نطقات بصوت مهزوز:واخة كلامك هو الكبير الحاج
تمات غادة جيهة لباب
الحاج:حواايج
الياقوت وقفات وشافت فين:صافي مابقة ليا والو كيفما دخلت نهار اللول لهاد الدار انخرج منها ..
ورجعات عطاتو بالضهر وخرجات هكاك ببيجامتها الدموع فعينيها كتبكي بحرقة دمرات كلشي وخرجات على هاد العائلة بولادها بحفايدها ضيعت تا راسها ..كتتمشا فلفيلاج وكلهم كيشوفو فيها وشي كينغز شي وهي غادة وكتبكي وقعات الجوقة ودراري الصغار تابعينها ويجريو قدامها تا خرجات من لفيلاج محطمة غادة فالشانطي على رجليها…
فالطبيب..
دخل عندها من بعد ماقالت ليه الممرضة راه بغات تشوفك كيجي كل نهار واخة ماكاتبغيش تشوفو ويبات فالطوموبيل حدا السبيطار ماملش كاع..لقاها لابسة حوايجها قرب وجلس حداها شافت فيه بعينيها دبلانين وحطات راسها على كتافو ونزلو دموعها هو رجعات فيه الروح بشوفتها مسح لها على شعرها فاش نطقات:توحشتك
غمضات عينيها كتبكي بصمت:شتي الدنيا اش دارت فينا
تنهدات:بغيت نرتاحو هدشي بزاف علينا
تنتد تاهو:كلشي دابة يتقاد
نطقات:ديني للدار بغيت نعرف كلشي
ووقفات ووقف تاهو قرب وباس جبينها:ماشي دابة نساي عليك هدشي فكري فراسك وفولدنا
نزات راسها بلا:صافي لي وقع وقع بغيت نعرف الماضي اش وقع فيه..
بكر:انا نعاود ليك
ليلى:لا غير ديني للدار
وشدات ليه فيديه:يلاه
جرها وعنقها:اااااح يا ليلى باغي نخبيك وسط ضلوعي ما ايأديك والو وما يوقع ليك والو نخليك بعيدة على هدشي باست صدرو:ونت شكون يحس بيك هاز كاع هاد الهمم وهمومنا كاملين؟
بكر بعد كيشوف فعينيها:كوني غير نتي مزيان ونصبر على كلشي
تنهدات كتشوف فيه الحياة مامخلياهمش يعيشو مزيان مع بعضهم..شد ليها فيديها ورجعو للدار كلشي مجمع فالصالة سلمو عليها وجلسات وسطهم..الا نور لفوق فبيتها ماقاداش تشوف فليلى
ليلى تبسمات بتعب:عاودولي كلشي ماتخبيو والو بغيت نعرف اش وقع..
حنان تنهدات وبدات تعاود ليها كلشي وليلى كتصنت تا سلات
نزلو دموعها مغمضة عينيها مازال ماقادرة تستحمل انه بنت خالد
حلات عينيها وهي كتشوفو قدامها واقف لحيتو كبرات تح عينيه زورق مهدود حيلو غير شافتو بلعات ريقها وقلبها كيضرب فلمية ونزلات عينيها حركة كافية تخليه يبغي يموت ضميرو كيزيد يأنبو نطق:ياريت ربي خدا روحي قبل نفكر نديرها ونقرب من بنتي ياريت تقطعو يديا فداك اللحضة
نزلو دموعو:سمحيلي ابنتي كنحس بالموت وماقادرش نموت ..كنت كنبغي رقية وكون جابتها الفرصة وتجمعت مع مك كنت انبغيك بزاف ونديرك فعينيا نتي وياهاا ابنتي انا ماكانسواش ومانستاهلش نعيش
رجع نطق:تمنيت كون مت وما قربتش ليك كون يرجع بيا الزمان اللور ومانديرهاش..ويزيد يرجع بيا اللور ومانديرش بزاف دلحوايج
ليلى شافت فيه وبلعات ريقها وهي كتبكي هدا باها كون ماوقعش لي وقع وبغة يغتاصبها يمكن كانت اتنوض وتعنقو ولكن ماقاداش تتقبل انه باها ودار فيها داكشي
نور كانت جالسة فالدروج وكتصنت وتبكي..
خالد رجع باللور ومشا لجيهة الدروج طالع لقاها جالسة تبسم وقرب ليها ناضت وعنقاتو كتبكي بكا معاها تاهو وطبطب عليها تمتمات:انا معاك ابابا يوقع لي يوقع انا معاك
باس جبينها:عارف ابنتي عارف
وكمل طريقو لبيتو دخل فتح واحد لمجر جبد تصاور رقية تبسم والدموع نازلين من عينيه وحل مجر اخور وجبد السلاح بيديه كيرجفوو وقف شحال كيشوف فيه فتالي حطو على راسو وتسمعات داك تراااااااااخ وتيرا فراسووو…
مازالة جالسة فالدروج كتبكي غير سمعات صوت رصاص وقفات وغوتات:باااااااباااااا
كلشي وقف مخلوع الا هي جالسة مبلووكية وهي كتسمع خالد تيرى فراسو حسات بالحريق شدها فكرشهاا كترمش بعينيها بالزربة كتمتم:مايمكننش…
مازالة جالسة فالدروج كتبكي غير سمعات صوت رصاص وقفات وغوتات:باااااااباااااا
كلشي وقف مخلوع الا هي جالسة مبلووكية وهي كتسمع خالد تيرى فراسو حسات بالحريق شدها فكرشهاا كترمش بعينيها بالزربة كتمتم:مايمكننش…
فلحضة لقات راسها غير بوحدها لي فالصالة كلشي طلع للفوق شدات فكرشها وناضت كترجف طالعة فالدروج وقلبها كيضرب فلمية…
لفوق..
كانت هي اللولة ولصلات لعندو للبيت حلات الباب ودخلات على امل مايكون دار والو فراسو كتقلب بعينيها بلهفة حتى كتشوفو طايح فالارض بدماياتو شهقات حاطة يديها على فمها ماحسات براسها تا طاحت على ركابيها فالارض كتبكيي:باباااا لاا باابااا
نور رجعات وقفات كتغوت وتبكي قربات وتحنا لعندو شدات راسو بين يديها وكتغوت ربي لي خلاقها:بابااااااا علااااش ابابااا ماتخلينييييش ابابااا ماديييرش فيااا هكااا ابابااا فيييق ماتموووتش عفااك لااا اسيدي ربيييي مابغيتوووش يموووت باقي ماشبعت منووو
دخل بكر هو وياسين لوالا وقفو مشوكيين كيشوفو فيه فالارض ونور شادة راسو بين يديها وكتغوت دخل الحاج لي ماقدش يزيد يكمل كيشوف فولدو طايح وكلو دماياات
كيقول مع راسو لا ..كاين شي غلاط ماشي انا لي خاص نحضر لموت ولادي انا لي خاص نسبقهم لا مايمكنش هدشي…واقف متكي على عكازو كاع قواه تلاشاو فهاد اللحضة كيشوف فولدو طايح جثة هامدة فالارض…
بكر وياسين قربو لمحمد
نور كنبكي وتشوف فبكر:ماايمكنش يمووت ويخلينييي بابا ماماااتش ياااك
بكر تحناا كيقيس النبض ديالوو غمض عينيه ورجع حلهم خلا نور تبقا تهز راسها بلا وتعنق باها:ماماتش انا عارفاااه ماماااتش
بكر شاف فياسيين عيط لومبيلونص
خرج كيعيط ليهم
فهاد اللحضة دخلات على صوت غوات نور وبكاها منضر خلا قلبها يتقسم كتشوفو طايح بدماياتو زيرات على حوايجها كتفكر اخر مرة شافتو كيفاش كان مدمر وباين عليه الندم كتفكر فكلامو كيزيد قلبها يضرهاا صافي تاهو مااات
شاف فيها بكر وقرب لعندها بغة يشد فيديها وهي ترجع اللور نطقات بصوت مهزوز:تاهو ماات
ماعرف مايقولهاا ليلى كملات بهمس:مابغيتوش يمووت ابكر مابغيتوش يموت هكا ويوقع هكاا
قرب وحضنها بالسيف عليها وهي كتبكي:علاش قتل راسو علاااش شنو فيها كون صبر شنو فيها كون عطاني الوقت
دفعاتو ورجعات باللور:انا السباب ياك انا
هز راسو بلا:لااا ماشي نتي
جلسات فالارض كتبكي وتشوف فيه من لبعييد وهمسات:شنو درت باش نعيش هدشي تلاتة دالمرلا فلول بابا ومن بعد ماما ودابة
وسكتات شوية ونطقات:ودابة بابا للمرة التانية
دخلات الخدامة كتجري:سعاد طايحة لتحت شداتها كريز
تنهد صافي تقادة جهدو شاف فحنان:الوليدة سيري شوفيها نتي وحورية
جرات بنتها ومشاو كيتباكاو يشوفو سعاد
بكر قرب عند باه محمد لي كان متكي على الحيط وكيشوف فخوه الوحيد ميت:الوليد ماشي وقت نطيحو كاملين الحاج ماعاجبنيش شوفو ورد ليه لبال
محمد مشا عند الحاج:الحاج شد فراسك محتاجين ليك
الحاج نزلو دموعو حارين:اااااح وعلى الزمان وشنو مازال ايخليني نشوف واش كاين جرح كتر من هدا تشوف ولدك كبدتك ميت قبل منك كون مت وماشفتش هدشي
كان ايطيح وهو يشدو محمد:الصبر الولييد الصبر
جلسو فوق الكرسي والحاج كيبكي:بزاف هدشيي بزاف ولدييي مات امحمد قلبي كيتشوووة عائلتيي دمرااات
كيشوفوه كيبكي وهو لي عمرو بكا حداهم عرفو انه بصاح قصحو الزمان على الجهد…قرب عند ولدو وتحنا كيبوس فراسو واخة غلط وغلط ولكن كيبقا ولدوو
ليلى زادت فلبكااا ونطقات بصوت باكي:تمنيييت كون ماما جهضاتنييي فداك الوقت ومانجيش لهاد الدنيا ويوقع هدشي كامل بسبابيييي تمنيت كون مت ومانعيييش هدشيييي
بكر مسح على راسو كيشوف فيها تحنا لعندها:ماتقوليش هكا هدشي مكتاب
شافت فيه:بسباببييييي صافيي بسبابيي
دخل ياسين كيلهت:جين انا ولونبيلونص هاهوما طالعين فالدروج
على كلامو كانو موراه تلاتة هازين البياص
دخلو وقربو ونور مازال حاضنة باها كتبكيي بحرقة مابغاتش تبعد
بكر قرب ليها:نور اجي معايا
هزات راسها بلا كتبكي:لاااا خلينيي ماشبعتش من باباا
تنهد وتحنا لعندها حاط يديه على كتافها:نور اجيي
كتنتر منو جرها لعندو بالسيف وهي كتبكي:باباااااا
زير عليها وهي كتشوفهم حطوه فوق البياص باغة تقرب ليه وهو شادها من خصرها عيات تنتر فتلي حطات راسها على صدرو كتبكيي:بكرر بابا مشااااااا
خرجوه من الدار وطلعوه فلومبيلونص ولحقو عليه مراتو حنان لي مافاقتش من الكريز لي شداتها..
جا فهاد اللحضة داخل وجهو مخطوف كانو فالصالة شاف فالحاج:فين الوليد
كلشي سكت بغة يكدب داكشي لي سمع فاش عيطو ليه يجي :هو بيخير ياك
نور نزلات كتبكيي:خوياااا باباا مااات وا مااات
بلع ريقو كيشوف فيها جاية لعندو وتلاحت عليه معنقاه:بابا مااات ابدر تيرا فراسو. ومااات وخلانا ومشاااا
ضربو اضوو وهو لي من الصدمة كدب داكشي لي قالولو فالتليفون وجا باغي يسمع انه باه بيخييير صدق ميت بصاح ومنتااحر نور كتبكي بين يديه وهو غير واقف ماعارفش شنو يدير واش يبكي ولا يغوت ولا يدير تاهو شي حاجة فراسو
نطق بتعب:شنوو خاص نديير دابة واش ندير تانا شي حاجة فراسي
هزات راسها كتبكيي:لا لاا ماتخلينييش اخويا عفاااك لا مشيتو وخليتوني انموووت تاناااا
ورجعات عنقاتو كتبكي عيا صابر وعنقهااا ونزلو دمووعوو حارييين باه ماات عائلتو تشتتات كلشي مشااا
دقايق وهوما هكااا حتى كيرجع باللور خارج يلحق على باه ومو ونور تابعاه كتجري تعكلات وطاحت فالارض كتبكي..تنهد كيمسح فدموعو ورجع لعندها نوضها وعنقها :صافي اختي هنا معاك
شد ليها فيديها وخرجو ركبو فالطموبيل ولحقو على واليديهم…
فالطريق..
مازال غادة على رجليها ..دموع فعينيها حارين الضلام فجنب الطريق ماعرفاتش شحال تمشات قلبها ربي لي عالم بيه ماشي راه خرجات على عائلة على قدهاا دورات وجها وهي كتسمع صوت لومبيلونص ..وقفات فاش قلبها رفرف ودورات وجها كتشوف جوج تواني وهي كتشوف تا بعدو عليها نزلو دموعها:بغييت غير نموت اربي غير نموت..
كان سايك حتى كيلمحها فالطريق فرانا بالجهد ونزل كي شي عجاجة ونور تابعاه قرب ليها :رتاحيييتييي دابة خرجتييييي علينااااااااا
الياقوت بلعات ريقها :ماكنتش عارفة ان..
قاطعتها نور:بابا نتااااحر بابا ماااااااات بسبااابك الله ياخد فيك الحق خرجتي علينا عمري نسمح ليك الياقوت عمري
الياقوت دنيا ضارت بيها :كيفاش..
بدر:ولددك قتل راسوو نتاحر بسبااابك الولييد مات بسبابك
شد يديه فاخر اللحضة من داكشي لي كان باغي يدير جر ختو وركبها ورمب تاهو وديماراا ومشاو
الياقوت طاحت داك الساع فالارض كتشربل بلبكاا فجنب الطريق خاوي كتحفر بضفرانها فالتراب بقوة المرقةالحرقة لي فقلبهاا وضرب فوجها بداك التراب:اربييييي انا شنو دررت اربيي ولدي مااااااات نتااحر بسبابييي اربييي كنموووت…
فالفيلااج..
بكر:انا انلحق عليهم الوليدة طلعي ردي لبال ليلى صافي
هزات راسها باه خالتها خالة تاهي يلاه ايزيد خطوة وهو يوقف من صوت ليلى كتغوت قلب الضور داك الساع طالع فالدروج كيجري لقاها فالكولوار شادة فكرشها وكتغوت
حنان من موراه كتشوف لما نازل من بتخت ديالها:السقية طرطقات ليها غاديي توولد
ليلى:بكرر كنموووت
ماعرف مايدير تلف قرب ليها
وهي مو تغوت:هزهااا نديوها للطبيب تولد
هزها داك الساع بين يديه وحنان تابعاه
كنزة:ماما شنو واقع ليلى مالها اويليي
حنان:غتولد
كنزة:نمشي معاكم
حنان شافت فحورية:جمعي لحوايج لي اتحتاج ليلى راه كلشي فلبيت بلاتي ويحي شي مد موراهم
وخرجو ركبو فالطموبيل وديماراو …
عطا الطليفون لكنزة راكبة مع ليلى اللور كتغوت بالحريق:عيطي للطبيبة قلها ليلى اتولد
خدات داك الساع الطليفون كتقلب على نمرتها وعيطات لها …
داز الوقت وصلو للصبيطار
كيتسناوهم بالبياص هزها وحطها فوقو وهي شادة فيديه كتبكي:بكر غادي نمووت تانا ياااك عفاااك ولدييي تهلاولي فيييه
زير لها على يديها:ماغايوقع والو اليلى كلشي ايكون مزيان
هزات راسها لا كتبكيي:انا السباب فكلشييييي انااا اااااااااا بكر كنموووت
ودخلوها لغرفة الولادة خلاوه وسط داك العافية دلخوف عليها وكلامو زاد خلعو بالي توقع لتا شي حاجة
حنان:تهدن اولدي مايكون غير الخير
بكر:الا ليلى الوليييدة مابغيت يوقع لها والووو
حنان:اتكون مزيااان اولدي حاشة واش ربي يخيبك ويحرمك منهاا…
جلس منزل راسو للارض وفبالو كيدعي تخرج بيخير هي وولدو…
ربعة دسوايع وخرجات الطبيبة..
الطبيبة بابتسامة:الحمد لله ولدات على خير راها بيخير هي ولبي بي
بكر عاد رجعات فيه الروح كيحمد الله ويشكرو
حنان تبسمات:شنو ولدات
الطبيبة:وليد كيحمق
شافت فبكر:واقلة كيشبه لباه
تبسم فوسط التعب ديالو:خاص نشوفها
ختافات ابتسامتها:قلت لها هنا انعيط لراجلك قالتلي مابغيتش نشوفوو..تا ولدها مابغاتش تشوفو
بكر:كيفاش
الطبيبة:ماعرفتش شنو واقع ولكن ماضغطش عليها بانت ليا كتمر بحالك نفسية خايبة بزاف لدرجة سمعتها قالت بغات تمووت
#يتبع وسيرو تنعسو🙄لي جاي نار🔥