عارفه ان انا متأخره جداً في التنزيل بس حاسه ان ريتش القصه وقع و مبقاش في ناس بتشوفها إلا نادراً فمبقاش عندي إقبال للكتابه فيها زي الأول مع أن في أفكار كوميديه كتير جايه خصوصاً الفصل الجاي فيه نسبه كوميديا من وجهه نظري هي الأعلى بالنسبه للفصول الي فاتت فـ انتظروا الفصل الاسبوع الجاي
قوليلي رأيكم في نسبه الكوميديا في القصة؟ وهل هي فعلا كوميديه ولا انا قانعه نفسي بكده
ودلوقتي اسيبكم مع شويه مقتطفات من الفصل علشان تحمسكم ليه شويه يارب تعجبكم و تحمسكم ليه
_______
[ جوازة ولا جنازة ]
- خلاص، انا قررت اتجوز
- هو تقريباً سمعك بتقوله انصب عليا مش انصب المكتبة
- ايه رأيكم في المكرونة؟
- الجمبري؟ ده جميل، ده انا عمري ما دوقت محشي كرنب في طعامه الكفته الي عاملها
- حرام عليك خلصت المياه
- مش الحق استحمى قبل ما النيل ينشف
- يخربيت شخيرك، مش عارف انام من امك!
- وانا اعمل ايه يعني، عندي اللحميه الله!
- روح اتعالج ولا روح عند ميكانيكي يضبطلك العفشة الي واقعه دي
- الشيطان شاطر بس الولا جيمبو اشطر منه
- ايه جاب كحك؟؟
- كحك ايه ده فاتح فرنه في الورقة
- انتوا ناقصكوا حنان فبتحضنوني انا، اوعى يلا انت وهو من عليا
- لا لا انتوا فاهمين غلط، مش انا العريس اصلا، انا كوبري بس
- اسمك ايه يا شاطرة
- سونيا
- ده منظر سونيا؟؟ دي كابوريا
- انا بقول نخطفها و نطلب فديه من أهلها
- احنا محتاجين ثلاثه متر من السواد الي جواكي نفصّل بيهم بنطلون و جاكيت واهي حاجة تبقى مفيده للمجتمع
- ايوه اصل احنا بنحب بعض اوي حتى خلينا امهاتنا تسمينا زي بعض، بس انا الجزء الأول و هي الجزء الثاني
- ليه ليالي الحلمية؟؟!
- انتوا هتنصبولي المحكمة، ايه قاعده الفور كاتس دي
- ايه يا ابني أنت وهو الحريقه الي انتوا عاملينها دي
- اهي أفكارك الطين دي هي الي كانت هتخلينا نقابل هتلر بدري، مودينا دوّار العمده، انت اتجننت؟!!
- مهو ده بقى الي انا خايف منه، كل مجايبك زباله
- اتفو اع بجد، ده انتي لو صاحبتي ابوس رجلك علشان تخونيني
- وانا كمان كان واعدني بس انا وصاحبتي قولنا ناخذه لوكشه سوا، ياخد واحده ومعاها واحده هديه هاهاهاي
- ليه هو كان عرض زبادي؟!
- انت خطتك كلها زباله
- اشكرك
- لا بجد زباله زباله يعني
- اشكرك ده شرف ليا
- جايه كلها من ورا الجاموسه
- يا اختي انا خايفه الأنبوبه تكون فضيت، مهو الضحك ده كله يبقى آخره مصيبه
- لأن الإنسان لا يجوز أن يتجوز الحيوان
- اوعي يا عمااااي اوعى اوعى متلمسنيش!!
- بس ممكن مع شويه تزويق هيتعدل
- والله لو الشارع كله اتلم وقعد يزوق للصبح ما هيتسفلت وش السحليه العارجه الي واقفه دي
- انت بتفكر في الي بفكر فيه؟
- هو نفس الي انت بتفكر فيه
- ازغرط ؟؟
- لا صوّت
- يالاااههووووي