👑العمـــــــدة👑
♡..مجنــــون ليلــى..
34
ميل راسو طلعها وهبطها ونطق :فين الطليفون
بقات غير كترمش بعنيها بصدمة مازال مامتيقة انه قدامها دابة وكيشوفها عريانة حاطة يديها على منطقة الخطر وصدرها هكاك مكفح حدااه تلعتمات:خرج ..شكا دير
نطق عاض على سنانو وهو كيزيد يقرب ليها تا لصقات فالحيط وولا لما كيطيح عليهم بجوج:فيين الطليفون شفتك فالكاميرات
بلعات ريقها صافي شوية وطيح سخفانة :عفاك راني عريانة واش عارف راسك شكا دير خررج
مع قصيرة هبط راسو مقابل وجها:قلت فين الطليفون
كنزة شوية تبكي:راه تحت لخدية صافي خررج
تبسم بخبت كيقرب لوجهاا تا جرها من شعرها لفازك لعندو:شنو قلت داك المرة
كنزة وجعها:كنت ناوية نرجعو لك
كتشوف فيه وشفايفها كيرجفوو نازل منهم لمااا وصدرها طالع هابط بالخلعة والصدمة ..ما حس براسو تا زرب عليهم كيبووس فيهم بطريقة هماجية شوية ويطير شفايفهاا حتى حس بمداق الدم ففمو وهي كتفركل بين يديه باغاه يبعد
حتى كتقفز من صوت مهت:كنزة فيينك..راكي فدوش..زدتي فيه اتبقاي كل شوية دوشيي خرجي عندي نهضرو على لقراية شغا ديري فيها
بعد شوية على شفايفها نازل منهم شوية ددم وهي مخرجة عنيها فييه صافي هادي تالية ليها مع مها ..بعد عليها ونطق:المرة الجابة ما غانرحمكش
وقرب تا لوجها ونطق:البرهوشة
حطات يديها على فمو وهمسات:لعاار سكت ماما ادبحني
حيد يديها من فمو وجرها من دراعها:زيدي اري طليفون وبينات نتي ومك
شداتو من تيشيرت:مانعاودش نديرونجيك ولا نجي فطريقك الله يسامح على طليفون غير ماما ماتشوفناش هكا ايمشي بالها لبعيد
حنان من برا:فكيناا خلاااص ولا نجي انا
ليلى:لا لا هنا خارجة عفاك اماما جيبيلي سوشوار من عند حورية غيضربني لبرد
حنان :نجي نلقاك سليتي
وخرجات
داك ساع جرات فوطة لواتها عليها بيدين كيرجفو وهو مراقبها
وخرجات عطاتو الطليفون..خداه وداك الساع زدحوو مع الارض تفرشخ كولو ونطق:خوي طريقي
وخرج مخليها مصدومة جلسات فوق النموسية كلها كترجف شافها عريان..حطات يديها على شفايفها كيضروها ..وباسها..سخانة طلعات معاها حاسة براسها اتمووووت..كيفاش اتقد تولي تشوف فعنييه..عمر وقع ليها هكااا
بعد مروور ايااااااام
الخدامة:اه ماكاتخرج ماكادرج غير سادة عليها فلبيت كندي ليها تاكل ونرجع الصنية ..سيدة ولات بحال الشبح غتموت لابقات هكا كتخلع
سكتات فاش شافتها داخلة للكوزينة قلبها مشا وجا لا تكون سمعاتها..شافتها هزات كاس دلما وخرجات..تنهدات براكة وكملات كلامها مع الياقوت :لا لا ماكايجيش كااع طالعة فشهراين عمرو جا..ولكن عيط شي تلاتة دلمرات سولني عليها..
نرجعو عند ليلى دخلات للبيت كلو مضلم شعلات واحد ضو خافت واخة هكاك ضرها فعنيها ولفات ضلام..وقفات حدا المراية كتشوف فراسها وكلام الخدامة كيتعاود فدماغها بصاح ولات بحال الشبح ..سهات فراسها باش اينفعها هادشي..باش اتنفعها العزلة..كتقتل راسها براسها وشكون تسوق ليها ..عيات من هاد الحالة مابغاتش تبقة هكااا..تنهدات:فيقييي اليلى فيقيي ماتبقايش هكاا نقدي رااسك ماشي هكا خاص تكونيي
رجعات اللور لبينوار دلحمام ودخلات للحمام دوشات وكتفكر فحياتهاا مزيااان وشنو غدييير وكيفاش توقف على رجليها ..سلات الدوش وخرجات..اول حاجة حلات الشرااجم تا دخل الضوو وضرب فوجها الريح...وخرجات من البيت نيشان للكوزينة ونطقات بحدة:حيدي طبلية وخرجي سيري بحالك وعيطي لهداك لي مخدمك يعطيك خلاصك مابقيتيش عاجباني قولو يصيفط وحدة خرا مافيهاش الهضرة بزااف
الخدامة:ولكن..
قاطعاتها :مانسمعش صوتك حسن ما انجفف بيك هاد الارض يحساب ليك ناعسة على ودني نمشي ونجي مانلقاكش
ورجعات للبيت خدمات واحد الاغنية كتعجبها ديال قيس وليلى سورية سميتها (ليلى..يا الاسمر اللون)بدات كدندن معاها ودخلات لبيت تبدال اول مرة اتشوف لحوايج لي تماك مزيان..كلشي ماركات ..ميلات راسها عجبوها يزااف..ختارت كسيوة خفيقة لاصقة على الجسم لبساتها وفرجيلاتها صنيدلة نشفات شعرها لي زاد طوال وشافت فوجها كانت ادير لماكياج وهي تحبس:لا ما انعاودش نفس الاغلاط..
حلات شي مجورة تماك لقات شي كريمات غالين دهنات وجها ..وصبغات ضفيراتها وخرجات مالقاتش الخدامة جا فبالها بكر لي ماشافتوش ولا سمعات صوتو من اخر مرة:هانت اتشوف ليلى الجديدة ..
فجيهة خرا
كيسوط دخان فيديه شيشة الالكترونية ..لابس كوستيم فالكحل مبين عضلاتو ...شعرو مرجعو اللور بطريقة رجولية لحية مطراسية ..كان هدا اول اجتماع حضر لييه واول مرة ايشوفوه الموضفين دشركة...خرج من قاعة الاجتماعات هو والحاج و خالد...عاد رجعات فيهم الرووح زيرهم مزياان ..خلاهم يبقاو غير ساكتين وكيتصنتو ..كلهم عرفو راسهم معامن ايوليو يتعاملو مع واحد ايرجعهم للطريق...
نطق واحد:هدا قال للحاج ماكاتعرفش
التاني:عليها ختارو هو الخليفة ديالو
وكملو كلامهم . .
يلاه ايركب فالطموبيل وهو يجيه اتصال غير شاف النمرة جاوب بدات كتعاود ليه اش وقع وكيفاش جرات عليها..نطق:حسابك دابة يوصلك
وقطع وعيط لواحد من رجالو لي مراقب الدار:شوف شي وحدة تبقة مع ليلى لوخرا مشات
وقطع كيفكر شهراين ما دارت شي حاجة ولا خرجات من البيت ولا هضرات واليوم ..فاش خرجات جرات على الخدامة حاقضها مزيان ..وفراسها شي حاجة نطق وهو كيركب فالميرسيديس كحلة مجبدة:هاحنا انشوفو شنو فراسك اليلى
فجيهة خرا
نزلات من طاىرة الخاصة كارهة راسها ..بالرغيب باش خلاها جدها تزيد هاد شهراين باش تكمل قرايتها..كارهة هاد ولد عمها قبل تشوفو لي رجع ودخلها فمشاكيلهم وولاو فزواج وهي ماكانتش باغة تزوج ..مازال باغة تقرا ودير بزاف دلحوايج..كتمشا فلمطار وتابعينها بشوانط وماكاينش لي كدوز من حداه وماكايسهاش فيها هي مامسوقة لحد تفكيرها مع هاد الشخص لي ايزوجوها بيه وكيفاش تفك منوو...عوينات عسلين وبشرة حنطية مابيضة ما سمرا فورمة مقادة متبعة رياضة كل حاجة فبلاصتها شعرها لمارو مفتوح دهبي كيضرب فمؤخرتها ...جمال رباني كيجدب...ركبات فطموبيل مع شيفور نيشان للقصر
في فيلاج #العمدة
فالقصر..
كانو فاستقبالها رحبو بيهاا وفرحو برجوعها ...جالسة حدا جدها وحاطة راسها على كتافو:فرحت ملي وليتي بيخير
الحاج:عليها جيتي تشوفيني..ماكنتيش ناوية اصلا تجي
نور:لا الحاج كنتسنى غا الفرصة كنت عوالة نجي نرجع نكمل قرايتي ساعة...
وسكتات كتشوف فالياقوت..
نور:فين هوما الضياف
الياقوت بحدة:ماشي ضياف هاداك عمك وولادو وبات الراجل لي غتزوجي بيه
خيبات سيفتها وشافت فالحاج:الحاج ماشي حشومة تزوجوني بالسيف عليا ونضيع مستقبالي فلقراية باش نتزوج
الحاج بهدوء:ما اتعرفيش مصلاحتك كتر منا..كنضن بلا هضرة زايدة
شافت فباها:بابا قول شي حاجة
خالد:ماعندي مانقول كلشي واضح الزواج فصلاحتا كاملين
ضحكات باستهزاء:ديما كتسبقو مصاليحكم واخة تكون على حسابنا حنا
الياقوت ناضت :تبعيني لاتيراس
مشات وخلاتها جالسة شافت تا عيات وناضت تبعات الياقوت
نور:شنو اتقوليلي
الياقوت:الزواج راه اتزوجي بيه بااسيف ولا بالخاطر والحاج لا درتي شي حاجة ما هياش ولا درتي شي مشكل مع بكر ما ايعقلش عليك ..اللهما وافقي بخاطرك وتزوجي بيه وانا متاكدة غادي تشكرينا من بعد حيت زوجناك بيه
وقربات تا لعندها كتلعب ليها فشعرها:شنو بغيتي زوين ووسيم وذكي وشخصية قوية رجال شلاغمية وكيحتارموه وهو الخليفة ديال الحاج وزيد ايترشح للرئاسة ايولي وزير وراكي عارفة كرسيه مضمون وقاري وواعي وبيلوط وزيد وزيد..فين اتلقاي بحالو
بقات غير ساكتة كتشوف فاليالقوت لي شعلات كارو كتكمي:واخة تقلبي عليه تحت الارض ماتلقايش بحالو
نور رجعات شعرها اللور:زيد مزوج ..الياقوت انا باغة نعيش شي قصة حب بغيت ..
قاطعتها:قو.. دي شمن حب وشمن ق لا..وي واش بقة شي حب فهاد الزمان ..شوفي مصلاحتك ولي يزيد بيك للقدام ولي يخليك تهزي راسك لسما وتقولي انا مرت فلان ..اما زواج اخرتو ايطلقها مزوجين على لوراق وبيناتهم مشاكيل وهو كرهها حيت ماخلا مادار معاها وفتالي دارت معاه العيب ..
نور :حيرتيني الياقوت وانا حايرة غير مع ك.. ري ..هدشي ماداخليش للراس
الياقوت:نعطيك جلسة وحدة معاه وشوفي واش ما اتوليش باغاه..وراه هدا الزواج لحلال ابنتي متشي كنقولووك تصاحبي معاه ولا نعسي معاه وغندلووك لااا..
بلعات ريقها:مااعرفتش ...
الياقوت طلات من لاتيراس وشافت طموبيلتو داخلة مع الباب لكبيرة:ها زمانك جاا
مشات طلات معاها كيتسناوه يخرج والياقوت مبتاسمة ومفتاخرة بحفيدها..
لتحت
نزل من طموبيل وجبد طليفونو كيقرا الميساج لي وصلو فيه:صافي اسيدي جبت ليها الخدامة جديدة
رجع الطليفون لجيبو وطرطق عنقو عيان حيد لفوقاني ديال الكوستيم وبانو عضلاتو ..وتم داخل للدار...
لفوق
الياقوت:كي جاك
نور:ماباليش مزيان راحنا فسما وهو فالارض
الياقوت كتسوط الدخان:سيري لبسي شي حاجة مقادة ومستورة نهبط لعندو نهضر معاه باش تجلسي نتي وياه فالمكتب هضرو شوية شوفي يا ويلك تقو لي شي حاجة ما هياش
تنهدات:صافي هنينا الياقوت
الياقوت:هضري مقااد
نور:صافي هنا
ومشات وخلات نور كتفكر..تنهدات ومشات لبيتها تشوف شغا تلبس عارفة لا دارت شي حاجة ماهياش اتلقة فوجها الياقوت والحاج هاد الجوج كي عزرائل واخة شرفو مازال مركبين الرعب فعباد الله..ضفرات شعرها وقادات ماكياج خفيف بزاف مع كسيوة مستورة ..تشوف بعدة اش كاين واش بصاح فيه داك المواصفات لي قالت الياقوت ...
عند ليلى
عنيها على الطليفون سكرينات داك الصفحة لي تماك وناضت هزات طليفون لي فالحيط وعيطات للشيفور يطلع
الشيفور:ياك لاباس الالة
ليلى:بغيت نخرج
الشيفور تسناي نعيط للسي بكر
شافتو كيعيط شوية جاوبو:السي العمدة مدام ليلى بغات تخرج
بكر يلاه خارج من الدوش وصدرو عاري والفوطة فيديه : قلها لا
الشيفور:قالك لا
قوصات حواجبها:كيفاش لا انبقة محبوسة هنا ولا كيفاش
خدات منو طليفون:راني باغة نخرج
بقة ساكت شحال هاد الصوت شحال ماسمعو عاد نطق بهدوء:وانا قلت لا .
ليلى:محتاجة شي حاجة
بكر:الشيفور يجيبهم
وقطع عليها..مدات ليه الطليفون وتهدنات
ومشات جتبت طليفونها وبقات شحال فيه ورجعات لعندو:ارا لواتساب ديالك اتجيبلي كاع هدشي لي هنا
صيفطات ليه كاع سكرينات اغلبهم كريمات دلوجه كيحيدو داك زروقية من تحت العنين ويعالجو البشرة غالين بزاف..شغرها مايحتاحش دغية كيطوال دابة واصل لتحت ضهرها
وصلو داكشي فالواتساب
ليلى:خلص تا يرجع ليك فلوسك هداك لي مخدمك عساس عليا
ماقدر يقول والو...
رجعات للصالة:واخة اسي بكر خلي نقاد اوموري وهنا معاك
خرج ووصا صاحبو لي تاهو معاه حاضي الدار باش يرد لبال..وهو مشا يشري داكشي..لقا داكشي غالي بزاف ..
نرجعو للقصر
كان نازل من الدررج وهو يشوف مو جالسة فصالة مشا وباس راسها
حنان:جلس اولدي بغيت ندوي معاك
جلس حداها:ياك لاباس
حنان:صافي اتزوج..زعمة نسيتي ليلى نخاف غير ضلم راسك وضلم البنت لي اتزوج بيها معاك..عطي فرصة لراسك ول ليلى راه باينة ندمات ونتوما دابة مزوجين شحال من حاجة يقدر تقاد
بكر تنهد:الوليدة كون ماوصاتنيش المرحومة عليها واكدات عليا نتزوج بيها عمرو كان ايوقع هاد الزواج الوليدة كونت انطوي صفحتها وتمشي دير لي بغات وتعيش كيف بغات ولكن كلشي تبدل من وصاية المرحومة ...اما باش نكون انا وياها بحال اي جوج مزوجين صعييب بزاف الوليدة..
حنان بقات غير كتشوف حتى كتحي الياقوت:ولدي اجي بغيتك
ناض عندها جراتو معاها للمكتب دخلو.
الياقوت بفرحة:عروستك وصلات اليوم
بكر:فخباري وماتسبقيش الاحدات الياقوت
الياقوت:المهم شوية وتجي عندك للمكتب هضرو شوية وحطو النقط على الحرف
هز راسو باه وخرجات صيفطات الخدامة تعيط ليها...وهو مشا للمكتبة لي تماك كيقلب فالكتوبة تماك ...دقايق وكانت فلكولوار لي كيدي للمكتب تنهدات ماعارفاش هاد اللقاء كيف ايكون ..وصلات للمكتب حلات لباب ودخلات..وقفات كتشوف فيه كيف عطيها بالضهر وهاز واحد لكتاب كيقرا فيه
بقات شحال واقفة كتشوف جسمو الرياضي والضخم عضلات ..ووقفة منخوية..وشعر مارو مازال مبلول ..ميلات راسها بغاتو يدور تزيد تشوفو..عرفاتو ساهي فداكشي لي كيقرا قربات للكرسي وبلعاني كحزاتو بالجهد باش تلفت انتباهو..تنهد كينطق اخر سطورة قرا من داك كتاب الشعر :أعود منتصرا في كل معاركي
وأمام عينيها البريئة أُهزم
لي الف بيت بالفصيح أُجيدها
لكني في حبها اتلعثم
ودار شاف فيها وتلاقاو عنيهم ..شي كيشوف فشي..هي رمشات بعويناتها زيتين بالزربة كتشوف هاد كمية الرجولة لي قدامها وكيفاش نطق دوك الحروب باللغة العربية تلفات كاع
وهو كان طلعها وهبطها شعرها مايل لزعورية عوينات مايلين للخضورة زيتيتن فورمة زوينة وبشرة حنطية خدود حميمرين ....هادي هي بنت عمو لي اتولي مراتو
#يتبع اللقاء ابناتي قريب العرس كيف جاكم..وا التعليييييييق🚫