👑العمـــــــدة👑
♡..مجنــــون ليلــى..
30
كان عارف السكات ديالها ماشي عادي عارفها اتنفاجر فأي لحضة
كتبكيييي وتغوت وففمها غير امييي..خلات كلشي يبكي معاها..عارفين باها مات ودابة مها قاصحة بزااف...عيات معاها حورية وكنزة ينوضها من الارض ما قدوش..تنهد كان باغي يحضر للدفين مسح على راسو وقرب ليها حط يديه وتحنا على ركابيه حاط يديه على كتافها..شافت فيه ونطقات بعنيها الدامعين:امِّيي مشات وخلاتنييي ابكر بقيت بوحدييي كنموووووت ابكر مابقالي حد
وحطات راسها على صدرو تبكي وتشهق هاد الصدر لي بقا ليها تبكي عليه مابقة والو وتحرم منو تاهو..خلاها كتبكيي وتهضر:وليت يتيمة ابكر..انا سبااب .. كون غير مت معاها وتدفنت معاها ...روحي اتخرج..
تنهد:نوضي دخلي للدار
ليلى:بكر..
قاطعها ونوضها دخلها لداخل جالسها فوق الصداري بغة يمشي وهي تشد ليه فيديه كتشوف فعنيه بحاليلا اتشوفهم لاخر مرة:خليك معايا
بقة كيشوف فيها شحال وعطاها بالضهر خلاها كتبكي وخرج من الدار كيشوف الوزير كيعيط عليه ماجاوبوش..شاف رجال لوزير حدا لباب نطق بحدة:قلت غادي نجي ..شهاد لخصايل دز..
سكت فاش كان ايخصر لهضرة
واحد فيهم:الوزير كيتسناك قالنا مانجيو تاتجي معانا
شنق عليه شوية ويزدحو مع الحيط:مانشوف تا واحد فيكم قدامي
ودفعو:تحرك
نفض حوايجو ..و بكر ركب فطموبيل وديمارا بالجهد نيشان لعند لوزير..كانت نازلة من الدروج سمعات كلشي دارت اشارة للراجل لي ديما معاها يتبعو:وعيط للحاج يصيفط رجالو..قولو الوزير هاشم
هز راسو باه ومشا طاير يدير داكشي لي قالت..تنهدات ورجعات عند حنان جلسات حداها باش شوية وتمشي بحالها
داز الوقت
الدم خرج من فمو من لكروشي لي عطاه:ماشي غير عتابرتك بحال ولدي..اضصر وتصيفط ليا ولدي للصبيطار..يحساب ليك نت عز من ولدي ولا كيفاش راه نقتلك ونغبرك مايسيق لك حد خبار ..مااتنساش راسك نت شكون وحنا شكون وعمرهم يتقادو لكتاف..
بكر تبسم باستهزاء من كلامو ديما نفس الشي لفلووس كدير لك بلاصة مع الناس..
الوزير شاف فرجالو:عطيوه باش يترباا ويتعلم يمد يديه على سيادو
شدوه جوج وواحد نزل عليه بكروشي
لوزير عطا بالضهر من صوت طليفوو:الو..وي شكون معايا..اهلا الحاج العمدة نهار كبير هدا علر سلامتك..امر اسي لحاج..كيفاش.
فجيهة لوخرا:واحد الامانة عندك دابة كتكرفصولي عليها ونت عارف لي كيتكرفصلي على حاجتي شكا يوقع ليه
بلع ريبو:شكون وكيفاش
الحاج:حفيدي بكر العمدة لي دابة كنسمع صوتهم كيضربو فيه..اترخيوه وايخرج من تماك ويوصل لعندي على خير..وبيناتنا هاد لحساب ختصو لخلاص
وقطع عليه خلاه مصدوم تمتم:حفيدو...هدا هو حفيدو لي اياخد بلاصتو
ودار شاف فبكر وغوت:رخييييو رخييو منو رخييييو
مشا كيجري:نوض اولدي نوض ..ماكنتش عارفك حفيد الحاج العمدة ..
تنتر منو وناض شاف فيه كان ايهز يديه عليه وهو يتراجع الراجل قد باه
تم غادي وهو ينطق قدام وجهو:اه بكر العمدة حفيد الحاج لي غتوليو تشوفوه كابوس ليكم من لهنا الفوق
وخرج من ديبو لقا طموبيل كحل هوندا مجبدة كتسناه شاف تا عيا ومشا ركب وكلام باه كيدور فراسو كلشي ديالهم علاش يخليو خيرهم ليهم...ديمارات الطموبيل نيشان للفيلاج وهو رجع راسو اللور وفدماغو شريط حياتو وداكشي داز منو تمتم:هدشي لي خاص يدار
ساعة ونص دلمكانة وكانو فالطريق لي كتدي للفيلاج هنا هز راسو ودامغو سافر لبعيد فاش كانو عايشين هنا وكانو كيدوزو من هاد.طريق .حتى كيوصلو للدخلة دلفيلاج وهنا كانت واحد لبلاكة كبيرة مكتوب فيها
(فيلاج العمدة) هدا هو اسم الفيلاج..كان باب كبير قد السخط طول وعرض كلو من الحديد ..كيتحل بنهار ويتسد بالليل ..بالليل ماشي اي واحد كيدخل للفيلاج غير لي ساكنين فيه..وبالنهار كلشي كيدخل ليه والناس لغراب كيبقاو تحت المراقبة بلا مايحسو بيهم حتى يتاكدو شكون هوما وعلاش جاو للفيلاج....نزل زاج الشرجم طمووبيل كانو تلاتة حدا لباب كل واحد وفين جالس مفرقين وسلاح تحت من ضهرهم...هز راسو لواحد لبناية تماك قشع جوج تاني...ميل راسو لواحد الجيهة وسط الشجر بعيدة وقشع تاني واحد تماك..باقي عاقل مزيان على بلاصة اي واحد واخة كان صغير كان كيرد لبال لهاد التفاصيل..وماحدهم داخلين مع لباب وهو كيشوف بعنيه شحال من حاجة تبدلات وشحال من حاجة باقة كيف ما هي..عرف دابة انهم ايكونو وصلو للقصر انهم جاووعارفين انهم وصلو ..لخبار كتوصل قبل يوصلو هوما للقصر كيكون عندهم لخبار ....كيشوف ناس لفيلاج كل واحد وفاش خايد اجواء ما غرابش عليه ولكن حس بشي حاجة لداخل بحال لحنين....وصلو لبلاصة ديال الاراضي مساحات كبار ماكايتحدوش بالعين كاها مزروعات وكل ميساحة وباش مزروعة ...وعامرة بالفلاحين والعمال نسا ورجال كبار وصغار كلشي خدام.....هنا وصلو لطريق كتدي للقصر ..دقايق وكانو حدا لباب ..نزل وعنيه على القصر من برا باقي كيف هو من غير بعض التعديلات ..تحلات لباب بقة واقف شحال وهو يطلع مع واحد الدريجات ودخل ..الخدم مستفين منزلين الراس ولي داز من حداه كينطق:مركبا بالسي العمدة
وهو كيهز راسو باه حافض الطريق ..طالع مع الدروج وعنيه كتسارا على كل بلاصة تا وصل لواحد المكتب حل لباب ودخل ووقف كيشوفو عاطيه بااضهر وااقف من حيط كلو زاج كيطل على الاراضي..والسيروم فيديه ..حتى كيضور لعندو وهو مبتاسم كيشوفو فحفيدو كيف ولا راجل لي يتعول عليه راجل لي فاتو فالطول و العرض نطق:كون ما جيتيش كونت انجي برجلي تا لعندك
كيشوفو جاي لجيهتو وجار معاه سيروم حتى وقف عليه :مرحبا بحفيدي فدار
وعنقو وبكر غير واقف ..حتى كينطق:شرفتي الحاج العمدة ووبيتي طسح كومة
تبسم وضربو لكتافو تا رجع اللور:غادي نصح ونرجع للشباب
بكر:نشوف ونحكم
الحاج كيشوف فيه كيف كبر وولا راجل جسمو ولا ضخم صوتو ولا رجولي نضراتو حادين ..شخصية قوية ...ولا راجل كيف بغاه يكون فاش كان صغير..غير خصارة ماحضرش عليه وهو كيكبر..
بكر نطق بهدوء:اتبقة كتشوف فيا الحاج
الحاج هز راسو بلا:لا كنشوف غير الدنيا شحال كضور
وبعد عليه فاش حس براسو عيا ومشا جلس وبكر باقي واقف هاد المرة مشا لداك الحيط لي من الزاج..والحاجة مراقبو من شبعش من الشوفة منو :شوف ابكر..
بكر قاطعو:لا عندك شي هضرة ولا شي حساب ..صفيه مع الوليد..انا هنا باغي نرجع حق الوليد وحقنا ..نرد ليه عتبارو فاش يشوفو ولدو كيف ولا..
الحاج:الياقوت عندها الحق راسك قاصح ..انا عندي الربح تجمعو معانا تاني وزمان أيصلح كلشي وكيف قلتي الهضرة مع باك ..فرحتي قداش وانا كنشوفك قدامي كلشي ايسيق لخبار لرجوعكم ..وانه الخليفة ديالي صافي جا
بكر دار وشاف فيه:رجعت الحاج ولكن لاكنت انبقة هنا انمشي على كانتي انا وكلمتي وكيف بغيت انا
الحاج:وتقد بالفيلاج والمشاكيل لي ولات فيه والاراضي حيت شحال من حاجة تبدلات
بكر:هدا لي قدامك ماشي غير جا وكبر وولا هكا ماعلينا عندي بلان اخور الحاج
الحاج:اما هو
بكر:نت هو داك المساند الخفي ديال الوزراء لي كيطلعو من بعد ماكايحطو فلوس صحيحة ليك وكينجحو وياخدو الرأسة
الحاج:باش عرفتيها
بكر:راه قلت اك ماجيتش ووليت هكا..عارف شكا يدور هنا واخة بعيد ..
الحاج كيزيد يتأكد انه هو لي يصلاح ياخد بلاصتو:اه وشنو المعمول
بكر:هاد المرة انمشيو بعيد الحاج..هاد المرة حنا لي اناخدو كرسي الوزير ..الانتخابات قربو ..
الحاج ماجاتش ليه على لبال :محمد ربى وعرف اش يربي ..ونت لي اتترشح راسك فلائحة المعلومة
بكر ميل راسو بشوفة حادة وميات فكرة كدور فراسو:تماما ...
#يتبع العمدة راجع بقوة ابناتي خلييييو توقعااتكم ..من دابة للفوق ماكاينش يامة ارحميني🔥