👑العمـــــــدة👑
♡..مجنــــون ليلــى..
ف.الثانــــــي💫صـــــــراع العشـــــــاق
79
نهار جديد
كلهم مجموعين فالطبلة كيفطرو بهدوء كلشي كاين الا كنزة لي فبالهم راها مشات تقرا كدخل بكري وبدر لي اصلا ماكايتجمعش معاهم فطبلة وحدة والياقوت لي ولفوها ديما لفوق والحاج كيجي غير من صباح لصباح ماكايشوفها ماكاتشوفو كان الهدوء وكل واحد وتفكيرو لين واخدو حتى كيسمعو صوتها:صباح الخير على الجميع
كلشي شاف فيها كيفاش واقفة ومبتاسمة وكتشوف فيهم لابسة ومقادة مكحلة عنيها زاد بان لونهم لزرق جات زوينة واخة كبيرة فالسن زينها مادبالش كلشي ستغرب ونور تبسمات فرحانة واخيرا الياقوت لي كتعرف رجعات ناضت وعنقاتها:صباح الخير يا احسن ياقوت فالعالام دابة عاد اتحل الشهية جلسي
الياقوت شافت فيهم واحد بواحد وصلات لعند ليلى وتبسمات ليها كتر وكتر وشافت فنور:يحفضك ليا انور
وجلسات فبلاصتها وشافت فالحاج :عاش من شافك الحاج
شاف فيها وهو كيشرب من قهوتو:كنحاولو نطلعو لمورال نتي لي عاش من شافك
تبسمات ليه:انا ديما حاضرة شوية دراحة وكيف قلتي نطلعو لمورال
هز راسو باه وبداو كيفطرو فهدوء وليلى كتشوف فالياقوت كتحاول تعرف علاياش ناوية و واش مازال باغة تكمل اللعب هانيا ليام اتوريها وتعرف اش كاين
وقفات وشافت فبكر:نمشي نلبس عليا وصلني فطريقك لا كنتي مسالي عندي اجتماع ليوم ومحتاجة ليك تعاوني
هز راسو باه وتبسمات وشافت فالياقوت وطلعات الفوق خلات نور مخنزرة والياقوت مبردة دمها هاهي ليلى ولات قايدة ودير فالاجتماعات....
لفوق
لبسات وقادات وهي كتفكر فردة فعل الياقوت لا عرفات انها اتبدل من القوانين لي كانت دايرة واتعطي لكل واحد حقو عارفة اتقولها انه ماكاين ربح من هدشي من غير انهم ايخسرو بزاف دلفلوس من ميزانية لفيلاج ولكن هي موجدة ليها كلشيي تبسمات بغات تهز ساكها وهي تحس بالدوخة جلسات فوق النلموسية شادة فراسها وتمتمات:شهادشي ياربي على دوخة
بقات جالسة شحال تا حسات براسها مزيان وناضت مافاهمة والو هزات ساكها وهبطات للتحت
لتحت..
جالسة هي وياها فالجرك حتى كيشوفوها خارجة هي وبكرة خاشية يديها فدراعو وكيهضرو حل ليها باب طموبيل ركبات ومشار
نور :لفعة سامة هدي كتقلي لينا السم غا بالريط
الياقوت غا ساكتة
نور:وشغا نديرو مع داك المسطي دكريم
الياقوت:ماعرف منين خرج لينا خليني نفكر يعطيه غبارة
نور:عندي ليك واحد لخبار زوين يعجك
الياقوت:شنو سمعيني
نور تبسمات وبدات تهضر...
داز الوقت...فاليخت
طايحة فالارض بدماياتها من لبارح وهي هكا حلات عنيها بشوية ريقها ناشف حاولات تنوض ماقداتس فشلانة ودايخة وشوية دلوجع فاسفل بطنها نزلات دمعة حارة من عنيها عمر يحساب ليها ايوقع ليها هدشيي جات فبالها الموت تبقة هنا تا تموت ومتيجيب لها حد خبار لهاد دراجة رخصها ياخد لي بغا ويلوحها هنا وسط لبحر ويمشي ويخليها رجعات فقدات الوعي
دازو ساعات
رجع للدار طلع دوش وخرج لبس عليه
دخل عندو باه:شنو تما فوقاش انفدو الخطة راه هدا هو الوقت
شاف فيه:اول حاجة الاختطاف غنفدو بوحدي تاحد ما ايتدخل وانديها للديبو المعلوم ماغايقرب ليها حد
خالد:واخة هدشي فهمناه ولكن فوقاش هدشي
شاف فيه ودوك:نهار...
تبسم خالد بخبث:تصور حال بكر كيف ايكون داك الساع اينساحب ولي بغيناه ايديرو ايولي كي لكلب على ودها انلويو ليه دراعو
بدر:والزوينة انه عمرو ايعاود يشوفها
خالد:ما علنا نمشي نلحق عليهم للشركة
وخرج وخلا بدر كيشعل كارو حتى كيلمح الفردي لي كانت جابت ليه كنزة هزو بين يديه كيشوف فيه تفكر نهار تيرا فراسو كيفاش خافت عليه ميل راسو لتواني وهو يقوص حواجبو فاش تفكر انه خلاها بوحدها فاليخت من البارح كان ناوي غير يسالي من لقصارة دلبارح يمشي يرجعها صدق ناسيها تا لهاد الوقت
بدر:شهاد المرض المهم خليها يدخلها الرعب شوية
حط الفردي وهز سوارت الطموبيل وخرج من دار ركب فالطموبيل وديمارا كيتخايلها خايفة وكتسناه تا طليفونها داه معاه تفكر انه مخلي الماكلة تماك فتلاجة :قطة بسبع رواح هديك
ساعة دلمكانة وكان تماك جا واحد لي مكلف بداك لبلاصة خدا منو سوارت ديال واحد ميني باطو سريع ركب وديمارااه وزاد فالسرعة تا وصل لتماك طلع لليخت :كنزة
توقع غير تسمع صوتو تبان دغية ساعة ماسمع والو نطق:باني مافيا لي يقلب
حيد التيشيرت يدوز معاها شي وقيت ويرجعو داك الساع دخل للشمبر لي تماك قوص حواجبو فاش شاف الناموسية كلها دم زاد خطوات للقدام وهي تبان ليه طايحة فالارض وشعرها مليوح موراها وليزار كلو دم وصوت انينها مسموووع قدر يسمع سميتوو
دخل للشمبر لي تماك قوص حواجبو فاش شاف الناموسية كلها دم زاد خطوات للقدام وهي تبان ليه طايحة فالارض وشعرها مليوح موراها وليزار كلو دم وصوت انينها مسموووع قدر يسمع سميتوو
قرب لعندها بالزربة وتحنا لعندها شاد راسها بين يديه :كنزة فيقي مالك شنو هدشي وااقع
حلات عنيها بشوية وشافت فيه بتعب ولكن رجعات غمضاتهم وزيرات على يديه ونطقات بهمس تعبان:حرام عليك.. بدر
حيد ليزار كانت عريانة كيشوف الدم فلتحت ونصو يابس على لحمها عاد فهم لبلان ناض واقف غادي جاي ويرجع يشوف فيها ماعارفش شغا يدير عاد تبت وتحنا لعندها وهو كيدوي فطليفون ماشدلووش ريزووو تعصب وخرج لبرااا وطلع لفوق ودوز النمرة تاني ومن بعد محاولات عاد شد ليه دوة بالزربة:سمعني مزيان اتمشي للطبيب المعلوم وتاخد بلاصة السرية شوية ونكون تم حالة ايغجوون ديال واحد النزيف
وقطع ونزل عندها هزها بين يديه وحطها فوق الناموسية :كنزة
رجعات شدات فيه وحلات عنيها بصعوبة ونزلات دمعة حارة:ما تخلينيش هنا عفاك
بقة كيشوف فيها شحال بغة ينوض وهي تزير عليه وبخوف بالسيف باش كيخرجو لها الحروف:عفاك ماتخلينيش ماديرش فيا هكا
رجع جلس:سكتي دابة
وقف لبس تيشيرت ديالو ومشا باغي يلبسها حوايجهااا تعصب ورجع لوا عليها ليزار وهزها وهي حاطة راسها على صدرو نزل للتحت حطها فداك ميني باطو وحل لباب ورجع ركب وديمارااا وسط البحر عنيه فطريق وعينو عليها تا وصلوو جا الراجل لي مقابل لبلاصة كيجري دغية جاب واحد لخشيبات بحال الدريجات يعاونو يطلع بيهم هزها وطلع ركبها اللور فالطموبيل وتحنا كيضرب فوجهاا هاد المرة ماحلاتش عنيها وماشداتش فييه عيا معاها والوو مغيبة
مسح على راسو وركب وديمارا بالجهد نيشان للسبيطااار
لقاهم موجدين لبياص وكلشيي داروها فيه ودخلوها للمستعجلات طبعا ماغايسجلوش معلوماتها بدر موصي بهادشي
بدر:شوف دير اي لعبة المهم هاديك لداخل تخرج حية والليلة تبات فدارهم غير اتفيق انديها سمعتيني
الطبيب:كون هاني اسي العمدة محتاجين للدم وعندنا خصاص هنا فالطبيب
بدر جبد طليفونو:شمن فصيلة
عطاه الفصيلة وكلشي دور نمرة وهضر مع وحدة كيعرفها طبيبة فكلينيك قريب ليهم اكد عليها تجيب ليه الدم داك الساع... ربع ساعة وجابت ليهم الكمية لي محتاجيين
بدر تكا على لحيط وهبط عنيه لحوايجو كلهم دمايات تفكر حالتها كيف كانت ما كانش عارف انه ايوقع فيها هكا تنهد وهو كيتمتم:انشوف شنو مازال جاي معاك الخفيفة
قبل ساعتاين..
ليلى واقفة حدا الاراضي الزراعية وكاع لعيالات لي خدامين معاها خرجاتهم تاهوما يحضرو لهدشي لي اتقول والشمس كتحرق فيهم ولفوو بالبرودة وديما فديورهم عايشين مزيان وكيهدمو فضروف زوينة فمكتب كليماتيزي وجي دو غونج وزيد وزيد بغاتهم يحسو بلعيالات لي كيخدمو فالاراضي نهار كامل تحت الشمس لحارة كانو تاهوما مجموعين معاهم وليلى كتدوي والفرحة فعنيهم علاش لا وهي نقصا ليهم من سوايع الخدمة واتقيدهم فالضمان الاجتماعي وتزيد ليهم فالخلصة وتعاون ولادهم يقراو
لعيالات كيزغرتو بالفرحة:سيريي يا القايدة ليلى بغينا ليك العز والنصر وديما تبقاي لفوق لفوق وتاج فوق راسنا الله يفرحك كيف فرحتينا وشفتي من حالنا وحال وليداتنا حنا ديما معاك ولي بغيتيها حنا ديما موجودين
ليلى مبتاسمة وفرحانة حيت كتشوف الفرحة فعنيهم سلمو عليها كاملين
شافت فلعيالات لي خدامين معاها:تقدو تمشيو لديوركم تانتوما ومن ليوم انتساو سيسطيم لقديم وتوجدو ليا ملف فيه البروكرام الجديد لي قلت لكم عليه بالتفصيل انراجعو ونقراه عاد يتسجل فالسيسطيم
هزو راسهم بواخة وكل وحدة مشات بحالها الشمش هلكاتهم
تبسمات وهي كتشوف بكر والحاج متكين على الطموبيل وكيشوفو فيها تفكرات فاش فتحات الموضوع مع بكر وخافت ينوض شي صداع مع الحاج حيت لفلوس اتخاذ من ميزانية لفيلاج وهو لي قتارح عليها انه تا لحاج يحضر لهاد الاجتماع
ليلى:كي جيتكم قايدة ولا ماشي قايدة فرحانة حيت فرحتهم وانا متاكدة انه من اليوم ايزيدو يبغيو لفيلاج ويعطيو كتر وتا ولادهم راهم هوما مستقبل هاد لفيلاج ايلا حكرنا على مواتهم وقمعناهم وكلينا رزقهم كونو مأكدين انه ايكبرو وهوما حاقدين على الفيلاج حنا محتاجين ليهم من بعد ونيت انحتاجوهم حتى فالانتخابات اكيد الخبار كتوصل وهدشي فصالحنا
شافت فبكر حيت هو لي قالها كيفاش تكسب لحاج وشنو خاص تجبد ليه وانه لفيلاج هو نقطة ضعفو
الحاج بابتسامة:تبارك الله عليك قايدة عن جدارة عجبني تفكيرك وانا معاك ابنتي فاي حاجة حتاجيتيها
تبسمات وقربات باست يديه:الله يخليك لينا الحاج
تبسم:الله يرضي عليك
بكر تبسم دكية ومن شحال هادي عارفها دكية غير كانت مامستاغلاش دكائها حط يديه على خصرها:مشينا
ليلى تبسمات ليه:مشينا راه تابعاني لحفاضة للباك ليبر عاود
ومشاو رجعو للدار
فالقصر..
حاطة الطليفون على ودنيها وكتصنت وهي مخنزرة قطعات كانت وحدة خدامة معاهم عاودات لها الشادة ولفايدة زدحات واحد الكاس:لا بقات فيك اليلى راني ماشي الياقوت الشيخة لي حارو فيها الرجالة
وصلو للدار
دخلات معاهم للمكتب يزيدو يهضرو فالموضوع غير هاد المرة كان معاهم تا خالد
سمعو الدقان شوية شافو الياقوت داخلة والصنية فيديها فيها القهوة والابتسامة على وجها:عارفة اتكونو محتاجين للقهوة
كلهم كيشوفو فيهم عطاتهم كاملين الثهوة وجلسات:ها شنو كنتو كتقولو
ختلد بابتسامة مبيتة:علاه مافهباركش الوليدة
كلشي عرفو كيطنز من داك الوليدة حيت ملشي كيعيط لها الياقوت كمل كلامو وهو كيعاود لها شنو بدلات ليلى وانه كاع دوك القوانين لي كانت دايرة جات ليلى بدلات كلشي
بقاو كيوفو فيها تسناوها تقلب تليهم الطبلة حيت السيسطيم لي كانت دايرة والقوانين دارتهم لديما زعمة واخة تجي قايدة جديدة اتمشي على نفس السيسطيم عارفين شحال كانت صارمة فهدشي
ولكن فاجأتهم ملي تبسمات وبكل ندوء دوات وشافت فليلى:مزيان اليلى عكبني هدشي لي درتي هكا انكسبو عيالات الفيلاج كتر وكتر وانا معاك فهدشي لي درتي واي حاجة حتاجيتيها اتلقايني فجنبك واخة نتي تبارك الله قادة بشغالك
ليلى بقات غير كتشوف ماتوقعاتهاش منها رجعات شعرها اللور ودوات:شكرا ربي يخليك وي ضاروري نتي سابقاني فهدشي اكيد انحتاجك
الياقوت وهي كتشرب من قهوتها :مرحبا
ليلى:انطلع نرتاح راسي ضارني
الحاج:ديني معاك ابنتي
خشات يديها فدراعوو وهي مبتاسمة والياقوت كتشوف فيهم خرجو من المكتب
خالد خرج وهو معصب كيفاش تا الياقوت اتولي فصفهم
بقات هي وبكر شعلات كارو كتكميه بكر قرب لعندها وجلس حداها:الياقوت
صاطت الدخان بعيد:نعام
بكر:حيدي عليك هاد لكارو
الياقوت تبسمات وطفاتو:هي دابة
بكر:وا ديما ماشي غا دابة
الياقوت:صعيبة شوية ولكن انحاول
حطات راسها على كتافو:توحشت فاش كنتي صغير وكتجي وتحط راسك على كتافي وتقولي باغي تكبر وتولي بيلوط شوف الزمان كيف داير كبرتي تبارك الله وليت انا لي خاصني نحط راسي على كتافك وليت مانبانش قدامك
تبسم:قطعي لكارو باش تا ولادي يكبرو قدامك العمر بيدي الله ولكن ماتزربيش على عمرك
الياقوت ضرباتو على كتفو :ان شاء الله انشوفهم وانشوف ولاد ولادهم ماحنا الى فالك
بكر تبسم:وقطعي هدشيي وهنينا
تبسمات:ان شاء الله....فاش كنتي صغير ماكنتيش كتفرق علياا اي حاجة كتشاورني فيها كتهضر معايا فكلشي وملي كترجع من المدرسة كتجي كتجري تقلب عليا شنو تبدل دابة
بكر:والو غير كبرنا والدنيا خلاتنا نشوفو شي حوايج كبر منا صعيب انك تكبر وصط الهم والمشاكيل كبر منك ومسؤولية كبر منك كنت صغير وسطكم ماهاز لهم لوالو من بعد صافي تعلمت نعيش على قدي وبعيد على لفشوش لي كنتي كتفششيني
هزات راسها وشافت فيه مسحات على شعرو بحنان:هنتا رجعتي لحياتك لقديمة ولبلاصتك الحقيقية نسا لي فات
بكر:تا فات لفوت الياقوت بكر لي قدامك كبر وكبر بزاف
تبسمات وهي كتشوف داك النضرة الحزينة فعنيه صعيب ينسا لماضي وداكشي لي داز منو واخة دار لفلوس وكلشي بين يديه صعيب ينسا
ما لقات ماتقول حيت تاهي مازال كتعاني من الماضي لي مدفون فقلبها كبرات ودازو سنين وسنين ومازال مابغا يتمحى داكشي من بالها نطقات:لا مانسيتي ليام اتخليك تولف وتعيش مع الماضي والحاضر بجوج والزمان ايعلمك تخبي وتدس فقلبك اولدي
هز راسر باه :نطلاع نرتاح
باسها على راسها ونطقات:الله يرضي عليك
وطلع بقات جالسة ودغيا رجعات بداكرتها اللور
يديها عامرين دم جالسة فالارض وكتبكييي وكتشوفو طايح ميت قدامها لخوف متمكن من قلبهااا صوت لغوات دالجيران مخلوعين من المنضر لي قدامهم كتشوف شبابها مشااا فالزبل ..باقة صغيرة وزينها كيفتن لي مايتفتن وغدوز حياتها فالحبس صعيبة بزاف مازال ماشافت ماتشوفات لي كيزيد يكمل عليها انها كتبغيييييييه وبيديها قتلاتوو ....
رجعات للواقع ودمعة حارة نازلة من عنيهااا ونطقات يمرقة:اااااح اليام
كانت متكية فوق النموسية شاداها الدوخة قالت يمكن الشمس ضربتها حيت وقفات فيها بزاف:اش هدشي ياربي
حتى كتسمع الدقان كانت حنان
حنان:بنتي ليلى كنزة عاود دارت شي موصيبة
ناضت جالسة:اويلي مالها
حنان بقلق:نهار كامل وهي غابرة لحد الساع طليفونها طافي قالولي فالمدراسة ماجاتش نهار كامل ياسين سول فيها قبيلة قلت ليه كتحفض مع صاحبتها ودابة بكر كيسول فيها فاش قلت ليه كتحفض مع صاحبتها ماعجبوش لحال قالي عيطي لها تجي دابة ماعرفتش شغا ندير
ليلى :اويلي وفين اتكون
حنان دمعو عنيها:ماعرفتش عنداك تكون وقعات ليها شي حاجة
ليلى:الله يستر ماغايكون والو نتي سيري رجعي للبيت ما تخرجيش حيت باينة فيك الخلعة
وصلاتها للبيت ومشات لبيتها تقلب لا تلقة شي حاجة لقات واحد لاجوندة كاتبة فيها نماري دصحاباتها بكر هكا كان داير لهم كاملين يقيدو نوامر صاحابتهم ويخليوهم فاجوندا فدار الله يستر توقع شي حاجة بدات كتعيط لصاحابتها تاوحدة ماعارفة عليها شي حاجة
ليلى بدات تخاف:فين اتكوني الموصيبة فيين
ناضت خرجات من البيت وهي تلقاه جاي فلكولوار
بكر كيشوف فبيت كنزة:جات
ليلى:مازال راها عاد اتجي يلاه دويت مع صاحبتها حبسوها تتعشى معاهم
بكر:معامن تشاورات كنقولها شي حاجة بحال هكا انا لول نعرف باش ندير بحسابها وشكون ايديها وشكون ايجيبها زيدي قدامي انمشيو موراها
ليلى:لا حشومة راه ايوصلها بابات صاحبتها بلا مانديرولها الشوهة معاهم خليها تجي لدار وتفاهم معاها كيف بغيتي
وعلى كلامها شافت طليفونها كيصوني نمرة دوحدة من صحاباتها شافت فيه:هاهي صاحبتها كتصوني سير رتاح علامن تجي
بكر:هدشي ديالكم نتوما ماكايدخليش للراس خليها تجي وانعرف اش كاين
بقات واقفة وهي كتشوفو غادي
ليلى جاوبات البنت:ها عرفتي شي حاجة
البنت:قبيلة كنت مترددة نقولك هدشي ولكن ملي قلتي نهار كامل وهي غابرة خفت عليها تانا
ليلى:غير هضري هانا كنسمع
البنت:احم كانت قالتلي كيعجبها ولد عمها واقيلة سميتو بدر ودايرة معاه اتخرج معاه اما لبارح ولا اليوم المهم كنضن هو ايكون عارف فين هي
ليلى خرجات عنيها من الصدمة:صافي اختي شكرا بسلامة
وقطعات وهي كتمتم:ولد الكلبة بقات غا البرهوشة الدور بيها تاهي
رجعات شعرها اللور ماعندهاش نمرتو وماعندهاش منين تجيبها خايفة شافت مع جنابها وهي تتسلت لجناح بدر دخلات وسدات لباب كتقلب تماك على شي حاجة تا لقات طليفون اخور كان شاعل بلا كود دخلات كتقلب تا لقات نمرة مكتوب فيها انا عرفاتها ديالو خداتها وصونات داك الساع بقة كيصوني لا رد وصونات وصونات اووالو ومافقداتش الامل ماغاترتاح تا يجاوب
نرجعو للطبيب ..
الطليفون كيصوني كيشوف نمرة غريبة ماكيجاوبش وكيدوي مع الطبيب لي قال ليه انه ولات مزيان زادو ليها الدم وعلقو ليه السيرو نص ساعة دلمكانة ويقدر يخرجها واخة مازال خاصا تبقة فالطبيب
رجع جلس صدعو طليفون وهو يجاوب:الو
سمع صوتها وقوص حواجبو ماحس براسو تا كان واقف:ليلى
ليلى عاضة على سنانها:فيين كنزة وشنو درتي فيها دوزها ليي
بدر تبسم نسا كلشي:كون يحسابلي كنزة لي اتخليني نسمع صوتك وتعيطيلي كون درت هدشي شحال هدا
ليلى:اويلي شنو درتي فيها
بدر:والو خلينا فالمهم نتي لاباس امورك هانية
كيزيد غير يعصبها:دوزهاا ليااا ولا انخلي بكر يعرف اشو واقع وهو يتصرف
بدر:كالما عارف ما اديريهاش ومزيان لا درتيها تجي على يديك نتي حسن
ليلى:دابة دوزها ليا
بدر:مايمكنش ندوزها ليك
ليلى:علاش
بدر:حيت راها ناعسة فسبيطار
بلا ما تحس غوتات:كيفااااش اش وااقع لها هضر شنو درتي فيها
بدر:تفيق وتعاود ليك دابة لا قلبك عليها اتشدي الطريق وتجي تلقاينا فالخرجة دلفيلاج نص ساعة ونكونو تم ديري ليها الطريق باش تدخل للدار
وقطع عارفها اتجي بقات غادة جاية كتحسب فالوقت وماعارفاش كيفاش اتخرج من لفيلاج مشات كتقلب عليهسولات لخدامة
الخدامة:وي مدام راه فالجناح مع مدام نور
ومشات خلاتها عاضة على شفايفها ودورات وجها كتشوف لباب عليهم مسدودة هزات كتافها:واخة تانا اندير لي فراسي
دخلات لبسات عليها وخرجات كتسلت ناسية طليفونها فالبيت ماعارفاش علاش ماحاملاهش يكون معاها واخة هدشي خاص يجيها عادي حيت راه تاهي مراتو ولكن ماقادراش تتحمل هاد الفكرة نفضات هاد الافكار من راسها دابة خاص تفكر فكنزة
ليلى قنعات الشيفور انه امر ايرجون وانه اتحمل المسؤولية لا وقعات شي حاجة اترات فيه وركبات ايوصلها للخرجة دالمدينة
اما لفوق
كانت كطل من الشرجم وكتشوف اش واقع وحداها نور
نور:فين غادة فهاد الليل
الياقوت تبسمات:ماسوقناش
نور بابتسامة خبيتة:اكيد بكر خاص يعرف
الياقوت:اياه
نور:ولكن راه طاح كاو ناعس عيا ن ولكن قالي شوية وفيقيني كنت باغة نخليه ناعس بلعاني يبات معايا
الياقوت :ايوا سيري هدا هو الوقت باش تفيقيه
#لعوافي بداو🔥
🙄 #يتبع