👑العمـــــــدة👑
♡..مجنــــون ليلــى..
#35
بلعات ريقها من شوفاتو كيف القرطاس ماوترفهم ديال اعحاب ماتعرفهم ديالاش...
هو حط لكتاب فوق المكتب وقرب ليها ونطق اسمها:نور
هزات راسها باه:اه نت بكر
هز راسو باه
وقع الصمت حتى نطق:حنا انتزوجو وقبل خاص كلشي يكون واضح
هزات راسها باه كتسناه شغا يقول
بكر:عارفاني مزوج
نور:عارفة
بكر:وقابلة
نور سكتات شحال عاد نطقات:قابلة هي تبقة بعيدة عليا وانا نبقة بعيدة عليها ما بغيتش المشاكيل وشد ليا نقطع ليك
دار ابتسامة خفيفة من كلامها عاد كمل:انا فواحد المرحالة كنحاول ننساها..وخاصني لي تعاوني نساها..عارف انه هدشي تاهو وصلك...
نور:ونت خاص تكون دتير فراسك اتنساها وباغي تنساها ماشي غير بالفم..هنا ايجي الدور ديالي..وانا باغة راجلي يعطيني قيمة ويكون ديالي ويشوفني احسن وحدة فهاد العلم ..وانكون ليه تانا كيف بغة ونعاونو فاش بغة..
هز راسو باه كيشوف طريقة كلامها وكيف كتعبر بيديداتها ..قرب ليها:ادن تافقنا ..ماكين تامشكل
هزات راسها باه:نتمانو مايكون تامشكل
بكر:لاكط فتالي دهاد السيمانة وجدي راسك
نور:بغيت العرس
شاف فيها:ماعنديش مع لعراسات
نور:بين العائلة وتصاور وصافي
بكر :نشوفوو
وهز لكتاب لي كان كيقرا:على سلامتك
وخرج وخلاها واقفة جلسات فوق الكرسي بحاليلا كانت كدوز شي كونكور قدام شي لجنة ..تنهدات:حسن كاع من لي وصفات الياقوت
تبسمات:مرات بكر العمددة
وضحكات:نشوفو الزواج كيف داير
تفكرات مراتو :نشوفو واش ايبقة عاقل عليك وهو معايا
دخلات عندها الياق ت:شنو درتو
نزر:داكشي لي بغيتو هو لي ايدار ز اج فتالي دسيمانة
ضحكات بفرحة:مبرووك علينا واخيرا انفرحو فهاد الدار
نور:كيف دتيرة هاد مراتو وتش زوينة عاوديلي عليها
الياقوت:منين جاها الزين نتي حسن منها وماتجيش قدامك
نور:مأكدة
الياقوت:مأكدة اخر مرة شفتها خلعاتني حالتها ولات حالة
نور:قلتي ماكاتبغيهش
اليتقوت:لا
نور تمتمات:مكلخة
الياقوت:نوضي شوفي شنو ناقصك ايتشرا راك عروسة خاص تكوني هي هديك
وجراتها وناضو ..ونور غير كتسول على ليلى وفتفاصيل ديالها
داز الوقت
شهراين وهي هاربة منو ماجاتش عنيها فعنيه ماباغاش تشوفو وماقاداش تلاقا معاه وهو شايفها عريانة وباسها ....غير كتفكرها كيضربها الضو..تنهدات وناضت بغات تهبط للتحت ...
كانت نازلة فالدروج وهي تشوفو طالع قلبها مشا وجا شهراين وهي هاربة دابة طاحت فيه بغات تقلب الدورة وتهرب ولكن كان وصل لحداها..وقفات مبلوكية كتشوف فيه غير وصل لحداها نزلات راسها كتسناه يلوح شي هضرة ساعة كمل طريقو بحاليلا ماكايناش ضارت وشافت فيه وهي كتنهد مافهماتش هاد بنادم كيف داير كملات طريقها وهبطات للتحت..جلسات مع ختها ومها كانو تماك كيديوو
حورية:صافي ايتزوجو
حورية:ايوا عييت فيه
ليلى:ايوا خليوه يتزوح واخة كنت بغيت ليلى ليه ولكن هي راسها قاصح
حورية تنهدات:خليوني نعيط لبنتي نسول فيها
دوزات نمرتها تواني وجاوبات:خالتي لاباس
حنان:الحمد لله ونتي امورك هانية شحال ماسمعت صوتك
ليلى :راني بيخي،ر ونتوما ولفتو شوية
حنان دارت لهوط باغلور:بقات بلاصتك ابنتي قداش
ليلى:الحمد لله على كل حال كيف بقاو لبنات
حورية:بيخير توحشناك
ليلى:تانا فين داك فريفرة
كنزة:هنا راه توحشناك خاص تجب تشوفي فين عايشين قصر الملوووك..اييه وعندنا ع س فتالي دسيمانة اجي تحضري
ليلى:ماكرهتش ديالمن
كينغزوها وهي ماهياش هنا:ديال بكر ونور بنت عمي عاد جات من الميريكان
ليلى بحاليلا ماسمعات والو:شكون قلتي
كنزة:وا بكر ونور بنت عمنا
تلفات ليها الهضرة كيفاش ايتزوح وكيف دار ليها ياك ماكانش باغي يتزوج ياك قال.. حبسات تفكير وهي كتسمع الو الوو من عند كنزة ..بلعات ريقها وجاوبات:الله يكمل بالخير مبروك..يلاه عندي مايتقضى بسلامة
وقطعات مبلوكية شافت فيديها كيرجفو ونطقات:علاش يدي كيرجفو
وقفات كتمسح على شعرها:مالي هكاا ...هدشي عاديي
طاح ليها طليفون من يديها هزاتو وهي كتنطق:خلييه يتزوج نتهناا منوو
بلعات ريقها:ولكن علاش كنرجف علاش شي حاجة دضرنيي
عيطات للخدامة جات عندها كتجري:طلقيي لينا الموسيقى نفوجو شوية واجييي نشطحوو انا فرحانة
الخدامة بقات غير كتشوف مافهمات والو كتقول فرحانة وحالتها كتفسر حاجة خراا كيفاش فرحانة وهي كترجف....
ليلى بقات كضحك بوحدها وجهدات للموسيقى :ولد خالتي وأخيراا ايتزوج انا فرحانة ليه هدشي لي خاص يكون ياك
الخدامة كتهز راسها باه مافاهمة والوو
شافت طليفونها كيصوني كانت حورية شافت فالخدامة ونقصات الموسيقى:هادي حورية اتقولي ماتديش على كنزة غير كضحك
جاوبات:الو حورية
حورية:ماخلاتنيش ندوي معاك كنزة ونهضرو شوية
ليلى كتسناها تقول كنزة غير غير كانت كضحك نطقات:بكر صافي قرر يتزوج
حورية:اه داكشي بالزربة
قاطعتها:نخليك دقان فلباب
وقطعات وشافت فالخدامة:غير سيري كملي شغالك
خلاتها مشات ورجعات راسها اللور ونطقات:ماشي شغلي فيه يتزوج ولا يدير لي بغة
كانت اتنزل دمعة من عنيها مسحاتها قبل تنزل ..
جا نهار جديد
فاقت من النعاس دخلات للحمام دوش ..مخلية رشاش دلما كينزل عليها ...ومتكية على حيط وكتفكر....اه كتفكر فيه والليل كامل وهي كتفكر فيه ماداهاش النعاس دابة غادي يتزوج ..شنو زعمة كانت كتسناه يبقة يتسناها غير هي حياتو كاملة.زعمة يديرها ويتزوج...غادي يتزوج اه ..غادي يتزوج..غادي يتزوج غادي يتزوج....مدات يديها بدلات لما دافي لما باارد نزل عليها تا شهقااات باغات تفيييييق مابغاتش تفكر فيييه ..خلات لما بارد.كينزل عليها وهي كتحاول تخرجو من دماغهاا...تنهدات وخرجات من المحمام ..جلسات فوق النموسية كتدهن جسمها بلكريمات..هزات كريمات خاصين بالعناية بالبشرة دالوجه...
كتدهن وجها وهي مبتاسمة هاربة من افكارها بداك الابتسامة.. تحت عنيها بدا يصفا ..ووجها بدا يرجع كيف كان ...نشفات شعرها لي طوال..
ناضت لبسات حوايجها وتنهدات ونطقات بهمس:ماغانفكرش فيه حياتو هديك يدير لي بغة اه يدير لي بغة
وخرجات من لبيت مشات نيشان للكوزينة ووقفات كتصنت للخدامة كتدوي فطليفون:صافي امدام الياقوت اي حاجة نوصلها ليك..السي العمدة ماكايجيش كاع وماكيهضرش معاها..
وقطعات
ليلى دخلات مادايرة ف راسها خبار :شنو بقة ليك
الخدامة:والو لفطور واجد
ليلى:مزيان حيدي.طابلية سيري بحالك
الخدامة مافهمات والو:واش..
ليلى هزات كاس دلعصير كتشرب منو:تحركيي..وقوليلو يصيفطلي وحدا غيرك
الخدامة شافت تا عيات ومشات جمعات حوايجها وخرجات من الدار
ليلى كتمتم:شنو بغات مني هاد الياقوت
نمشي لفيلا #العمدة
القصر
نازل فالدروج وكيدوي فطليفون دوة ببرود:صيفطلها خدمة وحدا خرا وماتخليهاش تعتب لباب بلا خباري
وقطع كيتمتم:لاياش باغة توصلي اليلى
كانت نازلة من موراه وسمعات كاع كلامو
نطقات:صباح لخير
تلفت ليها وشاف فيها وخوا ليها الطريق باش تنزل هي لولة:صباح الخير
وكملات طريقها جات قدامو وهو موراها ..وهي كتسناه يقول شي حاجة ساعة والو كمل طريقو خرج من الدار كاع..ومشات جلسات معاهم فصالة
كنزة:هاي هاي على مرات خويا شحال زوينة
نور تبسمات ليها:عويناتك
كنزة:متواتين حسن..
قاطعتها حورية:احم كي دايرة العيشة فامريكا
نور عرفات انه كنزة لسانها طويل اتعطيها شلا خبارات:زوينة ..امم سمعت عندكم شي بنت خالتكم يتيمة فين هي
هنا بدات الخدمة دكنزة:اه ليلى بقات بحدها مسكينة مابغاتش تجي معانا راسها قاصح راه هي مرات بكر اللولة وغا على لوراق
نور كتهز راسها باه:ااه نسيت..مسكينة بقات فيا بوحدها..خصارة عمري شتها
كنزة:عمرك شتيها انوريهالك
وجبدات طليفونها جديد وهي كتقلب:هنا نشوف واش حورية صيفطات شي تصويرة ديالها
حورية:واش لبنت شكات عليك بغات تشوفها
نور:لا عادي غير خليها ماعندي تاشي مشكل..
كنزة:هنا لقيت تصاورها
وقربات لحداها كتوريها تصاور:هادي فعيد ميلادها فاش كملات 22 ناري دارت عيد ميلاد وجابليها بكر كادو سنسلة الدهب وحلف ليها لا حيداتها من عنقها يدبحها ومشات خرجات كدور بيها وسرقوها ليها من عنقها وهربو ههههه ومشا بكر قلب عليهم حومة بحومة وجبدهم من قلب دارهم ورجع ليها السنسلة..وهاد تصويرة كونا فواحد العرس عاد عاد ناري رون العرس على قبلها حيت واحد خونا تزلل عليها..ايوا وهاد تصويرة انا وياها ..وهاد تصويرة فاش خدات ديبلوم دلكوافورة..وهاد تصويرة هي وبكر فاش كانو صغار..وهاد تصويرة كانت لبسات وقادات باش تخرج هي وصحاباتها وجا بكر فأخر لحضة وقالها ماكاين خروج بالفقصة قلبواتها تصاور..وهاد تصويرة...
قاطعاتها نور:صافي نخليكم عندي مايتقضا
وناضت مخلياهم جالسين فصالة
غير مشات...طارت عليها حورية جاراها من شعرها وحنان كتقرص فيها:كان قولك بداي تجمعي فمك المسخوطة..ليلى لي كانت كتعرف ليك
ناضت هاربة وشعرها كلو منتوف وعنيها مدمعين:مالي اش درت هي بغات تعرف عليها
شيرات عليها حورية بصندالة مشات كتجري هاربة للجردة...حتى كتدخل فشي حد وجات مزدوحة فالارض ..هزات راسها لقاتو قبالتها كيشوف فيها ومخنزر وكاس دلويسكي فيديه تهرق عليه كامل
دخلات فشي حد وجات مزدوحة فالارض ..هزات راسها لقاتو قبالتها كيشوف فيها ومخنزر وكاس دلويسكي فيديه تهرق عليه كامل
بقوة ااصدمة ما قداتش تا تنوض كتشوف تيشيرت ديالو فازك
زدح داك الكاس مع الارض موراها تا تشخشخ وهي تمات كاحزة باللور وهو تابعها..تا غوتات بالجهد فاش حطات يديها على الزاج لمهرس.
هو ماتسوقش تحنا لعندها مخنزر :شهراين ونتي دايرة عقلك ..علاياش كتقلبي دابة
يدها كضرها وماعارفاش هدا شكا يخربق:كيفاش مادرتهاش بلعاني
وهزات يديها وهي تشهق بالجهد فاش شافت الدم وهي عندها فوبيا من الدم يسيل منها طيجيب ليها اسها اتموت هي..
دغية نزلو دموعها:الدم....ويلييي الدم
بدر قوص حواجبو كيشوف الدم فيديها شلال مع دمها صخون وكانت كتجري...
غمضات عنيها ماقاداش تشوف وحطاتها على التيشيرت ديالو ولا كلو دمايات :لا لا مانقدش انموووت ..الدم
بدر بغة ينوض وهي تشدو:برهوشة.. حيدي يديك ولا غنزطم على دلمك
هزات راسها بلا زادت زيرات عليه:ماتخلينيش هكاا انموووت ناريي الدم
وبدات تبكي وتشهق...حط يديه على يديها وبغة يحيد يديها حتى كيشوفها ترخات سخفانة وغطيح على راسها قبل توصل للارض جرها لعندو مقوص حواجبو مافاهمش مال هاد بنادمة هادي حط راسها على صدرو وشاف مع جنابو ماكاينة تاشي خدامة تجي ولا شي حد ..هزلها راسها لعندو زضرب ليها على وجها:تهزي براك من تبرهيش
ولا سيدة مغيبة ويديها كتقطر بالدم وحالتها حالة..رجع زعزعها وضرب ليها على وجها كان ايسرحها فالارض وينوض ويخليها ..ولكن تراجع..وناض هازها دخل للدار من باب لكوزينة وطلع بيها للفوق تلاقاتو لخدامة خنزر فيها دارت راسها ماشافت والو خايفة على جهها وكملات طريقها...دخلها لبيتو وحطها فوق النموسية..ودخل للحمام حيد داك تيشيرت لي تقاص بشراب ودابة الدم ودوش بالخف لبس شورط مخلي صدرو لموشوم عاري وشعرو كيقطر..وخرج كيلقاها باقة ناعسة..شاف مع جنابو مشا جاب علبة الاسعافات ..وتحنا نضف الجرحة ودار دوة ولوا ليها لفاصمة عليها ووقف كيشوف فيها ..شعل كارو لاحو ففمو..وشاف مع جنابو مازال ماناوية تفيق هز قرعةا دلما وقرب ليها وخوا عليها نصها وناضت طافجة لما نازل من وجها لعلى صدرها..
بدر:تهزي تخرجي
شافت راسها فين ..فبيتو دغيا نزلات عنيها لحوايجها وحالتها لقات راسها مازال لابسة حوايجها
تبسم باستهزاء وقرب تا لوجها ونطق:من نيتك انديرها
تنهدات كتسترجع انفاسها ونطقات:لي يدخل على وحدة للحمام ويبوسها يدير ما كتر بعد بغيت نخرج بحالي ..نخاف على راسي منك
ميل راسو كيشوفها كيف كدوي ومن كلامها..نتر واحد نترة ورما لكارو لبعيد..ورجع شاف فيها:ما قلتي عيب
يحساب ليها بتش يخليها تمشي حتى كيشقلبها وكتجي فوق النموسية وهو فوقها قلبها مشا وجا..ووجهو قريب من وجها وشفايفهم شوية ويتلاقاو ...لسانها تربط همس ليها وعنيه فعنيها:ماتستافزيش واحد يديرهالك على قد فمك..ونصدقو فوحوايج خرين
ونزل عنيه لصدرها لي بان النص فيه
كنزة:شكا دير نوض علياا
بدر:وبصاح خاص تخافي مني لا بقيتي دوري بيا
كنزة بغات دفعو:نوووض خليني نمشي بحاليي تانا نستاهل
وبدات دمع ليه..
بدر كيشوف هاد الدموع لي دغية كتنزلهم ودوة :بغيتي تحافضي على شرفك مالقاكش فطريقي
هزات راسها باه وناض من فوقها ناضت داك الساع هاربة بغات تمشي وهو يجرها من داك السالف الطويل لعندوو..كتشوف صدرو كيف كلو وشام ومطراسي ..هزات راسها فيه تشوف مالوو
بدر:دخلي للحمام لحوايج لي فيهم الدم حيديهم من تماك...
ورخة ليها من شعرها لحريري...مشات كتجري هزاتهم وخرجات هاربة..هو تنهد ونطق:برهوشة
ومشا تلاح فوق النموسية تا كيجيه طليفون:الو..ماشي دابة ولكن خليو عنيكم عليه..تانقولكم فوقاش
وقطع كيتمتم:هاد بكر وعائلتو ضروني فراسي..خاص يقو.. دو بحالهم
#يتبع ..هاد الجوج غيديرو شي فضيحة..وعلاياش ناوي بدر؟