👑العمـــــــدة👑
♡..مجنــــون ليلـــى..♡
#12
دنياا تقلبات ولا شي كيضرب شي وشي كيفااك..ولاد الحومة مع صحاب لعريس...لعروسة كتبكي..ترون ليها العرس..
ليلى واقفة هي ولبنات وكيتفرجوو فهاد المضاربة..كتشوف داك خونا ولا شرويطة بين يدين بكر فرشخو مزياان..ماتنكرش عجبها فيه برد ليها قلبها كيفاش تجرأ يقيسهاا وعارفة شكا يتسناها من مور هدشي ايمنع عليها شي حاجة سميتها لعراسات ماشي غا شطيح فلعراسات هدشي وزيد زيد..شهقاات وهي كتشوف واحد من صحاب داك خونا كيتسلت بجنوية تحت منو فاتجاه بكر...غوتات ولكن ماتسمعش صوتها فهاد الصداع لي واقع..لقات واحد لقرعة قدامهااا..زربات عليها..وطارت بيها نيشان للراس قبل يوصل ليه تا سال الدم...ولكن ماحكماتوش..ضار لجيهتهاا صاااعر...رجعات اللور جاي لجيهتها.بدات كتقلب باش تزيد ضربو.المهم مامفاكاش ..يلاه ايخطي الخطوة اللولة ليها وهو يجرو من سمطة دسروال من اللور لعندوو ونزل عليه كيضرب فيه عاد رجعات فيها الروح...ولا لي كيجي قدامو كينزل عليه...وهي ملي كتلقة الغفلة كتعاونهم وتنزل على شي واحد بشي ضربة باي حاجة جات قدامها..
العرس مابقاش عرس ولا ساحة معركة شي كيضرب فشي ولكراسا كاع تهرسو ولكيسان ..ولعريس مابقاش عريس تاهو محشي فالوسط كيتقاتل لعروسة دخلوها لداخل...
جاو شي دراري كيتجاراو تحنا واحد عند بكر:لبولييس فطريق
تهز كيقلب على خوه شافو هاز شلية وغادي بيها لعند واحد بنادم جرو من دراعوو:زيد قداامي
ياسين سمع نفس الشخص كيقولو البوليس فهم لبلان:واخة
بكر مخنزر وبلغوااات كيشوف فليلى:تحركوو
عرفو الليلة ليلتهم وايكمل بيهم فالدار
خرجوو من داك الخزانة مخلينها مرونة وطلعو للدار ...ليلى هاربة سبقاتهم طالعة كتجري عند خالتهاا ..غير دخلات تخشات وسط خالتها وراجلها:خالتيي ..عميي..عتقونييي ..
غير دخلات تخشات وسط خالتها وراجلها:خالتيي ..عميي..عتقونييي ..
داك ساع دخلات حورية وكنزة كيتجاراو تاهوما
كنزة:صافي رتاحيتييي ها هو العرس ترون بسبابك وغنمشيو فرجلين تاحنا معاك
ليلى يلاه أتجاوبها وهي تشوفو داخل كي شي عجاجة وموراه ياسين
حنان مافاهمة والو هي ومحمد:دابة شواقع اويلي مالكم
بكر مشا نيشان قاصدها وبلغوات قبل يوصل ليها:كديري غا لي فراااسك
ليلى تخبات مور ضهر حنان ولصقات فيها :عمي محمد قولو يبعد منيي وما سوقوش فيا
محمد كيشوف فولدو:مالك عوتاني مع البنت
بكر مسح على راسو معصب باغي يوصل ليها باغي يبرد فيها هاد لعافية لي فيه مازال ما طفات هضر وهو عاض على سنانو :راه مامفاكش معاك اليلى ومايفكني منك غا مولانااا
ليلى مأمنة راسها مخبية ومايقدش يوصل ليها وهي وسط مو وباه-:ماشي سوقك فيا كنت قادة براسي ونوقف داك الحيوان عند حدو نت لي عزيز عليك اامشاكل وكطير رونتي عرس الناس وقلبتيه مطايفة دير خير فراسك وماتبقاش تدخل فيا ..راك ما راجلي ما خويا..ما بَّا
بكر علا حاجبو عاض على سنانو زادت لعبات ليه على الاعصاب ومازال زايدة فيه خلاتو غير كيشوف فيها بلا تاشي ردة فعل من غير داك لغليان لي كيغليه دمو ملداخل ..ماكاينش لي غيخرج عليها من غير فمها وكلامها وراسها لقاصح..وهو ماكايصبرش لهاد قصوحية الراس. وديما يديه سابقاه يا معاها يا مع خوتاتو لوخرين دابة كبرو مابقاوش قد الضرب ولكن هوما لي كيخرجوه على طوعو وليلى اكتر وحدة فيهم كياكلها لحمها..كان بامكانها تبرد معاه وتحل لمشكل معاه بلا ماتجهلو غا بجوج كلمات بالعقل تبردو وتسلك راسها هاهي دابة زادت زنداتو ادن تحمل لي ايجيها
حنان كتقرس فيها باش تسكت وحورية من لبعيد كتدير ليها الاشارات باش تسكت
كنزة كتهمس لياسين:شنو بان لك هاد المرة ايزرق ليها لعين ليمنية ولا ليسرية
ياسين:كنضن هاد المرة شي عاهة مستديمة
وعلى كلامهم كلشي شهق..فاش شافون طلع فوق الطبلة دلماكلة لي حدا مو وباه..ومد يديه وجرهااا من مور مو وباه من شعرها بااجهد لعندوو حركة ماجاتش ليها للباال حتى طير ليها داك الشعر لي زايدة ملتحت مشا الشيكي:أجيي نتفاهمو دابة ابنت خالتي
حنان ناضت :الله ياربي رخييي من لبنت اويلي بكر رخيييي
محمد لي جالس فوق كرسي المتحرك :بكر حبس علياا هدشي ورخيي من البنت دااابة
بكر ماهواش هنااا شادها من شعرها وجرها لعندو وتم خارج بيها من الدار:زيدي قدامي
ليلى :رخيييي منيييي
خرج من دار وطلع هو وياها فدروج نيشان لبيتو لي لفوق وحنان تابعاه اما لبنات ماقدو يديرو والو حيت غايشركهم معاها
حنان :بكر رخيي من لبنت ..بعد منههاا
وصل لباب بيتو ووقف وبالغواات:الوااليييدة هبطيي بحالك هااد بناادمة انا لي كنعرف ليها غبرت شهورا تفورماطات وضصرات بزاف
ليلى كتشوف فحنان :خالتي قولوو يرخييي منيي كنقسم لك بالله راه نبات مانصبح ومانضربش ضربة فهاد اادااار
بكر كيحل باب لبيت:زيدي نسمع ..قلتي تباتي ماتصبحي يااك
حنان يلاه اتدوي وهو يقاطعها:الواليدة هبطي بحالك بغيتي تزيدي تجعريني عليها دقي فهاد لباب
ودخل وزدح لباب خلاها واقفة ماعارفاش اش دير ..ماعندها اصلا مادير بحال ديما هاد الجوج ايحمقوهم ...وعارفة لازادت تدخلات ايزيد يتعصب ويشخد.كتر
نزلات مع الدروج لقات رقية طلعات ولبنات كيعاودو ليها اش وقع
حنان:طلعي فكي بنتك..نتي مها وايسمع منك طلعي
رقية :خليه يربيها الجيفة لوخرا ..حدايا قالها ماتشطحيش والعرس عامر بشماكرية ولبزنازة مادارت غا لي فراسها ورونات العرس ..خليه هو لي كيعرف ليها
حنان:لا حول ولا قوة الا بالله ..واش باغة تسطيني طلعي فكي بنتك
رقية:بنتي وانا كنعرفها كامونية
محمد لي ماقادرش يتحرك ولا يدير شي حاجة فوق داك ااكرسي المتحرك مكمدها فقلبو وساكت ولكن ماغايدوزهاليهش بالسهل كيفاش ماسمعش منو ودار لي فراسو
غير دخل زدحها فوق داك الناموسية بغات تنوض وهو يتحنا وجمع معاها بصقلة باللوراني ديديه تا تصمكات هاد الضربة كتكرهاااا ملي كانت صغيرة:باغة تباتي ماتصبحي قلتيي
ليلى حاطة يديها على خدهاا كيضرها وبتحدي وعنيها فعنيه:اه غير خليني نقاد اوموري واتشوف واش أتقفل عليا
زادها كف تاني باللوراني ديديه تا ضار وجهاا وجرها من شعرها لعندو ودوة وهو عاض على سنانو وحرارة انفاسو لغاضبين كضرب فوجها لا هي راسها قاصح هو كتر منها:خلينا نتحاسبو بعدة غا على الشطيح وسط الزوام... ل وشماكرية كي الشيخة عاد نتحاسبو على هادي
ليلى تبسمات باستهزاء وجنب فمها كيسيل بالدم:جمع كلشي فدقة ودير حساب واحد
داك الابتسامة ستفزااتو لدرجة نزل عنيه لشفايفها وجاوه افكار شيطانية ..نعل شيطان فأخر لحضة وزير على شعرها كتر وكتر تا تآوهات مقصحة:ماغاترتاحي تاطيح شي روح شي نهار
قبل تجاوبو قاطعهاا:من ليوم نساي شي حاجة سميتها لعراسات ولا لعراضات من لخدمة لدار من دار لخدمة..وشي حاجة خرا حتى نقررها انا
بغات تدوي تاني وقاطعها:ايبقة ليك الصالون اتزيدي شوية اليلى شوية وتاهو انسد.دلموو فمراا ونوليو تاني فبلان ماتعتبيش باب الدار ..وعارفاني نديرها أ ليلى ...كتقلبي على ااحبس راك اتلقايه ...وعارفاني مق... واد فهادشي
بقات كتشووف فيه وشفايفها كيرجفو بالاعصاب وجامعة يديها على شكل لكمة ومزيرة عليهم حتى جرحات اللحم ديديها بضفارهاا نطقات مغزفة عليه:وتانا اندير لي فراسي وانخرج فوقاش ما بغيت وفين ما بغيت وندير لي...
قطعهااا بكف باللوراني ديديه واخة هكاك كملات كلامها بعناد وعنيها غرغرو بالدموع:وندير لي بغيت
زادهااا الثانييي ..ما قدااتش تصبر هاد اامرة نزلو دموعها ونزلات راسها وبدات كتبكي بصوت مرتاافع مخبية وجها بين يديهااا.حسات بالحكرة والقهرة مالقات ليه جهد..كتبكي بحرقة وصوت بكاها مسموع بالجهد فالبيت...
بكر مسح على راسو كيشوفها كتبكي ومنزلة راسها قلبو ضرو.جمع الوقفة وبعد عليها كيمسح على راسو وعنيه عليهاا شاف مع جنابوو هز واحد ديكور زدحو مع الحييط وغوت:وعلااااااااش لي ماديريييش عقلك علاااش
قرب شوية لعندها:علاش رااااسك قااصح شنو فيها لا سمعتي ااهضرة بلا مشاكيل
هي غير كتبكيي ...
تنهد وقرب ليهااا..حط يديه على كتافها:دابة حبسي لبكة لي راسو قتصح ماكايبكيش
تنترات منو وبصوت باكي:بعد منييي
وهزات راسها وشافت فيه بعويناتها الدامعين:كون كان عندي خوياا ولا بَّا حتى انا عمر يديك كانت اتحط عليا .لقيتيني بوحدي فهاد الدنيا ودرتي ما بغيتي فيا حتى المَّي جاية فصفك عمرها جات من جيهتي ..حكرتيني اولد خالتي
كتدوي وتبكييي وهو غير كيشوف فيها حتى سكتات ونزلات راسها كتكمل بكاها..جلس حداها وحط يديه على كتافها نطقات بصوت باكي:ماتقيسنيش بعد منيي
بكر هز راسها لعندو ومد يديه مسح ليها دموعها باطراف صبعانو وهي غير كتشوف فيه وقرب وباسها على جبينها وطول فداك البوسة تا غمضات عنيها وبعد ودوة بهدوء عكس كيف كان قبيلة جاهل :انا خوك وانا باك وانا كلشي فهاد الدنيا ليك اليلى..كون كان عندك خوك ولا باك مأكد ما ايبغيوكش بحالي ولا يخافو عليك كيف كنخاف عليك كتر من راسي ويحضيوك كيف كنحضيك ونرد ليك لبال ..وكون كان عندك خوك ولا باك اليلى ونتي دايرة هكا بهاد قصوحية الراس والخفة لي فيك مأكد أيجيو معايا ويرو معاك كتر من هدشي لي كندير معاك..وكون باك بقة عايش كون عطاك ليا بالسيف عليك
وهز يديها وحطها فوق قلبو:حيت عارف بلاصتك شحال كبيرة فقلبي وماكاينش فهاد الدنيا لي ايبغيك بحالي ويخاف عليك بحالي وماكاينش شي واحد لي يقدر يأمنو على بنتو من غيري
وطلع داك اليد لفمو وباسها ورجع شاف فعنيها الدامعين
بقات غير كتشوف فيه
تنهد وهو كيشوف فيها وفعويناتها لي ساحو بالماسكارة تحت عنيها حتى لخدودها والشرطة تخربقات ورموش وحدة طارت او وحدة باقة وشعرها تشعكك ولات حالتها حالة كتخلع ..مد يديه لكلينيكس وبدا يمسح ليها فوجها وهي غير ساكتة وكتشوف فيه ..ولكن داكشي مابغاش يتمسح لاصق فوجها.
مدات يديها ليديه ونطقات:ماغايتمسحش بكلينكس ناشف
ميل راسو:ومالك على حالك دايرة هدشي كامل
رجعات شعرها اللور وهزاتو لفوق وجمعاتو بشفنجة لواتها فلخوة وخشات شعر وسط شعر بلا لاستيك ..(زعمة شفنجة بلا لاستيك😁)
ليلى تنهدات:عرفتي شحال دلوقت باش قاديت وجهي ولسقت الشعر.. جيتي نت فتانية رونتي لي كلشي
بكر :هو غير الشعر والمكياج لي مشا...راه عرس على قدو ترون بسباب راسك القاصح
ليلى :كون قتلتيه..ولا طاحت شي روح
بكر دار شبه ابتسامة:الله يهنيه
بقات شحال كتشوف فيه عاد نطقات:وتبغي دوز حياتك كاملة فلحبس بسباب دمك الحامي وعصبيتك الزايدة
هز راسو بلا بالعرض البطيئ وهو مراقبها كيفاش كتهضر واخة حالتها مافيها مايتشاف عاجباه وحاس براسو مرتاح وهي معاه دوة:لا ..بسبابك وماشي خسارة فيك
ملاميحو تبدلو وهو كيرجع يتفكر فاش قاسها داك خونا:اي واحد ايقرب ليك ولا يحط يدو عليك راه محضوض لا فلت من يديا سالم
ليلى:حتى لامتى.. وشنو الحل
حط يديه مور عنقها وبدا يطبطب عليها تماك بشوية :نهار ديري عقلك وتبداي تسمعي للهضرة وتبعدي من اامشاكل..داك ساع ما اطيح روح ما انبقاو نضربو حد ونفرشخو دلمو..وتانتي ما اتاكليش لعصى
بقات ساكتة وغير كتشوف فيه
كمل كلامو:صعيب عليك هدشي قوليلي كتحلم ابكر ياك
ليلى:راني بعقلي غير نت الله يهديك
هز راسو باه بلا تاشي كلمة ..عاد تفكر شي حاجة
بكر:وليتي تهزي لقراعي وضاربي تانتي وتشيري على بنادم
ليلى تفكرات تاهي:عتقتك اولد خالتي فاخر لحضة باش ماتقولش راني ماشي ديال العوين
بكر:كتخافي عليا
ليلى:اه كيفما نت كتخاف عليا ودير اي حاجة على قبلي تانا هكاك مانبغيكش تأدى تانا كنجيب عليك النفس ..راك قلتيها نت فيك خويا وبَّا لي ماعنديش ومعزتك فقلبي كبيرة
بكر قلب ااموضوع عرفها لاياش كتلمح ماباغيش يتسيف عليها تاني..ودوة بجدية هاد المرة :المهم كنضن كلامي مفهوم سالينا من شي حاجة سميتها لعراسات والعراضات وخيطي بيطي بوحدك وبلا خباري ..
ليلى:انبقة حياتي كاملة من دار للصالون من صالون للدار ..ما نخرج ما نبدل هاد الحومة دلويل ما نشوف ناس نقيين ..وجهي وجه الحبس
بكر :هدشي تانفكر فيه ونشوف بلانو
ضربات الطم خليها تا تفكر تاهي وتشوف اش دير
جمع الوقفة خرج للبالكون دخل الشيشة ولبيسي ديالو وهي دورات عنيها على البيت قليل فين كدخل ليه مرات معدودة فين عتبات ليه وغير للضرورة فاش ماكايكونش وكتكون خالتها كتخملو لا حتاجت شي حاجة تجيبهالها كتعيط ليها ..غير كتمدها ليها وكتخرج..عجبها زوين ومنضم عكس بيتها هي مرون وبلاكااراتها مشقلبين..ماكملاتش الشوفان وتبركيك شافتو كيسد باب لبالكون ناضت تابعاه تاهي باش ايهبطو للتحت سبقاتو غادة جيهة الباب حتى كتحس بيه جرها لعندو وعنقها دافنها فصدرو هاد الانسانة راه هي روحو ..كيحس بيها بنتو وختو ومراتو وحبيبتو والمعدباه ولي زاطمة ليه على قلبو لي يضربها ومايخليش لي يضربها ولا يقيس شعرة منها واخة تكون مها هو لي مسؤول عليها من نهار تزادت ليلى ديالو ..ليلى ديال بكر وبكر دليلى هكا كبرو ...زاد عنقها وهي غير واقفة عارفة واخة تبغي تبعد ما ايخليهاش ..بعد شوية ونطق ووجهو مقابل مع وجها :كون هاد القلب لي كنحس بيه كيضرب يحن غير شوية ويضرب ليا ..كون تشوفيني كيف كنشوفك ..كون تعرفي هاد القلب شحال كيبغيك..بزاف دلحوايج يتبدلو ..نموت ونعطي روحي أ ليلى غير يوقع هدشي والله ما خسارة روحي داك الساع
خلاها غير كتشوف وحل لباب وماتسناهاش تجاوب حيت عارف يا اما جوابها ما ايعجبوش يا اما ما اتلقى ما تقول واتسكت:زيدي
حل ليها لباب خرجات عاد تبعها وهبطو لتحت ..
#يتبع_ارئكن زعمة #العمدة ايبقا ديما معاها هكا ولا ايتقلب؟