فى مكان سودوى كان يوجد شخص يبدو عليه القوة والصلابه ولايوجد بداخله روح شخص مثل الآله:
ـ جهزو الجيش عشان هبدأ حرب فى مملكه ملوكيوم
الحارس بخوف كبير:
ـ بس يامولاى دى مامتك
ـ بس اخرس انت تنفز الكلام وخلاص وياهتنفز يا هتموت شبههم
ـ اوامرك يامولاى
ذهب الحارس لتنفيذ الاوامر والتفت زين الى النافذة خلف العرش وهو يتذكر:
Flash back:
لارا بمرح وضحك:
ـ يازين تعالى العب معانا الجو حلو
ـ ماشى يا لارا يا حبيبتى انا جاى اهو
ـ هيييييه اخيرا هتلعب معانا
ـ يابنتى انا دايما بلعب معاكوا بقى كل دة عشان ملعبتش امبارح
ـ هو ماما قالتلك حاجه اصل انا شوفتك طالع من عندها امبارح ومتدايق
زين بعتاب:
ـ ينفع كدة يا لارا عيب تتصنتى عالناس
ـ بس انا....
ـ خلاص مش عايز كلام فى الموضوع دة تانى
لارا بتدايق:
ـ ماشى
زين بلطف:
ـ بس خلاص بقى يلا نلعب
لارا بضحكه لطيفه:
ـ يلا بينا نلعب لغايه لما الدلوع يصحى
ـ قصدك الدحيح
ـ هههه اه فعلاً
ـ طب حبيبتى يلا بينا فى الجنينه احسن عشان هنا الدنيا مخنوقه
ـ يلا
ـ يجماعه انا وصلت
ـ اخيرا يخويا ايه كنت بتبتكر لعبه جديده ولا ايه
ـ لا انا بس كنت بفكر فى موضوع مهم
ـ ايه هو ياتامر
ـ هقولك بعدين يازين
قالها وهو ينظر لأخته مشيرا انه سيحكى عندما تذهب
ـ علفكرة انا فاهمه كويس البصه دى
ـ ايه يلا نلعب يلا
زين وهو يهمس لتامر:
ـ لحقت نفسك
ـ اه فعلا دة البت دى سوسة
ـ هى بردو اللى سوسة
ـ يلا نلعب يا اخى وكمان تقولى ماما قالتلك ايه
ـ حتى انت كمان بتتصنت والله لتدخلوا النار
ـ بس يابنى يلا بينا
ـ ههه يلا بينا
ـ مولاى
ـ عايز ايه
ـ التحضيرات هتتجهز بعد بكرة
ـ تجهز بكرة مفهوم
ـ بس يامولاى
ـ مفهوم
ـ مفهوم يامولاى مفهوم
꧁꧂
فى قلعه ملوكيوم:
ـ احم احم
ـ عايز ايه يا رامى
ـ للكل انا نسيت حاجه مهمه
ـ ايه هى
ـ الخاتم دة بيخليكو تعدو الحدود عادى وكل واحد هياخد خاتم
ـ تمام
ذهب رامى وسهام الى جهه اليمين ليذهبو لقلعه دريميول وذهب جاسر ورنا وياسين و حازم الى جهه اليسار وبعدها سيتفرقوا
ـ يلا ادينا بدأنا مخاطرة جديدة
ـ اهدى بس كدة ومش هتبقى مخاطرة خاالص
ـ بس ياعم انت دة انت اصلا اُس المصايب كلها
ـ اناااا
ـ لا انا
ـ هو انتى فعلا
ـ ليه بتقول كدة
ـ مش انتى اللى سممتى جاسر
ـ اهو دى فعلا كارثه عارف ليه
ـ ليه
ـ عشان قابلتك لما سممته
ـ يخربيتك انا مش هتكلم تانى معاكى ايه دة
ـ ايوة كدة قول اي حاجه عشان مش عارف تغلبنى فى الكلام
ـ حتى الكلام بقى يتغلب فيه كل حاجه كدة فيها مكسب وخسارة
ـ شكلك كدة بتتغلب فى كل حاجه
ـ انا!!!؟
ـ اه انت
ـ طب يلا يختى نمشى بسرعه اصلك ماشيه على قشر بيض
ـ اهو كان دخل فى رجلى وريحنى منك
ـ ليه هو مسموم
ـ استغفر الله العظيم كمل يابنى كمل لحسن تمشى على قشرايا وانت بترغى
ـ طب يختى هكمل
꧁꧂
ـ يا سلام يارنا اخييرا همشى معاكى مش مع البت سهام
ـ علفكرة ابويا بيراقبك
ـ اه صح نسيت اصلى مع اللى ينسينى
ـ ولو ابوها مش موجود انا موجود ياحبيبى
ـ ههههه بهزر بهزر اكيد يعنى
ـ ايوة كدة نلم نفسنا عشان منزعلش نفسنا برضو
ـ حاضر يخويا حاضر اشوفك بس مع البت فريدة وهتلاقينى بنفخك
ـ يا ابنى دة انا بهزر البت اختى اهى براحتك خالص
ـ انت بتقول ايه ياحيوان انت
ـ ايه دة يا ابنى دة اختك بتشتم
ـ ايوة بشتم وبلعب كاراتيه كمان
ـ انا خوفت يجماعه بقولكوا ايه انا همشى مع حازم بردو اهو محترم وابن ناس
ـ ايه دة انا ابن ناس ناس مين يابنى
ـ لا انا همشى مع ياسين احسن الواد دة غبى
ـ لا يابا انا ممشيش معاك خالص انا حبيت حازم
ـ حبيبى ياصاحبى
ـ طب والفرح امتى
ـ على مين
ـ على الاتنين اللى بيحبو بعض دول
ـ انا مش بطيقه اصلاً
ـ انت اتخليت عنى يا حازم
ـ اه يخويا ايه القرف دة
ـ بقى انت مفهمتش ابن ناس وفهمت دى
واكمل وهو يقلد الكبيرة فحت:
ـ شكلك مش مظبوط ياولد
ـ لا ياخويا انا مظبوط
ـ طب كمل وانت ساكت يامظبوط كمل
ـ انا مكمل للآخر
ـ وانتى يابت متهزقينيش انا وصاحبى كدة تانى
ـ انا فخورة جدا
ياسين باستغراب:
ـ من ايه
رنا وقد انقلبت 180 درجه:
ـ فخورة انك بتعلى صوتك على اختك الكبيرة يا كلب
ـ والله اسف مش هعمل كدة تانى
ـ ايوة كدة لم نفسك احسنلك
ـ هلمها للآخر
ـ ههههههههههه
رنا باستغراب:
ـ بتضحك على ايه ياجاسر
ـ عشان حازم مكمل للآخر وياسين لاممها عالآخر
ـ ههههههههه اه ههههههه فعلا لاحظت دلوقتى
ـ انتو بتضحكو علينا
ـ اه
ـ اه
ـ ماشى
رنا بلطف غير معتاد:
ـ لا متزعلش منى
ـ اعوذ بالله انتى كويسه ولا تعبانه
ـ لا انا كويسه بس انا بقول كدة عشان ممكن دى تكون آخر مرة نشوف فيها بعض
ـ فهمتك ان شاء الله هنبقى بخير
ـ ان شاء الله
جاسر وهو سعيد بجو الاخوة هذا ويتذكر اخته فريدة
ـ ان شاء الله كلنا نرجع بالسلامه
ياسين بمرح:
ـ هو انت مش بتتكلم ليه يابنى حاسك محترم
ـ انا
ـ اه
ـ هو دى حاجه وحشه
ـ اقصد يعنى انك مكسوف متخافش كلنا رجاله
ـ بتقول ايه ياحيوان
ـ ايه ياباشا
ـ احنا قربنا نوصل علفكرة
ـ تمام يلا بينا
الكل فى نفس واحد:
ـ يلا بينا
꧁꧂
فى قلعه ملوكيوم:
ـ انا خايفه يا ماجد على الولاد
ـ وانا كمان
ـ مالك
ـ مفيش حاجه انا كويس
ـ كويس ايه انت مش فى طبيعتك وشكلك مش طايقنى
ـ لا بالعكس انا كويس اهو
ـ قول فى ايه هو كل دة عشان الحاجه اللى انا نسيتها
ـ انتى عرفتى منين
ـ انا هقولك على حاجه طالاما فى حاجه انا اخترت انى انساها يبقى انا مش عايزاها ومش بحبها ومكنتش بطيقها اصلا
ـ فعلاً
ـ اكيد انا مش بهزر انا فاكرة ان ساعتها كنت مخطوبه منك ولو انا مكنتش بحبك كان زمانى نسيتك انت... بس انا مرضتش انساك خالص ونسيت حاجه تانيه اكيد يعنى مش مهمه
ـ انتى عارفه ان الكلام دة منك انتى ريحنى
ـ ايوة كدة رجعت تانى زى ماكنت
ـ اه فعلا ها هنعمل ايه دلوقتى
ـ انا بقول نتفرج عالواد جاسر من البلورة
ـ اشمعنا جاسر يعنى
ـ عايزة اشوف الواد وحشنى
ـ هو بردو اللى واحشك
ـ بقولك ايه مانت فاهم كل حاجه اهو ايه الراجل دة
قالتها وهى تمشى اتجاه دولت وماجد مبتسم وسعيد
ـ اخيرا خدتها منك كان لازماً يعنى تجرى بيها دة انا هيغمى عليا من الجرى ياشيخ
ـ انا حاسس ان نفسى هيتقطع ياريت ماكنت جريت ها هنتفرج عالواد جاسر ازاى بقى
ـ فى ايه منك ليها مالكم شاكين فى ابنى كدة ليه
ـ بتقولى ايه ياسوسن
ـ بقول لو كان فى فشار كنت هتفرج وانا مستمتعه والله
ـ تتفرجى على ايه
ـ على بطوله ابنى
ـ فى ايه ياختى
ـ فى ارض اكيوچ وهو بيوصل الرساله للملكة
ـ محسسانى انو رايح يحارب دة رايح ياكل ياختى
ـ بس بقى اسكتو عشان نتفرج عالعيال بس ازاى
ـ انا هجرب
ـ جربى ياختى
ـ يا بلورتى يابلورتى مين احلى بنت فى العالم كله
ـ والله انتى بتهزرى يا دولت صح
ـ اهزر ليه
ـ هو انتى فى فيلم سنو وايت
ـ اومال هقول ايه
ـ بس منك ليه انا هجرب
ـ جربى ياسوسن هى جت عليكى
ـ انا عايزة اشوف جاسر
وبالفعل اظهرت البلورة جاسر وهو واقف بجانب ياسين
ـ اخيرا نجحت
ـ فى ايه ياختى دى البدايه انا هبدع متقلقيش
ـ انتو بتتحدو بعض فى ايه بالظبط انا مش فاهم
ـ اي حاجه وخلاص
ـ هو انا جيت متأخر
ـ انت ياخويا اكنك ماشى عالكورنيش وبطيييء اوووى
ـ طب فاتنى ايه ياسوسن
ـ شوف انت فاتك ان انا العظيمه انا
ـ ايه ياختى انجزى عماله تعظمى فى نفسك كدة ليه هو انتى وحدتي القطرين زي مينا مثلا ولا ايه دة انتى لو عملتيها مش هتبقى فخورة كدة
ـ المهم يعنى عملتى ايه ياسوسن يعنى
ـ خليت البلورة تفتح وشوفنا جاسر
ـ طب انتو كدة اتطمنتوا على جاسر هتعملوا ايه بقى دلوقتى
ـ هنجيب معلومات لسهام والعيال يا ماجد
ـ تمام يا عمرو
꧁꧂
على حدود ملوكيوم:
ـ لبستى الخاتم ياسهام
ـ اه يخويا لبسته وانت
ـ هو انتى ليه بتقولى يخويا علفكرة انا بكلمك باحترام
ـ عجبتنى ياخويا وبعدين رد على قد سؤالى يخويا
ـ اه يختى لبسته
ـ تمام يلا نعدى
ـ مالك وقفتى كدة ليه
ـ كان نفسى اعرف ايه هو اللغز عشان اعدى الحدود دى
ـ هتعرفى لما نرجع هتعرفى حاجات كتير
ـ الله انا بعدى بسهوله
ـ اه فعلا تصدقى ان دى اول مرة اخرج من الحدود
ـ بجد هو انت مكنتش جاسوس قبل كدة مثلا
ـ فى دريميول بالذات محدش يقدر يدخلها يعنى القناع اللى احنا حاطينوا دلوقتى لسه مخلصينوا اول امبارح
ـ هو بجد احسن اختراع
ـ معاكى حق حتى هو دلوقتى شغال
ـ هو المفروض ميشتغلش ولا ايه
ـ لا اكيد بس النسبه كانت قليله اووى
ـ الرسايل لسه معاك
ـ اه كل اما اقرأ الجواب دة احس انى حزين اوى
ـ اه فعلا اصل اختى اسمها رنا احاسيس عشان كدة الرسايل هتبقى حلوة وكمان هى اختارت ان لارا هى اللى تبعت الرسايل دى
ـ اه نفسى اعرف ليه
ـ هقولك... كل دة عشان الملكه قالت ان زين مكانش بيرفض طلب للارا
ـ اه فهمت
ـ يالهوى
ـ فى ايه
ـ هى دى القلعه
ـ اه
ـ دة لونها اسود وبتخوف جامد
ـ معلش يصغننه
ـ فى ايه ياض
ـ انتى كنتى متوقعه ايه يعنى تلاقى القلعه بيضه وفوقيها قوس قزح يعنى هو احنا فى سبيستون
ـ خلاص كل دة عشان بعبر عن احاسيسى
ـ هو انتى بتكتبى مذكرات عشان تعبرى عن احاسيسك
ـ خلاص انت هتقعد تتريق يلا بينا
ـ يلا ياستى
ـ متقولش ستى
ـ ليه
ـ مش بحبها
ـ ليه بردو
ـ هو انا عجوزة
ـ لا
ـ يبقى متقولهاش
ـ خلاص يلا ياختى
ـ ايوة كدة
꧁꧂
ـ يارنا
ـ نعم يا ياسين
ـ البسى خاتمك
ـ حاضر
ـ والكل كمان مش رنا بس
ـ انا تعبت من كتر المشى
ـ الله اكبر اختك بتشتم وكسلانه
ـ علفكرة انا بتهزق يعنى يا ياسين
ـ ايه ياض انا اختى احسن واحدة فى الكسل كله
ـ والله هجرى وراك اقتلك
ـ خلاص يختى بس انا بقول كدة عشان احنا مشينا شويه صغيرين بس
ـ معاها حق اختك علفكرة هى بنت وكدة لازماً تستريح شويه
ـ بقى كدة ياحازم يعنى انت فى الاول كنت كويس وبعد كدة قولت بنت ومين قالك ان البنات بتستريح دة البنات دول اكتر ناس بتستحمل
قالت الجمله وهى تسرع من مشيتها
ـ الله عليك يا حازم دة انت طلعت سوسة
ـ مش السوسة دى فى السنان
ـ لا دة انت اغبى منى انا شخصيا
ـ فى ايه يجماعه علفكرة انا زكى وبعدين اختك شكلها تبع حقوق المرأه صح
ـ انا حاسس بكدة برضو
ـ مدو كدة دة انتو بطيئين جدا
ـ الله يرحم ايام ماكانت عايزة تستريح
ـ حد بيقول حاجه
ـ لا كملى بس انتى
꧁نهايه الفصل11꧂