👑العمـــــــدة👑
♡..مجنــــون ليلـــى..♡
#4
بلاما يحس لقا راسو سايق فاتجاه الصالون بسرعه خيالية مقادرش يزيد يصبر باش يشوفها سطاسيونا بعيد مهبط الزاج ديال اللوطو شويه و كيسرق شوفات تحت نظاراتو الشمسية لباب لمحال لي مغطي بواحد سيتار حاجب الرؤية لداخل ..تحرك الريح شووية وتحركات معاه داك.لخامية رمقها واقفة مع وحدة من لكليانات لي سالات ليها سوشوار لشعرها وكتخلص منها...كانت عاطياه بالضهر لابسة سروال سوفيطمة مزير على فصالتها ومبين مفاتنها و سميطات الفوق و ضاربة كلاكيطة رجيلاتها بيضين ومصبغين بالنوار و شعرها جامعاه لفوق بقلم و زغيبات هابطين على نواضرها لاحظ كاع تفاصيلها تمناها ضور ويشوفها ولكن لكليانة خرجات وريح حبس ورجعات لخامية لبلاصتها تنهد من ديما كيتخاصمو على الالوان و الصبايغ لي كدير فشعرها وهو كيحماق على لونها الاصلي الاسود الملكي لي من اعوام مابقاش شافو على شعرها رجع راسو اللور بهدوء ورجع بذاكرتو تاهي اللور لسن المراهقه فاش كان ديما ضاربها ومخاصمها على هادشي
" شادها من شعرها جارها فطريق الدار بطابليتها لقصيرة : كنقوليك مبااقيش ديري هاد الشوهة فراسك
شادة فوق يدو كتغوت وكلشي الدرب مفرج فيهم : طلق ابكر دريتيني
عاد مكيزيد يغرس صباعو فشعرها : بغيت غير نفهم كتمشي تقراي ولا ديري استعراض فداك المدراسة
وقفها تحت دروج دارهم وهي طالعه كتجري رجع جرها من يديها علاين كانت طيح : مزال متفاهمناش
كتنتر منو : طلق منيي مااشي سوقك
تبتها لداخل حابسها وكيطلع وينزل فيها : اش هاد الحالة
ضرب يدو فوق صدرها العريان : لا سلتيها نتي وتهناي حسن
بعدات ليه يديه : راني لابسة طابلية
ميل راسو باستهزاء : واش خديتيها من بنات الروض هادي طابلية ولا شوميزة ديال النعاس
دوز يدو على راسو وهو فقمة اعصابو وهي مطلعة فيه عويناتها مع طول منها وبلا حشمة بلا حية كتبحلق فيه ويدها فوق جنبها : ساليتي ؟
طرطقات المسكة بجهد فحال القح...بات : عندي امتحان غذا و ممسالياش ليك
طلعها مزيان من راسها لرجليها و حابس راسو بزز عليها ولكن زادت فيه وهو يهز يدو حتى لسما وصقلها باللوراني ديده حتى تصورو صباعو فحنكها شدات فحنكها و عينيها تغرغرو و دفعاتو بجهد حتى رجع خطوة للور : هادي تعاونك تراجعي دروسك وغذا منلقاكش لابسة حوايجك غنهرسلك ضليعات لي مزيغينك وطابليتك جديدة غتوصل تا لعندك مع ااوليدة ونلقاك مالابساهاش
وخلاها طالعة بخناينها تبكي وتعيط تشكي على مو اما مها عارفاها اتجي معاه هو كيف لعادة"
مافيقو من عالم ذكرياتو غير خوه كيدق عليه فالزاج داللوطو : وااخاي محمد ..واااا بوبكر ..وا حمادي
تنهد وهو كيمسح على راسو شاف فيه مقوص حواجبو ورجع تنهد وحل لباب ونزل..ياسين بتاسم توحش خوه شهور ماشافو ماحس براسو تا طار عليه بتعنيقة:خليتي بلاصتك كبير اخويا
بكر بتاسم وضرب ليه على ضهرو بروجولة وبعد:الامور هانية
ياسين:كلشي مزيان ناقصنا غا نت
بتاسم ومسح ليه على راسو:هنا رجعت دابة وانشوفو هاد.كلشي مزيان كيف دايرة.
ياسين غوبش كيقاد فشعرو لي خربقو ليه:ولا اصاحبي خربقتي لينا تشاوك
بكر:مازال ما اتقاد هاد شعر
ياسين:راه هو هداك
وشاف فطموبيل:منين ضبرتي عليها اخويا
لاح ليه سوارت:طموبيل دلخدمة طلع شانطة دلحوايج وتبعني
ياسين:هي لولا
دغية جبد شانطة وتبعو كيجري طلعو
دغية جبد شانطة وتبعو كيجري طلعو لدار دخل ياسين
كيتسابق معاه جار داك شانطة:واااا لولييدة وا ماليين دااار...العمدة رجاااع
كلشي خرج كيجري شي من لكوزينة وشي من لبيت وشي من صالة ..تقلبات دنيا بلغوات..كنزة طارت عليه عنقاتو:تووحشتك توووحشتك بزاااف
دفعاتها حورية وعنقاتو تاهي:خوياا لعزيييز عاد نيارت الدار على سلامتك
حنان بدموع:حيدووو نعنق ولدي حيدوو
بعدات حورية قرب لمو عنقاتو وهي كتبكي:الله اولديي اش بغيتي عندي حرمتيني منك ونت لي عمرك بعدتي علينا درتييها اولدي درتيها وخليتيني كنتشوة توحشتك اولدي بزاااف
باس ليها راسها وبعد شد يديها باسها من لور ومن لقدام وشاف فيها ودار بتسامة خفيفة:هنا رجعت الواليدة وعمري نعاود نغبر مسحي عليا هاد دموع
مسح ليها دموعها ..بتاسمات كتشوف فيه بكل حب وحناان:الله يخليك لينا اولدي
بكر:امين ويطول لينا فعمرك
رقية من موراها كتمسح فدموعها:وانا اولدي
بتاسم وشاف فيها ..قربات وعنقاتو:على سلامتك اولدي ماتصور شحال فرحانة
باس ليها راسها وبعد:لاباس عليك اخالتي
رقية:بيخير اولدي الحمد الله منيني رجعتي لينا
كتافة بابتسامة وهو كيشوف باه فلكرسي لمتحرك فصالة مبتاسم مشا لعندو وتحنا على ركابيه وباس ليه راسو وكتافو وشد يديه باسها تاهي بكل حب واحترام لباه:الوليد كي بقيتي لاباس
محمد حط يديه على راس ولدو :الله يرضي عليك اولدي انا بيخير ملي رجعتي
بكر:اخر الغيبات الواليد
محمد:عارف اولدي عارف
كان واقف وكيشوف هاد الاجواء حتى كيتصيفط ليه ميساج قراه(المحال خوا اجي دغية نقاد ليك داك شعر راه عييت)
خشا طليفون فجيبو:ليلى بغاتني نجي نسد ليها لمحال هاني جاي
غير سمع سميتها قلبو ضرب فلمية وضار شاف فيه:ماتعطلوش
مهدي:واخة
وتم خارج وهي تبعو حورية همسات ليه:ماتقولهاش جاا صافي
ياسين:واخة
داز الوقت
كان مرجع راسو اللور وهي كتغسل ليه داك الصباغة بلبرودوي ..نشفات ليه شعرو مزيان وقدات ليه تشاوك عندها مع هاد التخربيق :دابة شوف كيف جا
دور راسو لمراية:اوااااااه تماما كيف بغيتووو
قرب لمراية:حق الرب ماكاينش شي بوكوص بحالي شوفي شوفي
بتاسمات:لهلا يخطي يديداتي لي كيخرجو لعجب
شاف فيها :فهادي ماكدبتيش..كنشكرك اختي ليلى بزاف
ضارت مخلياه مازال كيشوف راسو فلمراية عاجبو لحال لبسات عليها:نسدو لمحال ونطلعو عييت
)مع بقات غا بوحدها لبنات كيعاونو مهم فتوجاد)
ياسين خدا كاسكيطة ودارها فوق راسو عارف لاشافو بكر يحسن ليه بلا مااا خخخ:مشيناا
خرجو وسد لمحال ودار لقفولة وتمو غاديين
ليلى:احم ياسين واش جا خوك
قلب راسو لجيهة لوخرا:مازال ماجا
هزات راسها باه ..وصلو لدار شافت ضواو طافيين فدارهم لي جاية فسفلي عرفات مها اتكون لفوق تنهدات خاص تطلع قلقات مها فصباح خاص تراضيها ..طلعو لفوقي ودخلات هي وياسين كيضحكووو تا كتصدم من هداك لي واقف وعاطيها بالضهر بطولتو وعرضوو وتيشيرط لي مبين عضلاتوو..بلعات ريقها وهي كتشوفو ضار لجيهتها ملي سمع حسها
بلعات ريقها وهي كتشوفو ضار لجيهتها..تبلوكات فاش جات عنيها فعنيه ..كلشي بقة حاضيهم وردة فعلهم..هو مانزلش عنيه من عليها واخيرا شافهاا ..باقين نفس لاحاسيس ماتبدل والو واخة المفروض يكرهااا ويمحيها من بالوو..قلبو معاندو وتا دماغوو لي خاص يقولو نساهاا تاهو تعششات فيه..خدات كلشي قلبو وعقلو واحاسيسوو كاملين..هاد البنت هي نقطة ضعفووو من طفولتووو ...
حنان واقفة فباب لكوزينة شافت فليلى:بنتي ليلى ماغاتسلميش على ولد خالتك
ليلى شافت فيها ..لقاتها كترجاها بعنيها..حنات راسها وقربات تا لعندو ورجعات هزات راسها شافت فيه وتمتمات ومدات ليه يديها:على سلامتك
ميل راسو كيشوف فيها وفيديها لممدومة وقرب كتر وشد ليها يديها لممدودة وعنيه كتسارا على وجها وملاميحها بحاليلا ايريسمها كيحس بعنيع ماقادريش يبعدو عليها حتى كينزل بعنيه على شفايفها وداك جريحة لي تماك ..دور وجهو شاف فيهم كاملين تا وصل لرقية قوص حواجبو ورجع شاف فليلى:شنو هدشي شنو وقع..شكون دار لك هكا
كلشي بقة ساكت
بغات تبعد يديها من يديه وهو يزير وجرها لعندو:شكون ضربك
رقية:اناا تزايدنا فلهضرة اولدي
عض على سنانو ودوز يديه على شعروو بشبه عصبية رجع شاف فيها كيف كتشوف فيه ببرود هز يديه وحط صبعو على داك ضربة:كدرك
هزات راسها بلا ورجعات اللور وسحبات يديها من يدو
حنان بغات تلف الموضوع:لبناات اجيو نبداو نحطو الطبلة
دخلات مع لبنات تاهي للكوزينة غير ساكتة كتقاد داكشي فطباسل وحورية وكنزة كيحطو فطبلة تا سلاو ..تجمعو كاملين فوق الطبلة..كيهضرو ويضحكوو..من غير جوج ساكتين هو كيجاوب على قد سؤال ويرجع يسكت تا لماكلة ماكاياكلش عياان وغير بشوفة ديال طبلة عامرة زاد شبع..وهي حاطة كاس دلعصير حداها وطرف دلحلوة وكتاكل بهدوء وعنيها فطليفون مامسوقة لحد ماباغاش تهز عنيها كااع..هو مراقبها عنيه كيشوفو فعائلتو ويرجعو ليها تاني
حنان:كول اولدي ماكليتي والو هدشي كامل وجدناه على ودك
بكر:راني واكل الوليدة غا بغيتو تعدبو راسكم
رقية:شمن عداب اولدي الله يهديك
حنان عمرات ليه كاس دلعصير وقطعات ليه طريف دلحلوة وحطاتهم حداه:ليلى وجدات ليك الحلووة لي كتبغي هي ولعاصير
شاف فليلى حانية على داك طليفون ...قرب وجر طبسيل حداه كامل ماكتافاش بطرف واحد..بدا كياكل ويجغم بلعصير..خطفات نضرة شافتو كياكل ورجعات لطليفون..ورجعو تاني للحوارات ديالهم..
ياسين مد يديه باش ياخد طريف وهو يجر طبسيل بكر
ياسين:واخة غا طرف صغير
بكر ماجاوبوش
حنان:دابة نقاد لولدي وحدة ولا كاع ليلى ترجع تقاد لينا وحدة كبيرا
ليلى شافت فيها:ضاروري اخالتي اصلا راني كنصيبها لكلشي
هو كتافة بنضرة ليها وهو كيجغم من كاسوو..تا سلاو وجمعو لبنات طبلة
محمد:بكر اجي لصالة بغيتك
ناض وجر باه بالكرسي المتحرك ديالو ودخلو للصالة
بكر جلس اونفاص معاه:ياك لاباس الوليد
محمد:فهاد المدة لي غبرتي خليتك على راحتك باش تقاد افكارك
بكر وقف كيمسح على راسو:الوليد واخة مانهضروش فهاد الموضوع لاكان ممكن
محمد:ولدي لبنت ماكاتبغيكش وقالتها وعاوداتها..خطبتيها ورفضات ورجعتي خطبتيها ورفضات..ونهار جاو خطبوها ناس خرين وافقات واش هدا ماشي سبب يخليك تمحيها من باالك قوولي ..خدمتك لي حلمتي بيها ملي كنتي صغير فلحضة ريبتي كلشي وخرجتي على خدمتك لي يلاه بديتي فيهاا غير محيت هي وافقات تزوج بواحد اخوور درتي حالة وصيفتي الولد لسبيطار كوما دخلناش ودارو بوجهنا وكانو لبوليس صحابك كي راك فلحباسات ..وزايدها مشيتي كتسوك طيارة ونت سكراااان تا حيدو ليك شهادة طيران وهدشي عرفناه غا من الصحف ..غبرتيي ودابة رجعتييي وكيبان ليا مادرتي لا عقلك لا والوو مازال حاطها فبالك مازال مدخلها لقلبك واخة كاع هدشي وقع..خلي البنت تعيش حياتها معامن ما بغاات راه ماكاتبغيكش تااحاجة ماكاتجي بالسيف
بكر فهاد اللحضة كان كيغلي هو حاول يتكالما وينسة فهاد المدة لي غبر ودابة رجع فكروو فكلشي كيفاش رفضاتو لزواج وكيفاش قبلات بواحد اخوووور كيفاش زطمات ليه على قلبووووو ..ماحسش براسو تا ضرب يديه مع شرجم لي كان حداه بالجهد وغوت:مااااااتبدل والوو الولييد مازال كنبغيهااا وانبقة كنبغيها وايما تكون لياا ولا ماتكوون لتاشيي حد فهمتييي وهاد الهضرة تفهمها تاهيييي مابغاتنيش ومابغاتش تزوج بياا فهمتهاا ولكن اتبقة هنااا (بدا كيزدح فلارض برجليه)هناا قداام عنيااا ما اتكون لتاشي حد تا نمووووت ودفنوني عاد ديرو لي بغيييتو
سكت وهو كيلهت وعنيه دغيا ولاو رماااد كيولي هكااا
فقط ملي كتجبد سيرتهاا بوحدها قادرة تشعلووو فتانية
محمد:وليتي تغوت ليا فوجهي
تنهد.كيكالمي راسو شاف يمين وشمال دغيا كلشي تجمع ووقفو كيتفرجو حنان حاطة يديها على قلبها ودموع نازلين من عنيهاا ورقية حداها مغرغرين عنيها بدموع..وخوتو واقفين ماشي اول مرة ايشوفوه فهاد الحالة ولفو يشوفوه كيعاني من حب من طرف واااحد..ايلا هي ماتزعزعاتش من بلاصتها كتشوف لجيهة الصالة كيف مجمعين ببرود تنهدات وكملات دورانها فالانستاا مامسوقاش
قرب وباس راس باه:سمحلي الوليد ..من لول قلت ليك مانوليوش نهضرو فهاد الموضوع
محمد تنهد:تا لايمتى قولي
بكر:حتى يحن الله
وتم خارج من صالة وهو يوقف حدا رقية:خالتي رقية ماصنتيش امانتي لي خليت ليك يوقع لي يوقع ماتمديش عليها يديك
شافت فيه وقربات وعنقاااتو كتبكييي على حالوو الف وحدة كاتمنة غا شوفة منوو راجل لي كتحلم بيه اي وحدة تاحاجة ماناقصاه من غير بنتها المعكسة مولات لقلب لبارد كيف كتقولهاا ماشايفاش هاد الكنز ليعطاها الله:مالقيت ليك جهد اولدي قلت ليك نزوجها ليك بالسيف مابغيتيش
غير سمعات هاد الهضرة ناضت مخنزرة دازت من حداهم كيشي عجاجة حلات لباب وخرجات وزدحات لباب من موراها بالجهد ديما مصغرين منها ديما كيرجعو لبها اللومة هي
تنهد وبعد على رقية وتبعهاا
هبطات كتجري مع الدروج معصبة و شعرها معنكشها كترجعو وراها بدراعها هابطة لدارهم ندمات كاع علاش طلعات لفوق ماحسابلهاش اتلقاه كون مازطماتش تماك يلاه اتحط يديها على لبواني باش تدخل وهي تحس بيه جرها و ضمها ليه بقوة خشاها فصدرو وشعرها تعنكش و فمها فوق كتافو وهو معنقها بجهد حتى ولات كتحس بوقع عضلاتو واخا مزالها كتجاهد وتفركل وسط من صدرو حتى استسلمات بين دراعو وهبطات دمعه حارة سالت جنب عينيها مابغاتوش يشوفها غطسات راسها مع صدرو وخلات الدمعة تمسح مع تشيرط لي لابس بقاو على داك الحال زوج دقايق وذنيها فوق صدرو كتسمع دقاتو السريعة فحالا غيخرج من بلاصتو وصوت دم لي كيضخ فعروقو بهمجية و ريحتو الرجولية لي تغلغلات ليها لداخل متميزة وتعرفها بين الف باغفااان انها ديالو بعدها عليه بشويه وهو مزال حاط يديه بزوج فوق كتافها ونطق بصوت رجولي : هزي راسك
هزات راسها وشعرها فوق وجهها هز يدو ومسح اتر الدمعة لمرسوم على خدها بشوية ورجع شعرها ورا وذنيها: هادي لي عمري غنديرها
هبط يديه من كتافها لفوق دراعها : عمري نخليك ديري شي حاجة بالسيف عليك
وصولا ليدياتها لي ضمهم وسط يديه الكبار والخشنه : زواج السيف معندي مندير بيه قلتهالك ميات مرا
سكت باش يرجع ينطق : ولكن ديري فبالك بلي غتبقاي هنا قدام عينيا
جمع النفس بالسيف : ونساي فكرة الزوااج و
هو كيدوي و كيفورصي على يديها : عمرك غتكوني لشي واحد من غيري
تنترات منو هربانه وهو يرجع جرها : كلامي مفهوم ياك اه ماباغانيش..هدي تقبلتها شحال هدا..كيف ما انا عمري نكون لشي وحدة من غيرك تانتي عمرك تكوني لشي واحد من غيري
رخف عليها وبعد يديه من دراعها بمعنى دخلي لدار بقة واقف حاضيها راجعة بلور وكتشوف فيه ببرود حلات لباب وقبل تدخل رجعات شافت فيه ونطقات:كضيع وقتك معايا بزاف اولد خالتي حياتك وحياتي غيمشيو غا هكاك ..ولكن مانضمنش ليك واش هدشي غيمشي على هواك غيجي واحد نهار اتلقة غا يديك والريح وهدي لي واقفة حداك اطير لبلاصة خرا واتعيش حياتها كيف بغات ومعامن بغات بعيدة عليك
ميل راسو كيطلعها ويهبطها ورسم بتسامة خفيفة مامفهوماش:حاولي ديريها وشوفي هاد جناح لي باغة طيري بيهم كيف غنهرسهم وترجعي تاني لبلاصتك حدايا
#يتبع شتيو الحب المعنكش مازال اتشوفو ما كتر بين هاد الجوج🙂🙂